影片
港铁宝琳站 A2 出口, 步行约5分钟
继续阅读
电话号码
26261182
营业时间
今日营业
08:00 - 16:00
17:30 - 22:00
星期一至日
08:00 - 16:00
17:30 - 22:00
以上资料只供参考，请与餐厅确认详情
將軍澳商場入面開店一段日子嘅酒樓，裝修光猛、新潮，相比傳統酒樓，我更加鍾意呢類唔鋪枱布、鵝蛋形枱，甚至有卡座嘅中菜館👍芝麻醬皮蛋豆腐芝麻醬超濃郁，皮蛋偏少，切晒粒，再加百頁豆腐，師傅刀功非常好作為頭盤一流沙薑豬手沙薑用上新鮮貨，切碎再混入蒜茸，淋上汁料，豬手切細粒、一口size，骨少又上味，未到好淋，少少爽口非常正鹹肉炒花菜辣度輕微開胃，椰菜花依然爽脆，鹹肉切得薄薄，所有味道非常融合咕嚕肉菠蘿、三色椒都唔夠肉多，脆漿算高質，放咗一段時間都依然帶少少脆口，咕嚕汁酸甜平衡非常開胃好味燒雞半隻過火，肉質偏乾同老，醃肉入味，唔洗醬油都好夠味清蒸龍躉斑由魚肚位開半，蝴蝶形咁蒸會比較快熟上枱，師傅應該都諗過炒檔時段要加快速度😂至於火候剛剛好，魚大、肉質結實有咬口，魚肉啱啱離骨，不過蒸魚豉油太淡、色淺，吊唔起魚嘅鮮味。。。4人6道菜大約$7xx，超飽！另自己帶酒去唔收開瓶費，打電話問嘅時候，Reception話只有茶杯當酒杯，搞笑地講酒刀唔見咗要自備酒刀😆
继续阅读
同黑色衫女侍應講，啲鮑汁鳳爪爛成咁嘅樣，你都俾客食！我哋要俾錢個喎。跟住佢Hea樣話：取消咗佢啦，取消咗佢。我話我哋都已經夾咗，都放咗落碗，跟住佢唔嚟就攞走咗個點心，再嚟攞走埋d碗（入邊已放點心），我話你可以同廚房講聲，呢啲就唔好俾客人啦，佢話冇辦法係咁㗎啦，根本佢完全都冇問我，係要取消定係換過俾我。我話你咁樣處理＇咪唔會進步囉！乜而家啲洒樓知客成個老細咁🙄
继续阅读
買兩糯米飯外賣，等咗5 0分鐘先有，等咗15分鐘，第一次追問，只係行去望一下，完全冇回應，20分鐘之後去收銀處追問，就話蒸緊，30分鐘之後再追，就話亂左單，即刻整緊比我，到4 5分鐘就話兩張單貼住左，睇唔到，每次追問都有唔同籍口，50分鐘已經可以食完一餐飯，一定唔會有下次
继续阅读
中秋節當晚，因早前時間已付$500留枱費，所以6:00pm準時攞枱，用餐時間6-8pm。6:12pm已落單，當中包括三隻乳鴿。 落單後，店員問餸是現在上定「叫上」，我哋話「叫上」。6:20pm, 叫副店長上菜，佢話而家上，餸會涼，不如等齊人。6:32pm, 我哋再同副店長講唔等齊人，直接上菜。 對方突然表示，三隻乳鴿已無，被其他「大單」攞咗。 我哋話6:12pm 落單時，無人同我哋講無哂，點解會突然無？咩叫「大單」？ 原來「叫上」係會俾「大單」搶？ 此時，巫店長就行出嚟話無就無，佢地無辦法，早order都無，直接將「叫上」既責任放落我哋身上。 仲話「幫」我哋即刻取消其他餸，唔使我哋賣單（其實只上咗湯，都無飲過）。 店長仲話我哋要投訴，寫埋嗰名俾我哋，退返$500。 就叫我哋過主。各位，中秋節慶祝都要俾呢間食店搞到我哋好唔開心，特別係老人家。 過時過節仲值唔值得喺呢間鋪食，自己考慮下。
继续阅读
今晚約了朋友在將軍澳新都城3期的「將軍會館」吃晚飯，交通非常方便，離地鐵寶琳站出口只需幾分鐘步程，而且全程有蓋，不怕日曬雨淋。餐廳面積不小，裝修雅緻，座位寬敞舒適，卡位都有小屏風分隔。看過餐牌後，點了幾個家常小菜。餐廳推介熟成燒雞，可自選配搭一道小菜，當然要嚐嚐啦！「將軍招牌熟成燒雞（半隻）」配「鮮茄魚腐浸勝瓜」，燒雞是肥美的黃油雞，皮薄肉厚，外皮燒得香脆，肉質嫩滑多汁，鮮甜可口。魚腐兼具魚肉的鮮味及豆腐的香味，配上爽甜的勝瓜和酸微微的番茄，湯底又濃味，味道讓人有驚喜。「名醬牛柳粒」，安格斯牛柳粒，肥美多汁，牛肉味十足，以薯仔、洋蔥等爆香，加上袐製醬汁，特別惹味。「豉汁白鱔煲仔飯」，熱騰騰原煲送上，打開煲蓋，便聞到陣陣香味。鱔片鮮甜爽滑，入口甘香。飯底焗得很香，但廚師掌握火候得宜，香口而不焦。這裏的菜式有水準，環境又舒適，所以甚受食客歡迎。
继续阅读