富源潮州麵食城

营业中

休息中

原本嗌左3餸 雲吞 韭菜餃 牛腩返到屋企打開發現漏左雲吞🤌🏻🤌🏻🤌🏻🤌🏻我到底攞唔攞返住兜野落嚟同你講你漏左好？定陣間你會話我講假？🤔唔該你地check清楚啲單 睇清楚人地嗌啲咩先煮野野啦唔該🙏🏻🙏🏻我$50$60蚊碗麵 少一樣餸你叫我條氣點gur呀🫥

星期日早上，來到小西灣，準備去茶記之際，看到一間潮式牛雜麵，就衝了進去（早餐食牛雜，真😅）麵店環境企理，餐牌上的潮式麵選擇亦算豐富。剛坐下，看見員工在拆麵袋，隱約看見裏面寫着「香港麵粉廠」，雖然不是自己做麵團，也算是支持本土做的麵。我點了一碗牛雜麵和奶茶。份量充足肉質口感頗佳，牛腸乾淨，湯底麵質尚可，+1點辣椒醬能提味。奶茶則一般，不過不失。看見餐牌上有豬紅，原想加點，不過員工說時間太早貨還未到。還有，他說如果只加豬紅到麵裏，只需8元，如要整碟則要三四十元。牛雜麵為食指數外觀味道飽肚總分滿分 = 1/2

同事知我要減肥，介紹我黎呢間粉面檔食lunch, 面口細細行過可能錯過，入面大約有10張枱，裝修普通略舊，但尚算乾淨叫左碗韮菜餃幼面（$31），餃有4隻，肉唔多，韮菜味幾香，比較細隻，31蚊黎講過得去炸魚皮（$12），魚皮好多人叫，大碟薄脆，無油益味，都幾抵食油菜：腐乳通菜（$10），大碟夾抵食，d菜都新鮮，腐乳都俾得夠多食飽到要抱住個肚走，lunch仲有菜食，夠哂高纖維幫助腸道健康，如果加埋凍飲都係6蚊

二人行，下午茶雙拼粉面連飲品收你位位$30，筍！試咗口⋯⋯⋯好有傳統潮式粉麵店風味，想加單望吓牆身貼啲乜？原來係👉🏼好掂一支骨$33🐔就點佢啦！皮唔算太脆，應該佢哋煮法係咁，幾香、雞肉夠 Juicy，外觀可能舊式咗啲但地方乾淨企理，通風做得好，起碼食完唔會周身牛腩味，以潮式粉麵店嚟講做得好👍🏼

係小西灣區，做宵夜時段既舖頭唔多，唔想食連鎖快餐店的話，不妨試下里間小店。佢主打潮州麵食，而我最欣賞既係佢既牛腩。我最怕牛腩又韌又多渣，但佢既牛腩又香牛肉味，又爽口唔韌。加上腩汁既加乘，做宵夜一流。

晚餐去左呢間餐廳度食，叫咗碗牛腩河粉，噉呢度啲牛腩係牛坑腩嚟嘅。呢間鋪頭啲辣椒油辣夠香，所以嗰啲牛腩點左啲辣椒油，會好好食噉另外加咗碟油菜啦，我就唔要蠔油汁，叫佢加啲牛腩汁落去碟菜就10元，碗麵就27元。

今日同朋友睇完戲已經11點，好肚餓嘅關係我地就去咗屋企樓下食麵，雖然已經11點但估唔到仲有幾枱人食緊。我嗌左個牛肺墨魚丸麵，加咗啲腩汁，啲腩汁好濃味，睇來啲牛腩應該浸左好耐，所以個湯好入味，而且啲墨魚丸好彈牙，本身個麵廿八蚊，雙拼都係加五蚊。嗌完唔使5分鐘就已經有得食，呢個價錢加咁夜都仲開緊，其實性價比好高，仲要係我屋企樓下應該會成日都嚟食

