富臨漁港 (已結業)

放左工同成班同事一早約左食大閘蟹,,上年食過紅星麻麻地,,今年轉第二間平時都有上黎飲茶打邊爐都覺得一般般..但係今次秋之蟹宴真係唔錯唔錯!!不過一定要一圍咁訂唔似紅星可以叫散餐,,我地10個人share一圍每人$300左右,,但都好滿意大慨有八款菜,,包括蟹粉小籠包,,蟹油魚,,清蒸大閘蟹,,年糕炒蟹,,蟹黃炒菜,,北姑蒸雞............總括每一碟份量都好夠,,亦好有水準,,好夠味都好好味,,每人都有一隻大閘蟹及一隻炒蟹..絕對夠食

我外家就住係觀塘，平時每逢長輩生日或者過時過節，全家人都會團聚，坐埋一齊食番餐飯慶祝!而我地多數幫襯富臨，因為富臨集團旗下分店嘅食物、環境、服務、衛生各方面質素都唔錯，而且價錢化算，令我對佢有信心!今次適逢外婆生日，咁喜慶嘅日子全家當然要聚一聚啦!最後我地一如既往嚟富臨，幫襯咗一圍酒席，質素唔錯呀!味道方面，今次12個人幫襯富華宴，味道皆唔錯!食物包括1)鴻運乳豬件全體:乳豬皮夠脆，肉就肥咗D!(2)碧綠珊瑚蝦球:各種材料新鮮，仲好入味!(3)玉環瑤柱甫:舊瓜同瑤柱味道唔錯，伴碟嘅菜硬咗D同唔入味!(4)金磚百花球:球形嘅係蝦球，磚形嘅係炸鮮奶!蝦球新鮮，炸鮮奶甜度啱啱好!(5)紅燒蟹肉生翅:魚翅分量算係咁，調味唔錯!(6)蠔皇鮑片玉掌:鮑片唔夠淋，鵝掌就夠淋，調味一樣唔錯!(7)清蒸沙巴虎班:條魚蒸得時間啱啱好，魚肉離骨又夠滑!(8)當紅炸子雞:肉質滑，皮夠脆，簡直係皮脆肉嫩!(9)生炒糯米飯:味道適中，材料足夠!(10)鮮菇炆伊麵: 味道適中，麵就太淋!(11)美點或桃包:我地挑咗桃包!今次蓮蓉味道同樣唔錯，不過染色太紅啦，D色素唔健康!(12)精美甜品:紅豆沙味道夠甜，分量適中!

七月九日（星期五），一行五人，來到富臨開餐，看見餐牌有某銀行信用卡推出的一些優惠餐，我們就選了個龍蝦靚湯餐，雖是四位用，但足夠五人果腹了，事關菜式頗多，包括有： 上湯焗生猛龍蝦 (伊麵底)，不過不失，龍蝦肉都幾爽，但個獻汁略為杰了些。 原盅真味燉湯 (1盅)，是晚的燉湯是菜乾豬肺湯，湯很鹹，豬肺腍得過份，相信是翻煲了若干次，再加大量鹽來調味。 海鮑片扒柚皮，大大舊的柚皮墊起幾片鮑片，對柚皮無興趣，所以無試，鮑片OK啦，都夠腍，而那個杰撻撻的醬汁則蓋過鮑片本身的味道了。 清蒸海青斑 (1斤半)，比較正路，魚肉都幾鮮美。 濃雞湯泡翡翠，其實是個鹹湯浸雜菜。 蔥油走地雞 (半隻)，雞肉都幾鮮嫩，不錯。 生煎翠肉包 (4隻)，也不錯，個皮脆脆地，又淋淋地，肉餡份量和味道都適中。還有精美甜品及合時鮮果 、奉送啤酒2罐及健康飲品（竹庶水）1渣。個套餐原價 $888，優惠價則是$538，但整個套餐的質素，就真的只值個優惠價。

當晚和家人共兩大一小到富臨，叫一冬瓜盅、沙爹肥牛、柚皮鮑魚片、椒鹽懶尿蝦，首先冬瓜盅ok冇問題，但沙爹肥牛煲唔牛肥牛係大大舊的牛肉，便問侍應佢話係肥牛，後來搵部長佢都話係牛肉唔係肥牛，o幫我地換左點知再來都是牛肉咁都算，當我地第一次食似肥牛既牛肉，後來柚皮鮑魚片只得柚皮和菜，跟住今次問經理D鮑片係邊度，原來係廚房唔記得左落，最後椒鹽懶蝦第左差不多45分鐘才來到。

呢次好多親友，唔方便阻住佢哋食，所以冇影相。今次各樣菜式都不過不失，以前都有喺富臨幫襯全包宴，質素同以前差不多!乳豬全體:肥咗D，皮都幾脆!奇妙翠蝦球:挺入味，尤其賣相好!珊瑚扒翡翠:冇乜特別!玉環瑤柱甫:幾大件，汁也不錯!火朣雞燉大鮑翅:好大梳翅，雞湯夠濃，唔係靠打蚝，good!鮑片扣玉掌: D蚝夠，入味!清蒸海星斑:熟咗少少!脆皮炸子雞:又香又脆!瑤柱蛋白炒飯+蝦籽燒伊麵:我冇食!桃飽:有我最愛的蓮蓉!紅豆沙: 甜味適中!鮮果: 冇乜特別!富臨質素向來穩定，下次家庭聚會都會再去!

