小曼谷海鮮燒烤屋

营业中

休息中

今晚老婆不想煮飯，我們決定去附近的小曼谷海鮮燒烤屋。這家店的門口有個搞笑的公仔在招手，讓人忍不住微笑。進入店內，裝修別具一格，充滿了曼谷的風情，仿佛置身於泰國。我們選擇了二人套餐，優惠價288元，還免加一，性價比超高！套餐包括泰式煲仔翅，裡面居然有魚翅，十分足料。接著是香葉辣椒豬肉碎燴飯，配上荷包蛋，辣度剛好，豬肉碎的香味和米飯結合得非常好，真是一流的搭配。串燒方面，豬牛雞串燒烤得恰到好處，外焦內嫩，令人垂涎。泰式馬拉盞炒通菜的味道也很不錯，不會過鹹，讓人吃得開心。套餐還贈送了椰汁糕，濃郁的椰汁香味令人驚喜，十分美味。最近店鋪有特別優惠，只需38元就可以點到特式冬陰魚片湯。這款湯的冬陰功味道濃郁，魚片滑嫩，讓人一口接一口，非常好吃。最後，我們還點了一份串燒拼盤，裡面有燒粟米、燒翠玉瓜、燒冬菇和燒雞脾菇，各種口味交錯，滿足了我們的味蕾。這頓晚餐不僅美味，還讓我們體驗到了泰國的獨特魅力，真是一個愉快的夜晚！

今日去咗喺九龍城嘅小曼谷海鮮燒烤屋兩個人食 嗌咗個泰北火鍋，揀咗金不換湯底個火鍋勁足料海鮮份量好多，蝦同魷魚都好新鮮同彈牙仲有肥牛同埋豬肉片，值得一讚嘅係豬肉片真係好嫩滑其實食完個火鍋已經都幾飽 佢除咗有好多海鮮同肉之外仲有大量菜同埋有個粉絲 以呢個價錢嚟講真係好抵同埋個金不換湯底清得嚟又有啲香茅味，好特別，啱晒想試泰式風味火鍋又怕辣嘅朋友食完火鍋之後我哋嗌咗啲串燒帶子沙嗲串燒好香同埋juicy, 蕃茄仔配埋帶子食估唔到會咁夾最驚喜係佢個珍寶腸沙嗲串燒，完全係外脆內軟，跑落去又係有啲肉汁流出嚟雞腎沙嗲串燒好爽口，牛肉同雞肉串燒就好嫩滑，總括嚟講所有串燒都好高質九龍城咁多間泰國嘢，呢間真係會想keep住不停去！

前幾日同老婆去咗九龍城嘅小曼谷海鮮燒烤屋食飯，真係一個字：正！🍤✨我哋叫咗咖喱炒大蝦加薄餅同埋肉片炒河，味道真係令人驚艷到飛起！咖喱炒大蝦嗰份，蝦肉彈牙得嚟汁多味濃，咖喱香辣中帶點椰奶嘅溫柔，薄餅脆卜卜，咬落去係滿口滿足感！🦐🔥🍕肉片炒河就更加係經典嘅泰式風味，河粉炒得乾身又夠鑊氣，肉片嫩滑，配上嗰啲醬汁，真係食到停唔下來！🍜😋 佢最新推出咗泰式火鍋🍲不過今次就冇試到，期待下次再去試吓🥰環境方面，餐廳氣氛夠chill，夜晚有live music加持🎶，同老婆一邊食一邊聽歌，感覺好relax又浪漫💑。服務員態度都幾好，唔會hea住招呼，點餐同上菜都快手🌟。價錢唔算平，但份量同質素絕對對得住，性價比高到AI都分析得出係「值得一試」嘅結論！💸👍整體黎講，小曼谷海鮮燒烤屋俾咗我哋一次好正嘅泰國菜體驗，食物味道同氣氛都係A級享受！下次會唔會再去？AI預測：99.9%會！😂如果有朋友問我推介泰菜，我會話：「去小曼谷啦，唔會失望㗎！」同老婆都話食得好開心，下次要試吓佢哋嘅燒烤同生蝦刺身🐟🍢，期待值爆棚啦！💖

