富都餐廳

营业中

休息中

繼疫情時外賣嘅等待經歷，諗住而家應該會好啲，再試一次外賣自取，結果又一次自討苦吃。晚上八點零五點餐，兩個套餐連盒錢共$178，等等等，八點二十五分先有得攞。餐廳嘅習慣係煮咗比堂食嘅客人先，外賣嘅客人就由得佢哋等到發霉，因為已經比左錢，外賣客人被迫等待，堂食客未俾錢，所以要招呼佢哋先。點解出餐唔係先入先出嘅呢？食物偏咸，中湯更咸，飲完兩口就要飲水，可能係水尾關係，所以要落重鹽。我唔知堂食嘅質素如何，但係都係嗰句：千祈唔好叫外賣，除非你預咗等半個鐘啦。

今日行元朗行到攰攰哋，又有少少肚餓，不過食個下午茶😋這間茶餐廳下午茶2點已經開始，真係好，當食個late lunch👍🏻下午茶有好多選擇，我揀吉列豬扒配薯條+凍檸檬茶。嘩，吉列豬扒好大塊，炸得酥脆，豬扒唔係好薄，冇雪味，真係炸得好好味。炸薯條都係即炸所以係熱嘅👍🏻凍檸茶有5片檸檬片，茶有茶味，真係一個字👉🏻正！一進店已經有侍應問幾多位，即刻安排坐位比我👍🏻枱面都抹得乾淨，侍應都好醒目會環顧店內有冇客人要點餐/執枱。整體來講係可以再來👍🏻

今日黎到元朗，想搵間未試過既冰室食下午茶。呢到食物款式都幾多，今次叫左一份豬扒包，相當大份。豬扒煎得幾香，唔會話太肥。包身用了有d乾同硬既質感，但自己鍾意軟身既麵包多d。環境都算乾淨，職員有禮貌。

河粉令身，牛肉唔老，值得一試，杯檸茶唔甜，但又無苦澀，唔似其他餐廳，一係太澀，一係太苦，老闆招呼周，感覺親切，加上地方夠大，四個肥佬坐在一起，唔覺得逼迫，坐得舒服

上星期日晚，19:16完成訂單編號5596，包括一個炒飯、一個時菜排骨炒河、一個西蘭花班片套餐、一個啫啫雞煲套餐，總共四個。喺餐廳外面等到19:35，同負責落單同埋收錢位女士講，套餐同炒粉麵要分開包裝，跟住就問我買咗啲乜嘢，又話冇晒河粉，於是唯有轉炒麵，跟住等到20:00再問出餐未，我要退返錢，又話就得等多陣，結果要到20:10先有，返到屋企之後，原來兩個套餐無比白飯兩碗，結果冇飯食，齋食餸。四個餐要等咁耐又咁多甩漏，我勸大家唔好幫襯，啲嘢食又鹹，當晚唔止我一個等咁耐, 有位先生都係7:30pm落單，到八點都未有得攞。佢哋啲安排好奇怪，如果係一個餐就會好快，遲來先上岸，如果你叫三個餐以上，排到你發霉。

今日落咗元朗返工,知道元朗好多嘢食,問下啲同事有咩好推介,佢哋就帶咗我嚟元朗泰祥街14號盛發大廈地下6&7號舖,富都餐廳 地點又夠方便去到舖頭見到裝修好整潔,而且座位預留嘅空間十分之多,畀我嘅感覺坐得好舒適焗鮮茄豬扒飯 這裏的焗豬扒飯很有誠意芝士及蕃茄也很多，豬扒醃得不錯,焦香的芝士上面加點香草，有幾種顏色，發出既熱力就知係即焗，豬扒一入口就有驚喜，肉質好軟明顯有醃製好，應該係我吃過最好吃食既，而蕃茄好新鮮，覺得特別好食全餐 鮮茄薯仔肉碎螺絲粉,配煙肉,薯餅,多士,多士上面仲差滿牛油香味濃郁首先講返個湯底,蕃茄濃湯非常香,但係又唔會太過渴撻撻, 酸酸甜甜真係好開胃,加埋有啲肉碎蛋喺上面,配埋爽口彈牙嘅螺絲粉一齊食,無論口感同味道都係做得好出色。而薯餅都炸到金黃色又香脆,食落口十分惹味煙肉切得比較薄身,質感柔軟,口感豐富每個午餐仲有一杯餐飲，我同朋友仔都揀咗凍檸茶茶味香濃夠晒凍檸檬味又香證明檸檬夠晒新鮮真係估唔到茶記都可以將啲食物做得咁出色,呢度平均一個午餐都係50蚊左右有差唔多十幾種選擇,下次去元朗返工，都一定會過嚟呢度食晏價錢公道合理,食物質素又高,值得推介。

