小正大福 (已搬遷) 新店位置

成日行銅鑼灣經過都想試呢間小店嘅大福，但次次都因為食完飯太飽而放棄🤣 今次終於的起心肝專登去買一粒試下，的確冇令我失望！！佢有超多款口味選擇，仲要全部款式都好特別，唔係平時買開嗰啲大福咁單調😳我今次就試咗「芒果焙茶脆脆」，一咬，個大福皮真係好軟糯，皮下就包住新鮮芒果肉、芒果芝士、宇治焙茶忌康、朱古力脆脆～ 每層嘅口感都唔一樣，個配搭令到成個大福勁豐富！而且仲要唔係好甜，我食完真係好想買多件嚟食！（努力用意志成功忍口🥹） 呢間嘅大福我必定會回購，雖然價錢唔算好平，但係我覺得係值得的！🤤