富裕車仔麵

营业中

休息中

📍 富裕車仔麵 (荃灣)荃灣大壩街47號地舖==============================今朝早散完步想搵個地方食早餐，路過荃灣廣場附近見到呢間車仔麵店之前未見過，價錢又幾吸引，所以就坐低試吓😋==============================食物⭐️⭐️⭐️⭐️⭐️湯底：湯底加左滷水汁同少辣，滷水味好香，少辣唔算好辣🍜麵底：粗麵都算彈牙，浸左一陣湯都唔會變淋🥕蘿蔔：無渣好甜，吸左d湯好好味🐷豬手：豬手好入味，一咬d肉就同骨分開，豬皮好淋但無油膩感凍檸茶：茶味唔太濃，有d似飲緊檸蜜

荃灣區好多麵食，車仔麵都有好多間，今日經過荃灣廣場，突然想幫襯下啲小店，於是選擇左位於荃灣廣場對面嘅「富裕車仔麵」試下啦環境小店經營，大約只有4張枱，坐滿不足20人見店內老闆娘一腳踢，收銀，侍應，煮，都係一個人。坐底就自己畫想食嘅配菜我就選擇左粗麵、羅白、牛腩、冬菇、小辣、腩汁、蔥同芫茜等左五分鐘，碗麵就上啦，賣相唔錯，湯底夠深色。麵係彈牙，湯底有牛味，辣油係自己調制食落舒服，有辣椒香味牛腩肥廋適中，都有四至五舊羅白有甜味，無渣冬菇入哂味，夠淋基本料都做得唔差總括，性價比唔錯、推薦鍾意試唔同小店嘅你

今日中午去左荃灣見客，趕住返公司經過見到間車仔麵快靚正就同同事入去食～🥢油麵。蘿蔔。豬腸。雞翼尖。水魷鬚。滷水汁🥢油麵。蘿蔔。豬腸。豬紅。中辣佢哋嘅蘿蔔味道好鮮甜，豬腸煮得好熟透，有啲腍口。仲有啲韌性十足嘅水魷魚，令味道更加豐富。另外，豬紅同雞翼尖都滷得好入味，豬紅滑，雞翼尖入味到有少少咸不過，入面位置唔多，坐到最入熱熱哋風都冇咩嘅，食嘢食得好熱呢🫠另外，個湯底有啲都ok，唔會太過濃郁。總括而言，車仔麵嘅食物質素ok，侍應十分之有禮貌，價錢亦都好實惠👍🏻

富裕車仔麵呢條街不嬲都多嘢喺兩個就係商場附近荃灣廣場對面佢裝修左 空間感好左d用白色招牌容易突出俾人睇到散叫左車條麵 冇跟套餐牛柏葉 沙嗲牛肉 雞翼尖牛柏葉 沙嗲牛肉正常雞翼尖淡咗啲

經過大霸街，見到富裕車仔麵，門面講到自己好有本土味道，試吓都好。價錢算係平嘅，劃好交店員。上枱就知唔掂啦，湯底係豉油雞粉水加腩汁。加嘅秘制麻辣醬係垃圾級別，一啲麻加辣嘅水開生粉一patpat 咁，無層次無底味唔平衡。牛腩，碎濕濕兩三舊，薄過紙又無味。10蚊真係搵笨。魚腐叫貨就係普通嘢。雞翼10蚊，有色無味。放枱的辣椒油都係普通嘢。整體而言，肚餓都唔會食。

正苦那個安心出行真係搞到市民同飲食界都十分頭痕！既然大家咁多黑人問號倒不如來個安心外賣會否吃得更加安心呢？所以我返荃灣的午餐有時亦會安心外賣回外家享用，像這兩星期我分別買了車仔麵和點心外賣作午餐，這天便到富裕車仔麵買了三碗車仔麵回去跟車公公車婆婆一同分享。第一碗是車婆婆選擇的魚蛋、雞中翼、豬皮配幼麵＄32，湯底還為她加上了點牛腩汁，我試了一粒魚蛋沒有特別好吃但口感也不會淋pat pat。車爸爸則選了幼麵配豬大腸、金錢肚、豬紅＄35，豬紅口感是意想不到的滑溜，牛肚亦炆得夠淋身可惜未夠入味，豬腸沒異味之餘帶有腸的香氣又夠淋我好喜歡啊~而我則選了魚肉春卷、蘿蔔、魷魚配油麵＄32，魚肉春卷當然沒有妄想可以跟雄記相比但也真的太不好吃了！厚厚的外皮加上內裏沒有什麼味道怪怪的口味，反而蘿蔔炆得夠入味又清甜，而水魷只要新鮮冇異味沒煮過頭就好吃啦！另外喜歡吃辣的我選了辣汁，可惜辣汁似泰式辣醬多些絕對不是我杯茶囉！而每個車仔麵也可以加＄5配上冷熱凍飲一杯，計計數一餐連飲品也不用＄40的車仔麵加飲品，雖然味道平平實實但絕對可以接受的！

琴日突然心血來潮想食車仔麵， 甘岩一出荃灣廣場就見到呢間鋪頭😂就入去食個tea,我諗住清清地，叫咗粗面，配炆冬菇，時菜，魚皮餃，估唔到都幾大碗，味道都ok，都幾足料😋😋 食完好滿足， 下次試下其他餸😋

