壽喜燒·肉屋

营业中

休息中

午餐去食最抵⬆️午餐最平HKD199就可以食到壽喜燒🤤CP值很高⬆️店員一開始會幫手擺靚前菜、野菜盛合、第一二塊牛肉，俾客人打卡影相我各叫咗每樣一份特選•薩摩牛壽喜燒 HKD199特上•薩摩牛壽喜燒 HKD249個人鍾意特上Set，牛肉均勻雪花及油脂，牛肉入口香濃🥩

記得之前行過個lunch set好似幾抵食咁，適逢同friend食生日飯就book咗呢間餐廳。仲要12月26號都有正常lunch set食，唔使捱貴餐。叫咗兩個極尚薩摩牛壽喜燒， $349一位。啲牛都OK嘅，全程都有Staff幫手燒，不過睇得出佢哋超忙，如果你可以自己搞掂佢都唔係好想理你。依間啲壽喜燒唔係行超重口味，尤其是啲蔬菜唔會搞到超鹹，所以都OK。有機會都可以試埋佢嘅dinner set，不過食壽喜燒如果有限時其實都幾chur，始終壽喜燒食食吓會好滯。😂

所有相都冇調色🥹🥹正 我最怕去到一啲餐廳係食物質素同價錢唔成正比但係依間肯定係成正比唯一美中不足嘅地方就係我喺屋企食壽喜燒嘅時候會自己加辣椒粉，佢哋剩係得七味粉冇辣椒粉😆我下次再去食嘅時候會自備🤭🤭或者希望店主可以睇到咁就成為香港第一間壽喜燒有辣椒粉嘅舖頭😂😂😂壽喜燒汁加落啲蛋度再加啲辣椒粉真係好好食㗎 講返依間餐廳～服務好有教埋我哋食嘅先後次序真正每一口都可以感受到啲油脂嘅分佈😍味道調得啱啱好，仲要入口即溶嗰種感覺 🥹好感動 好欣賞佢最尾個柚子雪葩🤤佢嘅三款前菜都勁好食同埋我哋食完之後我同男朋友都覺得下一次應該要再嗌多份粉絲，因為粉絲都真係好正🤭最後我真係解釋到累了🥲每次一鋪高評價就會被以為喺Foodie～ 我都想 呢啲咁出名嘅餐廳使乜我做Foodie🥲🥲

快餐廳服務水平，管理不善1. 服務態度懶散 紀念日千萬不要選擇這餐廳！只會破壞你的期望！-員工不耐煩替食客合照（只拍2-3張）-3位員工站在收銀處閒談 忽略食客要求-12點午餐時段 員工12點才到步著圍裙 食客早到站在門口 睇佢地扎頭髮換衫2. 管理不善-用餐48分鐘便催埋單（午市用餐時限70分鐘）-未食完就幫會執碗 -星期六午市有一半吉位 唔知趕d咩 係咁催-員工服務欠缺專業和標準訓練最後二人埋單 $890 而服務質素仲低過快餐店 大開眼界未試過遇到咁惡劣的服務同體驗！重申：牛肉質素合格 套餐份量足夠但惡劣的服務是令貴公司污名的主因 。

聽講尖沙咀有間壽喜燒好出名，午市套餐都比較抵食，最平$199就食到赤身黃牛嘅壽喜燒啦，不過今次難得book到位，要網上俾訂金嘅，咁就試吓佢中價位嘅和牛壽喜燒！無論你食咩套餐餐都係限時70分鐘，食得非常之急趕如果想慢慢享受嘅話就冇得啦！🍴前菜芥辣八爪魚都幾爽口，下面配咗白菜豆腐比較硬身！沙律蛋薯仔，啲薯仔比較大粒同硬身啲嘅。🍴特上・薩摩牛壽喜燒 220g $329 另收加一前菜，野菜盛合，米飯及漬物（日本米選用）蘭王蛋牛肉一盤係110 gram，食落去非常之軟腍有牛味又真係好好食，加埋蛋漿嘅真係冇得輸呀？ 個飯喺日本珍珠米濕度都係乾好嘅，另外有啲蔬菜芋絲冬菇豆腐白菜，都非常之果汁好食嘅！不過油脂太豐富啦，有少少油膩不過都係好好食食得晒嘅！推薦指數: 8/10餐廳好細，幾百蚊嘅壽喜燒要限時70分鐘食完，有少少似快餐feel？職員非常之唔專業，食飯嘅過程可以聽到幾次打爛碟嘅聲音😂亦都唔算有禮貌，300幾蚊貴嘅價錢唔會享受到好啲嘅服務…..將人哋食完嘅碟放喺客人張枱上面再疊上去收碗，成間茶記咁😂食物質素係OK嘅，不過環境比較侷促，職員嘅服務都唔算好好，食過一次就算啦。📍壽喜燒·肉屋 (尖沙咀)