喺公司OT咗一個鐘，趕唔切返屋企煮飯，所以諗住落樓下求其醫下肚就算！見到呢間茶餐廳嘅小菜價錢都幾合理，就轉軚叫小菜！😂😂😂😂侍應話今日嘅盲曹好靚，喺佢極力推薦下就叫咗條試下，用咗豉汁蒸，盲曹嘅魚肉好滑溜，豉汁送飯真係一流！椒鹽豬扒豆角都整得好出色，豬扒份量好多，肉質鬆軟，散發住陣陣椒鹽嘅鹹香；豆角完全無草青味，食落都幾爽口同埋夠入味！👍🏻👍🏻呢到環境幾企理，又夠光猛，裝修有別於一般茶餐廳，食嘢都食得開心啲~~ 😗😗

今日工作去元朗見客人， 聽朋友講元朗最多美食，由上水去元朗搭17號線小巴，終站水車館街下車，經過見到呢間「富都餐廳 」門口已排隊， 湊下熱鬧食午餐醫肚先🤗午餐好多元化，中西餐都有得揀😍$52蚊 有飯有湯有飲品好超值羅宋湯好足料有我最鍾意食嘅洋蔥我諗呢度嘅招牌菜應該係咖哩，因為超級好味有少少辣， 豬扒係又厚又脆， 再加兩條香腸 ，分量十足，仲有咬入面有肉汁㖭😍平時茶餐廳嘅檸檬水多數都係得兩片，嘩，好驚訝，竟然有大半隻檸檬片放落去， 仲有非常之新鮮，滿滿維多C✨✨下次順道要再幫襯

富都餐廳合家歡套餐$212 兩款(小菜or煲仔飯or蒸魚)$290 三款(小菜or煲仔飯or蒸魚)-加一款羹(有五款羹選擇)-兩/三白飯-咖啡或奶茶(凍飲+$2)裝修非常有格調的茶餐廳座位闊落，富空間感，老闆娘親切友善，小炒鑊氣十足。粟米魚肚羹魚肚爽滑彈牙、粟米吃得出不是罐頭那種，味道不太鹹用來送飯一流。沙薑鹽雞用了本地新鮮雞製造、雞肉肥瘦均勻，配上砂薑鹽 令雞的鮮味更為突出。🤩椒鹽花枝片四季豆花枝片是占了粉炸後再和四季豆一起炒， 十分惹味，而且花枝片分量十足👍🏼XO醬茄子斑腩煲大大塊斑腩肉勁肥美又好咬口，配上新鮮茄子和XO 醬一齊煮，真係要叫多碗白飯先夠😋熱奶茶、凍檸茶去茶餐廳食飯當然要試下佢既熱奶茶😎茶味香濃，奶分量剛剛好，唔錯唔錯👍🏼媽咪叫左凍檸茶，茶底香濃檸味十足。

