富臨漁港 (已結業)

幾次黎晚飯都見到個金色衫知客同D同事嘈，又鍾意叫坐低左嘅客搬去第二張枱⋯搬來搬去⋯富臨一向服務差已經係常識，但咁樣嘈法真係少見⋯圖中職員把聲好煩人⋯之後應該唔敢再帶屋企人去-_-#

臨近父親節，阿爸話想去富臨食下小菜，咁就過咗觀廣15樓啦。去到門口嗰個只問一句：「小菜定火鍋啊？」咁我阿爸不嬲都覺得打邊爐好熱，咁我哋梗係二話不說答：「小菜喇！」入到去坐低左，咁我哋梗係即刻睇下個餐牌啦，離遠有個阿姐即刻行過嚟企係我哋將枱隔離。咁我哋諗住都未決定好，就同個阿姐講：「我哋睇多陣餐單先，轉頭再叫你過嚟啦！」點知個阿姐扮聽唔到，眼定定望住我地，隻腳仲好似痴咗膠水郁都冇郁過！搞到我地好尷尬。咁都算啦，我哋喺度睇緊餐單，個阿姐就係咁係隔離諸多意見，係咁sell我哋食套餐，我地三大一細，如果叫套餐最低消費都要嗌個四人餐，我地心諗：點食得落咁多😑 跟住見我哋冇反應，轉左sell我哋食生龍躉翅，話：「試唔試吓啊？今晚廚房最後一煲啦！」我又心諗，最後一煲先叫我地買黎食？唔係即叫即整咩？都唔知擺咗幾耐😒所以好決絕咁講咗「唔要。」跟住再睇下個小菜餐單，碟碟都同套餐入邊嘅餸差唔多！但入黎前又冇事先講明今日主要係食套餐，小菜係非常之少同好貴，焗住我哋要嗌餐食。果時已經有d炆，最後無奈地叫左個四人套餐。嘢食陸續來，先來左碟龍蝦伊面，但完全冇賣相😅都算了，一食落去先至成碟野係一早整定再翻煮~~~~~

壽包有小強，員工求"比次機會"，and they ask us to give another one, it is not acceptable, called police to follow up

來呢間食主要係隔離個間冇開，見到有阿拉斯加長腳蟹食，就更係即刻出去揀隻來清蒸食啦！好啦等咗大半個鐘終於上台，凍既仲要唔新鮮。直頭係比隻死咗好耐既再蒸比你食。以後都唔會去食，大佬，成千銀一隻，現場揀隻新鮮又生猛，點知比你地轉隻死既，仲要出到來得反三斤到。

要乜冇乜 又唔出聲1830去到 完全冇人 唔洗等位148全包 咩都唔洗加 就試吓火鍋吧！推介 : 只能選魚片*真係冇嘢值得推薦其他叫乜冇乜。。連雲吞都冇，肥牛硬過我條頸。。。飲品任飲有百事，blue ice, Mirinda..7-up雖然平，但質素太差，冇下次!

好小一大班人出去飲茶,今次去了富臨,觀塘廣場這間其實都去了好多次一向質素平平,服務一向唔好一直都知,只係易有位果下好春捲，外表看似OK, 反轉限油,入口都脆味道香口，但好油膩，鹹水角，味道唔錯，感覺比春卷好，鮑汁鳳爪: 不推介， d雞腳浸到爛曬 睇個樣已經唔想食，鮮蝦腸，叉燒包 一般茶樓水平 無乜驚喜，蝦球芝士伊麵，生菜魚滑粥 感覺唔錯幾好味， 總體上 都可以接受 又唔太貴 唔可以太高要求了 

其實之前聽d朋友仔講,呢度食野真係好垃圾點都要上去試下先知,佢地口中嘅垃圾係點樣的?哈哈…九菜餃,唔講都唔知係乜上到枱就已經係咁真係唔明,點解可以拎出黎炸魚皮都可以咁難食油益味重,淋的落完d菜,見到個藍真係…食都唔想食值得讚一讚嘅係肥牛,真係好靚好有牛味👍其實以前成日都會去食,但愈食好似愈差咁😧

