寶膳餐廳

营业中

休息中

個人最喜歡的早餐餐廳，每個星期都要食一次以上😂但有心理準備要等位，上菜都會比其他茶餐廳慢。最鐘意食煎雙蛋餐，配脆脆牛油多士，自選兩款餸火腿同香腸，仲有埋青瓜番茄🍅健康。食材簡單但就食好食。第二鐘意係豬扒配煎蛋🍳，同樣有脆牛油多士同青瓜蕃茄，豬扒濃味又唔肥。另外每次都會加配雞湯炸菜米粉，雞湯清甜又易入口，米粉健康加少量炸菜好滿足。

近排去得鴨脷洲大街多，發現原來都幾多💛店，今次試呢間係平民西餐廳😋Lunch hour都幾多人，要排隊🤣 特別Weekend仲會好多區外人過嚟食，大家想試就記得要book位啦🥰🥰🐟 香煎魚柳配洋蔥蕃茄汁 ($68)魚柳本身已有調味，係偏腍身嘅魚柳，起初有俾返茄汁嘅顏色嚇親🤣汁嘅味道唔算太濃，整體都幾好食🤤但份量偏少，男士未必夠飽🙈 餐廳嘅薯條係熱辣辣新鮮炸起，入面係好綿密既薯仔蓉，推介必試🤤🤤🥩 香煎薄牛扒配豬扒 ($68)食肉獸必點，價錢已經包咗餐湯或者飲品，薄牛扒同豬扒都煎得香，食落又好軟腍，仲有我最愛嘅粗薯條🍟熱辣辣，外脆內軟🤤🤤

今次搵野食搵到鴨脷洲大街，食左一間抵食既西餐。週末午市都keep住要排隊。排緊隊既街坊介紹我食漢堡牛扒。首先推介漢堡扒也不負我嘅期望，5蚊銀咁厚，肉質唔錯。餐湯，南瓜忌廉湯配蒜蓉包。湯好濃滑，包好脆身，絕配。同行手足叫左餐飲無湯後悔了，飲左我半碗。意粉質地都OK。係條魚柳如果再脆身少少會再好食啲。整體感覺係一間用心煮嘅平民西餐。有機會返泥試埋餐牌嘅其他菜式。

鴨脷洲大街是一個小社區，環境清靜。自從地鐵開通後，人流多了，餐廳食肆也蓬勃起來。好多食肆都保持與街坊關係，人情味依舊沒有減退。老板大力推介今晚的餐湯，椰菜花忌廉湯，又綿又滑的口感，椰菜花的鮮香表露無遺，果然好介紹！原條龍脷柳邊位煎得香脆，肉質嫩滑，啖啖肉，口感十足。有配菜和意大利麵，份量足夠。法式焦糖燉蛋是我的至愛，面層焦香，底層滑溜，還有蛋香，越食越停不了啊！食物質素好，服務又體貼，總括來說是區內值得推介的餐廳。

早起身我做得到，為左食寶膳精緻早餐。點解要早起先會去食？因為佢經常爆滿要等位，上菜也需要一定時間，催不得！今日岩岩好唔洗等位，坐底等左15分鐘先有得食，等既時候睇下電視📺（係viu 新聞）或者睇下蘋果🍎（餐廳有得賣），或者傾吓偈好快過。食物質素唔需要再重覆，食過咁多次每次都好滿意，慢功出細貨，煎雙蛋🍳大大隻，火腿🥓香腸用料新鮮，有番茄🍅青瓜🥒健康，重點係多士🥪脆卜卜一塊真係唔夠喉。另外每次都會另加叫雞湯🐔米粉，清雞湯無味精，🍜易入口大滿足

Bowls cafe在鴨脷洲大街，餐廳感覺外國風， 瓦磚磚牆配合西方嘅壁畫，更帶風情！Menu多種類，價錢口理！芝士蒜蓉焗紐西蘭青口，滿滿既芝士覆蓋著青口，芝士又香濃creamy, 還帶陣陣既蒜香幾帶惹味！青口幾鮮味，西蘭花忌廉湯，夠哂熱辣辣！口感順滑唔會膩，蒜蓉包夠香脆，夠濃香"炭燒美國安格斯肉眼！肉眼扒相當有質數，紋理豐富，切開後色澤紅潤，牛味夠濃，而且質地夠嫩唔乾柴，大大塊幾抵食又好食！燒汁味道幾香，送飯一流！香煎紐西蘭龍脷柳配檸檬牛油汁， 龍脷柳外層煎到道金黃，口感脆口！內層既魚肉好滑溜，大大條夠抵食！旁邊既薯條都夠脆身。抵食夾大件，難怪多人幫襯！

