富怡粉麵中西美食餐廳

营业中

休息中

我很喜愛的「富怡粉麵」，主打「新派潮式坑腩、肥腩」，還有牛舌、牛𦟌、牛肚，都做得好，簡直是愛牛人士之地。典型港式粉麵店格局，環境少許麻甩，我通常外賣回辦公室吃。所謂「新派潮式」，我覺得滷水汁比較濃，甜度較輕卻更惹味，略帶些五香柱侯醬的味道，燜製出來的牛腩是爽與滑都有做到。麵底通常我會選擇河粉，爽身；加上我通常要「加色」多腩汁，河粉非常掛湯，配合來吃是平凡中顯滋味。我通常都是雙拼，幾款互相搭配，「坑腩牛肚河」$52牛腩的份量夠多，而且塊頭大，在中間堆成小山丘，味道做得依舊好：坑腩牛的隔膜部位賣相不錯，口感比一般牛腩實在，牛肉味道更濃，而且不鞋口：牛各部位也炆得入味，那個五香滷水汁膽，值得一讚：滷水牛舌是我強烈推介，入口軟綿，香透：而且此店每碗粉麵附送的生菜都很多，不用另外叫油菜，夠健康又可慳返啲盤川！

九龍灣說是商貿區, 其實也有很多工業大廈, 形成陳舊和光鮮互相交錯的市景, 這裏餐廳的選擇除了工廈飯堂, 又或者是附近住宅商場的餐廳外, 也有怡富這家牛腩牛雜粉麵店, 是我在這區最常光顧的. 沒有甚麼光鮮的裝修, 就是煮麵的爐和滷水牛腩牛雜放在窗邊的經典風格. 牛雜牛腩河的份量比平時街邊吃的粉麵店多, 無論是河粉還是配料, 牛腩沒有什麼特別部位, 但就是點了較肥的部位, 非常嫩滑, 接近十塊的份量也相當慷慨. 河粉沒有因為份量多而糊化, 夾起來依然是完整的長條. 湯頭加上滷水, 配上潮州辣椒油, 再點一碟酥炸魚皮浸湯, 就是經典.Kowloon Bay is said to be a business and trade district, but in reality, there are also many industrial buildings that create a mix of old and modern views of the city. There are various restaurant options here, besides the cafeteri

🍛呢次去食嘅餐廳, 啲牛腩河真係一試難忘💡啲牛腩質感好到不得了，細細塊嫩滑，食落去即刻覺得幸福感爆燈🎆！啲河哦，條條分明，帶啲彈性，同啲滋味十足嘅牛腩一撈一夾，每一啖都過足癮。佢哋啲至尊河仲要落足料，有蝦、有魷魚，七彩繽紛，啖啖鮮甜！食物質素啱唔差嘅，就系份量多到女仔可能會攤番出嚟👧。而且，佢哋嘅辣椒油，哇！嗰個香味喺口腔立即四溢，帶嚟咁興奮嘅感受，每次食完都令我期待下一次再嚟探尋呢座味覺嘅樂園🌈。總之，喺呢度食飯，開心同滿足度爆表，真係食得一愣一愣咁！

今日嚟到工廠區，唔想食太飽又唔想食連鎖店，就入咗呢間富怡試下。點了一個牛腩河$52，姐姐話下午茶時間加$5有杯野飲，要了凍檸茶。牛腩河湯底是深色，但飲落唔太咸亦唔重味精，唔會覺得口渴。牛腩偏瘦，得少少少肥，但唔會痴牙，而且煮得好淋，有牛肉香。河粉細滑好味，而呢度提供嘅辣椒油不會太辣，嗜辣嘅朋友要多加一點了！$52 一碗的確是偏貴，但份量很充足夠大碗。杯凍檸茶亦做到少甜少冰都夠茶味，餐廳使用膠飲管，如果可以轉用紙/可分解飲管就更好更愛地球🌍。餐廳環境一般，座位偏窄，但尚算衛生整潔！

.店舖裝修平凡，路過都唔起眼，不過食物高質素，而且店員好有人情味💛.招牌切腩飯 $67牛腩份量都算多，切得好大件，啖啖肉🤤牛腩入晒味，炆到好淋；下面有生菜同蘿蔔，蘿蔔吸晒牛腩湯汁嘅精華，非常入味😆💕.招牌切金錢肚飯 $67金錢肚同樣好入味，味道濃郁，有咬口😋 而且湯汁唔會太鹹🤤下面都有生菜同蘿蔔👍🏻.兩碟飯都好大兜，相信男人食完都好飽😆下次會再去💛

