富源潮州麵食城

营业中

休息中

今日下午嚟到呢間 “富源潮州美食” 食個下午茶叫了個牛什米 + 油菜(介蘭) + 凍央 ($28) ... 雖然，食品賣相普普通通，但係食落又幾好味，尤其係個牛什米，牛什食落幾淋，同唔痴牙，味道濃郁…. 而油菜(介蘭)，都幾新鮮，由於少油，所以都幾健康… 總括，都算唔錯…

因為晚上約了老爺奶奶吃飯我和老公仔都早了到達目的地但因為肚餓關係剛剛落小巴就對到正的: 富源潮州麵食城好幾次都想去試一試於是問了老公仔~~原來大家吃過早餐之後一直到5PM 都仍沒有吃午餐算吧~~~反正肚子餓想吃就去試吧鋪面都算乾淨我們坐下看了餐牌的介紹老公仔點了: 牛什河 + $10 飲 龍鳳檸樂小兔貓點了: 紫菜魚旦河 + 芥蘭走油我雖然沒有吃老公仔的牛什河 ~~但已經感受到牛腩湯底的味道~~~老公仔挾了數件牛肚比我吃~~~好入味丫~~而我吃的魚旦也好新鮮~~~唔知係唔係太餓的關係~~我幾乎把湯都飲完~~~証明了真係幾好味~~有機會我應該會再來一碗

經常都會黎食碗清湯牛腩河,見咁耐無人寫過呢間野,所以都講小小以前都曾經係富源試過唔同麵食,牛腩,牛丸,牛根,水餃,雲吞.....到現在都9成係食牛腩河,其實佢D牛腩唔係次次都得,大約4次有一次好掂,肥瘦合適,淋得黎又有質感,不過要食幾次先會出現一次好多時D牛腩可能唔係好靓的部份,應該係D邊位,真係好似D樹皮一層一層,好粗糙好(鞋).完全唔得.不過多數都係在二者中間,好壞各半,要睇吓好唔好彩才會食到我以上所講的肥瘦合適,淋得黎又有質感的牛腩了其他麵食都可以的,不會太差....如牛媽根,牛丸都唔錯

$14一碗,要菜OR飲品就加$5,,我食通常都會走腩汁.清清地,.算係咁啦.銅鑼灣要成本20碗呀..勁貴!!

星期日，去買點海鮮回家煲海鮮湯及煮西餐。本想去吃碗粉麵，利苑是日休息，見這間未試過，就來吃碗牛腩粉。坐低問有沒有爽腩，阿姐答有牛什，咁有無肥腩？佢問我係米要牛肚，絕對的九唔搭八，求其啦，有牛腩的就拿來。叫杯飲品又係勞氣，要凍咖啡，阿姐又問係米凍檸賓，絕對唔掂。牛腩是切腩，煮得不腍，嚼下如咬柴皮，有一半是一咬便知要放棄的，其餘的不算好，但還算咬得下，水準以下。唯一可喜的是，要了多蔥，真的是幾多蔥。唔記得講，碗粉要了紫菜，吃完至醒起佢漏了放﹝定阿姐又聽錯了﹞，唯有叫佢張單減番5蚊。講到這裡，唔使多講都知「服務」一欄會比幾多分了。埋單23蚊，不是貴，但未必會再來，再來也只會吃牛什。

試了筋腩撈麵．只可說水準一般，牛腩有少少偏肥，但個腩汁不太差，算ｏｋ．筋都算淋，可以收貨．麵身只是大路貨．整體嚟講水準可以接受，如果好想食牛腩而唔想去遠ｄ嘅地方，係冇乜其他特別出色嘅選擇下，呢到可以一試．

呢間鋪o既出現，搞到小西灣間間賣魚蛋粉o既鋪頭都進行減價戰...其實真係要多謝佢。12元大大碗，初出道時真係幾大碗，但料同麫唔掂。不過因為初經營，所以算數。後來從富欣一賣清湯腩o既老細同埋其它食客得知，原來富源個老細o係油尖旺果邊做開10蚊雲吞麫，來到港島呢度，料冇變，價就加o左兩元，真係火都o黎。先講料，牛什，有怪味，似下等貨同唔太新鮮。牛腩，似食豬腩肉，唔入味又唔乾淨。水餃同雲吞，個心成日唔熟。麫同河粉：好重麫粉味，有時仲痴埋一舊舊，根本就未整熟。河粉亦唔滑。湯，濃同冇特別，次次都要飲好多杯水至可以中和。如果唔係因為佢出現而令到全區魚蛋粉減價。真係唔會再去。

7月X日~8月X日新開的麵店，麵食均一價HK$12.-。位置好，十字路口人流夠，地方不大，試了三次，可用客似雲來形容。雲吞：中粒大路貨。牛腩：切腩，淋而入味。麵：鹼水味稍重河粉：滑一滑辣椒油：夠香辣湯底：師父稍重。份量足，不會將貨就價。