影片
食家推介
今日去大角咀，路过见到有间环境好chill既餐厅，灯光柔和有格调，墙身放满各式各样嘅酒，有唔同款式既红酒，白酒同埋威士忌，见气氛唔错就决定试试佢。一坐低打开Menu已经觉得有好多选择，咁啱又好肚饿，见到样样野都想食，净系谂食咩都谂左好耐😳炸日本芝士年糕配紫菜食得出系新鲜炸起，外面炸得香脆，年糕够晒软熟，入面既芝士系流心既，唯一要挑剔既系份量得两粒略嫌唔够喉。😳台湾肠烧到热辣辣，非常惹味，好够肉汁。酱烧原条茄子值得一赞既系佢酱烧既腌料味道调得啱啱好，够浓味但又唔会过咸，惹味得黎又唔会抢左茄子原有嘅鲜味。带子三文鱼子黑松露忌廉汁意粉呢个意粉真系强烈推荐！！！黑松露忌廉汁好rich好creamy，味道调得好好，意粉汁份量足够捞晒成碟意粉，质地亦都做得好挂身，每一啖意粉都沾满酱汁。带子够晒大粒，表面轻轻煎过，够香口。香草烧鸡（半只400克）配薯条烧鸡份量真系足半只，鸡皮烧得微微香脆，但入面都仍然够晒Juicy多肉汁。薯条系蕃薯条同埋传统薯条mix埋，新鲜炸起又热又脆，唔错。
继续阅读
♡ 隐世好chill 餐厅｜小时候 ♡-收工收得晏，睇吓大角咀附近有咩食🥹意外发现喺富贵街附近有一间西日餐厅😍环境都好舒服 好适合过嚟chill下💓- ♡ 生蚝 ♡ $48/1只🦪 法国蚝好creamy 而日本蚝好肥美 仲好甜 🤤两款蚝都好有海水味 ～ 仲好新鲜 🤭 完全无腥味 -♡ 烧菠萝 ♡ $48 呢度嘅烧菠萝真系好特别😍外层有烧左嘅金黄色焦糖～菠萝🍍一咬落去好甜 爆哂汁咬落去连埋菠萝一齐食 极有口感❤️-♡ 瑞士汁猪仔骨 ♡ $218配菜有埋沙律🥗 猪仔骨好冧身 好易🔪切开～酱汁配搭一流。仲配埋热辣辣薯条同蕃薯条🍟性价比都几高😍-❥食物水准亦都唔错，呢度仲有好多唔同种类嘅串烧～ 食物种类都几多。#⇢店铺资料：小时候 (大角咀)大角咀富贵街10号地舖#-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去处 #香港小店 #相机食先 #手机食先#拍拖好去处
继续阅读
我同朋友黎到小时候餐厅，干净环境令人舒适，坐系Bar枱岩岩好，食野唔洗弯腰。好多枝酒整齐咁放系架上，过到黎同朋友饮酒聚旧。我们叫左杯红酒饮，酒味香浓，会有后劲。男士必食之选：脆炸池鱼仔非常抵食，配有沙律酱，一份超过二十条，入口香脆，丰富蛋白质。推荐大家黎到一定要品尝：脆炸黄金软壳蟹，炸得极致松脆，入口已感受丰富的蛋黄味，同软壳蟹绝配。烧酒糟三文鱼亦系好好食，鲜甜，煮熟得口感刚好，配有淡香酒味，非常绝配。自选串烧拼盘(菠萝, 秋葵, 鸡软骨): 菠萝好新鲜，烧得刚刚好够熟。秋葵好大块几好食，健康之选。鸡软骨好有咬口，食完会令人想继续再叫多份。蚝吧：叫左两只时令生蚝，配有柠檬，有好多冰系底保持新鲜即食，鲜甜美味，带有极淡的海水味，无缺点。清酒酱油慢煮日本珍宝带子：带子鲜味十足，慢煮的口感好特别，入口即时散发出酒味，相比其他煮法，真系值得一试。餐汤：南瓜忌廉汤，非常浓郁，带有南瓜的鲜甜，同忌廉汁好相衬。