雖然呢度既裝潢平凡，外表必不看眼，但就好似說明呢度既重點唔係外觀，而係一碗實實在在簡單既牛腩麵，就係咁做到日日午市爆滿，就可以了見到佢既唔簡單😋😋😋呢度係牛腩除左每件都入曬味又淋外，每一舊都會連住少許肥膏😻軟淋淋好好口感，而且牛腩份量非常足料，一碗已經好夠飽呢度加15蚊已經有套餐就會有一大碟油菜同埋凍飲，係一個好滿足既lunch不過呢度因為唔算大所以用餐時間比較短，同埋只可以俾現金所以略嫌有點唔方便

事緣當日lunch想急急腳叫碗粉走，又冇乜人幫襯，都可以搞到咁^^一入到去同個收銀阿婆講：我: 唔該一碗牛腩河拎走阿婆：下？我: ??(重複多次)阿婆：牛腩河啊？我：？？係呀阿婆：你同廚房部講我：(下？)哦(之後同廚房講, 廚房同我講幾錢阿婆：幾多錢呀？我：下?!（心諗冇嘢啊你仲要問返我轉頭？）然後阿婆再喊入廚房問價錢之後再面對面問佢有冇檸蜜賣至少兩次，唔知佢冇聽到定係唔想理啦，心諗算數啦唉唔飲啦叫碗粉算數！！之後我行返出舖頭等外賣費事阻住。隔離有個拎外賣嘅客人，另一個阿姐就拎出嚟俾佢。到我個碗，個阿姐可能見我年輕啦，又或者見到我有啲炆，就望住要我行返入嚟拎👍🏻So far碗嘢都係普普通通，而次次行過都唔多人食。一碗外賣都可以搞到咁，明晒啦！👍🏻👍🏻

富怡粉麵響九龍灣開左好多年，呢度家庭式經營，兄弟班底精制潮式牛腩牛肚牛筋，已經食過好多次，牛肚鹵得入味, 口感爽彈、湯又夠濃、粉麵份量十足，收費亦合理。 估吾到連早餐都有，外賣仲要$25巳經包埋凍飲，真係良心價，有6款不同選擇，可以日日都唔同 1. 火腿回鍋肉通粉2. 沙嗲牛肉煎蛋麵3. 雪菜餐肉米粉4.腸仔米粉5.雙丸河粉6.魚腐米粉三文治只係$20.. 早餐黎講真係好抵食。(奉送咖啡或茶、凍熱同價) 地址九龍灣常悅道19號福康工業大廈地下G/F, Fook Hong Industrial Building, 19 Sheung Yuet Road, Kowloon Bay

小編公司附近有間名字很長的餐廳叫【富怡粉麵中西美食餐廳】，每次夜晚唔想煮飯就會在這裡簡單買個外賣加餸，非常方便。 餐廳內環境一般，所以小編比較喜歡外賣，安心又舒服。餐廳叫【富怡粉麵中西美食餐廳】，又中又西……望完餐牌，其實是粉麵店比較正確。今晚叫左牛腩併牛筋，雙併$120。唔係牛腩專門店，賣相麻麻，唔吸引。以工廠區茶餐廳來講，價錢唔算平，勝在份量夠多搭夠。炆牛腩湯汁味道濃郁，但有點偏鹹。唔似坊間清湯腩專門店，沒有分開坑腩、崩沙腩、爽腩；勝在每塊牛腩都帶少少軟膏肥脂，又炆得夠鬆軟，入口軟綿有牛味。 牛筋同樣非常出色，腍滑之餘又不會太過軟，保留了適當咬口。 上星期叫左牛腩併牛肚，雙併同樣 $120。就個人的喜好而言，牛肚就差了。並不是塊塊金錢肚，大部份只是牛草胃，口感偏軟偏腍，缺少金錢肚的爽口彈牙，在牛的四個胃中也相對便宜。小編每次加$1 多碗牛腩汁。這個牛腩汁非常濃味，用來加水煮麵非常正！

富怡粉麵檔吃過很多次，家庭式經營，兄弟負責牛腩牛什制作，老媽收銀，店員都是中年師奶人士，麵檔環境，麵檔整潔程度，麵檔服務水平。牛什煑得好軟熟好入味，很少麵檔能把牛什鹵得那麽徹底，餸的份量很大，麵的份量也很大，相信體力勞動者也會很夠飽，湯是超級好，色澤深，味道比牛什味更濃郁但吃完卻不口渴，另一大讚是上檯前放入大量炸蒜及切蔥，加上一匙潮州辣味，那種好吃程度不難想像。兄弟同心，有心有力，其利斷金，很好的一家牛腩牛什麵檔。

呢間粉麵真係值得推介，雖然裝潢平凡帶點復古但次次lunch time都會坐滿。除左好吃就係大大碟，完全可以滿足男士嘅胃容量🤣不過疫情期間，大家都係外賣好了。午餐係包一份主食加一碟菜同野飲。因為我吃唔哂避免浪費就單點一個招牌切腩河就夠啦。佢d牛牛真係舊舊都好林，每一舊都帶有少許肥膏，牛味非常之濃，個湯頭亦係不得之了，牛腩既分量係非常足料，即使單點一碗粉，入面都有好多菜係入面。 仲有一樣值得推介嘅辣椒油!!!!!個辣椒油不算好辣個樣，但係炒得好香，同牛腩簡直係絕配丫!!! 雖然佢比市面嘅粉麵略貴，但個價錢差距絕對係抵比!!! 因為冇一次令我失望!!!