之前住開呢頭，都有食過呢間小曼谷，果時都覺得尚有水準。呢日行開，發現距地推出新噶火鍋套餐，勁大份都只需198，果斷入去更新下印象啦，俾翻個like，支持下本地食肆。呐呐呐，一般食親泰國菜，起手就系三樣先，飛天通菜(無就轉xxx炒通菜)，生菜包肉外加泰式無骨鳳爪。無他，真系出品夠穩定。今次依然出品有水準，飛天通菜鮮香可口，夠曬鑊氣。無骨鳳爪一如既往Q彈酸爽，十分野味。生菜包肉口感豐富，解膩得黎又開胃。泰式炒飯，呢個要重點講下，個樣好似少少頹，但系味道真系非常唔錯，鑊氣炒飯，粒粒分明。食落口感風俗唔油膩，贊。當晚重頭戲，泰式火鍋，九層塔湯底，真系別有一番風味。你地睇下呢份料，感覺仲多過某啲連鎖速食店火鍋餐，雪花肥牛，豚肉，虎蝦，墨魚片，外加主食粉絲。4人份，真系食到捧住個肚走甘滯。

“小曼谷海鮮燒烤屋”屹立九龍城多年，以海鮮燒烤出名，聽講最近推出火鍋亦都唔錯，朋友鍾意火鍋，咁就來試吓啦。“泰北尖重火鍋”的廣告推廣貼滿舖頭，好難睇唔到，中午時分食嘅人少啲，但都被我哋呢檯哋食物造型，擺盤吸引到，又知道夜晚價錢不變，都係198蚊，都表示之後可以夜晚來幫襯。個set有3個湯底揀，話明泰式火鍋，湯底都離不開泰式，有泰北金不换湯底，冬蔭湯底和 椰汁湯底可揀，跟自己喜好揀咗金不換湯底，唔會辣，但又有泰風味。安格斯牛肉幾正，灼幾秒就食得； 豬肉片亦好新鮮，鮮蝦和魷魚亦都新鮮，有蝦的甜味，魷魚彈牙，雜菜 有幾樣，可以補番我一星期的蔬菜量，仲有粉絲，二個人如果細食一份都够飽。有男士喺度嗌多咗個“辣椒膏炒蝦”，蝦係大大的 兩隻，跟有一個“冬瓜餐湯”和一份“薄餅”，加29蚊多咗份“酸辣鳳爪”，再跟一個免費“泰式龍眼冰”，唔使400蚊就食到咁豐富的泰式食品，超級滿足。

今日叫咗三款食物，包括泰北尖重火鍋、泰式炸蝦餅同蜜糖燒菠蘿，真係每款都有啲驚喜！九龍城向來係泰國菜集中地，去呢度食泰菜真係唔會失望。😋泰北尖重火鍋湯底有三款選擇：泰北金不換、冬蔭湯底同椰汁湯底。我哋揀咗餐廳推薦嘅泰北金不換。上枱嗰陣，湯底清清地，聞到金不換嘅獨特香味，好清新自然，唔會過咸，飲落好舒服。店員仲好貼心，直接畀多一個碗，方便我地飲湯。配料有安格斯牛肉、豬肉片、魷魚、蝦、雜菜同粉絲，份量真係幾多，兩個人食都夠飽。海鮮好新鮮，尤其係蝦，好彈牙，質素唔錯。仲有兩隻生雞蛋，可以沾蛋汁食，或者打落煲到，牛肉沾蛋汁特別滑嫩，味道更豐富。🍲之後試咗泰式炸蝦餅，呢款係泰菜經典，佢哋整得有水準。蝦餅外皮炸得香脆，咬落去有「卡滋卡滋」嘅聲，內裏蝦肉結實，配上泰式甜酸醬，酸甜嘅味道好夾，食落唔會覺得膩。🦐再講蜜糖燒菠蘿，菠蘿燒過之後，表面金黃帶焦香，咬落依然 juicy，唔會乾柴。蜜糖滲入菠蘿，甜度啱啱好，唔會太甜膩。🍍

-香葉辣椒海鮮炒米粉 $108海鮮有蝦、帶子、魷魚等等，加埋配菜香濃可口，份量適中，海鮮都算新鮮，唔會覺得係平價野，辣味剛好👍🏼米粉唔會太硬～啖啖入口都好豐富，非常足料-泰式生蝦刺身 $128一碟有七隻，係大蝦款黎🤩入口夠爽口唔會有腥味～食得出係新鮮蝦！點蝦嘅泰式辣醬非常夠辣👍🏼但冇掩蓋蝦嘅味道～-芒果椰汁沙冰 $42口感超棉軟滑👍🏼芒果果夠濃！加埋椰汁又唔會太甜，兩樣加埋好夾🤩唔想飲奶茶/椰青可以揀佢！