继续阅读
返工咁攰, 收工紧系要揾个环境安静舒适既地方relex下, 大角咀呢间靓靓小时候就啱晒我啦, 系奥运站C1出口行几分钟就到, 一开头去佐佢隔离间铺, 见净系得客人, 唔知点算, 好彩好心客人提醒我地要去返隔离先得, 多谢佢, 去到隔离发觉原来两间都系小时候的, 招牌系OUC......., 职员好热情咁招呼我地坐低, 见到一道酒墙, 摆佐满满的酒, 好正, 我地即刻嗌佐两杯红酒, 之后再慢慢睇menu, 见到menu都好多选择, 样样都想试下, 所以每个分类都各叫佐一份, 首先黎佐个餐汤, 今日个汤系南瓜忌廉汤, 最先吸引我视线既系个装汤既容器, 好靓好高级, 个汤加佐好多忌廉, 好甜好好饮, 跟住就到脆炸池鱼仔, 真系超抵, 份量超多, 食极都仲有, 炸粉恰到好处, 池鱼仔好好味, 忍唔住再嗌多份炸物, 嗌佐脆炸黄金软壳蟹, 哇, 好彩嗌佐呢个, 好味到我唔舍得咁快食晒, 香口到不得了, 到依家都仲回味紧, 真系最好食, 一定一定要嗌, 之后到香煎鹅肝多士, 鹅肝入口即化, 配埋蕃茄沙沙系好夹, 烧酒糟三文鱼真系有淡淡烧酒味, 三文鱼煎得好香, 自选拼串烧我拣佐烧菠萝, 烧秋葵, 烧鸡软骨, 呢三款一定唔会错, 烧秋葵必试, 最后仲加多佐两款生蚝, 生蚝好鲜甜, 所有嘢配埋红酒, 真系超relex, 好钟意
继续阅读
Blue Monday收工紧系要同朋友去relax吓chill吓😎系大角咀拣咗间新新地既日西式串烧酒吧🍻系奥运站行过去好方便 但系揾黎揾去都揾唔到间野😖原来小时候系OUC既分店😆系正佢地隔离 大家要留意😂入到去右手边有个大酒柜 摆满晒唔同类型既酒🍺🍷🥃🍸估唔到食物方面都有几多选择🤩有串烧 小食 主菜同甜品😋净系拣食物都用咗小小时间 呢样又想食 个样又想试🫢➷🪐 带子三文鱼子黑松露廉汁扁意粉意粉软硬度适中 配上香浓黑松露忌廉汁💦每条意粉都沾到佢既酱汁 超级creamy😍虽然得一粒带子 但佢size够晒份量 又大粒又厚身就咁睇以为个意粉好少 点知食极都仲有 原来都几饱🤰🏻§🪐 脆炸鱿鱼软骨鱿鱼须同鸡软骨就食得多 鱿鱼软骨真系比较少见🤨所以就叫黎试下 一黎到好似鸡软骨咁 自己都乱咗😆炸到脆卜卜 软骨好有咬口👍🏼份量都几多 岩晒送酒🍻§🪐 盐烧手切牛舌平时🌞唔食牛舌 得我自己孤独地享受😂今次可以同朋友一齐食🤭终于有人识得欣赏牛舌牛舌好厚身 但一啲都唔韧 非常软腍 入口即溶咁济🤤唔需要太花巧 就咁用盐调味已经好好食😋§🪐 烧波板糖五花腩因为外型好似波板糖 所以就会有呢个咁特别既名🍭五花腩比想像中无咁多肥膏 烧到岩岩好 唔会干身👍🏼配上甜甜既酱汁 减低咗个油腻感 不过食一串都够数😂§🪐 烧鸡皮次次食串烧都要叫烧鸡皮😆因为真系好钟意个种口感烧到好松脆 又唔会好油 送酒食多几串都无问题😎§🪐 烧蒜蓉多士🪐 烧猪颈肉配泰式酱汁➷两个人黎讲我地都算食咗几多野😆不过食吓串烧又有酒水饮吓 的确好岩feel👍🏼➷🧸🌞 𝗖.𝗼𝗼𝗸𝗶𝗻𝗴𝗯𝗲𝗮𝗿推介指数 👉🏼👉🏼8️⃣🌟
继续阅读