富臨漁港 (已結業)

同事要外遊,突然醒起有2張兌換券未用,所以就益我和另一同事享用,我按照指示3天前預約12:45.去到酒樓冇人帶位,要自己搵位(因為有好多空枱). 一坐低就同侍應講,我係食團購午餐,2位,侍應話,我攞過張紙比你寫啦.侍應遞來一張粉紅色團購專用紙,我睇唔明,就問遞紙比我既侍應, 佢話: 張紙寫得好清楚, 你自己睇啦. (0服務) 我再問另一位較高級D既,都解釋得滿意,我就按指示點左點心和飯. 滿心歡喜等食物的時候,遠處亞姐捧住兩個細碗行黎, 我不禁和同事講"唔係咁早上甜品呀". 到亞姐放低兩碗野時,啊~原來係我地點的湯飯(超細碗).跟住點心,美食一碟碟上, 雞腳~每人一只,生炒骨~一只骨碟,四季豆~一只骨碟,青瓜~一只小碟,菜苖餃~真係得一只, 蘿白絲鬆餅~點解有3只(因為隻碟超污糟,應該係其他客人退貨,所以就益我地)食完呢幾碟超迷你的點心和湯飯後(只係填左1/3個肚),都已經坐了差唔多一個鐘,我就同另一位侍應講,唔該上埋兩碗甜品,燉奶,呢個侍應亦都係串咀之人,佢話"燉奶係好耐呀", 我地話,都坐左成個鐘,而且我地趕返工,佢就話"你地趕返工牙"就轉左身行左去.(又係0服務,態度勁差).燉奶

一向係呢間富臨熟客，但今日真係失望到極點。一去到攞飛個知客已經無反應好似唔想俾飛你禁。問個服務員阿姐拎張點心紙又係禁，你唔想俾就一次過俾給張我我咪唔會問你拎。最最最激氣就都係個知客，好聲好氣問佢野，就串串貢凶你。態度差到一個極點。個經理又係解釋得唔清唔楚，唔知想點。服務態度差，等食物又奈。等個馬拉糕等左35分鐘，仲奈個個炒飯，又貴成25蚊。雖然係熟客但以後都唔會再去。請一定要登出來

前兩日先係新星食完團年飯，今晚倫到富臨，相比之下，真係無樣野及得上…餐前小吃-花生，鹹脆，實在估唔到佢係今餐最好吃的一樣…乳豬併腐皮卷，乳豬得皮和肥膏，只有幾片，唔夠一圍分，腐皮卷一早炸起，勁油加無味。西芹炒帶子，分量其少，油同無味，要點蝦醬同蠔油食。蠔豉冬菇生菜，好水好淡。炸芋泥海鮮角，勁大舊，比飲茶呢炸芋角仲差！除左大之外，一啲優點都無，又油又膩，一舊飽肚。翅，唔知點解咁醒…難食。鮑片扣鴨掌，飽片同鴨掌都係無味，得少少，墊底生菜超多，出哂水，感覺似滾水浸熟。蒸魚，時間控制得唔好，過熟了，但ok新鮮。炸雞，又係無味…最後有炒飯同伊麵，都係無味，但超大碟。有柑執~不過係發霉柑，一枱十二個，有三個爛，四份一比例…環境超迫，嘈，臭。伙計企係度唔知做乜，叫沖茶又唔郁，又唔換碟。一個字，差！

