小娘酸菜魚

营业中

休息中

第二次叫自取外賣，時間15:00 堂食人不多，有一位大叔服務員 ，呆企 在水吧位 ，我在門口等左20分鐘 ，外賣單然後被取消。原因冇理會到出單機所以冇接到單 。白等之餘仲冇一句唔好意思 不知所謂

食物好 為一讓我再去概原因 服務態度差 冇黎醒目 小菜上完 唔會比碗你 個個服務員企左係度 傻吓傻吓咁 食物好好吃 價錢合理 酸菜金湯魚 我最愛 辣度好 魚就正常出品 老闆睇到唔該注意一下你概員工

入去食左兩次堂食，次次都係掛住做外賣單。幾枱堂食嘅客都等左45分鐘以上先開始有野食。堂食落單次序亦不分先後，後叫者反而先上菜。佢上凍飲，等到連冰都融哂！當你等到盤酸菜魚又未有白飯，個白飯再等30分鐘！係想叫人齋食白飯？真係以為自己食緊fine dining，食足三個鐘！大家都等到好忟！你叫佢跟單，都係「得得得得」敷衍你就算。做唔切就唔好學人接外賣啦。唔好幫襯呀！除非你大把時間、唔怕餓親、唔怕劣質服務態度！記得要食飽先好去幫襯呀！

話說有一日午餐食佢個蕃茄湯底餃子米線，一咬落去見到係粉紅色嘅豬肉餡，未煮熟都夠膽上碗，離哂譜。食飯時間已經要等位，入到去全部4人座位，多多一個人都要迫到不如坐埋我大髀，落單QR code，之前食過一次落凍檸茶少冰走甜，冰仲多過朋友杯正常冰既凍檸茶，發生咩事。其實之前食過酸菜魚算幾好食先再黎，但無諗過未煮熟都可以上菜，下次唔會再黎。我無同番佢地講因為我費事換過碗既時候廚房加料，我希望佢地會改善下，最基本煮熟個餃子，唔係想食豬肉刺身。

每次出街，只要見到有一人份量嘅酸菜魚，我都好想比一個機會佢哋，話俾世人聽香港係有好食嘅酸菜魚，可惜我今次再次失敗😑嚟到沙漠其實已經唔敢抱有太大期望，不過都係「聽朋友講」幾好食，所以今次就入黎食。鯛魚片酸菜魚薯粉 + 萵筍、豆卜、雲耳，配酸菜金湯。嚟到碗麵係熱辣辣，亦都好大碗，啲魚食極都仲有，嗰份量其實真係冇得挑剔。其他配菜亦都非常夾酸菜魚或者薯粉一齊食，喺常見嘅配搭。可惜…已經叫咗辣嘅我，碗麵食落都唔算太辣，而且竟然一啲酸味都冇😭就知道今次挑戰係失敗。當普通食餐飯叫碗食得飽嘅粉，或者都可能會選擇。但如果心存希望去試酸菜魚，就可以直接skip咗呢間。

經過見到呢間食店，諗住叫個下午茶試下。叫左一個粟米湯餃米線，沒有附送任何熱飲/飲品。食物份量真係偏少😣😣配料都係得幾條，再多都無。加上服務態度麻麻地🫠🫠

本来是想去上家店买饺子，结果发现已经换了新的一家，点了招牌的酸菜鱼，吃起来口味偏咸，汤底味道也不够醇厚，分量也比较小，鱼肉口感相对一般，总体来讲性价比不是很高那种吧，可以去尝一次鲜。

小娘酸菜魚我朋友成日同我講好好食，佢差唔多一星期食3次變咗自家飯店。終於來試一試。酸菜金湯肥牛米線（小辣）$55湯底酸辣程度適中，味道十大惹味，但略嫌偏鹹一點，加一杯熱水，味道就剛剛好😂😂。肥牛分量很多，充滿濃郁的牛味。配菜亦有不同蔬菜可以選擇，但略嫌份量過少，多一點更加好。推介指數：85分小酥肉$18追加了一份小酥肉，熱辣辣入口鬆脆，肉類經過醃製，略嫌鹹一點。推介指數： 70分黑提爆檸特飲千祈唔好試，好甜😂😂。除非你本身都鍾意飲甜甜的飲品，可以值得一試的提子汁加鮮檸檬。推介指數： 30分今餐總括來說味道合格，但偏濃味少少。

呢排我唔食得辣，無得share二人餐🥲所以我就點咗蕃茄🍅湯底嘅鱸魚🐟配薯粉好濃🍅🍅🍅味😋😋男朋友就點咗老壇酸菜湯底🐟（少辣）配白飯佢就話啲辣係湯嘅辣，但就入唔到肉喎可能新🆕️開張無耐，晚餐時間亦🈵️座，所以出菜時間比較慢，大約十五分鐘🕑先有得食。見到廚房得1個人,，辛苦晒 餐廳採用掃碼落餐👩‍💻但餐飲無得揀少甜少冰呢啲選項，都係要麻煩店員幫你同水吧講聲⚠️

叫左兩個餐，第一個餐等咗30分鐘，見仲未有就好心問一句會唔會留咗單，店員回應單比較多，呢個答覆我都可以接受，過多5分鐘之後我個餐到咗，但係另一個餐已經前後等咗45分鐘，最難接受係比我較遲入座嘅客人，佢哋嘅餐都已經到埋，我另一個餐都未到，咁已經有不滿，咁所以最後決定同佢講咁我個餐唔需要幫我取消，店員不單止冇覺得唔好意思反而好簡單回應一句（咁取消囉），好似係你等唔切就唔好食咁嘅態度，飲品反而就更改收正價，我從未試過一間普通嘅餐廳，暫時我未遇過有其他餐廳會咁嘅態度對待食客

賣相一流，味道更甚。。。正。。。😋麻雀需少五藏俱全。😍馬鞍山的一個好地方。😉滋味小食不妨一試。烤魚酸菜魚要試辣辣辣😎價格合理😘掂☺。不是廣告。來一試吓😘