今日因趕時間到這店鋪叫外賣，點了魚蛋粗。開始時打開個麵都靚靚仔仔咁，食d魚蛋都幾好呀。嘩我夾個麵，個麵好像未煮的杯麵一樣，硬硬地與碗底同一個形狀，仲要痴住左。我之後需要自行整散個麵才能夾起。粗麵d麵質浸淋左，不是一個好的感受。我估是一早煮好個麵放入碗，有客加水加餸。結果我只食了餸，麵就不了。另一方面評分點解要寫夠200字呢，我相信大家都只是想分享下自己的經歷。更況不是人人都叻寫野的，我就正正是其中一個。

今日落街買外賣，去咗富源潮州麵食城，見到佢門口有個牌有蠔餅食，就點左份黎試吓，佢嘅蠔餅都幾大份，我哋兩個人分享嚟食差啲食唔晒，可能叫咗外賣，返到屋企已經唔係太趣，但我相信堂食會好食好多，下次有機會試吓

晏晝想食碗雲吞麵，就去咗小西灣富怡花園樓下嘅富源潮州麵食城買咗碗雲吞麵外賣，點左個雲吞麵加底走青，因為自己唔係太鍾意食蔥，所以點左個走蔥試吓，佢嘅麵質彈牙，冇鹼水味，雲吞份量都有返咁上下，蝦冇腥味，大家可以去試吓

喺小西灣夜晚探索總會發現啲驚喜，而呢間富源食城就係唯一喺夜晚吸引到我入去食嘢嘅地方。入到去充滿人情味伙記第一時間問你「幾位！想食啲咩啊」身為熟客嘅我梗係可以即時講到想食咩啦！一嚟就嚟碗牛腩米，佢嘅牛腩經過嘢味嘅湯底所炮製。而且牛腩好嫩滑入口即溶，係我最肚餓嘅時候作為我精神嘅食糧，加上一杯凍檸茶簡直係天衣無縫嘅配搭。

細個時讀書成日話香港地少人多, 寸金尺土. 而家仲誇張.....想平平地食D野填下肚真係唔易有時唔係好餓想去食個車仔麵都話要成$40落樓既, 你叫我點食....富源我之前食過, 覺得幾好...今日再試...依然不負我所望我叫既係切腩麵, 佢個湯好香好濃, 食麵時連埋湯一齊食真係好正!! 我唔好以擔保佢唔係味精湯, 但飲完個湯你唔會覺得喉嚨唔舒服/ 好渴. 切腩食落幾香, 但略嫌有少少既韌, 但可以接受的!$24 碗好味既麵, 講真, 而家係香港係邊搵?我唔可以話佢好味到飛起, 但真係食得超值! 好過去D人又多, 又貴, 唔唔係話真係好好食既粉麵舖仲有既係個老闆好好招呼, 食得舒服又開心

一直都係係度食牛腩河 , 覺得河粉一直都唔錯,有口感 .牛腩就越來越唔掂 , 細件左仲好柴皮.個湯都幾咸.因為每碗都會加腩汁 , 想食清些要講走汁 . 其他食物都試過 , 魚蛋 , 牛丸, 牛什 .等等...都可以的.

食完雪糕太飽...唔係好想食晚飯，於是去左呢間店食粉麵，之前食過幾次，味道普通，勝在夠平。今次揀左魚皮餃河，19元，好抵。食入口，河粉粗幼不一，賣相不甚美觀，魚皮餃的皮則太厚，味道也很一般。此店真的只勝在價錢平，食碗麵加碟油菜都只係26元，而且佢開到好夜，適合想食宵夜或者對味道無咩要求的人。

十一月下旬‧轉涼我知，唔應該叫切腩咁冒險的，叫牛雜應該穩陣得多。但入店時問佢有沒有爽腩，佢這「盡比」。結果都比得唔係好盡，碗中的牛腩是韌韌的，吃得一口渣。也要了碟油菜，我雖然不喜歡吃淥得過腍的菜，但如是晚般淥唔夠時間，咬起來是「索索聲」的，同樣不喜歡。勝在唔貴，就是真的。還有佢開得夜，也是賣點。