今日lunch時間相約再女朋友食飯黎咗個好少去嘅地方呢個地方就係利東啦咁我哋一出咗地鐵站就係嗰條街揀咗一間西餐廳黎食依家野係叫做寶膳餐廳喺門口等咗一陣嘅因為入邊都full咗嘅但由於都差唔多有人起身走所以我哋都只係得一陣就有得入座啦香煎薄牛扒配豬扒飯（少飯）香煎薄牛扒配豬扒飯（正常）嗰飯食落都OK嘅不過個醬汁就比較少豬扒都比較乾有啲靭不過整體感覺都唔錯嘅天氣實在太炎熱喇所以我哋就一人叫一杯凍嘅餐飲啦

難得假期想食餐好，今次就選擇左鴨脷洲大街的傳統西餐。（南區已經俾連鎖餐廳集團入侵好無驚喜，唔想再食）。傳統西餐當然先有餐湯同蒜茸多士，係食得出用心打出黎既南瓜湯🎃多士更係細心到每一寸角度都有揸蒜茸。主菜選擇一意粉一雞；呢個意大利雲吞雖然只有5/6大粒，但每粒份量都好足夠，咬開係充滿住香濃芝士，再配上甜甜的忌廉汁，味道非常之夾。旁邊的大蝦🍤同波菜佔滿忌廉汁，食慾大增。香雞看似簡單，但皮脆肉軟，切開一半肉汁流出黎，香草🌿味香噴噴，都係強烈推薦的一道菜

雖然唔係話好出色但係呢頭黎講已經值得一食再食🏅紐西蘭西冷牛排 (配燒汁&白飯) $96✔️食得港式西餐都唔會係追求塊排要咩牛味，反而一讚係個熟成度掌握得幾好，話7成真係7成！✔️塊排調味ok，但個燒汁差d，都對我呢個汁怪黎講唔係好夠🥺✔️Lunch set跟既餐湯(今日係意大利雜菜湯)有d淡✔️套餐仲跟一片焗到好脆既蒜蓉包，不過不失

身為南區人，當然要試一試南區嘅良心店。先上蒜蓉包及忌廉湯蒜蓉包香脆可口，忌廉湯濃香滑溜芝士蒜蓉焗紐西蘭青口芝士和蒜蓉的份量都落得十足兩者香味同樣突出，重口味人士必愛炭燒安格斯西冷牛扒格紋烙得好看，牛扒厚切，肉味香濃炭香味十足，必叫。美式燒豬仔排骨燒烤醬甜甜酸酸，豬仔骨分量頗大肉質軟嫩，骨肉輕易分開，不錯！甜品要了我最心愛的法式焦糖燉蛋，焦糖鬆脆，燉蛋滑溜。同桌要了朱古力布朗尼配雪糕，結實的布朗尼配上滑溜的雲呢拿雪糕，一絕。

💛💛💛寶膳餐廳💛💛💛又黎到鴨脷洲，好唔容易先搵到間黃店黎幫襯🥺。食左三樣野都唔錯，小食比主食出色😆。芝士蒜蓉焗紐西蘭青口（四隻）$68只係收$68都算係咁。滿滿嘅芝士，味道完全可以掩蓋左青口個種雪味🤣。青口既Size都算大隻，真係啖啖肉😍。芝士煙肉忌廉焗薯皮 $68頭先啱啱講到$68有四隻青口好抵，相反呢份焗薯皮$68得三舊，仲要唔係好大舊😢。相比底下無咁抵，不過勝在好好食👍🏻。薯皮都算好滑，芝士煙肉個啲全部都係滿滿嘅🥰。美式燒豬仔排骨 $168Set dinner 包餐湯同蒜蓉包蒜蓉包超級多蒜蓉同牛油，好食。餐湯係南瓜忌廉湯，幾滑，如果冇咁鹹就更好啦。坦白講個豬仔排骨唔好食，因為燒得有啲乾，食落已經冇乜肉汁😩。件碟嘅意大利粉都係比較硬，又係冇乜汁去撈。成件事真係kick kick地😪。埋單$334（包加一）

