富臨漁港 (已結業)

今日放假約左係觀塘整眼睫毛，同媽媽飲個茶先去，就揀左呢間富臨起初以為呢間富臨飲茶應該幾貴，但睇返張下午茶優惠點心，發現原來都幾抵食剪釀茄子熱辣辣，煎得幾香，幾好味，上面仲有少少炸蒜平時咸水角得3隻，呢度竟然有4隻，都係新鮮整出黎，但味道就合格，個餡唔多好食同皮太厚蝦餃大大粒，都可以話係皮薄餡靚，性價比高燒鵝好香，不過就肥左少少，同d毛清得唔乾淨見到燒乳鴿咁抵食，梗係要叫返隻！食乳鴿正常都會落淮鹽，而我就同上菜姐姐要求要淮鹽既時候，佢竟然同我地講乳鴿做緊特價，所以唔會比淮鹽！我哋聽到真係覺得好好笑！最後問部長拎！乳鴿係凍嘅，小小燶，一啲都唔脆，雖然平，但味道好一般！最後仲叫咗個薑醋，得個甜字，薑味冇乜，隻蛋完全唔入味總體來講質素都ok， 抵食，性價比高！

好少寫食評，食完佢地既打邊爐真係要爆啦....本來係想食隔離個間，點知無哂位，就走左入富臨，一入到去都仲有好多吉枱，但心諗打個邊爐可以衰得去邊所以就坐低左。138位，任食任飲百事、獅威、7UP、美蓮達，食物款式好少，連醬料都得幾款要自去出去拎湯底叫左醉雞，唔係而家寫返出來都唔知自己原來係食醉雞煲，因為係咩味都無......未放隻雞前，個湯就白白地色有好少好少既藥材浮係面，放左雞之後，嘩，個湯油到你唔信，個湯即刻轉左雞油既黃色....足足用左5分鐘先潷走大部分油，個湯叫仗清澈返少少叫左第一輪，炸魚皮、支竹、響鈴、栗米、肥牛、滑牛、鵝腸、午餐肉、芝士腸、生菜炸魚皮...未浸湯前硬過石頭，浸左半秒湯之後變左橡膠...完全咬唔開響鈴未浸湯已經見到係淋哂，支竹就點煲都係甘硬，栗米係苦既，滑牛一D味都無.....可以入到口既只有肥牛、午餐肉同芝士腸。既然肥牛可以入口就叫多一碟，點知第二碟個樣同第一碟係完全唔同，第一碟係淺色D同埋大塊D，第二碟係好深色好細塊，但第二碟既牛係硬到好似食香口膠甘，我咬左2分鐘都未吞到，咬又咬唔開，第一碟之後既肥牛都係俾D質量差既你。全餐飯大家就主打食午餐肉、芝士腸，最後

上星期六约左朋友聚会, ㄧ早约定諗住来食$188/斤的阿拉斯加蟹。但加左價$288/斤, 咁貴唔食。入到酒樓, 人多到及坐位密麻麻, 差不多背貼背。我們安排在角角位,的待應都入唔倒来。待應又少, 叫極無人加水,最後要自己来。又倒瀉水在我朋友褲上。總之又嘈又亂。可能他們安排食火鍋及晚飯的坐在ㄧ起。真係好'熱'鬧。的餸係抵食的及有好多特價嘢, 但服務欠佳呢? 應該唔會有下次了。

觀塘區係我長大嘅地方，觀塘廣場都係以前美食嘅集中地。今次就帶咗屋企人嚟到觀塘廣場樓上嘅富臨漁港食晚飯。其實呢間富臨漁港我都嚟過好多次，但之前都係飲早茶為主，晚餐都係第一次食。見到餐牌上面，唔同菜式價錢都不算太貴，我哋就叫咗一碟豉汁蒸白線、炒通菜、麻婆豆腐，同埋每人叫一隻鮑魚。食物質素味道都非常唔錯，同埋上菜都非常之快，侍應嘅服務態度都非常之殷勤，不時過來同我們傾計，見到佢哋同班顧客關係都非常融洽，感覺上好有人情味。最後買單大概六百幾蚊，價格都算公道，有機會會再嚟食。

