小清邁 (柯士甸大廈)

营业中

休息中

約左人嚟佐敦交收，辦完正經事，就順便喺附近買埋外賣先返屋企。上網睇到有人推介柯士甸路呢間新開嘅泰菜外賣店，見佢啲午餐同晚餐嘅價錢好經濟，最平 $28 就有交易，一於試下。店舖沒有座位，不設堂食，淨做外賣，不過餐牌嘅選擇都幾豐富，除了午、晚餐，仲有主食、蔬菜、小食、串燒、甜品及飲品等，另外仲有到會服務提供。點左無骨海南雞飯 ($48) 、泰式炒金邊粉 ($58)、蜜糖黑椒燒牛仔骨飯 ($68) 同 椰汁大菜糕 ($24)。 先嚐海南雞飯 ，雞件份量一啲都唔少，雞皮爽薄，雞肉嫩滑又有雞味，加上全部都已去骨，入口啖啖肉，很滋味。油飯水準亦唔錯，飯粒香氣十足。另外嗰兩盒金邊粉同牛仔骨飯，味道亦一流。金邊粉炒得均勻乾爽，甜度亦剛好，雞肉嫩滑，花生碎香口脆身，再擠少許青檸汁調味，充滿泰國風味。牛仔骨煮得入味又軟腍，入口濃香微辣，絕對係惹味之選，用嚟送飯或淨食都一樣咁正。椰汁大菜糕味道亦非常討好，十分清爽，椰汁味很濃郁，用作飯後甜品就最適合不過。

小清邁😘😘😘So chill泰國美食尖沙咀柯士甸路、有一間泰國美食外賣店、正宗泰國人主理、門面攞置、正宗泰國feel、 加埋霓虹燈光、so chill、啱晒香港人口味！外賣價錢相宜！仲有好多地道泰國小食！海南雞飯⋯油香雞飯、勁正海南雞肉、配埋特製泰與酸汁、沾雞一流、冇得輸😄飛天炒芥蘭⋯泰國炒物、必有辣椒、蒜蓉、夠火喉、炒得來夠味逍、外賣店少有👍🏻椰香黃咖喱雞⋯⋯勁香椰汁味、配合黃咖喱、混合香濃不太辣、入口仲好清香撲鼻、汁多撈飯勁正！👍🏻#尖沙咀#泰國#美食#外賣店#小清邁尖沙咀柯士甸路15號A柯士甸大廈地下A號舖港鐵佐敦站D出口、步行約7分鐘

今日Lunch經過，偶然見到一間新開既外賣泰國菜，門外看到入面見到全部都係泰國人主理，又見到門口餐牌款式都幾多，所以就決定試吓。今日點了4款我平時食泰國菜必叫嘅菜式。泰皇咖哩青口配油酥餅，配上蛋花好香濃嘅咖喱汁點薄餅一流🤤🤤，所以叫咖哩一定要配油酥餅。蟹肉炒飯係用咗新鮮嘅蟹肉🦀配上三色雜豆👍👍炒飯炒得好乾身。🍢雞肉串燒大大串，肉質嫩滑味道非常濃郁，唔使點沙嗲醬都一流👍👍👍期待下次再去試其他

泰式生菜包係每次到泰國餐廳都必定會點ge菜式，香料味滲晒落豬肉碎入面，令肉碎愈嚼愈香，無論當前菜或送飯都好惹味，用生菜包住食好fresh又另一番滋味，唔會覺得膩，肉碎有少少辣，食唔到辣ge朋友注意，味道酸酸辣辣非常開胃，將平平無奇ge肉碎提升到另一個層次！🤭雞肉串燒等ge時間會長少少，燒得金黃香脆，邊邊仲有d焦脆，火喉控制得剛好，肉質仍保持嫩滑，味道偏濃味，配埋沙嗲醬可以食多幾碗飯！😋脆炸春卷外皮炸得超香脆，拎到返屋企仲熱辣辣，一盒有10條份量都算多，配合甜酸醬吃提升到另一個境界，十分推介！🫶🏻店舖仲有其他凍食小食沙津、甜品及蝦片賣！下次再試😛😛價格合理👍🏻