皆因今晚食咗餐谷氣團年飯，真是不吐不快，貨不對辦已經不重要，重要係埋單時的餸菜價格跟我們原先睇的餐牌有極大出入，叫個經理攞返張餐牌比我地睇，居然重話佢地冇果張餐牌，只給我們一張貴價的餐牌！我們有五個成人看過那一張餐牌，全部都恆定那一碟餸的價錢係貴咗百幾蚊，莫非我們五個人都被鬼掩眼，真是豈又此理！！所以我下次食飯時一定會先影低張餐牌做證據，在此提醒各消費者，小心這間無良酒家！！歡迎大家轉貼！ 細節保充1：貨不對辦 --- 我們點了一個乳豬拼盆，正路當然有乳豬、白切雞、叉燒，但無厘頭有煙鴨胸都算吧，重擺兩大舊拳頭咁大嘅豆腐係度，同我地原先所想的，起碼都有 d 燒肉、或燒鵝、或燒鴨，或海浙，或燻蹄呀，點之一樣都冇，就只有最前提過果五樣野。細節保充2：餸菜價格有極大出入 --- 就係呢碟乳豬拼盆，我地落單時個餐牌佢分咗兩個價錢，例牌的是大約$120，中碟的是大約$220，我地五個人就商量咗要叫例牌定係中碟，個個人都記得個價錢是 $200 頭，點知埋單時見到佢張單寫例牌乳豬拼盆 x 2，即係$168 x 2 = $336，我地最初都以為佢地落錯單，同佢地講我們只有叫了一碟中的乳豬拼盆，佢地有一個

買了團購乳豬，2百幾蚊有一隻乳豬的確吸引，約了星期日下午時間取。乳豬size都唔細，望落去都幾抵。雖然唔熱，但都有心理準備唔會熱烘烘的拉。取豬時見只得隻豬，無醬料，就問職員要乳豬醬，職員話師父無比就無架拉! 下，食乳豬無乳豬醬?!?! 職員見我有個疑問的眼神，佢好無奈的問經理有無乳豬醬，但經理好肯定咁話"無"! 無奈的我只好走人!!!!! 真系唔明，乳豬醬值幾錢啫!! 不知所謂。。。激爆乳豬味道一般，但我覺得未燒夠火喉，乳豬皮有少少脆，但可以再脆D的!

不經不覺，又到了可愛的週末，而是日因為我要出席公司同事的活動而跟了太太出觀塘。在空閒的時間，我想起飲茶，本想去官中的酒樓，但太太建議我上來了富臨食連鎖店。星期六的早上，茶客絕對不只是附近上班的老觀塘。真正觀塘區的居民，大大小小從各區過來探老豆的兒孫也因為這酒樓的地理優勢而聚集起來。我由9點坐到10點，依然是人山人海。早上，當然是叫早茶的特價點心為主，而醒神醒胃的中式早餐，盅頭飯是少不了的東西。不過，一般在酒樓食到的十分特價盅頭飯，實是一分錢一分貨，所以，若是我一個人去飲茶的話，我會是比較喜歡去一些小酒樓的，佬一點仲好。所以這一個得半隻鳳爪及幾粒排骨的盅頭飯，是滿足不到我的。 陪太太食，梗要有素食的點心。蘿蔔酥就是其中一個主要的素食點。這蘿蔔酥雖然味道香口，而且夠熱，最可惜的是包得比較鬆散，一夾就散，有點兒影響食慾。 不知為何，成個富臨集團取消了奶皇包呢一種受歡迎得非常的中式包點。之前在美孚的富臨問過，說奶皇包不好賣，所以取消了!!! 大家相信嗎??? 取而代之，就是這一個流沙芝麻蓉包，味道一樣的香，像把芝麻糊

今年富臨$38 龍蝦伊麵連同今次已經食過3次了，次次都來觀塘開餐的，地方近，而且易搵位。和男友的肚都越0越細食了，所以今餐只叫了一碟 $38 芝士龍蝦伊麵另外加一個冬瓜盎。 伊麵食過幾次，水準都不錯，起碼芝士味都足夠，比起在西貢食的，我覺得這裡的較好味，龍蝦份量ok，不算大隻，但都有肉可食的。冬瓜盎$78 (大約) ，幾大，料好足，食落啖啖料，有雞肉，有蟹柳等等....好清甜。有時晚餐就是這樣簡簡單單的就已好滿足 。

唔明點解我媽咁中意黎呢間食野，因為我覺得1 d都唔好食！佢d點心其實真係好普通，甚至可以話比其他店味道比較差，奶皇包不流心，太甜，有d硬，燒賣外都好差，又唔好食叫左個炒烏冬，不太特別，可以話今餐最好的了海鮮河粉，個醬係哂個面度，下面完全冇汁，汁不夠多，而且唔好食，河粉變得好濕