同親戚拜完山黎呢度飲茶坐底之後就開始洗下野發現好幾隻杯都好dirty叫佢換過, 有D換完都係黑的感覺不多好綠茶千層糕 - 冇咩綠茶味, 但又唔係椰汁糕, 所以又唔夠香金錢肚 - encore了2次(即叫左3次!) 大家都話好正!!蘿蔔糕 - 唔掂雞翼(我都知飲茶叫呢個有D怪) - 結果係唔好食....冇咩味....可能冇醃過!炆伊麪 - 我覺得OK, 但冇咩人食咁~奶皇千層糕X2 - 由於太耐冇食, 所以叫左兩次! 我覺得不錯! 但有人話太甜~食完之後都覺得OK既(雖然一開始遇到衛生問題!><)

上次來食飯，用$98買左一張孖寶年糕卷（蘿蔔糕+年糕）。昨日終於拿回來，今日晏晝煎來食，發覺那蘿蔔糕的到期日不知是3號還是13號，心裡有些不安。那盒糕淋bat bat，白雪雪的《臘味蘿蔔糕》，不如叫豬油蘿蔔糕，完全沒有臘肉臘腸，即全無臘味，只有一粒粒豬肉碎在糕面，最衰係肥豬肉仲多過瘦肉，得少少蝦米係面。因為糕又削又淋，所以很難切，糕漿癡著把刀。放入易潔鑊煎，一陣陣豬油味湧晒出來，聞到都想嘔令人反胃。再用筷子叉開，見到條蘿蔔絲仲粗過我隻筷子。入口當然勁淋，只因糕內油超多，塊豬油蘿蔔糕不但晶瑩剔透, 而且白淨滑溜。無益傷身，咬一啖已經不想吃下去。連平日孤寒的康康都話要掉了它，送給我也不要。椰汁年糕比較好些，雖然不是特別好吃。

漢漢今天生日，8大1小第一次幫襯。梅梅還買了個栗子蛋糕，可以係飯後食。經理說代我們寫個特價菜單$1880。看了看，感覺都幾貴，於是自己點了以上菜式。之後那經理亦無再出現了。普通的一餐飯，任何中菜酒家都食到的菜式，而共通點當然係鹹和多油。當中值得欣賞的是蒜茸粉絲蒸元貝和生煎飽。元貝雖然唔係好大隻，但夠鮮味夠腍滑，梅梅和大康連汁都用來撈飯。生煎飽亦好香口，缺點是油多。埋單$804.有位姓劉侍應請我們幫他買年糕孖寶卷$98，焯焯應承立即付款，且侍應亦說送糖水給我們。點知後來他回來說經理只能送生果給我們，他非常抱歉的說“唔好意思”且退回$98給焯焯。我們說不用退了，其實沒有免費糖水又唔係問題，且心想應是經理小氣吧。值得一讚的是這位侍應，替我們急忙清理各大小碗碟，且換過些新碟同拿叉來吃蛋糕。真的是恩勤有禮，態度一流。下次幫襯，一定找他。

今日老婆個家姐遊完台灣回來、叫出來飲下午茶、話有手信派、梗係唔好遲、即刻到！二時半到、老婆個家姐巳經有位、我們三人分工合作、個仔剔點心、老婆同佢家姐吹水、我就試手信！老婆個家姐話一生人終於經歷過六級地震、事後才知驚！一定要買六合彩個仔大約剔了十二、十三樣點心、好快d野到啦！蘿白蘇……凍、苦叉燒腸粉……凍、冇味蝦餃、排骨、鳳爪完全冇味、唔新鮮雞扎、菜苗餃、叉燒包、金錢肚都可以芒果布丁個仔話好食喎、因佢鍾意食最不知所謂就係服務態度、當我地食完d點心籠、完全冇人拿走、我地就將d點心籠砌高、嘩…竟然扮睇唔到、有個女侍應同我四目交投後、更轉面做其他野、實行彩你都on居！十分鐘後、都沒有人拿走、火起了！叫個侍應沖水！講：你冇野呀！唔使做、個個扮睇唔到、佢至死死氣拿走！大佬、這是最基本的服務態度、差差差差！埋單二百幾、家姐比錢、會否再來……一定唔會！

