富臨漁港 (已結業)

剛去完旅遊回來，相約友人在其公司附近晚飯兼送手信。友人選了在港鐵站附近的一間酒樓，說是有抵食小菜，由他們訂位。酒樓是屬於一個連鎖集團，我們到的是觀塘區位於港鐵站附近的一幢人流相當旺的廣場上，因為他們放工即來，所以訂得比較早，我到的時候較早，見還有很多位，但到我們人齊時已經差不多滿座了。酒樓有供應火鍋及小菜，而我們就選擇了小菜。人齊後就先點菜，再慢慢說旅遊的經歷。我們一共四人，點了每位一份蠔皇八頭鮑魚扣金錢($9.80 X4)、金銀菜燉白肺 ($128)、豉汁蒸白鱔($108)、泰皇蝦球通菜 ($78)、鐵板黑椒德國豬手 ($108)及生煎菜肉包6隻 ($38)，另加白飯。真的，蠔皇八頭鮑魚扣金錢只賣$9.80，差不多比一份三文治還要便宜，又怎可不試呢？每位一隻八頭鮑魚、一隻冬菇及一些西蘭花，鮑魚大大隻炆得夠腍，嚼口煙韌，如果是在西式食店，真的可以用刀叉來品嚐。冬菇亦厚身爽脆，而蠔汁都相當好味，我們吃完鮑魚後還留起來撈飯。金銀菜燉白肺不用杏汁來燉而用金銀菜，較為傳統。除了豬肺及金銀菜外，湯裡還有豬肉、雞肉、雞脚，杏仁及紅棗，燉得都很甘香，四個人每人都可以有兩碗。豉汁蒸白鱔的豉汁不會太多太

自小常到酒樓吃飯，因父母覺得坐得較舒適，不過因有茶芥下欄，選酒樓時都要看看有甚麼吸引的特價菜式。是晚去接父母收工，看上了富臨這期的推廣優惠，$9.8有一隻八頭鮑魚呢！不說不知原來觀塘廣場有十五樓，要乘電梯直上。平日七點到來，已經很旺場，火鍋小菜均有捧場客。是晚為著鮑魚而來，再點了數個小菜和一個湯。鮑魚先來，雖是特價但也不欺場，比湯匙還要大。 鮑魚有嚼勁，但也炆得夠腍，不是罐頭品質的「腍滋滋」。花菇十分大隻厚身，用鮑汁炆得入味。西蘭花也爽脆翠綠，沒有泛黃。家裡做豬肺湯很花功夫，難得見酒樓有，價錢又合理，絕對是省時省力。豬肺雖然沒有想像中雪白，但也洗得乾淨，證明沒有用漂白水加工；口感鬆軟，一齒即離。金銀菜是新鮮白菜及菜乾，令湯頭味道濃郁。雞件、雞腳、豬肉也加入在內，湯味更為豐富，但也沒有過份的油膩感，依然清徹易入口。竟然在中式酒樓會有德國豬手吃，做起來也有板有眼，用燒得熱辣的鐵板上，淋上分開的黑椒汁，加添港式風味。店員將原隻連骨豬手切開才端上，方便食用。豬手不是德國炸豬手，而是港式的黑椒豬手，豬皮煙韌彈牙，不覺肥膩。配上黑椒燒汁，很是惹味，送啤酒一流。豬手份量頗多，肉也不少，四個人分十分足

朋友約來觀塘區飯聚，平時以西餐為主，朋友今趟則約食中餐傳統得讓我驚訝，原來朋友話好多時食泰式、韓式、甚至西式，甚少食中餐，所以今晚約在富臨。富臨的小菜種類多，喜歡食肉或菜的都一定能夠選擇到，「豉汁蒸白鱔」：火候控制得好，豉汁辟去鱔的腥味又不會蓋過鱔的鮮甜，肉質爽嫩有致，送飯一流。「泰式炒通菜蝦球」：大粒蝦球很爽口，加上通菜以泰式辣膏炒得香氣飄飄，惹味增加食慾。「生煎菜肉包」:煎得皮薄外脆，一咬肉汁溢滿口中，食完想再encore，重點是6件菜肉包只是＄38，大件夾抵食。食過這餐，才明白朋友點解要約在富臨食晚飯，食物質素不錯又夠經濟實惠，多些約出來飯局也不會太破費，約定再來。

