小上海

营业中

休息中

小上海逢星期一至五都有午餐同下午茶，$41蚊有一款主食，小食仲冷熱豆漿。今日兩個人分別叫左擔擔撈麵，酸辣湯麵，2隻小籠包，2隻鍋貼，冷熱豆漿。麵食分量唔算多，如果做午餐建議叫返正價，做下午茶就岩岩好。擔擔撈麵麻醬味幾香，酸辣湯好夠味。小籠包即叫即蒸，黎到熱辣辣，皮都算薄，相比起鍋貼就比較一般。另外豆漿都幾好飲，店鋪地方唔算大，有時都要等位。想溫提店員一樣野，見到你摸完除左鞋同襪既小朋友腳板再拎食物比客人，可以留意下，畢竟你小朋友放完學又唔係BB仔，比人見到感觀都麻麻。

葵涌真係好多細舖頭，雖然細細地但係佢哋未到絕對不輸出邊嘅大舖頭。而呢間舖就係我私心推薦嘅一間上海餐廳，真係平靚正。🔖豬扒擔擔麵（$42）呢度嘅擔擔麵真係好香花生味，肉碎都好好食，加上蔥花早點綴令成碗麵睇落更加吸引。豬扒份量適中，煎得好香脆，配埋擔擔麵一齊食呢個組合非常惹味🔖小籠包四隻（$26）小籠包同之前嘅味道有啲唔同，感覺冇之前咁新鮮，肉質嘅味道都唔夠以前好，希望老細可以改善下🔖夫妻肺片（$32）夫妻肺片睇落好細一碗，但係其實份量非常多，而味道都醃得好入味，推薦大家可以試吓😙

上海呢間餐廳開咗好多年，星期六下晝12點開舖，所以入到去都好多位可以坐，自己一個嚟獨食嗌咗個招牌擔擔麵。雖然喺唔同地方都食過擔擔麵，但我覺得呢間嘅擔擔麵係我心目之中嘅No.1😎😎最值得讚嘅就係碗麵嘅湯底🥰首先湯底充滿濃濃嘅花生香味，湯底唔會太死鹹，面係用幼身嘅面，所以每一條掛麵上到痴住有湯汁，咁樣一啖湯加一啖拉麵嘅組合係最正嘅🤭另外加上蔥花點綴，賣相吸引。肉碎比嘅份量啱啱好，每啖食一啖面都有少少肉碎，食得非常滿足！推介鍾意擔擔麵嘅人都可以黎呢間試試☺️

小上海平日星期一至五，11:30至5:30有套餐，不過過了套餐時間食物都便宜，我最鐘意食酸辣麵，味道不會太酸太辣麵又唔太淋，再加一份炸春卷，又脆又唔太燶又多餡，最後再加多杯熱豆漿，豆漿真係好好👍🏻飲，整體好好食價錢都平，值得一試。

呢間店選擇多 有水餃麵、擔擔麵、雲吞麵同埋等等 下午茶時段會有套餐優惠 樓面叔叔好好人 今次嗌左個套餐 水餃麵加小籠包 水餃同埋小籠包偏細 個係好味 似係自己包嘅 麵嘅份量適中 總括而言抵食

今朝因為食咗早餐，午餐想食少少嘢就夠，所以就嚟咗少上去食個擔擔麵！普通一碗擔擔麵$29，平日嘅話套餐$38就包埋麵+一個小食+豆漿一杯！一個餐來講都抵食！份量正常，好食！推薦！

前日約左客2點鐘係葵涌工廠區見面 一向見客都準時既我今次早左成個鐘到 見餓餓地 又唔知見客會見到幾多點 所以就決定係附近食個lunch醫下肚先 行過呢間叫「小上海」既餐廳 舖仔細細 見到門口有唔少人等緊外賣 應該都唔差既 一於就揀佢啦！可能因為係工廠區 價錢非常實惠 有幾款麵唔洗30蚊就有交易 精選套餐一個麵加一款點心加杯豆漿都只係$37 唔怪得吸引到咁多人啦叫左個精選套餐 酸辣麵+招牌小籠包（2隻）+凍豆漿可能因為太多客 所以都等左成十幾分鐘d野飲同食物先陸續上枱酸辣麵湯底似碗仔翅多d 唔夠酸唔夠辣唔夠惹味 有點失望 麵亦有d稔招牌小籠包都算係皮薄湯汁多既總括黎講 食物質素普普通通啦 等候時間亦有少少長 不過價錢就超級超值 算係咁啦 $37唔通俾龍肉你食咩

