小杬館食坊 (已結業)

昨天到伊利沙伯醫院探朋友，之後就行落佐敦吃晚飯。我記得之前光顧過呢間菜館，佢嘅小菜味道唔錯，今次就諗住去encore。菜館雖然面積唔大，但都算企理乾淨，員工招呼都唔錯，因為我哋得兩個人，亦唔太肚餓，就只叫了兩個小菜和一個小食。普寧脆豆腐 豆腐好實，皮炸得唔脆，但豆味非常重， 除非你非常喜愛豆味，否則可能受不了。芥蘭炒牛肉 牛肉炒得嫩滑，芥蘭亦都爽脆， 味道唔錯。噴火醬烤骨 肉排用錫紙包著，侍應在桌上點火燒，燒完打開錫紙，但見排骨並不太熱， 鑊氣欠奉， 幸好醬汁味道唔錯， 以作彌補。今次晚飯覺得小菜味道冇以前咁好，有機會會再來，再試其他小菜，睇下是否真的退步了？

短時間跟同一班朋友再來的， 應只有這家，好喜歡這裡小菜。招牌菜 “企鵝雞” 第一次光顧必叫來拍照。之後 皮香肉滑的雞由廚房分切上枱。壤蓮藕 家常小菜潮式普寧豆腐 雖然影時食凈一片，但只有我喜歡它的質感，朋友麻麻。唔記得係咩~ 應是小炒上湯浸菜兩面黃。雙面脆，內濕軟麵質，都可以。呢个辣花螺，个汁好正，大家留住唔比收走。用來配其他菜當醬汁。蠔仔餅。。應叫蠔仔糕，好厚但又不失蠔餅味道。麻辣花蛤，个麻辣汁又係另一放唔到手拍黃瓜，个汁亦好味呢个鬼馬炒牛肉，奇怪點解無油炸鬼。食下食下，原來油炸鬼切細在底，但無比上面菜汁浸軟，好脆口，真鬼馬。其實仲有其他菜，太多了，不能盡錄。下次再食，再寫過。

相約朋友晚餐，大家都想食中菜，所以就搜尋一下，突然發現這間鋪頭，小欖，令我想起以前在中山小杬工作的地方，所以就提意去試一下，因為太懷念小杬的菜色老實說，門面不吸引，我們坐上層，朋友預訂了金牌企鵝雞，上菜時，朋友問侍應有沒有醬汁點的，因為一般餐廳食吃雞都會有醬汁奉上，侍應回覆說：「唔駛㗎，夠味㗎喇」，食一口，確係夠味，外皮仲好脆㖭。蓮藕餅，釀有魚肉，不錯咕嚕肉，醬汁對板，外層亦脆，份量稍為少了一點沙律蝦球，沙律醬滿滿地包著用脆醬炸了的蝦球，好味南乳齋煲，如果可以落多一點南乳及加一點豆腐卜就好喇蠔仔粥，料足，味道不錯食飽飽，店員送上免費菊花蛋散下次可以再去

設計學友們最愛里度飯局每次都食得盡，D服務員又nice，次次唔收開瓶費，帶我地鐘意嘅紅酒都飲得暢快無比今晚8位菜式 : 前菜) 涼伴海哲 新試 爽夾多拍青瓜 平時個味唔同出面，特別D，今晚少少失準淡咗。(本身都惯食淡)涼伴木耳 健康清淡 普寧荳腐 香口醬爆鲮魚球 照爆湯) 必訂！ 杏汁豬肺湯 超主菜) 必訂！企鹅雞 又滑又野味脆皮牛腩 新試推介，外脆內嫩椒鹽鮮魷 外脆內滑又鮮銀杏鮮腐竹浸聖瓜 清甜好多料蒜容炒西蘭花 健康清淡甜品) 蛋散 今晚炸油味重咗整體都好好味，招待又好