星期一晚放工後同朋友試咗呢間位於香港仔既西餐小店Bowis Cafe(寶膳餐廳).西餐質素之高令人喜出望外!西餐首先咁係唔少得頭盤啦! 朋友點咗佢至愛既香草田螺焗薯蓉. 田螺帶香草清香,再加上香濃creamy既薯蓉令人回味🥰而我地今晚既主菜點咗: 加拿大後切牛仔骨同炭燒紐西蘭羊架. 牛仔骨係老闆誠意推薦, 肉厚;骨易拆,再加上肉味油香四溢令人回味~炭燒羊架肉質鮮嫩而且冇腥味! 建議5成熟風味更佳.另外配上薄荷醬另有一番風味西餐去到最後咁係唔少得甜品啦! 我地試咗老闆極力推薦既法式焦糖燉蛋同朱古力布朗尼雪糕法式焦糖燉蛋焦糖面薄脆另外燉蛋蛋味夠香濃.絕對值得一試! 而朱古力布朗尼雪糕則比較甜,適合中意食甜食既朋友. 雪糕同朱古力之間更加細心地墊著一片薄荷葉,令布朗尼同雪糕分隔開.可以同時試到雪糕既冰感同布朗尼既新鮮熱辣.除咗新鮮口感都keep得好好!

朋友在這區工作，提及了幾次這間他的同事經常去的西餐小店，前排終於約了她去～原來這間小店的確受歡迎，8pm左右裡面坐滿了，外面還有幾枱客在等。店內職員都好好服務，除定時睇下你有咩需要外，還會用心介紹食物！餐廳內播著舒適西式音樂，感覺好舒服好relax，成間餐廳的格調亦高了。香燒紐西蘭羊架$218有3支架，幾經濟實惠，還可以在落order時告訴店員要幾成熟！店員還會送上芥辣，羊肉煎的嫩香且外皮香脆，慢慢的切來吃，每一口都是享受。😋燒挪威三文魚扒配檸檬牛油汁的三文魚厚厚的，外皮同樣煎得香脆，配上檸檬汁更能帶出魚的鮮味。而最出色及驚喜的，要說是餐廳的甜品了！朱古力心太軟配雪糕的心太軟整得超香，一上碟已聞到好香濃朱古力味。香脆外皮暖暖的，一切下去還有超濃朱古力流心，每一口都是一份滿足☺️法式焦糖燉蛋同樣用心製作，甜香脆的焦糖皮配上滑滑的燉蛋，甜度適中，好滋味😋邊嘆甜品邊聊天，不知不覺間坐到10pm，其他客人都走了。這裡實在值得bookmark下次再來！

-週末太得閒同朋友遊港鐵河 去到利東站隨意搵個出口搵嘢食 行經呢間街坊餐聽 裏面有唔少客人 膽粗粗入去趁熱鬧-🍖#炭燒紐西蘭羊架 $218七成熟羊架帶些少脂肪 切開嘅時候有少量血水滲出 肉地柔軟冇羊肉羶味 同時夾雜油脂甘香-🥣#西蘭花忌廉湯追加$28可以跟西湯同餐飲 西蘭花忌廉湯濃稠度適中 西蘭花碎粒多而有口感 可惜湯嘅熱度唔夠-🐟🦪#比目魚樓半芝士焗扇貝 $178比目魚扒香煎至外皮香脆 如果厚身啲更理想 扇貝唔算太大隻 唔係刺身級但係有焗利焦香嘅溶芝士搭夠 一樣咁滋味-🍮#朱古力心太軟配雪糕 $68等待時間起碼20分鐘 要提前落單 新鮮焗製蛋糕軟熟有朱古力香 切開即刻有熱辣辣朱古力溶槳流出 味道唔太甜 同雪糕一冷一熱嘅口感非常協調-📍#Bowls Cafe香港仔鴨脷洲大街117號地舖

在鴨脷洲大街想食西餐的話，其實選擇不多。不知是否這樣，令寶膳經常大排長龍預先訂好位，省卻排隊等位的麻煩。早早18:15到達，以為自己是最早，但原來我輸了😅餐廳細細，再加上各類的防疫措施，令餐廳通道更顯狹窄。🙈🙈🙈點選了dinner set 中的＂香煎海蝦配芝士菠菜雲吞＂跟餐湯和蒜蓉包$148初時以為雲吞份量好似有點少，但食食下，其實都幾飽肚。因為雲吞餡料是芝士，所以把全碟KO 的話，份量是剛好的。菠菜忌廉汁略為咸左少少，但整體上是不過不失的。加$9 , 享用了麵包布甸一客（忘記拍照🙈），份量如一般cupcake / 嘉頓孖寶蛋糕 相近🧁，味道不太甜，但如果再焗耐少少會更好一點😌。看見隔離枱點了”脆皮咸豬手”，超大隻，下次有機會可以一試。