炎夏晚餐最好在酒樓歎冷氣慢慢享受食物之餘，亦可感受現場熱鬧的氣氛，今晚便和家人到觀塘富臨食飯，驚喜發現了震撼推介，就是「蠔皇八頭鮑魚扣金錢」，每份＄9.8，一家四口便叫了四份，果然，實物與相片是一模一樣冇花假，大隻鮑魚炆得“林”，彈牙兼口感十足，大香菇吸滿鮑汁咬落香甜多汁，令人回味。此外，家人喜歡飲湯，所以特意叫了「金銀菜燉白肺湯」，飲落去喉嚨很舒服，湯的濃度應該燉了好幾個小時，白肺清喉潤肺，多飲有益。「鐵板黑椒德國豬手」：未見餸而閒到香噴噴的味道，聽到渣渣聲的熱力刺激著味蕾，服務員細心的把豬手分拆並淋上黑椒汁，咬落去豬手外皮鬆脆而肉質嫩滑，做到色、香、味俱全，不錯。以這價錢可以在酒樓吃飯真是不錯的選擇，最緊要食物質素有水準，沒有將貨就價，反映了酒樓業的競爭很大，出奇制勝，才能保持競爭力，而我已將這酒樓列入飯堂名單，有時屋企冇煮餸就會到來開飯。

見到頭條剪下coupon $68 一份帶子坐低先叫個蒜茸粉絲蒸帶子不久見到廚師放在枱面冷氣很猛，遲到五六分鐘左右碟原先熱辣辣的蒸帶子已經吹凍晒，筷子一夾，覺得面頭的粉絲有點乾硬化但蒜蓉好香好夠味~帶子肉好像得一半，感覺搵笨即食即剪，勝在可以最大程度保留肉汁。要記得就是剛出爐燒豬，「睇熱！」酒樓阿姐即場將乳豬剪開一塊塊乳豬燒得夠透身，皮又脆又薄吃落不算太肥，肉雖不多但細嫩多汁，可是醃味較重加些砂糖和 乳豬醬，正好。澳洲龍蝦話就$48.8特價19.8職員話一斤十兩於是跟伊麵龍蝦份量不少肉質豐厚爽實唯獨同伊麵味道麻麻...有點美中不足。服務員人手不足，仍然沒有黑口黑面三個人連啤酒埋單不用一千相信下個月有特價很快再來

飲食餐具欠清潔，很明顯是日積月累，長期無人清潔所致。無服務。 燒賣籠邊仲殘留一大嚿紅棗糕，點心師傅竟然可以無視佢嘅存在！牛肉腸都Ok，皮算滑！煎堆味道很好，值得一贊！

老公剪了免費報紙的優惠，星期五晚放工去食，味道不錯，三道菜(半隻堂剪BB豬，1斤海蝦和芝士龍蝦伊麵)，只是HK$378。優惠券星期一至日也可以使用，沒有最低消費額，也沒有任何附帶條件，讓人感覺良好!值得一贊:1) 不用等位，即時入座。訂了枱7點，我們6點45分到，約四成滿。到8點左右，已滿座，但等候的人不多。2) 份量適中，二人食小菜無難道。有待改善:1) BB豬肥膏略多，變相除了皮之外，肉減少了。2)海蝦可以再新鮮啲，但48一斤是可以接受。3) 小菜菜式可以再多啲。總括來說，這餐食得okay。晚餐連茶芥加一，每人HK$190以下，食到三款不錯的菜式，沒有限時，坐得舒服。我們不好酒水，飲茶多。

