影片
港铁彩虹站 C2 出口, 步行约1分钟
继续阅读
电话号码
23204636
营业时间
今日营业
06:00 - 13:00
星期一至六
06:00 - 16:00
星期日
06:00 - 13:00
以上资料只供参考，请与餐厅确认详情
牛池灣村一間不起眼小店，行過都未必知佢係邊。傳統家庭式經營，1964年開業，已過半世紀。寶福餐廳係碩果僅存，擁有「寮屋食物牌」食肆；主要客源係附近街坊生意，學生，山友。據聞2025年牛池灣村開始逐步清拆... 歲月不留痕？時代變遷，市區要重建，舊痕跡就要作取捨小店好vintage，光線充足，周邊都係歲月痕跡，牆上menu 每粒字由老闆親手寫上；諗好食咩，同太子仔落單，轉頭就口傳入廚房，身經百戰嘅老廚子就開工，呢種就係舊式嘅家庭經營模式特餐$31，我會解讀為 ”特別平嘅常餐”平平無奇，便宜，平凡...沙嗲唔係濃稠濃稠；薄薄牛肉片有點柴，麵底用嘅都係大光或者東和麵個類；多士奄列都係即叫即做；茶底可以，整體中規中矩；始終食嘅都係人情味，一份情懷，一個片段吧
继续阅读
網上話這間老店在不久將來應會消失，食評又唔太差，就來試下。其實都有在牛池灣村出入，但一直唔覺眼有這間餐廳，原來見到招牌要行落樓梯，一落就見到。入門見到的是六七十年代的裝修，地面舖紙皮石，二邊是木卡位，中間一張大長方枱，配紅A膠椅及好像以前小學生坐的木椅，牆身上是綠框圈著白底的木菜牌，所以來的話心中要有個預備。餐廳提無最基本的餐牐，A,B,C特餐31元，凍飲加1元，午餐是簡單碟頭飯，37蚊，送紅豆冰或冷熱飲品。價錢無話可說了吧！食品質素中等，我叫的餐有义燒公仔面配蛋治，三文治的包不錯，快鬆軟，义燒應是外面貨。同行叫左個蕃茄豬扒飯，豬扒亦正常，蕃茄不是營光色，應是現煮。無拍食物照，因為賣相是不吸引的。一路都有客人來，下單食物可任配，腸疍沙牛面加多塊雞扒、蕃茄牛飯煎隻疍，凍鴦走奶......，應該都是熟客。店連廚房就得4個人，落單都是叫入廚房，過了一會唔記得order左甚麼，又再講一次。桌上上手碗碟未收，就先坐下靜待有人得閒才收，食物過了十來分鐘未到也只是等著，食完就自己出柜枱講自己食了甚麼然後比現金。走時問伯伯舖頭開左幾耐，怕怕話1964年他十六歲就來這，下年是開舖六十年。問到可做到甚麼時候，他說門口剛貼了紙，寫話到25年。旁邊有街坊無奈說了一句私人地變官地。面對國內餐飲業的競爭，香港是否可以珍惜下現有的特別資源？
继续阅读
由細食到大，味道冇咩點變，一直都係傳統冰室嘅味道。常餐好好食，公司三文治都好好食，唔會太油，好足料。另外平時個哥仔都幾好人，由細睇到佢大。最推薦係佢個奄烈，世界級，價錢又適中。
继续阅读
今日早餐真喺要食飽啲，因為，與友人挑戰一下西貢嘅「蚺蛇尖」，講到明喺7、8級難度（10級為最難），而且，一行就要行足6、7個鐘。由於一早晌西貢碼頭巴士站等，所以，就無晌屋企食，去咗牛池灣食，正正出面就有小巴入西貢，時間好預啲。咁點解唔入到西貢先食？覺得一大朝早，裡面選擇少囉。事前晌網上搵搵，就搵到「寶福」，牛池灣龍池徑寮屋區之內，老茶記，好有「私竇」之感。餐廳其實離港鐵出口好近，不過，唔識就唔識，幸好之前都有睇過人家嘅食評，知道大概點走，加上「村口」有大大個招牌「引路」，一見到佢落樓梯就喺，唔使周圍搵。