放工返官塘，約咗家人係呢度食可能太早來到，我地係第一枱客呢輪呢個集團特價龍蝦$38一隻仲送埋伊麵，吸引咗我去坐底即刻叫龍蝦跟伊麵啦待應介紹特價三寶（有翡翠炒龍等球，果皮蒸龍等頭腩魚湯浸花甲）原價逐樣計共三百多宜家都係二八八，咁着數，嗱嗱叫另外加咗半隻皮琶鴨龍蝦伊麵由於好早叫所以最早到龍蝦份量勁多，斷估都過斤重果個汁夠哂杰又惹味不過龍蝦身又好似斬得細舊咗d不過舊舊都好有龍蝦味最緊要肉質夠爽夠彈牙芝士汁撈伊麵，實在惹味蒸頭腩跟住來，果皮太少好在都保持原來鮮味好滑，肉質都好嫩皮琶鴨亦吾錯，唔會太肥皮脆肉香囗，有骨落地，正魚湯浸花甲，花甲得十隻到魚湯有少許粉絲放底所以得十隻花甲上枱都好美觀且隻隻都漲book book，好大隻食落去原全無沙，夠鮮味我連d魚湯都唔放過翡翠炒龍等球即是西芹炒龍等球西芹炒得夠香，龍等肉少咗d喎每人得兩片，不過都足夠味道鮮味可口服務都可以，飯後送生果似乎細碟咗

預左今日食過年飯，打左差唔多全觀塘酒樓，二幾三十個電話，個個又懶理又呢樣個樣，不過終於訂到呢間，心唸都幾好彩。點知7點2上到黎，等左成九個字先至有枱，仲要又鬧又嘈大龍鳳，攪到氣咳。我而家先明白，點解會訂到位，原來呢間訂位係有權利等位，無訂位既就食風。上黎個下已經燥唒，三部𨋢又細又慢，易超重，重要壞左一部...我開頭知我要控制情緒，唔可以發脾氣，因為會一發不可收拾，仲會係呢刻飯都唔食住寫食評。其實如果應付唔到就唔好落訂，人地黎左仲要人等45分，想點。成日話有人埋緊單，但成45分囉！ 負責留位嗰個絶對要再培訓！！有經理又完全唔做野，扮唔知，同啲知客帶位嘈，我查實覺得佢地可憐＞.＜我以後唔會就人一定會搵一間有信譽，識做酒樓既酒樓！寫完此刻食物已到，我未食但食材都係細件既普通貨色。坦白講句，我無心情食。

是日同朋友一家三口來富臨,原本想來個$98任食火鍋,但見到5歲以下小朋友要收$88,覺得唔化算,所以轉食小菜三大人一小童,叫3個餸,芝麻脆皮雞($48)+木魚豆腐番茄($58)+鐵板黑椒豬手($78)芝麻脆皮雞:果真做到皮脆且薄,雞肉尚算嫩口,雞味就唔太濃,但有薑蔥同沙薑汁點,$48呢個價都算抵食木魚豆腐付竹番茄:麻麻地,賣相唔好,d玻璃獻汁杰到似透明鼻涕,豆腐係超市盒裝豆腐貨,滑得來無乜豆腐味,木魚碎放多一陣就濕同淋晒,變成一pet鐵板黑椒豬手:上檯時來個黑椒汁淋落鐵板到,好似去左大x樂食鐵板咁,拿毛巾隔住塊面同衣服,但個豬手就無乜點特別處理過,人地豬手係要先炸過外皮等佢鬆化d,但佢就無,死實實一大舊,睇住侍應落手剪,都剪得幾辛苦下,因為d肉同皮太實,最後個豬手比佢剪到碎濕濕,賣相即時扣分總括來講,佢小菜既價錢都唔算貴,加埋白飯2碗同花生茶芥加一,埋單$268,只係小菜之中仲要花d工夫去處理d小細節,咁先可以做到賣相同味道俱佳