是日放假就到左屋企附近的富都餐廳食個早餐，平日時段都好多人，基本上滿座，不過未使等位同撘枱。坐低後店員送上熱水，睇下餐牌食咩先。叫左份醒神早餐，咁多野加埋都係$37，都抵食呀。先食碟沙嗲牛肉公仔麵，沙嗲牛調味不錯，牛肉不韌，公仔麵煮得啱啱好，仲彈牙㗎唔係淋晒個啲。另外就揀左午餐肉同炒滑蛋，蛋幾嫩吖又唔太油，午餐肉正常囉，仲有個是日餐包係牛油多士，個人覺得牛油可以再多啲，不過而加啲人偏向鍾意健康少油嘛。熱奶茶好正，茶香奶滑，仲要超熱，飲完個靈魂返黎啦～哈哈。三十幾蚊仲想點？好過自己又煮又洗啦～

工作關係要到元朗交文件，就係附近搵好野食。人流好旺，即係好食啦，一於食午餐。基本上滿座，與同事一人點了一個午餐。椒鹽雞中翼脆豆腐$80 豆腐真係外面好脆，非常夠鑊氣，蒜頭蔥粒辣椒粒爆炒得很香，雞翼每一隻都是很香口，又不會太鹹，味道剛剛好。蜂蜜薑茶，使用新鮮薑切絲，非常有誠意，今日天氣剛剛轉涼，飲完搵完個身好暖。同事嘅星洲炒米，對佢讚不絕口，咖哩粉好香，不只是染色黃色粉。洋蔥，韭黃，火腿，雞蛋絲，十分足料。下次有機會到元朗，都會再食。

元朗後街茶餐廳以為普通茶餐廳一間冇咩特別真係令我回憶返以前喺大陸食早餐嗰啲情況炒食雞蛋 畀成殼油落去師傅好似完全唔打算隔油好在都沙爹牛肉麵非常之正常好味唯有將啲蛋到落塊面度隔一隔洗一洗油唔信你睇下真係好誇張到成一殼油喺度完全係屋企炸嘢阿媽唔隔油嗰啲狀況今時今日咁嘅水準實在有啲過份今時今日元朗小左遊客街坊生意本玩冇乜挑剔但係今日見到嗰份炒蛋真係有啲頂唔順希望師傅望多兩望整番企你好少少今時今日競爭大唔到你求其亂嚟

蝦醬通菜牛肉飯 ($44)夠曬鑊氣，蝦醬鮮味而不過鹹，食到尾都唔會口乾，蝦醬味越食越香濃！通菜爽口，咬落嗦嗦聲。牛肉嫩滑，連個飯都好綿，女仔人家一口氣啪完一碟飯，好食！台式椰香奶油厚多士 ($32)食到一絲絲椰絲，味道較甜。特脆奶油豬仔包 ($30)豬仔包好脆口，味道無咁甜地方闊落，座位鬆動。木地板、木枱櫈，木系裝修新淨又舒適。牆身有大電視，食嘢都可以追睇奧運直播🇭🇰💪仲有BB嘅high chair坐，好方便，茶餐廳少見👍🏻

知道新開去光顧，第一次光顧大大碟，$50多元價格算唔錯，值得再光顧。但今次$50多元午餐實在比第一次仲少，以為搞錯是下午茶，詢問侍應吓，真是午餐份量，隔離餐廳大大碟都不用$50，以後不會再光顧

又有新餐廳開幕了，元朗食肆本來都很多，看到這間裝修大部分木系的，新淨而且光線充足。疫情期間有自動探熱，卡位都裝有透明間板，座位非常闊落，值得一讚，食得安心卡位玻璃枱下放滿了菜單，非常多選擇呢焗鮮茄豬扒飯上枱已看到滿滿芝士跟蕃茄，香噴噴的，但最驚喜是原來豬扒已經切碎了，太貼心了吧，不用再另外切了炸雞肶沙律大大隻新鮮的炸雞肶，雞皮非常脆口，味道少少咸，雞肉軟滑，很快便吃完整隻了紅荳冰味道甜，紅荳及奶水比例是一半，若是大紅荳就更加有口感了咸檸檬雪碧原粒的咸檸檬切半放杯底，加上雪碧，永遠都覺得絕配啊