富都茶餐廳 (已搬遷) 新店位置

同埋同事C去開荃灣辦點公事 一試較近地鐵既"富都"我點了午餐魚香茄子飯 魚香係邊 找不到 也食唔出 個汁好杰 又淡口 仲好油添 好差例湯 我通常唔飲 C君邊飲邊笑住話 似同佢老婆既關係" 淡如水" 佢點既焗白汁蟹柳磨姑飯 明顯多料 可惜白汁超杰又重奶粉味 C君又抵死話 似同佢老婆未結婚前"甜到漏"來形容難得他不滿還不滿 全部清晒入口 我只能食到一半就棄權二人叫既熱啡 熱奶茶 好彩不似"林峰" 放手 放開所有 +++留意到餐牌加$2 可點紅豆冰 喜歡既不妨一試 我想水吧師傅水準較好

今日(28-11-2010 Sun)同男友晏起身,男友要上大陸做o野,我就因o黎o緊o既星期四媽媽死忌當日冇假攞,就提早今日自己去拜佢.於是同男友落荃灣食o野.o黎到兆和街,得佢有位,就氛去啦.男友話要個八寶飯share,好的.落單時亞姐話要等,等燒味上架時至有,男友問佢等5分鐘有冇?佢答差唔多.但男友都係轉呔要第二啲,要o左$32.00o既鳳爪排骨飯套餐,要熱檸水,中湯係節瓜湯.我就要$28.00o既公司三文治.一陣,湯到o黎,都有幾多節瓜,男友叫我先飲兩啖試吓,行過o既亞姐聽見就主動畀個碗仔,真醒目啊.我勻啲o黎飲,節瓜夠腍,湯味都幾濃,唔差.之後所有o野都到o黎,男友o既鳳爪排骨飯係飯餸分開o既,餸汁幾深色,除o左鳳爪排骨外重有豆卜.由於我冇試到,問男友,佢答鹹o左啲.但中途佢夾到一件o野,話係雞腳皮,我睇真啲話唔係,係一塊透明膠,我話要話畀佢o地知等佢o地注意吓.我叫個亞姐,亞姐主動話換過切雞畀男友,男友話唔使,但佢堅持,話唔好睇.最後亞姐拎過另一碟鳳爪排骨畀佢.而我o既公司三文治呢,有烘過o既,餡有煙肉,火腿,蛋,芝士,蕃茄同生菜,最後兩樣o野都幾新鮮o既,其他不過不失,唔錯

今次陪老公食飯,係兆和街搵食,唔知食乜好,突然有個waitress姐姐走出黎嗌我地入去,就係門口諗食唔食,又有個staff話:「晚市多位唔駛搭枱tim呀!」咁就真係決定呢道啦嗌左個中式牛柳飯,一碗飯,一兜餸,兜野得三塊牛柳,咬極都唔咬唔開果隻,但個汁真係夠晒酸甜,佢似係京都骨既牛柳版多d,味道好,但口感差但食到中途,有個waiter走黎:「老細,拎開個袋,有人黎」頭先又話唔駛搭枱,我地先黎食姐,突然有人黎,不過人地搵食,都冇計,但個態度好d丫,未食完停一停飲啖野,兩個staff走埋黎,一個問:「老闆唔要喇可?!」另一個就拎走我地份野,我:「未食完」就收左我份餸,剩返我份飯,但個餸未清架喎,趕客都唔駛咁呀?

好久之前來過，裝修後似乎位子不太好用。動不動就要搭檯。三人行，叫了午餐(@$32)焗白汁蟹柳雞飯和焗白汁蟹柳雞意粉，還有干炒褔建飯。$32包餐湯(紅,白,中湯)連飲品，凍飲或紅豆冰都只不過加$2而家已經無咩地方能如此平就有紅豆冰，於是一試。紅豆冰十分不錯，飲下去全是牛奶，唔會有其他餐廳飲到水味既問題。紅豆軟硬度剛好，只是冰用碎冰較好。湯和午餐都十分不錯，足料非常。於是飲過湯以後已經飽八成，無奈只好包起午餐當晚餐。三個午餐有同樣問題：不夠味。或者，沒下味精吧！

2010年6月11日 ( 富都茶餐廳 - 1 )黃昏時段，來到兆和街新裝修過的富都茶餐廳，剛好趕及下午茶，又可當晚餐了，我倆要了兩個餐。(1)下午茶特選炒粉麵，A餐--焗磨菇蟹柳意粉，(2)自選湯料湯瀨粉，揀了叉燒、油雞河粉，飲品熱奶茶及紅豆冰。焗磨菇蟹柳意粉，蟹柳一般，芝士忌廉焗得幾香，意粉軟滑。叉燒、油雞河粉，叉燒、油雞普通，河粉幼滑，湯底好味。熱奶茶及紅豆冰也OK。新裝修過後，光猛很多，比起以前，舒服多了。