今日同隊友比完賽，贏波緊係要食餐好！就揀左就近嘅一家酒樓打邊爐呢啲任食邊爐當然唔會希望佢食物質素非常好，所以我地心裡都有個底不過食落唔算太差，肥牛每碟得好少，要經常落ORDER,,,但佢有個好位係牛唔算太差唔係一扔落水就黑哂，肉味唔係好夠湯底揀左沙嗲，個味由頭KEEP到尾，非常唔錯其他料就普普通通，值得一講係佢啲汽水夠冰凍，岩哂我哋後生仔飲

食完妹夫買既母親節蛋糕, 我媽建議去觀塘廣場一間酒樓, 而呢間係我仲係寶寶既時間就已經黎過, 所以呢間真係開左好耐!!! 裡面都敵不過歲月既洗禮, 地方都比較舊啲。我地同行6個, 連埋 bb, 都叫左十幾樣野食。花生南乳豬手味道一般, 唔夠爽口, 食左少少無食。上海菜肉包上面有啲白芝麻, 食落去有豬肉同椰菜, 一啲都唔肥膩, 清清地, 建議一試!鮑汁叉燒包就失望少少, 見到入面有2條肥豬肉, 仲有比較乾, 口感一般, 蒸煮時間宜控制恰當!雞蛋豬腳薑就要叫啦, 我妹仲補緊身, 對比之前北斗翁果到, 呢個就送到果時已經有好香既薑醋甜味, 非常開胃, 亦有2隻雞蛋。汁係甜甜地, 之後攞左啲黎送飯。北菇滑雞飯, 我地叫左2個而已。無任何醬油既, 只有白飯, 半隻冬菇同幾塊雞肉。雞肉係幾滑既, 易入口, 飯就偏多油, 係蒸既時候落油係等佢香啲, 可惜唔覺有咩香味, 所以最後要落薑醋送飯。金蒜唐生菜係第一道菜, 熱辣辣食, 好好食, 份量唔會話太少, 建議一試!蜜汁叉燒腸, 都係比較令人失望。唔知點解呢間啲叉燒咁乾淨淨, 總之都係一般般!!!鮮蝦菜苗餃, 我無食, 因為對蝦有敏感。我2個妹話 Ok

星期日晚家庭樂飯局, 必定是皇太后下廚! 因老爸不在港, 所以相約皇太后, 華記與我倆出外晚餐 - 富臨豉油雞, 甜甜的豉油, 雞肉算滑嫩精選三寶 $188白菜仔浸出咸魚咸香味, 不過賣相太差了皇后蚌配上蛋絲, 芽菜, 米粉! 味道清香!肥牛煮得過熟, 肉質變黑又硬龍躉兩味 $298藥材煲雞湯, 清甜不油腻酒味過濃...炒球, 竟然落芡...贈送:紅豆軟綿綿; 椰奶香味另加: 白飯三碗富臨 總結: 還可一試!

報紙全版廣告$1488仲夏宴，有龍蝦伊麵、龍躉兩食、百花釀蟹鉗等等，這個價錢本來就不應抱太大期望，但昨晚的經歷令我覺得，食套餐是來乞嗎？1. 說好的橙汁2渣，來的只有1渣，問侍應，她指著1渣的橙汁夾硬說「這就是2渣」 ; 我們不喝啤酒，可以換汽水嗎？「冇架，套餐冇得換」 2. 來了滿檯餸，再來一碟，放不下，阿姐沒有執拾在檯上吉碟的企圖，只隨意找檯中心的一個小吉位疊上去 3. 正題來了，乳鴿吃完，來了一碟炸蝦，餐單上是沒有的，不要以為是送的。望望餐單，原有的百花釀蟹鉗沒來，問問阿姐，阿姐說「今晚冇蟹鉗，食呢啲！你地冇預訂，冇就會轉啦」．．．下！我地明明是早一天預訂的，怎麼沒預訂？！機印上菜單也打著百花釀蟹鉗，完全冇人提過轉炸蝦！！！嘈完一輪，阿姐前後來回三次說，像機械人般說出熟練的台詞，呢個係特價餐，呢個係特價餐，呢個係特價餐，茅就會轉。真係火都嚟埋！一．廣告大大隻字寫住仲夏宴，不是甚麼特價餐！二．特價餐又可隨意轉菜式嗎？老爸問她，無龍躉係咪拎碟泥鯭來？我地冇$1488，俾$148可以嗎?　出動到海關、商品說明條例、食環、報紙（下刪萬字） 經理來了，拋下一句「轉返碟蟹鉗俾你地，等陣