朋友媽媽介紹之下，上個月我地一行4人就book好位去食。去到6點半，見無咩人，以為間店都無咩人氣，食食下全場滿座8點左右店員好有禮貌咁收拾食物（希望我地離開）。個脆豬超好味，無令我地失望！見到$3xx,都差少少無叫到，唔捨得食，但食完覺得好值其他菜都好好味，幾十蚊大大碟，大碟抵食之餘係真心好味！第二驚喜係個賽旁蟹！唔係好多間店會用半熟多，撈埋好滑好香！最後叫左兩個甜品，還可以，無咩特別無影到相。有機會既話會再黎食

又係生日飯，呢間喺佐敦西貢街與醉瓊樓比鄰嘅小菜館雖然格局同醉瓊樓差唔多，條係唔係朋友訂都唔知有呢間菜館。為咗買蛋糕遲咗少少，朋友們已經將一碟普凌炸豆腐鯨吞咗，佢哋都算有良心留咗一件比我，唔係平常嘅布包豆腐或板豆腐，反而質感似臭豆腐，佐料係葱粒油鹽水，味道一般。第一道先上燉湯，湯足料味濃，唔似味精湯，必試。第二道係乳豬侍應話即燒需時但係好快就上枱，雖然被朋友質疑唔係即燒，不過皮真係好脆，肉亦都好滑嫩。呢道菜比起坊間嘅黃金類菜式控制得好，冇過份調味，鮮魷肉厚爽口。生日食豪啲，一人一隻大鮑魚真心覺得佢隻鮑魚大隻冇呃人比起炒菜，本人近年更愛浸菜，清淡唔油膩。即係咁，其他餐廳棟企隻雞多數上枱有花臣搞吓.......例如放吓火，但係呢度真係齋影相呃吓like咋。不過隻雞都好味，因為好怕食啲雞嘅皮係又厚又多肥油，呢度皮薄帶少少黃油喺某啲部位，所以香而不太膩，咸淡都好適中。炸子雞通病係過咸，呢間冇呢個問題喎。總括嚟講呢間菜館嘅大小菜調味剛剛好，而且味精唔多，冇一般中菜館過咸嘅問題。另外每道菜上枱都熱辣辣，冇煮好攤凍咗先出嚟已經差好遠，老公話齋食物熱辣辣已經加好多分。加上所有侍應好有禮貌同好笑容，值得一

週日在佐敦午飯，想找一處較為清靜的地方，與朋友暢所欲言。原本打算去茶餐廳，忽然經過小杬館，見佢有中午客飯供應，便決定一試。入到裡面，感覺同一般食肆無異，但是走到樓上，感覺便大大改觀。樓上佈局精緻，簡簡單單，但是十分乾淨。此外，由於枱數不多，食客傾偈都是斯斯文文，比起酒樓和荼餐廳要舒服得多。我覺得這種舒適程度，簡真可以媲美星級酒店的食府。食物方面，一坐低見到光潔亮白的公雞碗碟，令人安心。由於是午餐時段，只是叫了碟頭飯和炒麵，但是食物質素也不錯，食材夠新鮮，而且不油膩。如果想要和朋友食餐安樂茶飯，打下牙較，這裡絕對是首選！

好耐冇去小杬館食飯啦！好掛住隻手抓乳豬仔呀！今晚慶祝三八婦女節，同另外兩位靚太去咗品嚐呀！隻手抓乳豬仔，要提早預訂，打電話訂位時，好友有訂，否則冇得食！我哋因爲得三個人，叫咗隻手抓乳豬一如往常一樣，皮薄得來，脆卜卜，啖啖肉，真的好好味呀！叫咗個普寧脆豆腐小食，好香好滑叫咗個梅菜蒸菜芯，啲梅菜好甜，冇沙，菜芯又淋身，而且好大碟呀，抵食！叫多個肉類，噴火醬燒骨，碟骨上枱時，錫紙包著，外層有火焰燒著，有睇頭！骨味有啲似鎮江骨，都好惹味！三個女人居然胃口不少，清枱！