印象中寫過三十幾篇食評都冇比過負評，但呢間真係不得了，話說去完朋友屋企玩，諗住一班人去打邊爐吹下水咁，就搵到觀塘有呢間富臨，有得任食，上到去隔離仲有一間茶樓，隔離姐姐勁好招呼叫我地入去，但因為我地見呢到有墨魚仔，所以就衝左入去，點知就係伏嘅開始！首先飲品選擇小到喊，得百事可樂同埋7 喜，美蓮達同埋一喳喳淡到好似水咁嘅酸梅湯！跟住拎醬料嘅地方勁污糟勁多嘢「嬲」，佢加埋先得六樣揀，就係豉油沙嗲醬辣椒蒜蓉蔥嗰啲咁，啲蔥同蒜蓉仲要好似冇切過咁，全部勁大粒！叫咗豬骨湯底，淡過水，食到一半我哋忍唔住出去拎啲沙嗲醬倒落個湯底度先覺得正常返少少！食物方面，鵝腸苦嘅，牛柏葉完全冇味道，為咗墨魚仔入嚟但叫極都唔嚟，其實佢直接同我地講話無仲無咁嬲，芝士腸同啲丸好正常，我哋一路食一路讚芝士腸同丸，因為其他真係好難食，最後唯有食啲公仔麵同烏冬飽肚！成間酒樓客人唔多，員工好多，但啲員工全部都企喺度唔知做緊乜，我哋叫咗嘢食好耐都唔嚟，忍唔住催，跟住個員工入去廚房拎，一拎就拎左好多出嚟，其實即係根本已經一早執好晒，但就無人去拎，其實任飲任食打邊爐收百幾蚊都唔會要求好多，但呢間野真係比百幾都覺得蝕！

見富臨做優惠，好似好抵食咁，所以就同屋企人去試下。呢間富臨真係由細食到大，但當觀塘越開越多酒樓，佢都開始有d站碼住腳，由以前要等位，到宜家晚飯時間仲有吉枱，而且質素每況愈下。。。個日個姐姐大打推薦嗌本地龍蝦，本身嗌本地龍蝦一隻就送碟菜，佢就話宜家做promo$388 有兩隻龍蝦但無菜，兩隻都啖啖肉，仲話係經理特別安排既，平時得一隻架咋。見佢講到咁抵，同埋本身都諗住食龍蝦就嗌左黎食。到落完單佢又戴哂頭盔咁講「入機唔比我入兩隻龍蝦啊，但放心廚房一定出兩隻既」點知黎到碟野得一個頭，一個尾。。。龍蝦既份量又唔算多，不過都任佢點講，經理話有兩隻就兩隻我地另外嗌左碟通菜、冬瓜盅同片皮鴨。味道就真係麻麻，碟通菜仲要有頭髮。。。如果唔係無得揀，下次都應該唔會再黎ಠ_ಠ

話說上星期帶埋囝囝同阿媽去呢度飲茶，12：00落單叫左兩個孖寶點心同一碗燒味飯，點知等左半個鐘先有燒味飯黎，但點心一個都無。 問聲落單樓面，佢話點心要等下架就走左去。 嬲嬲地再問黑衫男經理，佢話幫我地跟單。轉頭又話點心好快黎。 因為唔趕時間，所以再等下，結果到1：15就連一個點心都無黎，睇見隔離桌食完都走得。就想找番那落單阿姐，點知佢見到我地就轉身走人，那黑衫男經理又唔知係邊，我媽就火啦，起身話走，我都唔等，拎埋單走。 點知去到收銀話我地都要俾茶錢同那碗燒味飯錢。我就火話你地咁無服務仲敢收服務費，好離譜。如果唔係帶住囝囝，一定再找男經理理論過！ 觀塘富臨係無料！識收加一無服務！

已經N年冇黎富臨真係變化好大～成十個員工排排企～加水都懶可能係平日晚市～全場大部份吉枱叫菜同火鍋都冇咩人～睇咗一陣叫咗二選一優惠嘅芝士龍蝦烏冬如果轉伊麵底要加$50～再㸃咗冬瓜盎、鼓汁蒸鱔、干菌湯菜苗芝士龍蝦通常配伊麵依間野都算特别今次就算下配烏冬睇下咩玩法～熱辣辣即食芝士味好香可惜有d粉粒未打好～龍蝦切小塊肉量都可以冬瓜盎有賣相成個上枱～料夠可惜味精重食完好喝鼓汁蒸鱔依個現成鼓汁冇難道呀～鱔就夠入味可惜唔新鮮d魚肉“梅梅地”唔達標干菌湯菜苗菜算嫩～鷄湯煮平常菜講真依個水平嘅菜式大排檔仲好食過佢～其他想黎試嘅讀者們可以唔洗黎