食物質素同服務態度極度惡劣，差到值得為佢開個account。由八點幾等到九點半，無綫果套硬膠西遊記剛好做完，我地嘅野食黎左一次，佔我地嗌左嘅不到一半，其間催左三四次，到後尾竟然話冇我地嘅單。好啦，再寫過啦，再等過啦。齋講炸魚皮，前後總共寫左四五次，到最後直接同個阿叔講，再等多十幾分鐘先終於有一碟，其間阿叔氣定神閒，以公園阿伯之姿在我們附近幾張枱之間踱步徘徊，仲同隔離枱客吹左陣水，我地唔耐煩再遞多張單，佢先施施然攞碟魚皮出黎，阿叔，可唔可以唔好喺晚餐時段出黎晨運?在苦苦等候其間，我地向過唔少人“求助"，其中以一位大有元秋之勢的阿姐最有霸氣，一句"等下啦"之後向廚房大喝一聲"xx號枱話冇野食呀"，之後想當然，野食仍舊神隠。之後去到廚房門口終於揾到神出鬼末,行蹤飄忽嘅部長，d野先終於到左七成，但係我地已經等到冇胃口。咁d野食質素如何呢?下舉數例:湯底:皮蛋莞茜，冇味肥牛:唔新鮮丸類:尚可，但張單寫1真係畀1粒我？千呼萬喚始出來嘅魚皮：似足乾屍甩出黎嘅碎片，又乾又硬，淥完都咬唔開。一個字:永久blacklist。

星期五食完，2個人一早六點幾去到，唔使等立刻有位任食邊爐，自問唔會高要求，不要太過份就得了，所以今次呢間，可以啦，所以先同大家分享湯係x茜清湯,唔會有特別呀...食物清單，求其一間任食酒樓都九成差不多，我主打講食過乜，炸魚皮，脆！我好like，蟹柳大條,好食，老婆食完又再食，叫左碟雞件諗住當煲湯，呀，雞肉食落又唔錯，哈哈哈....自己叫左豬潤食，算新鮮了...肥牛如果比其它酒樓，我會覺得不過不失，但鮮牛自己會鍾意多d牛栢業，八瓜魚仔，魚皮餃，雞子，牛、蝦、墨丸都正常，可以點下無防但有乜黑毛豬，咪肥豬肉一件，把鬼，唔好叫，真係，仲有山水豆腐，頂，唔係滑豆腐個種，我都有食，但想食滑個種多些，仲有叫左玉米,味道怪怪的，唔知係咪唔新鮮呢，食左舊，無食了，仲有款順德魚滑，唉，又唔係墨魚滑，又要有少少魚刺，又係浪費左，sorry食左咁多jar,當然仲有汽水任飲啦希望自己點過的食物作參考，唔使點d唔掂的食物，浪費就唔好啦

服務一流, 經理及其他員工真的很勤快, 尤其是男經理先生, 當時十分十分忙碌, 仍然客氣爽快利落.打邊爐價錢- ( 平日:$120, 9:00後: $108, 飲品啤酒任飲)食物速度快, 份量雖少, 但OK, 免浪費.肥牛不太好, 其他食物質素OK. (見隔離枱的鯇魚片很新鮮, 但我們沒有叫, 因不吃魚)嫌那樽竹庶水太甜, 淡D會健康D環境很逼, 很嘈, (尤其是中間位), 我去過2次, 第2次坐邊位(雪櫃旁), 就十分好的位置

食左甘多間邊邊,都未試過一間係用難食黎形容諗住落單有一個女服務員睇到你扮睇唔到,走左去叫左個鴛鴦鍋:清湯無啦啦多2片蘋果,沙嗲勁咸去拎醬仲好笑,"事油"有好多,但其他配料係好少少少少.......甚至乎係無魚蛋有腥味,炸魚片黎隨係"林"既,更加無諗過肥牛會咬唔開,竹蔗水真係好似飲水甘食到11點左右就要人埋單,比完錢之後11點3左右後半場無人,佢熄燈呀雖然百幾蚊一位係好平,但無諗過富臨係我心目中會係甘囉!!!發誓以後都唔會再去