入到餐廳內，果然好有70年代嘅感覺，話晒佢始於1964（村口招牌寫住）。舊式時鐘、生意興隆大日曆、格仔地磚、牆上嘅手寫餐牌，都喺貨真價實嘅懷舊嘢。無詳細睇所有「餐牌」，主都喺睇睇早餐時段有咩揀，當中包括早餐ABC，以及特餐，定價非常相宜，都喺賣$28啫。C餐 $28諗住食飽啲，就揀C餐，其實，ABC三個餐都差唔多，揀咗之後，後而覺得特餐仲抵，有多士，有奄列，仲有個沙嗲牛肉麵。而C餐有份蛋治、沙嗲叉燒通及餐飲。沙嗲叉燒通茶記嘅沙嗲牛食得多，今次就喺沙嗲叉，個湯都OK，陣沙嗲味都幾香，幾片叉燒就不過不失咁啦，唔太肥就啱我喇，而通粉無煮過腍，份量又十足，所以，絕對收貨。蛋治喺好家常嘅做法，無咩花巧嘢，不過，片煎蛋就真喺薄咗啲，好似煎咗片蛋皮咗，入口都唔喺好覺佢喺蛋治，哈哈！熱奶茶奶茶就真喺沖得唔錯，老師傅即喺老師傅，茶底香濃，芳香馥郁，口感都算細滑。老派嘅厚身瓦杯，煲溫力強，又夠大杯喎。嚟得呢類主要做街坊客嘅小店，對於環境、服務真喺無咩要求，你見店中防疫hea hea哋就知啦。食物方面，賣到咁平，亦唔好抱太大期望，但又唔差得去邊，勝在抵食夾大件，其實，幫襯佢哋都喺想感受吓嗰份茶記老味道而已，故此，俾個笑喺有加埋啲感情分落去。
继续阅读
論食店位置實際上的交通方便性，位於「牛池灣鄉」「龍池徑」和「龍翔道」旁邊的小型港式茶餐廳「寶福餐廳」營業時間偏短，未到下午五點就已經提早關門休息，加上沒有「牛腩飯」，所以不適合作為我晚餐的食店。如果不是透過「開飯喇」裡面，有關食店搜索功能的話，我根本不太可能會知道，有「寶福餐廳」這間早開早休息「牛池灣鄉」食店的存在。「寶福餐廳」店舖實際上對出的位置，其實就是「龍翔道」旁邊的巴士站，巴士站旁邊的位置，偏偏就是我乘搭專綫小巴的小巴站，如果我不是晚上想在「彩虹邨」享用晚餐的話，我結賬後早已乘坐小巴返回「西貢」了。不過，如果想在「彩虹」食一個平價的下午常餐的話，「寶福餐廳」未嘗不是一個理想選擇，大前提一定是要食客不介意，一邊看着餐廳裡面的電視新聞報導，一邊享用「常餐」。我點了一個包括「叉燒湯通粉」、「雞蛋三文治」跟飲品在內的「常餐」，飲品選擇了享用「凍奶茶」。「叉燒湯通粉」湯底給我感覺，很像是「雞湯」裡面的鮮鹹甜味。至於「叉燒」感覺則是現成，在燒臘店裡面購買的「叉燒」，幸好我光顧「寶福餐廳」時只是下午，所以「叉燒」實際口感仍然偏向軟腍，「叉燒」沒有隨著時間而風乾，口感沒有變硬。至於「叉燒湯通粉」裡面的「通心粉」，「通心粉」已經完全吸收「雞湯」裡面的甜味，所以「通心粉」的實際味道比我預計更好食，在下午茶或者早晨享用「寶福餐廳」的「通心粉」，感覺應該不錯的。至於「寶福餐廳」「常餐」裡面，屬於「三文治」類別的食品，「雞蛋三文治」實際製成品只是使用一般未烤過的薄薄麵包「方包」，夾雜一塊薄煎「雞蛋」而已。所以食客還是不需要，對「寶福餐廳」「常餐」裡面的「雞蛋三文治」抱有太大期望，反而「叉燒湯通粉」的味道和口感，都是勉強還可以接受，屬於下次可以繼續嘗試的「寶福餐廳」食品。如果「寶福餐廳」不是太早休息，下次光顧的機會應該多的是。最後我食完「寶福餐廳」整份「常餐」食品，喝完「凍奶茶」飲品，最後付款結賬之後，我徒步前往「彩虹邨」，尋找期望裡面的晚餐餐廳場所。
继续阅读