小曼谷泰國美食站

营业中

休息中

星期日周圍都很多人，想找間舒服、不用趕的餐廳嘆個泰式lunch! 看了餐牌，對滷水豬手撈麵很感興趣，於是點了試試。豬手賣相很好，豬皮不肥膩，滷水入味，麵質彈牙，推薦！

一坐低已經好焗，野都未開始食就有人係到唱歌，又唔好食又嘈，成枱人食飯基本上都聽唔到大家講咩，所謂liveband其實係轟炸緊我對耳仔，同friend約食飯就係想傾吓計，但係最後我真係聽唔到我班friend講咩，成餐飯食得勁辛苦

船河湯底唔差，湯色清而夠熱，河粉爽滑唔黐牙，配料如肉片、魚蛋都算新鮮，調味適中，喺海風吹送下食碗暖胃河粉，合格有餘。 反而海鮮燴飯大失所望！飯底煮得淋身似糊仔，最致命係用急凍海鮮——蝦肉黴如擦膠、帶子淡而無味、青口得個殼，全部海鮮得個「雪」字，鮮甜味零存在。廚師似乎自知食材不濟，狂落辣椒醬補救，結果成碟飯淨係得死辣味攻喉，完全掩蓋食材本身。所謂「海鮮燴飯」，實則辣醬拌飯，食完成口得陣工業辣感，連飲兩杯冰水都衝唔走嗰股廉價味。 二百蚊嘅船河套餐，碗河叫交到貨，但燴飯真心伏。用急凍海鮮慳成本理解，但至少調味要平衡吖？一味靠辣遮醜，倒不如直接寫「辣醬拌飯」咪仲老實！

🫶🏻手撕雞金邊粉泰式手撕雞連皮一齊平時食開冇雞皮😂😂個湯底幾濃郁感覺OK🫶🏻生菜肉碎包肉碎帶住少許辣生菜中和左陣辣味份量很充足值得一試😎🫶🏻泰式無骨鳳爪勁有驚喜鳳爪勁入味酸酸甜甜勁開胃🤤🤤值得推薦🤓

啱啱行完銅鑼灣，夜晚dinner 搵嘢食，跟住同老婆啱啱都想食泰國菜，突然間諗起依間，所以落咗去食啦🤣🤣🤣依間都幫襯咗好耐，但近幾年就冇幫襯佢哋，次次都幾滿座雖然唔使等位🤣🤣 今次嗌咗兩杯果汁冰，跟住要咗個濕炒牛河同埋一個串燒，因為兩個人都冇乜胃口，想食啲開胃啲嘅嘢算, 今晚冇任何樂隊演奏，所以純粹食完就走, 食物質素都維持一般水準, 咁耐冇嚟都冇變過都好食嘅👍 串燒就正正常常啦⋯⋯埋單兩個人三百零蚊都OK啦

叫個香葉海鮮燴飯 $68出到嚟啲餸已經少到離譜，喂我燴飯燴咗去邊？🫠舉手問職員我話：唔好意思我叫嘅係海鮮燴飯…🙍‍♀️：呢個咪燴飯囉我：但係係燴飯喎…🙍‍♀️：係呀，海鮮還海鮮，飯還飯我：所以燴飯…係白飯？🙍‍♀️：係呀嘩真係嬲到想報警🙏🏻 68蚊我大把選擇🤦‍♀️人生第一次食飯嬲到要開po銅鑼灣食飯避雷pls🙏🏻 伏伏聲

很耐沒有食這間餐廳,從前未到不錯,現時比較失望.咖哩雞飯的咖哩汁竟然是凍的！服務態度已經平平,加上味道普通,食物製作不認真,真是每況愈下.未試過這間餐廳的請勿冒險！！！

這家泰國餐廳的美食讓我印象深刻，特別是他們的炸蟹、蚵仔煎和雞湯。首先，炸蟹的味道鮮美，外酥內嫩，蟹肉鮮嫩多汁，搭配香辣的調料，讓人食指大動。其次，蚵仔煎的口感外酥內嫩，蚵仔新鮮肥美，每一口都充滿了海洋的鮮味。最後，雞湯更是讓人驚艷，湯頭清甜，雞肉軟嫩，搭配香茅和椰奶的獨特風味，讓人感受到濃濃的泰國風情。這家餐廳的每一道菜品都展現了廚師的用心和高超的烹飪技藝，讓人不禁想要再次光臨。總的來說，這是一家值得推薦的泰國餐廳，無論是食材的選擇還是烹調的手法，都讓人感受到無與倫比的美食享受。

喺銅鑼灣行完街，隨便喺附近搵咗間「小曼谷泰國美食站」食Dinner🇹🇭.龍蝦炒金邊粉🥢金邊粉炒得乾身、有鑊氣🔥有龍蝦🦞芽菜、豆腐乾、蛋🍳🍳加上青檸汁🍋‍🟩🍋‍🟩同花生🥜酸甜香口🤤🤤略嫌龍蝦比較細隻🥺.牛油蒜蓉燒蟶子🐚🐚蟶子大隻彈牙😆😆食到本身蟶子鮮甜味😋😋帶陣陣牛油香🧈🧈加上蒜蓉同白飯魚🧄🧄🐟🐟再點上泰式酸辣汁🌶️🌶️超惹味👍🏻👍🏻