今早突然想起富臨7月在推介的片皮鴨，口水都快要流出來了。快快手約人，怎知擇日不如撞日，朋友正在煩惱晚上帶女兒吃什麼，一拍即合四人決定去比較近mtr的觀塘富臨。位於16f的富臨，環境寬敞明亮，人流不多。頗坐下就聽到食客跟店長有點小口角，但不太清楚來龍去脈，無從判斷是非，只好當背景音樂對待，幸好食客不再深究很快就平息了。大集團酒樓的推介其實十分吸引，但可惜在不同分店的各種質素未必能夠統一。我通常在酒樓都懶得用滾水清洗餐具，但今天都忍不住動手洗了先來一個開胃小食，麻香四季豆，顏色翠綠，爽脆口感配上芝麻醬，不錯~然後一人半隻燒乳鴿，皮脆肉嫩，點點肉汁伴著鴿油流出來了， 再配上冰凍啤酒簡直一流，再來幾隻也吃得下。這是小火腿看了餐牌後嚷著要點的一道菜：小䓤白飯魚煎蛋。幼滑的白飯魚在煎蛋中央，恰似綻放花蕊般美觀，配上當中的葱及菜甫，是一道送飯送酒的小菜然後是滷脆豆腐，表皮金黃但不脆，味道超淡，滷去哪兒了? 怪不得要附上白醋接著是櫻花蝦海皇炒飯，難得小火腿肯吃炒飯當然要點啦，否則在酒樓能找什麼麵給她吃！?非常大碟的炒飯，上面撒了不少櫻花蝦，炒飯炒得粒粒分明，但入面好像只有蝦仁、菜粒及蛋絲，跟海王有點距

仔女想打邊爐，去到觀塘諗住試下，上到去原來係火鍋放題，HKD128全包，聽到咁平，應該都唔會好得去邊。點知不如所料，食物質素完全唔掂! 伙計服務完全無水準可言! 我肯定唔會再黎!

5月14號係母親節，諗住同屋企人開開心心食餐飯，點知，唉！我地點左5個餸，第一道菜有燒乳鴿，但d乳鴿就一開2。唔知食。第二道菜係鵝掌鮑魚，呢道菜冇咩特別，只係食果時，想叫服務員，令幾套刀叉俾我地者，但係當叫人時個個都當睇唔到你，越叫越走，有d仲應左你，就唔理你咯😡第三道，炒通菜，d菜喊到不得了。第四道菜，蒸荷葉飯，d飯蒸到過左鐘，好難住，爛飯😔第五道菜，生炆龍躉翅，呢道菜我地19點25分落單的，但去到20點30分都未上菜，中間崔過幾次，叫左服務員睇睇有未。個個應左人就算。個個都冇回复的。到最後連叫人都冇應，個個當睇你唔到。(真係火都來）😡最後我高舉張單，有個部長終於有回應係好遠行過來問，係唔係要賣單？我立刻火又來，兼投訴，我舉手就冇人理。但係高舉張單就沖埋來，請問係咩意思呢？個部長聽完冇回复就自己走左去，點解會有d甘既人咖？😡😡😡。。。。搞左一輪第五道菜終於都上啦，諗住食埋就走人啦！點知個生炆龍躉翅d配料冬菇有異味，d龍躉又凍既，叫人點食呀，d食物變左質，想食壞人咩？唉！呢次真係中伏，本身諗住開開心心食餐飯，結果搞到咁😔，唔😡既就係明明係酒樓d人錯。個個都唔會道歉咯！真係完全唔會再有下

見好耐無去富臨飲茶今日去飲下茶食個包蝦餃皮厚Ｄ無之前咁好食雞ok, 牛肉腸都ok叉燒包食食下感覺味怪怪地初時連埋牛腸食，味混埋—齊唔多覺一發現同阿姐講，叫佢通知廚房留意下佢話你食左一半先講，無得換咁即係叫我食埋去？？？服務態度差