朋友背包遊回港，當然要洗洗塵，來這間首創企鵝雞的小菜館，雖然今次無食，睇睇小弟今次食左咩先。咁多款菜中最好食的，外脆內軟，鮮魷剛剛好熟，而且炸漿中已有椒鹽調味，十分美味。這個無得輸的菜色，牛肉唔差，沙爹味夠。食左先影，唔好意思，一樣外脆內軟，有豆腐味。普通唔多講。只想講，乜現在的菜真的咁貴嗎？一樣食左先，今日的主菜，要預早訂，十分脆皮，有少少豬騷味。蠔餅是小弟十分喜歡食的，今次這蠔餅唔差，蠔夠大隻，香口，加上胡椒粉，正！普通唔多講。普通。炒得幾好的炒飯，色好料夠，有鑊氣。送的，當然唔會差，蜜糖夠多，好食。7個人每人百幾元，幾底食。（除左個菜）整體菜色幾好，色香味整全，環境清潔度一般，部分菜色要預訂，但坐幾耐都得，一班朋友聚餐的好選擇。

今日哥哥阿嫂慶祝畢業，於是約左黎哩間位於佐敦既小店食晚飯總共有兩層，乾乾淨淨都幾ok架一黎先上了湯同埋口水花蛤蜆個湯好甜呀同埋湯渣勁好味，最後幾乎全清口水花蛤蜆係冷盤，有d辣但係可以接受，不過就好惹味喇👍🏻然後係哩一味火焰骨上台既時候著晒火咁樣ww一打開不得了，勁香呀！哩個雖然叫骨但係食落感覺啖啖肉！有少少甜酸味好正呀！藕餅脆口而不油膩瀨尿蝦！！應該係店裡既招牌菜！店員知道宜家興影左先食所以先上個完整版，然後會幫我地剪開同拆開隻瀨尿蝦有成10寸咁長！加埋d脆扑扑好好味呀！勁推介！半隻乳豬其實我覺得都係必食，因為基本上冇咩肥，好脆好鬆亦都係照牌菜之一燒企鵝雞亦都係先上枱相機食先，然後會拎去拆出黎剪件脆皮肉嫩不過如果咸味多小小就好啦整體黎講成餐都好好味每一道菜都好出色，適合人多既聚餐，因為人少既話真係食唔到d咩😂下次會再黎！

Came here for dinner on a Saturday night with a group of 5. Booked in the afternoon and got a table for 8pm, was seated 10 minutes later. The place is genuinely local, with loud TV and noise. Two dishes were really good. Suckling pig was roasted fresh in a small kitchen in front of our table, came served in big succulent pieces with crispy skin Also, the salt roasted crab was delicious and full of rich insides. One of the freshest I've tasted this winter! Will return to get takeaway sometime

偶然經過油麻地吃午飯，聽說這間頗具歴史的餐廳不錯，點了叉燒燒肉飯，才三十幾蚊有鬆化蜜汁叉燒，十分驚喜，燒肉皮脆肥瘦適中，略嫌飯汁較少，但高級酒樓水準，茶餐廳價錢，十分划算。咸魚肉餅飯，肉餅不死實亦不過於鬆散，配飯一流。吃慣口水雞，覺得口水花甲不夠咸不夠麻，屬港式口水風格下次可一試晚市更多菜式。

中學好友的聚會一拖再拖，終於可以食得到，今次地點就定在之前我到過的小杬館，因為食物出色價錢又不貴。＊＊＊＊＊＊＊＊＊＊＊＊＊＊＊＊＊雖然早個多月前已訂了位，但眾好友的出席率一日未出現都不能確定，所以我們沒有預訂任何菜式。口水花甲($48)由於我是席內唯一一個光顧過小杬館，朋友就問我有甚麼菜式推薦，但由於上次光顧時人多，但今次卻只有四個人，很多店內名菜都不能點，所以我就推介了這個上次都有點的小食。花甲大小適中，辣得來帶點麻勁，最特別是這道菜是冷盤，連平常不吃辣的朋友都讚不絕口。爆醬鯪魚球($72)爆醬鯪魚球上次我也有點，所以今次都推介給朋友。一客有八大粒，粒粒如乒乓球大小，上桌時連同蜆介醬同上。鯪魚球入口微彈，能嚐到鯪魚香味，雖然入面都釀有蜆介汁，同爆醬效果就沒有上次吃那麼突出，但整體仍令人滿意。醬爆花枝爽肉($78)由於席間有朋友剛做完小手術不久要戒口，牛蛋都不敢吃，所以我們就點了這道菜，爽肉就是豬頸肉。但見碟子上堆滿爽肉、花枝片、紅椒、草菇和西芹，都頗為足料。爽肉夠入味，花枝片有嚼勁而不韌口，西芹不會過老，味道不錯。銀杏鮮枝竹浸時蔬($72)為了遷就朋友，是晚的菜式難得地清淡，遲來的

