寿司駅

营业中

休息中

上一手以前成日幫襯，轉手後第一次嚟。入到去首先覺得價錢驚喜，午市七八十蚊食到個刺身丼，有湯有沙律，而食物質素唔錯～ 跟住見佢五品刺身價錢好抵食，就叫咗份試吓。質素好驚喜，味鮮！厚切！呢個價錢真係可以 Encore!店主仲請我食鱈魚干，態度又親切。而家市道唔好，個個又北上，其實好嘅本地店舖真係要多多支持吓！最後兩份午餐加一份五品刺身，三舊水真係無投訴啦！

今晚同友人試試西環 寿司駅 平日晚上 店內 7時 幾乎滿座到那裏都習慣叫師父為我地擇幾款刺身大概我地無咩特別唔食既款式所以佢地提議既全部都 Ok 這個價格同區來說很合理 叫幾款還可要求放冰底 油甘魚頭燒得剛好很不錯 *再黎魷魚筒 飲返兩杯 而且 無限坐 時間 很適合朋友小聚 ~ 下次再去試下其他 食物 發現佢地熟食都款式幾多 聽店家說 泡菜 自家製 玉子自己煎呢個市道 這類年青人 開的小店 也不多店家說 21歲時 已在鴨脷洲大街 開過第一間寿司駅小店 8年 之後休息2年多再黎到西環 ~

記得在十多年前的一天 在鴨脷洲大街多了一間小小的壽司店 小店兩粒除了店主夫婦還有一個廚師一共三人 而且店裏食品款式多 長期人氣也非常火爆！店主亦非常有經驗酒店學師出生 的價錢超大眾化 而且裏面每一位都非常親民 行過都可以傾幾句 但在早兩年店主因為身體問題將店舖頂手他人 後來也結業了每次行過這個吉舖 留下了唏噓可惜 在月頭在社交平台裏見到寿司駅在西環重新開店 晚上收工馬不停蹄約朋友一探究竟 果然亦都見到熟悉的面孔店主夫婦 他們一眼便認得我記得我姓林 說到食物出品 款式竟然比鴨脷洲買的更多更廣闊 聽說這兩年間點主跟了日本朋友到南九州居酒屋工作了大半年 做過餐飲顧問 廚藝精進了 明顯地比以前更細緻！價錢亦都保持住良心價 因為天氣寒冷 今天主要食都是熟食 下星期會再到店裏試一些招牌刺身壽司 失而復得的感覺 曾經遺忘了的味道！ 多麼多麼的珍貴 ！

聽聞哩間野係以前鴨脷洲大街寿司駅最原先個老闆開的。鴨脷洲個時食過幾次都好幾年前了，記得個時又平又抵食。膽粗粗去試下先。最愛加洲卷、雞泡魚乾、燒三文漁水撥真係會食完再叫特別係燒水撥真係好好味、好好味、好好味重要的事要講3次！！！吖吖吖吖吖佢個石鍋飯有飯焦的，頂佢！我係出面食煲仔飯都未必有飯焦，佢個石鍋飯竟然有，講！你地係點做到的？救命我係咪太耐無食過好野？佢個左口魚刺身堅正。係燒過特別香，入口會溶又溶唔曬因為好大片下，真係好正！！！哈哈哈哈哈值得一提係佢地d壽司。小小一舊飯大大片刺身，係我食過所有壽司中比例最合我心水ge壽司，堅係無得頂！！！好耐無係香港遇過咁好態度同服務ge食市。坐底即針茶，我地有小朋友佢會主動針暖水，見杯小茶水又即針唔使叫，依家香港地ge食市有杯加檸檬片ge過濾水已經唔錯佢地竟然有熱茶暖水，好岩我。最尾賣單，個侍應羅左d雪米糍過離，我地話無叫甜品，個侍應話送俾靚女食😏😏真係好好口我係佢ge一聲聲靚女中迷失咗自己，我一定要再去食

居酒屋的水準，街坊的價錢，選擇多，好食又抵食，員工都好有禮貌，會再去刺身十分新鮮，推薦甜蝦，左口魚邊，墨魚，赤貝海膽鮮甜，入口即溶，正👍🏻👍🏻燒三文魚頭同燒三文魚水撥，燒得很香口，配上燒魚汁加入檸檬汁及蘿蔔蓉，十分有驚喜燒雞泡魚乾，要再encore，一邊傾偈一邊食，一碟唔夠喉😂😂壽司種類多，魚生大件飯少，性價比超高加州小卷，唔知點解咁普通嘅小卷都可以做到咁好味，叫咗一份，試完要再叫多兩份

今日行過西環石塘咀，喺香港大學站附近發現一間新開嘅居酒屋，i.e. 壽司駅。見到佢哋個set lunch menu幾吸引，決定去嘗嘗新，探探店。我係魚生控，尤其是特別鐘意食帶子，叫咗lunch set 三文魚帶子飯，同埋味噌湯。（1）味噌湯：夠熱，味道濃郁，啱我口味。（2）三文魚帶子飯：份量足；帶子肥美，鮮甜嫩滑；三文魚okay；壽司飯正常。［但我自己比較喜歡醋味濃啲，粘稠度高啲嘅壽司飯。］（3）綜合評語：地點方便，服務良好，食物可口，價錢合理，行開嗰頭可以去試吓。