【#SUPERMAMA開心SHARE】鮑你有參好抵食@富臨 最近睇到富臨做特價 一於去食啦 最抵食就係「蠔皇八頭鮑魚扣金錢」 真係成個煲咁上，又有西蘭花，蠔汁炆得又稔 老人家食都得 海皇燉冬瓜盅$98 貪佢清清地，冬瓜去濕又健康 海鮮都唔少，仲加左火鴨同夜香花 而且份量好多，有成6-8碗 海參花菇玉掌煲 海參都好大條，而且炆得好入味 花菇大大隻，配上小唐菜，感覺豪華 鵝掌好吸汁，好好食 用料咁豐富都只係$108，非常抵食 泰皇蝦球通菜$78 通菜認真滋味，因為有蝦乾提出更豐富味道 菜式很下飯，於是我地點左2碗白飯配食 $10@ 1人半碗，都食得晒

✿╮❤╭✿ ✿雜感女生 好味日記✿ ˚*•✰。富臨．鮑魚小菜飯局。✰•*˚ ✿✿小滋女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 和我家大人們吃飯，一定是選擇粵式中菜 富臨的出品有保證，加上位置方便 是夜又到富臨吃傳統中菜 看到餐牌，大人們高興，是超抵食的價格 吃得開心最重要！ 湯品：海皇燉冬瓜盅 賣相美妙，味道清新 用料多多，有蝦仁、蟹柳、火鴨、夜來香 平分之後更有得添湯，不錯 蠔皇八頭鮑魚扣金錢 CP值極高，抵食必點！ 蠔皇汁濃郁香滑，鮑魚彈牙入味，質素不錯 所謂「扣金錢」即冬菇，炆得非常入味 泰皇蝦球通菜 條條青綠鮮嫩，以微辣快炒 特別吸引，除了大蝦仁，更有蝦乾 2款口感，提出大滋味 豉汁蒸白鱔 店員推介，肉嫩皮滑汁甜 白鱔的豉汁配上白飯可以令人食多幾碗 杞子桂花糕 友善的店員送甜品 大人們最愛的清新桂花糕 杞子明目，桂花清香 甜而不膩，大人們最愛 小評： 味道：★★★★☆ 環境：★★★★☆ 服務：★★★★☆ 衛生：★★★★☆ 抵食：★★★★☆

係觀塘返工，雖然四圍好多工廠大廈好多嘢食，但如果帶屋企人一齊去嘅地方就真係唔算太多。今日上咗觀塘廣場嘅富臨漁港食晚飯。想到去嘅時候都見到幾多人下，好多都係一家大細一齊食飯。而且都坐得幾舒服嘅事，又有電視睇。我哋叫食鮑魚，三個小菜，一個湯再加經理推介嘅生煎包。小菜方面全部都好滿意，份量啱啱好，而且好新鮮。特別推介嘅係呢條白膳，好香魚味，而且又唔會太油膩，啱晒老人家食。另外一個重點推介係呢個生煎包。估唔到佢咁好食，外脆內軟，而且餡料都好充足。埋單都係六百幾蚊，四個人食再加上咁多餸菜都真係算好抵！我哋以後又多一個食飯好去處了

屋企人黎開APM行街順便約我收工一齊食埋晚飯，咁急一下子諗唔起附近中菜有咩好選擇。落車行經觀塘廣場見富臨漁港做緊幾個小菜推廣優惠，於是就提議去試下！　經理推介我地熱賣既蠔皇八頭鲍魚扣金錢，見鄰台食客既實物都唔錯，咁我地4人各點一份過下鮑魚口癮。沾上濃稠蠔油汁炆煮好既鮑魚，色澤金黄滑身，肉質不單止爽口彈牙，兼配大大隻厚肉花菇，將鮑汁徹底吸收晒超入味！食完鮑魚就點左個熱騰騰既鐵板雙葱爆手切鮮牛肉，上檯時盪手冒煙既鐵板仲發出幾下吱吱聲。京葱、洋蔥落鑊爆香左後經已迅即喚醒你既味蕾，再加上熱力把牛肉內在既油香釋放出黎，肉質入口嫩滑，味濃而不乾涸。最後自私D想食下香辣風味既青菜，於是叫左一碟泰皇蝦球炒通菜。蝦肉上碟size大小勻一，咬落爽口唔會霉。通菜本身就用上香料辣椒炒香，雖然不及泰式餐廳果種辣既，但勝在微辣之餘又幾開胃，連平日唔太接受得辣既屋企人都話好味食清光。