雖然我平時寫西餐比較多，但最愛還是一些中菜尤其是小菜館。一些名不經傳的小店，做出來的菜色不求什麼創意，但就是有種地道風味。這間位於佐敦的小杬館食坊，整個格局偏向麻甩和本土平民化，令人想叫杯啤酒，加上這餐是家人幫小弟慶祝的生日飯，啤一啤也是理所當然的事。以「涼伴口水花蛤」($48)來佐酒，實屬正中下懷之選，花蛤不算肉厚，但帶點微微麻辣之中仍有份甜美，真的三兩下手勢便吃光整碟了。金瑤賽螃蟹 $76跟家人食晩飯時，總是習慣叫一道賽螃蟹，以便兩位小外甥女作伴飯用。這晚也照樣叫了賽螃蟹，但女孩們已長得高大了。從她們的嗜好，會得知現時的社交媒體潮流走向，十來歲的少女們，原來已少玩了Instagram，Snapchat才是最常用，我忽然覺得自己嚴重Outdate啦!小杬爆漿鯪魚球 $72蜆介鯪魚球是傳統中山菜，很多食店都有供應，這店則改良了，像瀨尿牛丸的做法，中間加入了蜆介醬汁，令原來爽口的鯪魚球，吃起來有爆漿的效果。酥炸美國蛹蠔 $188蛹蠔放在粵菜館手上，便變化出很多做法。除了薑蔥屈蠔或用砵酒外，酥炸蠔也是相當惹味又香口，同時又保持到蠔的濃味，鑊氣也十足!企鵝雞全隻 $188這道是該店的招牌菜，

一行九人選擇在這家店子食晚飯，是晚點了杏汁豬肺湯、企鵝鷄、枝竹浸時蔬、梅菜蒸菜、荷塘豆腐、醬爆鯪魚球、火焰骨、小杬一品煲、豉汁蒸黃𩶘䱽、桂花炒魚肚、銀芽炒三絲、菊花蛋散。先講杏汁豬肺湯，湯色奶白、份量足，每人可分到二至三碗，而且喝得出很順滑，但如果能加入金銀菜同煲就更滿足。企鵝鷄，初時以為是醬油鷄，其實是類似炸子鷄做法，鷄皮脆而肉質嫩，是店子的招牌菜。枝竹浸時蔬，這個比較清淡，但枝竹很有豆味，時蔬是生菜。梅菜蒸菜，原來將梅菜加菜心一齊蒸是如此夾，如此入味，還可把菜汁撈飯，吃得很滋味。荷塘豆腐，這個菜的顏色很悅目，在荷塘下的豆腐是類似玉子豆腐般滑溜，頗適合小孩、長輩吃。醬爆鯪魚球，都是招牌菜，我很喜歡吃鯪魚球，原因是伴在旁邊的蜆蚧醬，這個鯪魚球本身已夠味，但略嫌魚球裡面不夠醬爆，旁邊的蜆蚧醬汁能濃稠點更好。火焰骨，不太記得這個菜名是否正確，但當店員破開錫紙那刻，香氣隨即飄逸，可惜我沒機會試，因為已被搶吃一空了。小杬一品煲，大概是這個名字，裡面的材料很豐富，包括有鮑魚片、鵝掌、魷魚、冬菇等，不會令人失望的菜色。豉汁蒸黃𩶘䱽，這條魚是特地在店門前的魚缸活捉，再配合豉汁蒸煮，魚肉嫩滑，豉汁香，