今日(13-5-2010 Thur)同男友食完蛋糕後,爸爸飲完茶返o黎,我o地趕唔切join佢,就自己食早餐啦.同男友諗去邊o度食時,我記起呢間有豬扒飽,於是提議呢o度,男友就同意.o黎到時都有8成客,坐低後我極速要個$20.00o既特製豬扒飽餐,凍奶茶要拎走,因為趕時間.而男友要$22.00o既叉燒公仔麵餐,有餐肉煎蛋牛油餐包,飲凍檸茶.兩個凍飲例牌加$2.00.男友o既凍檸茶先到,之後佢o既叉燒公仔麵o黎到,叉燒份量唔算少,男友畀一件叉燒的食,叉燒係瘦但唔係好硬,鬆鬆地,唔錯o既.之後我o既凍奶茶o黎到,我飲一啖先,都有茶味,之後男友o既餐肉煎蛋牛油餐包貞到o黎,牛油餐包唔大個.再等一陣,我o既特製豬扒飽終於到o黎喇,睇吓先,有我鍾意o既千島汁,有生菜絲同蕃茄,飽係漢堡包.食吓先,豬扒係炸o既夠味而鬆軟,但內裡粉粉地色,唔知會唔會未夠熟.豬扒同烘過o既包都幾脆,配合千島醬就唔會出事呢,呢個算唔錯o既.服務:三個亞姐好似人手唔夠咁,我o地坐低後想叫o野都要等一段時間,之後有兩個客直情冇人理,其中一個亞姐發現同佢落單後就問點解冇人理佢o地,哈.

今日(24-4-2010 Sat)起後,要幫爸爸買藥,而男友又要返工,就同男友落荃灣食早餐.買完藥行o黎呢條間,差唔多間間都滿晒人,可能呢個時間起身食o野o既人(如我)又多,行山或拜山o既又多啦.幾經辛苦,行入呢間o岩o岩有卡位,同一個老人家share坐,睇睇menu好多o野揀,男友要$22.00o既D餐,有沙爹牛肉公仔麵,餐包同火腿炒蛋,佢飲熱檸茶.而我就要$20.00o既吞拿魚多士同飲熱奶茶.等o左都幾耐,o野飲先到,奶茶都係偏淡.男友o既食物陸續到o黎,而我o既都到啦.睇睇吞拿魚都唔算少,有兩片蕃茄,多士唔算太燶.食落,蕃茄新鮮,味道都唔使講lu.而男友睇見火腿炒蛋覺得好似唔錯,我試o左一淡,都冇問題吖.我冇問男友覺得呢餐點.服務:睇見四個亞姐都忙個不停,但服務仍不差.

十二月中旬偶非早睡早起之人，雖吃慣宵夜，卻又不喜歡「被迫性」的去吃叫人納悶無奈「早餐」，回到家已近凌晨四時許，附近早市未開，而點心居仍在裝潢中，只有這裡是全天候營業。店內有著「香噴噴」的煲仔味道，問問自己，原來都有十六小時未有熱量進肚，沒有窩蛋牛，來個芋頭炆排骨煲吧，原來餐有跟餐湯及茶的，這碗豬骨湯，雖有師傅成分，又雖然不夠熱，亦加了不少鹽吊味．．．但捱了幾晚後有些少湯水潤下，聊勝於無。餐飲是熱華田，很甜但卻是保溫之良品；至於主角芋頭炆排骨煲，竟然帶有椰醬的甜味，芋頭與排骨與及汁是各自成文，芋頭微香、排骨醃得夠鹹、汁帶椰甜，仍真是百感交集的味道，吃到頭暈，但總算有點熱量下肚，什麼都不想去想了，回家上載網誌後，來個倒頭大睡。

星期六, 修道日約了齋妹響千色店集合再入大西北. 到了荃灣, 才找地方醫肚去. 要近近地千色店, 只有來到川龍小巴站呢條街, 找一家茶記, 快人快食. 由街頭行到街尾, 始終都係一句話, 燒臘飯甚少機會出錯. 看見呢間, 吊住幾隻燒鴨. 將其味部擺得出門口, 必定有番咁上下. 好不容易, 找到地方坐低, 不多看Menu有乜好食了, 反正已經欽點了燒臘飯. 聽到不少人叫燒肉飯, 就改一改口味, 來一個叉燒燒肉飯.味部出品, 一定比其他快餐出得快, 只是整一碟熱飯, 斬兩斬. 就成為一份快靚正既港式美食. 叉燒, 是半肥瘦的淋淋叉燒, 而且叉燒汁都落得幾重手. 所以個飯底, 非常之夠味. 燒肉, 為何個個叫呢, 原來佢地既燒肉真係有一手, 皮脆, 味道不太咸. 食落去有如茶樓既燒腩仔咁既質素. (亦可能是我好彩, 切正塊正腩肉俾我. 沒有給我芥辣, 沒有給我甜醬, 伴上的反而是羌蔥. 喜蔥油的我覺得更正.女友來電了, 只好快快耙埋碟飯, 飲埋杯奶茶. 食燒臘亦有個好處, 唔會太熱, 急食時, 唔會辣親五臟六腑.