經過忙碌既一天，放工實在要偷偷懶，一家人到官塘開餐~ 雖然官塘一帶都好多酒樓，不過家人偏好呢一間！　此踏入九月天氣開始有秋意，滋潤湯水不可少 。先點一窩金銀菜燉白肺，大大窩，一人都有3-4碗。金銀菜即是白菜乾，同埋新鮮白菜～白肺都好入味，整個燉湯用上肉排、豬骨、仲有煲透既雞腳，用料十足，非常清甜。服務員更會先盛起湯料，方便食用，雖然係煲完湯既湯料，都被我們吃了一大半。見酒樓推介既蠔皇八頭鮑魚扣金錢($26.8一份)，就一人一客啦! 金錢即是花菇，肉厚爽身入味 鮑魚亦大大隻，好糖心~蠔油鮑汁也調得不過鹹，唔錯！　豉汁蒸白鱔係一家人用膳最鍾意點嘅菜式， 除咗豉汁蒸仲有火腩炆，不過略嫌火腩比較油膩。肥美既白鱔肉質實淨，加上豉汁香蔥提鮮，味道鮮美突出。生煎菜肉包(半打)每次黎呢度飲茶必點佢嘅生煎包，兩邊煎得金黃脆口

呢排富臨做緊18蚊1隻雞，2-5位可以叫1隻，所以同屋企人去下晚飯。頭抽走地雞 - 呢隻引我地嚟嘅雞，上菜擺位好整齊，用不銹鋼盤載住之下仲有個精美木桶配襯，平得嚟賣相都唔馬虎，食落都ok。海皇燉冬瓜盅 - 呢個我覺得係主角，因為佢可以配其他餸做孖寶套餐，都幾優惠。我都喜愛食冬瓜盅，貪佢湯頭清得嚟又多料，呢個冬瓜盅夠我地4個人每人可以添飲1碗仲有剩小小。鼓汁蒸白鱔 - 主角嘅老婆，就係我地孖寶嘅配搭。我本身唔太嗜鱔，但呢個鱔整得幾好食，大大舊，蒸得稔滑剛好，記得趁熱食，好味。鐵板雙蔥爆手切鮮牛肉 - 呢個係侍應姐姐推介的，份量都唔少，雙蔥令到個餸更香口，仲要係鐵板上，熱辣辣。金銀蛋莧菜 - 清清地叫碟菜，都好滿意。總括：叫雞抵，叫埋孖寶就抵+抵。

喺觀塘收工，同一班同事揾野食，同事話最近富臨晚飯優惠好吸引，咁我哋跟同事一行4 人去開餐！富臨係老牌酒家，所以由環境到食物質素都有保證！所以同事話去食，我都舉腳贊成，加上晚飯優惠$18/ 雞又幾吸引！其實其他菜式都幾大眾化！同出面食小菜價錢差唔多，不過環境同食物質素就高好多了！我哋叫左個海皇燉冬瓜盅拼鐵板雙葱爆手切鮮牛肉！價錢228 ,好抵食呢！冬瓜盅份量十足，足夠4位享用，用料都唔錯，有蝦，東菇等材料，湯底幾鮮甜，夏天食呢個，消暑一流！鐵板雙葱爆手切鮮牛肉，食得出牛肉幾新鮮，牛味濃郁，炒得夠火喉之餘都幾嫩滑，加埋d辣椒又係一個幾惹味既菜式！金銀蛋莧菜，份量都幾大$68 嚟講，性價比很高既，咸蛋同皮蛋多到鋪滿莧菜面！今晚我最喜歡既菜式，頭抽走地雞，味道好家庭味，鼓油汁用嚟撈飯真係不得了，真係食多幾碗飯都無問題！ 隻雞都幾入味，每啖都有鼓油香味，雞肉嫩滑，又唔肥，$18 一隻真係好抵食呢！鼓汁蒸白膳，呢個係經理強烈推介既菜式，我哋都叫左一份嚟食，呢個蒸膳有d驚喜，鼓汁比較重口味，不過就徹底將白膳既腥味帶走，白膳既鮮甜味出晒嚟，而且蒸得滑漏，用筷子夾好易夾唔實呢呢餐埋單每人百鬆蚊，同出面食