提前2-3小時左右，在網上訂座，原本看條款是兩小時左右hold枱，餐廳又沒有特別發送連結等，要求付訂金？ 一去到，準時入座，但係店員告知因為沒有付訂金，所以就不作是訂位？？ 一開始印象已經差～前菜味道都可以：馬鈴薯蓉、唐揚豆腐、芥末八爪魚點了兩份不同的和牛套餐由圖可見，以上嘅牛肉都睇唔出邊款打邊款？ 之後又冇個牌仔講到明？唯一讚嘅位係，啲牛肉品質OK，又有人幫手燒少少～醬汁有點咸整體嚟講呢餐都算ok ，起碼肉質在線，如果呢個價位配返杯普通檸茶會更好。 但係總體嚟講，冇乜技術含量，為咗慳返$2 openrice回饋，一入門口就有個下馬威，感覺唔係太好～ 壽喜燒都係食返中環

我咁多年第一次俾comment- 首先成個餐連個飲品都差唔多$700一個人，但係質素差 - 勁趕 係連塊牛都未煮 已經叫我地賣單； 如果個半小時係唔夠 就唔好強行接咁多客- 佢有話要自己加水 係調下個味 但係本身係勁鹹 無可能食到 但個刻我地試味d菜已經熟哂- 食到一肚氣 希望大家唔好中招

壽喜燒本身係一項高級料理，而這家店舖本身也是提及自己是高級的，然而我們去享用聖誕晚飯，人均消費600元食到好似食快餐咁，趕住上一道菜，趕住叫你食，再趕住叫你上甜品，再趕住要你賣單。結果就係75分鐘就要你離開，係一個節日慶祝嘅日子，完全唔俾時間你稍為歎下傾下計，咁嘅服務真係無下次。食物質素亦都誇大左，啲肉除左係嫩之外，並唔覺得肉味吸引，甚至覺得啲員工煮得都幾hea。另外堂食坐滿人係預左，但係仲嘈過人地打邊爐，咁嘅環境根本唔似食緊高級料理，早知寧願去打邊爐好過。

叫左個聖誕二人餐 $1287 未計加一 加一總共一千四百幾兩個淨係食左西冷 之後啲野食放棄曬 全部咬咗一啖都唔想食前茶 個茶碗蒸係凍嘅，完全冇蛋味牛肉包住蘋果 完全唔夾 一口冷麵 淨係feel到青檸嘅酸味 面嘅質感都唔好食有一嚿牛包豆腐 依個真係唔知自己食緊咩最後食配菜超級鹹 雖然話覺得太鹹就加水 但嗰個味已經好唔同 牛都唔係特別好食真係好唔想俾錢 因為真係唔知自己食咗啲咩 仲要已經係叫最貴嗰個餐只可以講覺得公關做得好好 宣傳做得好好 唔會再有下次

這家真的很划算！環境也比較乾淨～第二次來了，水準依然！也是點了一個特選還有一個特上薩摩牛。兩個套餐也有4%奇跡A5薩摩牛西冷/肉眼切片，入口即化～裹上蛋液，口感更加細膩！上一次吃不完蛋液覺得有點浪費，這次我把部分蛋液倒進飯里，慢慢享用😍😍特上還有特選薩摩牛的分別也是非常明顯。特上的牛好吃多了～很順滑，建議點特上那個set。 配菜還有白菜，蒟蒻面，芝士竹輪，豆腐，大蔥，冬菇等，健康美味！可以自己調壽喜燒汁的濃度。還點了巨峰乳酸蘇打還有啤酒🍻 ^_^最後柚子雪芭作happy ending！太滿足了啦

📍 壽喜燒·肉屋 @尖沙咀海防道特上• 蕯摩牛壽喜燒 (set)⭐️⭐️⭐️⭐️⭐️4%奇跡A5薩摩牛西冷/肉眼切片 70g份量足夠，入口即溶，脂肪分布均勻，配搭蘭王蛋，味道更加鮮明。霜降A5薩摩牛切片 110g份量足夠，比例恰到好處，口感一流。野菜盛合新鮮鮮甜，種類多樣，竟然仲有最愛嘅芝士竹輪！😍米飯（日本米選用）額外加配和牛漢堡扒(必點!!!!😋)日本米飯粒粒飽滿，清曬！和牛漢堡配搭壽喜燒汁，很濃厚的味道！絕對係重口味至愛🫶🏻甜品（柚子雪芭）清新解膩，太好味忘記拍照📷🥹為這次用餐體驗完美畫上句號。

