壽司仔

营业中

休息中

大時大節，最開心莫過於可以一家人齊齊整整食飯聚餐🥰由於呢啲節日通常出面食飯應該會大排長龍有排等，所以今日決定叫外賣番屋企舒舒服服咁食😋呢間壽司只做外賣，已經唔係第一次食，平民得嚟質素完全唔輸蝕其他出名嘅回轉壽司餐廳，性價比超級高👍🏻魚生好新鮮，壽司醋飯酸度岩岩好😋而且魚生、壽司或者手卷款式都算多。由於今次唔多人食，所以全部散叫。除此之外，佢地亦都有set可以叫，方便大家開party一大班朋友仔食🤭

同好朋友和老公慶祝生日🎂大家都想買壽司返屋企聚一聚傾計💬上網搵咗一陣，搵到呢間壽司仔😉本身諗住買派對精選，但因為我哋有6個人怕每款壽司唔夠分，就揀咗「梅」同「櫻」壽司盛、「特級」刺身盛🍣再加多2碗蟹籽沙律🤔咁就啱啱好喇👍🏻壽司飯軟硬度剛好👏🏻款式都算多㗎，佢有生蠔🦪賣，不過我哋唔係人人都食生蠔，所以無買最緊要係佢啲嘢食夠新鮮仲有可以外賣自取有折😇好過啲集團式嗰啲添呀😃支持小店🤘🏻下次會再幫襯🫡

係大埔住左咁多年,第一次幫襯壽司仔。經網上平台提前一日落單,第二日lunch去拎。放學時間好多學生主婦買,都算多盒裝款式俾你揀。買左幾個丼飯,手卷同少少壽司試下,大家都覺得唔錯幾抵食,會再encore!

不錯，雖然廉價，但有心各種壽司質素都可以火炙壽司更是小心製造即叫即做，人手握飯一般呢個價錢嘅壽司都會係用機器整嘅飯團壽司飯唔會太結實質素唔會比壽司郎差很遠會再幫襯

今日幫媽咪送粽去大埔比舅父，路經壽司仔就買外賣上舅父屋企食，呢間鋪真係由細食到大，今次來到發現唔同左樣，原來12月裝修過，今時今日係疫情下好多鋪都頂唔住執笠，呢d小店真係見少買少，話哂都算係童年回憶，希望佢可以撐得住，雖然話係小店，但係質素一d都唔差，睇得出食材係新鮮同用心，價錢仲好合理，撐小店！！我最鍾意就係花之戀，因為夠大舊之餘三文魚都好大塊，上面仲有脆卜卜既蟹子，虎蝦亦唔係周圍都食到，可以一試，希望下次再來大埔仲可以再食到，雖然唔知下次係幾時

呢間壽司仔係我印象中都開咗超過十五年。好多大埔嘅街坊都會有幫襯。會食佢係因為佢價錢唔貴之餘，亦都比爭鮮，魚尚呢啲連鎖壽司店好。我相信呢個原因而令佢可以係大埔生存到咗多年。好喇，講返正題，每次家庭聚會都會食佢。如果係一田買同樣份量嘅壽司嘅話。我諗每盒都超過過百蚊。佢啲壽司都算新鮮。而且因為可能係做開街坊生意嘅關係而多左一份人情味。希望呢間壽司店可以繼續做落去。起碼比起大集團。令到我地小市民可以有多一份選擇

在這裏買了不少次的壽司，這裏的壽司價格非常平，價錢由$4到10幾蚊不等，最鍾意食呢度嘅花之戀， $8件，非常好食，其他例如玉子壽司等，也只是$3件，就算買10件，連埋其他嘢，價格也是$40左右。

以前態度好，食物水評高，加上價錢平，超贊！而家可能啲大師傅走哂，態度差，食物水評飄怱，等經常執漏壽司，計錯數，又等得耐平日還好，假日可能生意太多，又接埋panda做唔切，人地咪唔憂做咁囉……