又到疫情午餐時間，食外賣，近近地試間小上海。門面唔係特別顯眼，不過到食飯時間都有人排隊等，內裡位唔算多，不過疫情期間都係食外賣多。門口有玻璃房，睇得一清二楚，衛生程度都ok！Menu選擇如圖。今次食午餐，午市套餐驚喜！有主食(我叫擔擔麵)，一款小食，仲有豆漿（熱或凍），絕對係飽肚之選，仲要唔貴~食物擔擔麵叫辣，對食得辣的人來說辣程度唔高，不過好香！不過一打開蓋見成碗橙色有啲嚇親😅小食叫了小籠包，比一般餐廳來說ok，皮薄，有汁(不過唔係爆汁)

雖然地方細細，但尚算簡潔，試過咁多款上海菜菜，小上海尚算有大場的水準，本人最鍾意食他的豬扒淡淡面，小籠包皮薄又多汁，一般出邊食不到，所以特別推介！和他的高力豆沙也是水準之作，下次一次過試他的小食再來評論買單也不貴，好評

個外賣酸辣湯少得可憐得果兩啖，想點先單頭買架。。唔係免費架家陣施舍俾我呀？而且又唔係好飲，又冇餸呃錢都唔好咁過份啦吓嘩其他野不過不失都唔知點解可以做得住橫掂都唔係好食，行多兩步去君滬冇咁激氣

門面簡約，座位不多。店員服務態度也不錯。價格普遍都係廿幾三十蚊就有交易了。套餐都好抵食，$35 有主食+小食+豆漿。我叫左擔擔麵 + 雲吞 + 熱豆漿。花生味好香，加埋一齊夠曬濃郁，麵既質地好，唔會糊埋一團，而唔會過熟或者唔夠熟，湯頭掛面度好好。雲吞相當唔錯，皮又夠薄。豆漿就太甜了，無乜豆味，唔岩我口味。同行者叫左小籠包，質素亦唔錯，一咬開相當 juicy , 肉汁鮮味爆出來，呢個價錢，畀到呢個份量同埋質素，絕對係超曬班無得頂！

3X 蚊一個擔擔麵, 平! 好濃GE花生醬未, 帶少少辣, 肉碎都5少。麵GE份量5算多, 3X 蚊咋WOR, 想點。22蚊一籠4個小籠包, 又係的的色色的, 皮薄, 湯汁都夠。係多D肥肉LAW, 感覺有點膩,我PREFER 多D 瘦肉。

在附近上班，一直都會發掘一下附近有什麼好吃的東西。今日來到小上海，雖然餐鋪小小，但食物質素絕對上品( 留意:以這的價格 出門真的什麼也吃不到 )。星期一至五有午市套餐只係三十五元就可以有一個麵，一個小食加一杯豆漿我今次點的是酸辣麵加小籠湯包加凍豆漿這家的小籠包是自家制的，雖然店鋪環境不精緻，但小籠包的級數絕對好多很多大財團支持香港小店，支持良心企業

細細間舖頭 喺宇宙級米線隔離 都幾多街坊幫趁 嘢食定價又唔高 平靚正🙂Lunch set仲有包埋點心 例如小籠包 鍋貼 炸/蒸饅頭 生煎包等等 $34算係好抵食 可以試下🙂#菜肉水餃麵 lunch set $34包豆漿普普通通 有3隻水餃 唔算細隻份量ok 麵都有彈性 仲有蛋絲同葱放喺面 靚靚仔仔咁🤣評分:6/10#鍋貼個皮略嫌有啲厚 唔夠香 可以再煎得香脆啲評分:5/10#招牌擔擔麵湯底好濃花生味 麵質有彈性 我今次叫咗小辣 但係冇咩辣味 建議大家鐘意食辣嘅可以由中辣嗌起評分:5/10#小籠包細細隻 個皮都算薄 湯唔會話少評分:6/10#上海豬扒麵 $30每次諗唔到食咩都會叫依個 豬扒都幾大塊幾淋評分:6/10

雖然唔多選擇，無粗炒嗰d食，主要係湯麵，不過都夠揀。5人黎叫左碗五香牛展麵，一碗雲吞拼豬排麵，一碗擔擔獅子頭麵，兩客小籠包，兩客煎餅，一份油菜，一份紅油抄手。五香牛展麵牛展份量足，但湯底如果辣d就好啦擔擔麵夠辣！雲吞拼豬排麵豬排另上大大塊，但食左其他嘢再食個麵就覺得個麵比較清淡。紅油炒手大大粒，不過估唔到會有芡茜，灰左！（應該喜歡芡茜嘅朋友會鍾意，值得一試！）再叫份甜品，高力豆沙，唔會太甜，新鮮出爐，小心熱！