行完h&m見到對面有間車仔麵，於是乎行入去試點知呢間嘢服都👻👻😖😖價錢係好抵食，但係啲嘢食質素都跟住價錢一樣甘低下我叫咗魚肉春捲，雞翼+大腸食河粉首先講佢個河粉真係連冇牙嘅阿婆都唔使帶牙都食到，淋到🙄🙄跟住嗰個魚肉春捲， 一路食一路吐翻d白色嘅嘢出嚟， 唔知嗰啲係魚肉定係乜嘢， 總之咬極都咬唔開，似未熟咁嘅款😑雞翼同豬腸個味道分別唔大， 不過🐖腸顯然未洗乾淨有一陣騷味至於湯底方面就係出前一丁湯，味精😂不過以拒38蚊有找咁就算，不過真係no next time囉

平民車仔麵，抵食，又飽又好味，加5蚊有凍飲。今晚天氣好熱，唔知食乜好，落街見到間車仔麵實都去食， 雖然裝修普普通通， 正在食物實惠又多又好味，選擇多。包羅萬有， 眼花繚亂

午餐之選，平平地$43四個餸嘅米粉，加$5多杯飲品，經濟又實惠。車仔麵小辣至特辣任你揀，唔係成碗油果種，而係秘製醬汁嗰隻，白蘿蔔好入味，又夠淋，通菜好新鮮，牛丸夠彈口。

係大型商場對面，小小舖頭的紅色招牌吸引左我視線裏面坐滿人，店内空間不多，比較迫叫左米線、豬腸、牛腩、牛筋湯底幾入味，有牛腩香米線有點碎，大致剛剛淋，有口感豬腸好似煎過，有咬口牛腩不太林但入味十足，入囗有鮮味牛筋林林地有咬囗，不錯通菜跟埋，鮮嫩無比總結份量多，價錢算抵

一個人食午餐，平平地可以揀車仔麵，經濟實惠。 環境來講，街邊舖的確唔可以要求太高，牆壁和餐枱都有點油膩，而廚房亦都唔算好乾淨，處理食物亦冇戴上手套直接用手。。。而老闆和侍應亦都不斷用福州話交談，吃飯時也不得寧靜！食物來講，面嘅份量有點兒小，而餸的份量很足！我呢就叫了紫菜、雞翼尖、山根丶蟹籽丸，雞翼尖嘅味道最好，滷水味很足，但山根煮嘅時間根本唔夠，根本未煮諗。味道來講萛係車仔麵鐘數一數二嘅，但配面嘅菜則十分老，難以下咽！ 服務來講，和一般街邊小店一樣，你懂的～

今日放工要留在荃灣所以約了朋友先去填飽肚子先~朋友突然想食車仔麵，所以就走到荃灣中心對面的富裕車仔麵啦~~自中學畢業後，都好像沒有食過車仔麵啦~ 正好今日可以重溫一下~~餸菜的選擇頗多，$5-8 不等~~每碗至少要$22其實很容易就達到~一麵三餸就可以啦~~我選了白蘿蔔冬菇滷水蛋米粉小辣米粉的分量很多，不用怕不夠飽~白蘿蔔多汁鮮甜無渣冬菇炆得很入味，而且分量多，我分了三隻俾朋友後，碗內還有六七隻~滷水蛋也很入味~ 不錯~車仔麵的水準其實不差可惜食麵的期間有烏蠅陪你同食....令人有點兒倒胃口...所以匆匆食了幾口，我們就放棄了，立刻逃之夭夭

先感謝Openrice送出的戲票，假日可以有節目。入場前，在對面食碗車仔麵，填飽肚子再睇戲，免得到時肚打豉，影響其他人就唔好。麵底仍然是揀了車仔麵，至於餸，豬腸是我必然的選擇，平時我會要埋蘿蔔，不過今次見有芝心丸，又花郁郁想試下，最後一款係酸齋，天時暑熱冇咩胃口，我多會來這味。豬腸尚算爽脆，但有欠肥美；芝心丸也不覺太有芝味；還是酸齋好，因為夠醒胃；仲有幾條菜送，是通菜，真想叫阿哥配點腐乳給我。飲埋檸茶，可以入場。

上次想來吃車仔麵時客人蠻多,今次路過剛有空桌,而且店前還有膠簾分隔,證明冷氣開放哩!麵店其實相當細小,迫迫的座位好像更像車仔麵風味,人客一入座,阿姐隨即放上點菜紙及筆,比一般大張的點菜紙裡,供應的都是大路的車仔餸,想要特別一點的就很抱歉了。平時的車仔麵通常麵底比餸菜多,這裡的餸菜卻比較多,真開心!份量最多為冬菇,小花菇大約都有四至五隻,開邊後大約八至十件,雖然每件也是小小但都不少了,沒有用上濃味醬汁煮成反而更能嚐到其本身菇香,蠻夠厚肉的冬菇也很滑溜,比吸滿醬汁的煮法清新一些。 辣魚蛋和普通魚蛋選了不辣,這裡用上質感較鬆的炸魚蛋,個子比實的的那款為大,但我卻不太喜歡;魚蛋蠻新鮮的沒腥味或油膉味,可以的。墨魚丸乃冷凍貨色,不是每間也是長發麵家唷!大大粒的墨魚丸裡沒太多墨魚,基本都是粉團一粒,誰叫那天突然想吃墨魚丸。必點的豬腸是大大條那種冷凍貨色,可是卻有點點脂肪在內,罕有!全條豬腸最大範圍的幾圈豬腸沒有腸臊味,少量脂肪更多了一點甘腴,相信這裡的豬腸是煮熟後切開再浸鹵水,只因每件腸都是兩面也有顏色,爽口不韌的還算可以。放棄蘿蔔改吃青菜,沒有問有什麼菜之餘,店家用上了青通菜,份量足夠之餘燙得青