　　先說食物，我叫了學生餐－－鑊仔牛柳飯。牛柳還算不錯，咬下去時，肉汁在我口中四濺。配上洋蔥汁，伴飯還算不錯。可是這碟飯的背後，卻換得我一肚子氣。　　我在１２：００左右「落單」。那侍應在此時已經不太友善，說話粗聲粗氣。接後，我同學道他看見那侍應將寫ｂ餐寫成ａ餐。我當時不以為然，想不到一碟ａ飯真的來了，我兩位同學一個吃意粉，一個吃薯菜，顯然這ａ飯就是一個謬誤。　　然後，我舉手，卻沒有理我。這樣的服務態度，差極！後終於有一侍應理會我。雖然他把ａ飯拿走，但我看他毫不在乎，不知是否會將ａ飯更成ｂ飯。　　我的同學已經開始進餐，可是我仍是在等。我再次舉手，再次久久才有人理會我，我再次催促。　　再過片刻，我的一位同學已經進餐完畢。可是我的飯還沒有來！已經不必再說下去。　　　　結論：該餐廳雖然食物尚算可以，但員工服務態度差極。對待客人不友善、無耐性。被人催促時，說話更帶抱怨語氣，顯得十分不耐煩。工作效率慢，投訴送錯餐後，大約２０分鐘後才更正。我同行的同學更說，曾經在此聞過員工講粗口。而我另一位同學之前曾經進餐，點了一個德國腸炒蛋公仔面。後來，才知道德國腸只是芝士腸，貨不對版。　　食物質素一般，貨文態度

I have a breakfast there on 15/09 when typhoon signal no. 8 was hoisted.I placed order of a combo meal that include instant noodle (beef satay), scrambled egg and a cup of tea. It was a value added combo with "Nissan Demea Ramen". First of all, the taste of noodle was terribly bad, not because of the quality of food, but the way how badly the chef handled his cooking job. What I needed was simply an instant noodle in soup. Unfortunately, they serve me a bowl of un-done salty junk food.The scramb

今日同左d 同事來左呢間店到試下,叫左個潮州炒麵,佢o既特別之處係用用粗麵,而唔係用幼麵去炒,但特別還特別,真係有d難食law,因為d粗麵o既簡水味太重,我食來食去剩係得簡水味law,蓋過曬其他材料o既味.........同埋d小二真係好凶狠下,大家真係要去o既話要有心理準備.

23/6/2009 (星期二)今日同同事一齊去富都食午飯，同事推介食燒味，所以我就叫咗义燒飯套餐 ($30,包一碗湯、白飯及飲品)，而同事就叫咗燒肉飯和油雞飯，大家交換就變咗三拼飯。燒肉： 皮脆，味道唔錯。义燒： 一般啦。油雞： 一般啦。羅宋湯：料多。整體來講，賣相OK，份量頗多，味道唔錯，下次會叫燒肉飯。

再次出差荃灣,順道吃個早餐才回公司,路經此地見到有空桌,也不走到翠華碰運氣了。當月巴人正想坐下之際,侍應大哥問我"幾多位??"表明一位之後,侍應大哥安排月巴人坐在一個前面有塊板的二人卡位,以我這個喜歡自閉的月巴人,這種位置更合何車!! 那個早上突然很想吃即食麵,從款式繁多的早餐餐牌中選了一個有麵吃的雙拼早餐!! 也從林林種種的食品中選了這個德國腸炒蛋即食麵。早餐不可缺少的凍奶茶首先送到,大大杯的奶茶確夠份量!!茶味還算香濃,也很有紅茶香味,甜度也剛好,只是冰粒較多,可以減少冰粒份量就好得多。還以為德國腸是那種類似法蘭克福腸的大香腸,原來是用上脆皮腸,這也是我的心頭好之一!外皮脆脆的小香腸浸了湯也沒有軟化,好吃!要是可以改用蜜糖脆皮腸的話更妙!! 雞蛋炒得相當細滑,吃來也感到蛋香濃郁,就算浸在熱湯裡好幾分鐘,也不改其嫩滑感覺,利害!!要是單獨上桌的話,應該更為滑溜美味!! 湯麵用上普通大光麵,不過廚師大哥卻煮得很彈牙,吃來十分愜意!! 唯一不足是湯底較咸,連我平時喜歡飲麵湯的,也只可淺嚐,要是可以減低一點咸味,這是一碗完美的腸蛋麵了!!等候期間繼續翻閱餐牌,才發現有其他早餐更多配搭和抵食

富都...荃灣有幾間分店...兆和街同眾安街兩間算常去..幾本兩個星期都去一次...同男友去親一家叫個2人餐..$80大元有燉湯.兩個餸..仲有油菜同飲品...餸幾大碟ga...味道唔差...都幾好食我次次湯同飲品都飲唔晒..唔係唔好飲..而係非常飽...飲唔落la!~我介紹0左呢間0野比daddy同媽咪...佢0地都係平均兩星期去一次...佢0地都覺得底食呀...又係次次食到飽飽咁...有幾次試過約0左親戚0黎屋企玩..都去富都度開飯la!叫個4人餐...$15x親戚都話唔錯..都係食都好飽呀我鐘意叫蝦仁炒蛋(起碼3隻蛋)...黑椒牛仔骨...(普遍餸菜都唔差...未食過蒸魚呀...)總括:大件夾底食....