平時同朋友係上環一帶,若果想慢慢食慢慢傾,間中都會幫襯富臨上環店!因為係我地印象中呢間酒樓嘅食物,環境,服務,衛生各方面質素都算唔錯,價錢唔算太貴,係間中至失手,相比嚟講我地對佢較為有信心!中國人就最有家庭觀念架勒,繼上次為住係加拿大嘅親戚難得返港而去明星西營盤店飲茶慶祝之後,前排就有啲比較疏嘅親戚返港,大家就例牌抓緊機會坐埋一檯食餐飯傾吓計,珍惜相處嘅時光!不過老實講呢班所謂親戚打算盤都打唔埋,我同佢地就唔係好熟喇!經過長輩安排之下,再就埋時間,就決定成家人去富臨觀塘店食飯!橫掂去開觀塘,就緊係順便行吓apm啦!行完之後就過去,同酒樓都幾近吓!我地去到果陣都相當熱鬧,好多人打邊爐,不過訂咗房就唔駛等啦!呢度我地都幫襯過好多次,今次總算冇令我地失望,各方面質素都算唔錯,價錢唔算太貴!味道方面,今次14個人叫咗龍躉燕窩宴,結合屋企人同埋自己嘅評價,味道皆算唔錯!食物包括1)堂剪童子豬全體:隻豬嘅外皮都夠脆,不過真係好肥!肥膏多過肉,似乎選材不當!(2)碧綠琥珀蝦球:蝦球幾彈牙,略嫌蝦味同鮮味不足!其他配料都幾有鑊氣!(3)香酥荔茸玉帶:將帶子沾上芋茸再攞去炸,做法獨特!帶子能保留原有鮮味

百物騰貴下，竟然有$88全包火鍋，兩個月前仲係$108，限食兩小時連湯底，因為轉左麻辣併清湯雙併湯底，一鍋湯底加$20，仲有百事、啤酒（金威）、酸梅湯同蔗水任飲。抵！

今日同老婆及家人出外宴會慶祝, 我地一行24人, 一早book咗兩圍酒席八點鐘. 我地再係6點半再打電話Confirmed. 然後7點半左右在樓下等Left, 只見一条長達五拾米長0既人龍正在排隊上酒樓. 我地先搵人上去拿位,女侍應同我地講要等半個至一個鐘左右,問佢點解book左枱都要等.她說今日人多要等,最不知所謂就係服務態度.呢間酒樓平時感覺己係污漕同喧鬧，今次發生D無位事件.以後都唔會再來.最后當晚要再找地方晚飯嗎!

我外家成家人住係觀塘果邊，同我住得比較遠!所以平時每逢長輩生日或者過時過節，全家人至會難得團聚，坐埋一齊食番餐飯慶祝!我地多數幫襯富臨，因為富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心，我地都幫襯咗幾年囉!今次適逢外公生日，咁值得慶祝嘅日子全家當然要聚一聚啦!今次我地一如既往咁嚟到富臨觀塘店，幫襯咗一圍酒席，質素保持水準同樣唔錯呀!味道方面，今次12個人幫襯燕窩星班宴，味道皆唔錯!食物包括1)堂剪童子豬全體:乳豬皮幾脆，肉就肥瘦適中!(2)法式焗波士頓龍蝦(烏冬底):龍蝦殼多肉少，都唔知係咪有員工落格，兼唔新鮮!芝士汁配烏冬就有D格格不入!(3)金珠龍皇翠玉帶:各種材料新鮮，味道鹹淡適中!(4)玉環瑤柱甫:節瓜同瑤柱味道都唔錯，伴碟嘅菜硬咗少少同埋多草青味!(5)鮮蟹肉竹笙燴燕窩:燕窩唔係幾似真嘅，調味就唔錯!(6)清蒸大海星班:條魚蒸嘅時間控制得幾好，魚肉離骨又幾滑!(7)蠔皇原隻鮮鲍扣玉掌(12隻):鲍魚同鵝掌都夠淋，調味唔錯!分量適中，真材實料!(8)脆皮炸子雞:皮又香又脆，雞肉好滑，簡直係皮脆肉嫩呀!(9)瑤柱西施炒飯:材料足夠，成碗飯