一開頭上網望到個餐牌，見到兩隻燒扇貝差唔多成$200，俾個價錢嚇一嚇😵再望下其他食物都係正常價就訂位。撞岩今日有live band，可以一路食飯一路聽歌。音量調得岩岩好，聽到歌之餘又傾到計🎶雞肉串燒 ($46/2串)牛肉串燒 ($46/2串)雞肉好嫩好滑，個沙嗲醬都好食。相比之下，牛肉串燒就燒得有啲乾。泰皇咖喱炒紐西蘭青口 ($38)餐廳每日都有優惠，每個優惠食物都只係$38，星期一係咖喱炒青口。一份咖喱青口有5隻，唔腥。除咗青口，仲有三色椒同洋蔥。後來發現串燒點哩個咖喱汁仲好食🤣如果追加一份蒜蓉包點咖喱汁食，一定好正👍🏻泰式濕炒牛肉河 ($118)主食份量好大，無論河粉定牛肉份量都多，兩個人絕對夠食。河粉炒得入味，調味適中唔會太咸，唔錯👍🏻青檸菠蘿沙冰 ($45)味道酸酸甜甜，飲到菠蘿同青檸嘅味道，兩款水果味道好平衡，口感清新👍🏻全程手機落單，但我手賤唔係揀錯就重複落單，難為職員們🙈整體食物質素都唔錯，份量同味道都好滿意，食物上菜速度快。餐廳全晚人流唔算好多，但有live band 搭救，氣氛稍為熱鬧啲。2個人夾埋唔洗$400，銅鑼灣黎講，算幾抵食👍🏻

年尾好多外國嘅朋友都返嚟探親今次揀左大家都好鍾意嘅泰國菜~所以去咗銅鑼灣既小曼谷🇹🇭泰式炸春卷 $98外皮炸到金黃酥脆～內餡充滿新鮮既蔬菜同香料口感清脆配埋甜辣醬仲正～係個出色既開胃菜🦐小曼谷炒米粉 $138食泰國菜唔一定要食金邊粉🤣第一次試炒米粉米粉炒到恰到好處～一啲都唔油膩～仲吸收晒調味料的香氣蛋網入面仲有新鮮的海鮮和蔬菜～鮮味豐富🧋泰式奶茶 - $86 2杯奶茶香濃～飲凍飲先係王道！無論係搭配小食定係主菜～都非常合適。當日用餐唔算多人～唔知係咪撞唔正佢嘅live Music夜呢？（都覺得有少少可惜）我哋兩個人可以慢慢坐同catch up返大家嘅近況店內嘅火車裝飾十分吸睛～同埋啲燈都係有滿滿嘅工業風

一間有多個菜的泰國餐廳，菜式很豐富，但最後還是選擇了傳統的泰國菜色，招牌海南雞飯正常水準，燒豬頸肉一般般不夠Juicy，泰式拼盤水準之上可能因為本人喜愛炸物，最欣賞是泰皇咖喱法包軟殼蟹，分量很足法包軟綿綿，軟殼蟹夠大隻，值得推介！此外見他們每日都有特價項目，不過不太合心意，所以沒有選上😁

朋友想食泰國菜帶我來食，位置仲算闊落，叫咗菠蘿雞肉炒飯賣相唔錯，尤其係雞肉入味好嫩滑菠蘿酸酸甜甜剛好解膩，泰式蒜蓉包送上來都係熱辣辣，蒜蓉落得好足，香脆酥化味道又濃郁，鹵水豬手煲個豬手煲的好軟爛入口即化，在配上他們得醬料一流啊。

一直都知道呢間餐廳既存在, 心郁成日都想試, 今晚終於食到! 現場有live band助興, 據稱星期一同三係live band, 其餘時間有其他表演, 有live band成個場氣氛即刻唔同晒 🤗食物上得好快, 有時最簡單平平無其既野反而最有驚喜, 今晚食左好多唔同菜式, 款款都好味, 小編覺得最有驚喜竟然係鐵板豬頸肉炒通菜, 超惹味, 仲要噴晒煙 😍 另外炸蝦餅都好鬼彈牙! Staff會自動走黎斟水, 態度好好, 仲有而家餐廳做緊特價優惠, 每日都有唔同菜式只需要$38就食到, 餐牌冇寫到, 所以想叫既朋友就要搵職員問清楚 😉 雖然每日只有一款做緊優惠價, 但其他野食都唔貴, 值得黎食!

小曼谷泰國美食已經是屹立多年的泰國餐廳, 分別在九龍城, 銅鑼灣和元朗皆有分店, 而且九龍灣店更由細鋪轉大鋪, 現今環境下仍然可以這樣確實不容易 👍🏻 餐廳店前放了架大火車, 跟九龍灣舊鋪的吹氣公仔一樣吸睛 😆 餐廳現時推出超特價優惠, 每日有不同菜式只售$38 (留意: 餐牌並沒有寫!!)特價菜式如下:星期1,2 - 蟹王咖喱炒青口星期3,4,5 - 曼谷夜市火山骨星期6,日 - 冬蔭雞湯泰式炸蝦餅 (大) $168每件蝦餅一分為二, 驟看之下超大碟 🤩 蝦餅非常彈牙, 就算一分為二也不算細, 吃下去甚有口感! 蝦味十足, 證明十分足料! 😁 鐵板豬頸肉通菜 $108每當侍應拿著這碟菜經過時就會香氣飄逸 🤤 夾起餸菜時鐵板的熱氣就湧上來, 誇張之餘我們也相當興奮 😚 通菜與豬頸肉一起炒, 豬油浸入通菜中, 份外香口!!青咖喱牛腩 $118牛腩煮得軟淋, 青咖喱比較重椰奶味, 相對比較甜, 只有輕微辣味, 如果不鍾意吃甜咖喱就不要點, 我自己則完全沒問題 🤗曼谷夜市火山骨 $198相對起MiluThai, 這間火山骨不夠震撼, 那邊是一座山(雖然我沒吃過😜), 這邊只用一條條骨堆砌出一