今日難得齊人，所以一家四口出去晚飯。觀塘最好選擇。近近地觀塘廣場15樓富臨酒樓。今日係星期二，估唔到咁多人。金銀菜燉白肺湯（豬肺）菜乾白菜=金銀菜。雞腳/瘦肉唔少得。當然仲有主角”豬肺”。燉湯係冇味精嘅。不過豬肺就少咗d。其他配料就多。湯亦好清甜。蠔王八頭鮑魚扣金錢$9.9/一位。冇錯，真係$9.8/位。做緊特價。超抵抵抵抵食。八頭鮑魚有隻湯匙咁大。而且煮得入味。配上西蘭花及冬菇。冬菇非常非常厚肉。海参花菇玉掌煲海参爽，夠入味（因為海參好難煮到入味）花菇同樣好厚肉。玉掌即係鵝掌，好淋好入味。泰皇蝦球炒通菜蝦球比較細，數量比教炒。但蝦肉爽通菜好大碟。味道剛好大澳香蝦骨蝦醬味道香濃，但又唔會過喊。肉軟。（就算Baba牙痛都食到）聽人講富臨生煎菜肉包好正。就order咗6個。雖然等嘅時間比較耐。但值得等的。因為真係好食。皮薄饀靚。包皮軟熟。肉餡唔會太多。底部煎得香脆。整餐隻一家四口連埋3個白飯及茶介都只係$604。抵食，超值

家庭聚會成日諗唔到去邊食，多數都會去酒樓食，因家中老人多愛中餐。今次來到觀塘富臨，都好多年無去過，酒樓依舊在觀塘廣場15樓。所幸今天是平日，人不多，不用等位。見到有優惠推廣，$9.8一份8頭鮑魚扣金錢，咁抵無理由唔試。叫左4份，同一煲上，鮑魚都有食指咁長，大大隻，爽口彈牙，$9.8黎講超抵！泰式蝦皇炒通菜，賣相靚到隔離枱見到都跟住嗌，不過D蝦就細粒左DD，但菜既份量同味道都好足夠！大澳香蝦骨，有炸米粉墊低吸油，都算可以，D肉好淋，咬開完全無難度。豬肺湯，味道十分清甜，應該係因為雞腳落得多，不過稀為多左D油。生煎包，皮脆餡靚，金黃色既包皮係我最鐘意，咬落去D汁狂流。而且真係新鮮熱辣，要攤一陣先食到！

放工落大雨，近近地去富臨食飯，想食下小菜又抵食嘛先飲碗熱騰騰嘅滋潤燉湯先，呢個係金銀菜燉白肺飲落勁甜，睇下湯渣原來落埋雞去煲，唔怪得之咁鮮甜，我前後encore左二碗仲有雞腳食～鐵板雙蔥爆手切鮮牛肉，好大盤牛肉保持軟嫩口感，又帶有濃濃嘅蔥香肉有蔥香，蔥又有肉香，送飯一流另一個小菜係海參花菇玉掌煲好入味～最鐘意個花菇，好大隻好厚肉最後嗌左個阿姐強烈推介嘅蠔皇八頭鮑魚扣金錢哈哈，$9.8一位咋，又真係無介紹錯，好真材實料呢個價錢算超抵食啦！

一家人 o黎富臨食飯, d o野都幾抵, 有好多 promotion 呢我 o地試 o左 $9.8 鮑魚 ar, haha4 個人可以 order 4 份鮑魚成個煲好豐富呢, 仲有西蘭花同金錢菇無論鮑魚定係菇都幾大隻 鮑魚劃 o左格仔紋, 整得幾入味~後面 o個個係鐵板雙蔥爆手切鮮牛肉雙蔥有京蔥同洋蔥, 京蔥好香口呢鮮牛肉真係唔同 d, 彈牙好多 唔 “un”鱔片畀開 o左, 淨翻中間有魚骨, 咁整食落冇咩骨!鱔肉好滑, 好好食 ar 豉汁個味 o岩o岩好, 唔會蓋過 d 魚我食埋 d 豆豉 tim ar, haha海參花菇玉掌煲都係 $108d 花菇真係好厚身, 依度 d 菇都整得好好食 鵝掌炆得好正, d 皮好軟~金銀菜燉白肺清熱滋潤加 o左雞同雞腳去煲, 難怪咁甜 la咁大鍋湯都被我 o地清哂! 生煎包都唔錯, 底面都煎得幾脆肉餡都多~