見到呢度新推出嘅泰北尖重火鍋，一食之下覺得真係唔錯！😍👍🏻湯底要咗金不換湯底，火鍋材料有安格斯牛肉、豬肉片、新鮮蝦、魷魚，加埋啲雜菜、粉絲同雞蛋，用料高質、新鮮，食得好健康！👍🏻👍🏻兩個人食都好夠飽！👍🏻椰汁西米糕同泰式千層糕作為飯後甜品，都幾好食，一冷一熱，綿密香甜。😋😋椰青解渴又清涼，珍多冰椰奶清甜。❤️整體嚟講，菜式豐富，地道正宗，服務又好，可以encore！👍🏻👍🏻

這家老字號泰國餐廳屹多年，以其地道風味與熱鬧氛圍，早已成為饕客心中的定番。它最大的特色之一，便是將泰國街頭大排檔的靈魂注入室內，既保留了那份濃濃的庶民情懷，又增添了舒適的用餐體驗。除了美食，這裡的另一大亮點是每晚八點至十一點的現場音樂表演。Live Band氣氛熱鬧而不失格調，特別適合三五知己聚會，或是想放鬆一下的夜晚。服務員態度親切，忙而不亂，讓人倍感親切。菜品推介:泰式炸春卷 份量很多！經油炸後外皮金黃酥脆，內餡鮮嫩多汁。搭配店家特製的甜酸醬，酸甜與微辣交織，開胃又解膩。 泰式原味烤薄餅源自泰國街頭的Roti，以慢火烤製至微微焦香，口感外脆內軟，酥軟酥軟，特別適合配上咖喱一起吃。青咖喱雜菜青咖喱香氣濃郁，椰奶的甜滑很好地平衡了辣度，蔬菜煮得軟硬適中，吸滿醬汁後風味更佳。建議搭配白飯或泰式煎餅，完美配搭！豬肉沙嗲串燒肉質多汁且入味，炭烤的焦香與沙嗲醬的花生濃郁相得益彰，每一口都是滿足感爆棚。串燒是燒烤愛好者的必點之選，熱氣騰騰時最對味！

風味燒豬頸肉，超級大份，肉質鮮嫩，外皮燒到卜卜脆，配搭特製嘅醬汁，口感層次分明，送酒一流！但驚喜嘅係泰北尖重火鍋，特別係金不換湯底。湯底味道濃郁，湯裡面好多香料，十分足料，唔食辣嘅人都好啱。裡面包括埋安格斯牛肉、豬肉、蝦、鮮魷、粉絲同雜菜，肉類，海鮮同兩隻雞蛋，全部都好新鮮，尤其係鮮魷爽口彈牙，最後落埋粉絲，煮熟之後後吸收了湯底嘅精華，粉絲嘅配搭好吸湯好正，比佢100分！。另外，泰式炸蝦餅都係必試！外脆內軟，啖啖肉岩晒我地鍾意食肉嘅人，佢仲有配埋一啲酸辣醬料，成個味覺更加有層次。如果你鍾意火鍋，絕對唔可以錯過泰北尖重火鍋，金不換湯底真係值得推薦！不過提提大家，係期間限定架，要食記得快啲嚟！

九龍城有好多間泰國菜，今日簡呢間食係因為佢有個冬日限定既泰式火鍋，港式邊爐就食得多，泰式真係好少接觸。湯底方面有3款，泰北金不換, 冬蔭湯底同埋椰汁湯底。我地簡左泰北金不換。上枱時，店員會直接比多一碗湯，方便之後食既時候加湯。湯底清清地，金不換既獨特香味好突出，鐘意佢個湯底唔會過咸。配料方面有安格斯牛肉, 豬肉片, 魷魚, 蝦, 雜菜同埋粉絲。整體份量都幾多! 而且海鮮係好新鮮，特別係蝦! 另外仲會配有2隻生雞蛋，可以沾生蛋汁食，或者打落個煲到食都得!2 人份量都好夠，食得好飽！另外叫左個香葉肉碎炒飯，好香口，油香四溢既肉碎加入金不換之後有陣薄荷香氣，非常開胃，而且食落辣辣地，好惹味。仲有煎到焦邊嘅蛋，賣相同味道都一流。野飲叫左椰青，超大隻而且好多椰子肉！