以前在九龍灣返工, 也沒有留意這家主打潮州粉麵的小店, 看過龍少爺的Blog後去品嚐, 在這個工貿區, 很少有主打潮州粉麵餐廳, 大多是快餐店, 又或是去遠一點, 德福商場的連鎖食肆, 所以這家在九龍灣也算是一個異數. 這裏主打切腩, 想不到質素比筲箕灣三寶還要好. 大塊頭但煮得恰到好處, 橫隔膜夠彈牙, 中間肉層嫩滑軟糯, 脂肪甘香, 完整的三層就是切腩應有的形狀. 沒有牛雜, 就只有金錢肚和牛筋, 金錢肚鹵得入味, 口感爽彈. 河粉煮得剛好而不糊爛, 在九龍灣以至是整個九龍東也是一個驚喜. 至於淨雲吞一碗五大粒, Size比很多的巨型, 和平時吃的有點不同, 它的內餡不是蝦肉和豬肉的融合, 而是蝦肉和豬肉分開兩層, 見到其蝦肉的足料和新鮮, 只是我還是喜歡兩者融合起來, 相輔相成的味道就是.

九龍灣餐廳唔多，呢間比較就腳，間唔中都會食，但次次都俾Ｄ姐姐大聲喝罵！惡到九龍灣出哂名！！無論外賣定堂食都無一幸免，外賣大聲喝你３步曲：食乜！俾錢！俾完出去！唔講以為店入面坐滿客呀！實際只有小貓一兩個。疫情期間想環保帶外賣碗去，一樣俾姐姐鬧：唔知你邊碗打邊碗呀，唔識入呀，自己包裝番呀！貼錢買難受食到好驚！唔會有下次！牛腩好瘦，煲湯肉咁想受氣食呢間就無錯啦！！！！！！！！！！！！！！！！！！！！！！

依排同同事四圍搵野食，今次黎到食最岀名嘅切腩，牛腩就食得多，切腩就真係第一次食。依到店舖唔大，坐得有小小迫，隨時要同人撘枱。起初認為依到價錢都貴，叫左碗切腩拼韭菜餃河 都要五十幾蚊，但黎到食落都覺得真係值先講下佢個份量都大碗，切腩都比得多，食落好諗👍🏻，仲有會加左菜底係入面，而個韭菜餃個皮好薄餡多，都大大粒好新鮮食腩河最重要當然係個湯河，夠哂濃，未食個時都係門口聞到好香，吸引左入黎有幾會下次都要再黎encore

公司附近有一間外表睇落去都幾普通嘅潮式粉麵店，但自從試過一次佢哋啲牛腩之後，就覺得佢都算係隱世美食。我第一次食呢間野嘅時候，看到佢地餐牌，係覺得價錢非常之貴！佢地一碗單拼粉麵都要$45，喺九龍灣工業區嘅舊店消費來講，定價係非常進取！但見佢午市果陣總係塞爆人，我估應該都唔錯掛。因為粉麵唔太抵，所以我自己個人黎通常都係食佢哋個飯招牌切腩飯，一個餐差唔多價錢好似抵Ｄ。今日都唔例外，叫咗一份招牌切腩飯加凍飲都係$59，感覺上OK。凍檸蜜要再加兩蚊，但係都算幾大杯，唔錯。佢哋嘅牛腩其實係算切得非常大件，而且係好特別好似燒肉咁係方柱體嘅。至於味道，唔係一般嘅柱侯牛腩，亦都唔係清湯腩，佢地話係 『潮州新派切腩』，其實算係比較少見嘅潮州滷水牛腩。牛腩入味，但唔會太多醬汁味，會食到肉本身的味道，亦都唔會炆到非常稔，而係保留返個比較彈牙嘅口感。基本上佢哋牛腩都唔會過瘦或者過肥，好似每一舊都係標準，有瘦肉連埋一啲肥筋膜相間，咁樣唔會太肥又唔會太柴唔好食。一個飯餐嘅牛腩份量都好多，下邊仲有個生菜底仲有啲蘿蔔，吸哂Ｄ牛腩湯汁嘅精華，最緊要係佢個汁唔會太油太膩。如此小店出品，竟然同市區的牛腩名店能有一拼，可以話都