<壽喜燒•肉屋>最近平日同朋友都想食和牛，就約咗晚餐食依間係尖沙咀嘅壽喜燒•肉屋~ 雖然平日嚟，又冇book到枱，6:45pm左右入座都仲可以walk-in餐廳入面有卡位 近玻璃窗同普通嘅座位今次我哋揀咗特選&特上套餐,因為兩個女仔都唔係食都好多落完單前菜就上嚟啦，超快就送到枱了 留意到店內人手都較多，唔會怠慢你前菜有三款,芥末八爪魚、炙燒油揚、焦糖蘋果慢煮和牛，前菜嚟講口味豐富，唔會單一，和牛卷個個都好有surprise！牛油香味好重 特選·薩摩牛壽喜燒($398)特上·薩摩牛壽喜燒 ($498)和牛每盤嘅雪花紋路都好靚~每片都好新鮮😍而且又唔會好油膩！食到最後完全係啱啱好~ 煮嘅途中會有職員幫手，仲會邊食邊問你醬油會唔會太重手，可以調節返啱你哋嘅味道~ 食完覺得同係日本吃嘅冇乜分別! 真係慳咗張機票✈️野菜盛盒蔬菜方面都唔會揸流攤，茹同白菜都食得岀係新鮮~成個壽喜燒煮得入味又不失鮮味🤩 個人最中意個芝士竹崙卷入邊係空心嘅，仲滿滿都係芝士，啱曬芝士控🧀🧀柚子雪芭個人覺得依個有點甜咗啲，不過雪芭本身就係解膩，所以對佢都冇太大要求

其實都食過幾次不同的壽喜燒, 都知整好個壽喜燒其實就好快可以食完所以去過的餐廳都會安排慢慢分幾道菜上, 等你好好坐下, 慢慢食職員係有介紹, 但係上菜時兩碟牛佢起初又撈亂左, 搞到我都唔知邊份打邊份 (我叫左498 & 698 set各一)然後, 我已經放慢去食, 但其實唔夠40分鐘就完成晒成份餐點感覺....好似食快餐咁呢個價錢我之前係另一間食過都差唔多, 但個體驗真係差太多味道係可以, 但個汁後黎真係有D鹹, 要加水......其實我之前食果D都冇試過要加水架!!!!!!!!!!!!!! 

我地揀左極上·薩摩牛壽喜燒套餐$698，食左個開胃菜芥末味八爪魚、炙燒柚子醋、乳酪芝士蕉糖蘋果慢煮和牛。個侍應開始用煮4%奇跡A5薩摩牛西冷/肉眼切片既時候，佢會叫我地攪勻蘭王蛋及無菌蛋，之後將塊牛肉放入蛋汁入面，食落去口感滑捋捋🤣亦可以一啖牛肉一啖飯，成件事好滿足😌個牛油脂分布均勻，入口即溶🥰之後再用壽喜燒汁煮埋個野菜盛合，又香又甜👍🏼👍🏼👍🏼最後，就食埋個甜品🍧勁豐富👍🏼

晚餐仍然full house，－定要預約。平民價錢，高級雪花牛，CP值爆燈ᵎᵎᵎ晚餐設有三個價位套餐選擇，$398、$498、698，中價既特上牛仲有88折優惠，好難唔揀。本身都不太鍾意太肥嘅牛，中價無誤。𖦹 𖦹 𖦹𖠁特上•薩摩牛壽喜燒𖠁 $➃❾❽ (88折）𖠅前菜芥未味噌八爪魚、炙燒柚子醋油揚、乳酪芝士焦糖蘋果慢煮和牛由淡至濃味品嚐，好開胃•͈౿•͈ 𖠅4%奇跡A5薩摩牛西冷/肉眼切片 70g𖠅霜降A5薩摩牛切片110g𖠅野菜盛盒𖠅甜品：柚子雪葩，好refreshing𖦹 𖦹 𖦹店員首先用真牛油粒起獲，再燒最靚既肉眼片，雪花均勻，沾上蛋汁即食。附上2款蛋日本無菌蛋及蘭王蛋，店員建議攪勻沾牛，配埋米飯非常滑溜，不自覺成碗飯K.O. 其後2片就要靠自己，記得要加適量清水，如果唔係壽喜燒汁會太甜。野菜份量如果再多啲就更好。