天氣悶熱，夜晚都無咩胃口連煮既動力都無，又唔想食熱野，食沙律又唔夠填飽我個肚皮🥺去壽司店食又要排隊，熱辣辣點忍，唯有外賣返去開冷氣食壽司仔我都食過好幾次，質素幾好，拍得上大牌店的口感！傳統日本壽司飯係細過料，佢啲玉子大大片🍣，好好食，睇樣感覺幾pro呢排新聞講到好多三文魚有蟲，唯有點d火炙左，雖然對殺蟲可能幫助不大，不過心理上好過d😅 佢地用既料食落都好新鮮，有時食吞拿魚我仲會食到有少少魚油香係口到，正！有時唔想去連鎖排隊花時間，簡單叫外賣回家食快靚正！

又比我搵到一間窮人恩物。今日poly上先堂，同學仔即興叫我入大埔參觀佢既新居，順便入到大埔先食埋晚餐。我地2個都中意食壽司，同學仔二話不就即刻介紹壽司仔。我地買左外賣上去佢屋企食。話佢係窮人恩物既原因係，因為真係又平又好食。壽司有現成既，亦都有即叫即整既。呢度既份量一d都唔少嫁，我地2個人加埋食左$350蚊，真心抵食。所有壽司都好新鮮，而且即叫即整，整既速度都好快。最衰我唔係住大埔，如果唔係我都一定會經常幫襯。

咁我晏晝見肚餓就走左落去買左D壽司嚟食。咁一入去舗頭既時候,就見到有唔同種類既壽司等住我買。媽呀!好難選擇呀,樣樣壽司個樣睇落去都好吸引而且都係我中意食,真係好難作出決定但最後我都揀左盒7X蚊既壽司盤食,因為我見佢份量都唔少,而且大部分都係我既歡喜,所以我就買左嚟試下。當我試第一舊既時候,「嗯 幾好味道」佢D壽司雖然係放係雪櫃,但係仲新鮮既,如果再有下一次既機會,我都會再去多一次。但係呢,如果想食花之戀既朋友,我建議就唔好係度食la,因為佢整得唔算好食。

最近搬左去大埔中心果邊之前有食開果區一田壽司，元氣，板長但呢排一發現呢間小店後已經好少再幫襯以上食店呢間舖雖然細細地但新鮮製造海膽更是食左好多次水平比以上食店為高真係忍唔住上黎讚讚另外店內仲有sake賣真澄既sake都有得買真係good!

如果同一大班人係屋企搞party或者去野餐，黎壽司仔買外賣食就最好不過，因為佢D壽司嘅質素幾好。買2盒都只不過需要$100左右，又有帆立貝、三文魚、北寄貝等等。個人認為帆立貝就最好食，因為個味都幾有帆立貝味，而且都幾厚身，所以帆立貝係值得推介。

昨日才下單電話要求一個2人份的壽司蛋糕，今日要有的而且得知原來此店售賣開的是4人份的壽司蛋糕，但師傅二話不說地幫忙去處理2人份亦不用下訂金，開初未知製成品賣相有點擔心，不過師傅說明了會用到的刺生很吸引，當然今日到手的壽司蛋糕亦令人非常滿意，而且價錢不貴，相比網上其他地方的店舖的賣相材料這間店都更勝一籌！非常幸運光顧及品嘗到這間店，日後會繼續支持！

壽司仔預先把壽司造好，然後放在廚窗裡供客人選購。非自助式，因此也沒有包玻璃紙。預先訂購或大量購買的話，大概也應該會給你即叫即製的服務。站了良久，最後決定了要這幾款$3-4的壽司：三文魚 壽司由於魚太薄，我吃不出它鮮甜與否。我也有留意到有很多待出售的三文魚壽司，魚塊都薄得穿破了。$3，真的不值呢！京蔥三文魚（軍艦）大讚！雖然明知道只有不要的部份才會拿來做三文魚碎，但吃起來沒有筋，而且份量充足，京蔥也非常香口！吞拿魚 壽司  不新鮮、腥、味道怪…我沒有把整件壽司吃完。玉米（軍艦）、甜蛋、熟蝦、腐皮 壽司合格。談壽司當然要先談飯味道不過不失，口感理所當然地會有點硬，畢竟已雪藏了一整天。飯粒有點溶溶爛爛的，有機會是水份過多了。而紫菜呢？塌得像煮湯紫菜，100%不爽脆，但這也是可預料及體諒的。對於壽司仔，好像沒有什麼總結呢！