小清邁 (尖沙咀)尖沙咀柯士甸路15A號柯士甸大廈地下A號舖無骨海南雞飯🐓好正，雞皮薄爽，肉質鮮嫩多汁甜滑，有雞味👍，粒粒油香米飯🍚，煮得軟硬適中，加埋二片厚青瓜，清甜爽口，好好食，讚👍👍👍滷豬髀飯，豬皮厚薄適中，好有骨膠原，滷得好冧滑，好入味，配菜，配料，零豬髀味道特別有風味，係我食過最好食嘅滷豬脾飯，極力推介🥳🥳🥳泰式炒金邊粉，色澤金黃亮澤，配料十足，米粉條條分明，唔冧唔硬，夠獲氣，色香味區全，超好食😋😋😋沙嗲雞肉炒河，雞肉嫩滑，多汁，河粉條條煙韌，沙嗲香滑可口，加小小粗粒花生🥜，食落就更添色彩，可口美味😃😃😃

經過柯士甸路，見到呢間*小清邁* ，一間泰式外賣小店。見到個芒果糯米飯，我已經流哂口水🤤，睇下有乜食，買返屋企做晚餐都好。見到廚房入面係泰國廚師，一定係正宗泰式風味👍。每次見到有泰式鳳爪我都會叫😂，呢度既無骨鳳爪一盒份量都幾多，食極都仲有，味道偏濃，有少少辣，好開胃。菠蘿🍍炒飯，雖然唔係用菠蘿殼裝住，但無減佢既美味，裏面有好多新鮮菠蘿粒架🤤。芒果糯米飯梗係一定會買啦，仲要要個大既，軟軟既糯米飯加上清甜既芒果肉，倒上香香既椰醬，好味道，椰醬唔會太甜幾好。試埋呢個椰汁大菜糕，個口感都唔錯。龍眼冰裏面有好多龍眼肉架，支野飲充滿龍眼既清甜😋。等既期間都有好多外賣員拎外賣，至衰我唔係住呢頭附近啦，唔係可以成日叫。

呢日去探班，朋友仔話要食呢間既燒豬頸肉飯估唔到選擇有咁多！！！仲要有套餐，價錢實惠，串燒都好似好吸引咁店員話甜品都係佢地自家製，芒果糯米飯仲岩岩整好，分大同細兩款份量最後除左朋友既豬頸肉飯之外，我仲要左一份三串既串燒同三款甜品呢度既燒豬頸肉飯真心抵食，只係$48都有唔少份量！！！試左舊豬頸肉仲要燒得好好，肉彈爽嫩串燒分別要左豬、牛、雞各一泰式串燒嘅精粹當然係香濃嘅沙爹汁啦佢地既甜品都冇令我失望！！不論係椰汁西米糕、班蘭千層糕定芒果糯米飯都好有水準，甜度適中今次嘅芒果糯米飯要咗細size，二人分享有啲唔夠喉，下次叫份大既先得xpp

放工由科學館去柯士甸接老婆，經過這間泰國外賣店，晚餐價錢便宜，$48起有多款泰式飯麵，買了幾款返去同屋企人分享。無骨海南雞飯：雞肉嫩滑且雞皮皮下脂肪不多，雞皮爽口，加上特製的醬汁更添風味。油飯香口不會太油膩。泰式炒金邊粉：金邊粉炒得爽口，有些雞肉、芽菜及花生碎，十分惹味。青咖喱雞飯：咖喱椰汁味較重，帶淡淡咖喱香，完全唔辣，反而有陣陣香料香，送飯一流。斑蘭千層糕：斑蘭香味及椰香甜品突出，千層糕煙煙韌韌有咬口。

尖沙咀柯士甸路有間泰菜外賣店新開張 ，今次發達…. 以後我返公司食晏又可以經常食海南雞飯!!! 我裝過佢舖頭入面有真·泰國人整緊嘢食，咁我算係食返真·泰國嘢啦!!! (好耐冇去泰國思鄉中)我好鍾意佢地個雞飯有得揀大細，好啱我呢D又為食又細食嘅貪心人，食細飯可以加多個小食，個飯仲要賣$28咋，雞夠滑油飯夠香，質素拍得住我以前喺美麗華商場成日食果個喎…. 第一次幫趁我叫多咗個芒果燸米飯做飯後甜品，芒果好新鮮，椰漿亦夠濃，但對我嚟講都係太大份，食完個飯仔係食唔哂個甜品吖，下次食要請同事分甘同味先得….