約咗朋友去九龍城食飯，首選當然係泰國菜，小曼谷海鮮燒烤屋在九龍城係老字號。地方簡潔，擺設充滿泰國格調，主打新鮮海鮮。冬蔭海軍海鮮部隊鍋（小）：辣度揀咗少辣，部隊鍋係季節限定，份量分2人和4-6人，一大盆上枱，材料份量十足，有蝦、青口、帶子、魷魚、扎肉、五花肉、蟹柳、肉碎、蛋黃和麵條，相當豐富，材料新鮮，湯底係冬蔭公，味道濃郁，酸辣鮮美，五味俱全，不油膩，麵條吸收到湯汁，彈牙惹味。泰式干炒豬肉片河：豬肉片爽滑彈牙，醬油香氣四溢，炒得乾身夠火喉，炒得乾身夠火喉，非常香濃惹味！正宗泰國風味串燒，做得非常出色，沙嗲醬汁好惹味，雞全翼皮脆肉嫩、豬肉、雞肉有口感。

星期六下午3點，約咗朋友去九龍城食泰菜🤤仲有午餐叫😆😆分別係平民午餐同星級午餐我哋就各叫一個午餐可以加小食，$32加左兩串串燒，串燒雞同豬肉都好味，唔會燒得太乾，而靈魂嘅沙嗲醬亦有水準，午餐會送一細碗冬瓜湯，碗冬瓜湯係有少少辣味既，幾特別餐飲方面，我哋就以平價將餐飲轉為椰青，健康啲嗎😎呢個係極上燒安格斯牛小排，非常之出色，肉質亦唔錯，內裏肉質粉嫩，外邊係燒到脆口，就算放到凍左食，都唔會靭！而點燒牛肉的汁又係出色，酸酸辣辣既味道，同牛肉係絕配呀！另一個餐要了船麵，午餐只有豬肉船麵，係煙靭嘅金邊粉，不過，金邊粉好快就索咗啲湯，食慢啲既就淋曬，湯底都算濃厚，尚可以結帳就比較麻煩，八達通機和信用卡機都話壞了，不太便利

九龍城出名多泰國菜館，呢間小曼谷海鮮燒烤屋係我食過數一數二抵食嘅泰菜今腐嚟到見到有期間限定嘅泰北尖重火鍋，湯底揀咗金不換，好香口，有齊安格斯牛肉、豬肉、鮮蝦、鮮魷、粉絲同雜菜，肉類同海鮮都爽口彈牙，粉絲勁吸湯，驚喜位係右湯係加返足料嘅金不換湯底，好有心唔馬虎明爐香檸汁蒸烏頭係泰菜知名菜式，烏頭大大條，肉好實淨，食得出好新鮮，調味酸酸辣辣，又惹味又開胃鮮蝦泰國金柚沙律，金柚好香甜，混埋花生口感好豐富，鮮蝦爽口彈牙，份量十足泰式乾炒豬肉片河，鑊氣十足，唔會好油膩，河粉口感煙韌，配料又足泰式奶茶勁香濃，青檸菠蘿沙冰口感綿密，甜甜酸酸好清新好開胃位置方便，喺正太子道西，店面光猛闊落乾淨，店員又殷勤餐牌選擇同款式都好多，份量同質素都唔錯，性價比幾高，有興趣過嚟九龍城食泰菜嘅值得一試

比較少喺九龍城出沒，唔係朋友介紹都未必識嚟，嚟完之後覺得朋友冇介紹錯，抵大夾大件，質素又高明爐烏頭一向係我至愛，大大條新鮮烏頭，魚肉鮮嫩，青檸汁酸酸地吊出蒜味同辣味，味道豐富嘅經典泰菜試咗期間限定品泰北火鍋，好抵食，牛、豚、魷魚同蝦份量十足，新鮮爽口，蔬菜盤新鮮嫩綠，份量多到食極都仲有咁炒河係另一樣我好鍾意食嘅嘢，炒到好夠乾身，河粉唔會痴埋一齊，口感好好，配料又足，喺啖都食到豬扒同配菜鮮蝦柚子沙律，呢個組合好夾，食材新鮮已經一定好食，仲要配上甜甜地嘅醬汁同脆卜卜嘅花生，味道同口感都好豐富飲品揀咗青檸菠蘿沙冰同泰式奶茶，青檸同菠蘿味都好突出，又好夾，泰式奶茶陣香味亦好濃郁店面掛咗好多獎狀同獎牌，絕對係信心之選，唔單止食物質素高，環境又乾淨，服務又好，QR Code落單都好方便，下次想食泰菜會回頭