今日和姊姊們聚餐，咁啱嫂嫂快要返澳洲，所以就約埋一齊食，諗住近近哋就嚟呢度啦。法式龍蝦球伊面底 - 龍蝦球幾爽口，味道OK，但太多Sauce，伊面又淋咗D。原隻花膠扣鵝掌 - 鵝掌OK，但花膠唔夠淋，生菜撈咗D汁就幾好味。原盅燉宮殿雞湯 - 湯十分足料，呢個最好味，正！清蒸海青班 - 青班都幾新鮮，但細條咗少少，又嚡咗D。粉絲大元貝 - 麻麻哋，冇乜味。富臨燒鵝皇 - 燒鵝都唔錯。南瓜露 - 唔夠南瓜味，好彩唔太甜。最後有鮮果盆，仔仔話好味。跟餐有2jars竹庶水，淡淡哋都OK。包茶芥和加一，每席$698 (5位)後加芒果布甸($12)足料，好味道，埋單$710。

朋友聚會，試試友好介紹既富臨，佢話餸來到檯熱辣辣，價錢唔貴又好味！好！就去試試....當日6:15pm到達，得小貓3、4隻，我地6:45pm就叫餸，佢套餐有「海斑劵價」，就平d，其實什麼海斑唔海斑價，只要叫落單0個個識趣d，自然會平到比你！入夜酒樓食客就越來越多，之後更爆場，打邊爐同食小菜一樣咁多人！我地6個人食$598餐，有燒鵝半隻、海參扣鵝掌、灼蝦、牛肝菌海螺湯、蒸魚、類似象拔蚌絲湯浸白菜、生果+4汽水+1支竹蔗水朋友起初話酒樓上菜比較慢，要邊食邊等。點知飲緊第一道菜─湯既時候，湯渣都未食完，第二、三、四、五、六樣餸就迅速上檯，連位都差d執唔切比佢放餸湯好飲，真材實料，湯渣又多，有雞腳、螺片、豬肉...好味！燒鵝都熱辣辣，不過肥膏比較多，要吐番出來先敢食浸白菜就菜同菜湯都好味，上面0個d似象拔蚌絲既野就無乜味蝦、魚、鵝掌味就一般，只係夠份量每人$130都食得好飽，可以下次試下佢小菜同邊爐

上個幾禮拜我同一班係外國返黎香港玩吓嘅朋友，平時我都去開上環地庫果間，d嘢都幾好食，今次因為就d朋友酒店住係灣仔，唸住同一集團都係一樣~~~點知就谷氣死我，面都冇晒....我地一行4~5個去食飯，點菜時冇人理，問到有咩介紹就比個細本有圖菜牌比我地(我地夠知有呢d啦，有圖睇5歲都識點啦)，完全冇介紹，我地都有叫個湯，到用餐時我地個湯放低左成幾分鐘都好似冇人睇到，而我地叫人幫我地加茶同換新碟時2次都冇人理重要叫完個灰色套裝個女經理應左都冇去做，第三次叫個女經理時只係見到佢話個侍應點解唔換，完全冇理過我地...到食生果時又冇叉又冇乾淨碟點食........，而且d燒鵝又肥又唔靚我之前重一味同我d朋友話富臨d燒鵝好食、坐得舒服(原來只係得我去開果間先可以)，重點係d朋友佢地幾年先返香港一次，想請佢地食餐飯開心吓，點知重比佢地笑話幾年冇返香港而家d酒樓伙計做嘢好差喎，又話你成日去??.....笑到我都唔知點答咩面都冇晒啦，睇怕以後徐左我去開果間之外都唔好介紹人去

價錢 ..寫明9:30 後入去 , $48.00-位 任食自助火wo ... 但原來湯底叻計 ....平均要$100 一個人(但又唔係晚飯時間 ...洗咩咁貴 ...)質素 ..個火鍋煲蓋 ..油林林 .. 味洗過 ... 好恐怖食物..選擇不多 ..野食質素超差 .飲品 .. 酸梅湯 .. 太甜 ... 飲糖水一樣.

一行8人到這裡慶祝週年紀念日2個字 失望食完個套餐+1等東東西西 1,900蚊3樣野 咸...貴...唔值...最好記係一樣野我地飲左10壺茶水 ... 可想而知果個煮食物果個可以係果刻無左味覺...Too Bad...

H & K 放工後又再一次在觀塘找地方食晚飯, 今次 K 建議到富臨試下任食打邊爐食物選擇都算不少, 有多種菜,餃,蝦,魚片,肉及丸頪等等, 質素尚可雖然食物味道可接受, 但此酒樓員工的服務態度就十分不可取, 我都不想在此詳細講述, 只知服務質素跟食物質素對於客戶取決會否再光顧一間餐館來說也是十分重要 !價錢方面, 每位$68任食火鍋, 但其實還有好多額外收費包括茶芥,醬油,及湯底等,故結脹時差不多每位要$120,並不太抵吃啦 !