小灶子 (已結業)

嚟到荃灣朋友帶我嚟左呢間小灶子，本來見呢度普通小店仲要個位咁隱蔽，食物質素應該中中廷廷啦。。我地夜晚嚟到其實想食甜品，兩個人叫左一杯latte同一個 dessert ，點知非常驚喜!嗰個忌廉芝士卷真係非常出色，唔太甜，食落有芝士嘅滑同香，而個餅皮仲有香香嘅蛋味，又新鮮又好食，當我地讚老闆嘅時候佢話係自家研究出嚟，所以比較有特色另外我地share嗰杯 Strawberry Latte，唔會淨係得奶味而咖啡味都好香，冇酸澀嘅感覺，淡淡嘅士多啤梨味好特別呢到真係真心推介

係facebook見到有人推介呢間小店食all day breakfast,咁星期日咁岩經開個邊,於是就去試下啦，間鋪頭有小小自成一角咁，唔係跟住地址去搵都幾難會留意得到入到鋪頭，相信係老板既男人熱情招呼，都有介紹有午餐可以食，鋪頭面積真係好細，得幾張枱，應該最多坐10幾人，但裝修布置似文青cafe路線點左一份all day breakfast,送上黎時候，第一件事已經閒到蛋香味先，之後再切塊熱香餅，煎得幾好，主要係唔會太乾，啲蛋真係好有蛋香味，入口滑溜，至於腸仔煙肉就正正常常無乜特別話好食定唔好食，再食埋啲菜平衡返，咁就食左個假期豐富早餐間餐廳除左主打all day breakfast,仲有甜品下午茶，下次有經開呢邊都會想試下

假日喺荃昌中心午飯，久違了用op搵左呢間位於商場一樓嘅小灶子。夾雜喺巷弄之中嘅小店一間，鋪面唔大，環境狹小，假期接近滿座，亦有人等位。當然總會遇上啲厚面皮食哂野淨番幾杯見底嘅飲品依然打等嘅人士，過店員係唔會出聲，始終冇寫明限時限刻，又好難話開聲叫你走嘅。小店難做，建議去番咖啡店啦。其實都有啲差不多類型嘅餐廳喺附近，呢度勝在價錢唔貴。餐牌供應全日早餐、意粉、班尼迪、漢堡、薄餅、小食、甜品，人均六十零蚊。全日早餐有六款，配料有例如窩夫、熱香餅、法包、多士、鬆餅等。意粉有六款，龍脷柳、煙三文魚、雞肉、牛扒、卡邦尼等，55至70蚊。比利時窩大全日早餐：有窩夫、火腿奄列、豬肉腿、腸、煙肉、沙律菜，幾鐘意呢個配搭，雖然唔知點解比利時窩夫會變左港式窩夫。68蚊份合理，過左海嘅話，咁樣賣貴幾十蚊架喇。呢份野冇我最唔鐘意嘅茄汁豆！沙律菜加醋，算新鮮啦；而且碟上每樣野都係熱嘅（實在食過太多太hea嘅餐廳）窩夫配蜜糖，即烘，外脆內軟，啱食！仲有奄列墊底，夠哂飽肚。流心蛋卡邦尼意粉：考慮到價錢平，我對賣相嘅要求自動降低。流心蛋都有流心，意粉較普通，唔夠creamy。焦糖咖啡士多啤梨拿鐵兩個人埋單百五蚊左右，都

早排黎呢度食下午茶，試左個叫悠閒比利時既set ($45包杯$20飲品)，我要杯latte就補返$6差價。個餐有腸，煙肉，炒蛋，沙律菜和窩夫，腸仔和煙肉正正常常，炒蛋幾嫩滑，窩夫幾好食，質感幾軟熟～唯獨沙律菜同平時食果d樣好唔同，好似菜心菜葉咁既，感覺好唔乾淨。。所以都冇食到。。。。而杯latte味道都OK，又係正常咁啦！間cafe其實好細好狹窄，大約只有五張二人枱，但餐具砂糖等等仍然要客人自助形式拿取，我覺得真係幾奇怪，好心就上食物既時候比埋餐具好過啦，地方咁窄仲要行來行去。。。而且店面的女侍應(還是老闆娘？)都頗黑面。。整體感覺一般吧！總結：環境服務都麻麻地，雖然食物都還可以，但都未必再幫襯了。。。

switch出左星之卡比 即刻去荃豐問下價先😆所以想係附近搵間cafe仔食個all day breakfast～weekend諗住搵間cafe仔去星期六下午去 不算多人 去到就有位了～由一入去店員黑口黑面咁叫我地坐低已經激嬲左男友 無笑容唔緊要 但成餐飯佢淨係講過「C, F」餐同價錢 正常找錢都會講句多謝哂啦 又無講餐具同水都係自助😅電視機開到勁大聲 好distracting 我諗大家黎細cafe都係想靜靜地傾下計...食物係ok既 但一定無下次啦🤷🏻‍♀️

2017港女早晨全餐-⠀如果大家咁有心睇晒啲post嘅字都唔難發現呀叔成日話自己有個自稱為朕嘅港女女朋友可能大家會奇怪港女喎！？睇相唔似嘅都無食cafe 無腸仔蛋早餐無蛋糕仔喎唉....有你地唔知姐今日呀叔晏晝就同佢去左食窩夫腸仔蛋了⠀2017新嘗試特登叫朕講下有咩評語我就幫佢打出嚟佢就彈左幾句四字真言比我朕：環境幾好賣相優美味道唔錯圖文相符價錢合理我愛餐廳餐廳愛我惜未有野飲 下次再試⠀聽完之後 真係獲益良多 長知識了⠀不過認真啲咁講個早晨全餐真係令呀叔另眼相看先唔講啲咩 起碼係晏晝食佢都會食得飽嘅分量嚟個蜜糖甜得嚟又唔漏倒係窩夫上面可以達到叫人食完一舊又一舊嘅效果但蛋就好滑好嫩 蛋中間仲有火腿㗎⠀而個意粉就真係好好食首先一放到嚟已經見到擺碟擺得好靚煙三文魚同條草變左朵花啱晒比女朋友影呀影呀影而個意粉嘅忌廉汁就好濃好香啱晒呀叔我呀⠀全日早餐-比利時鬆餅$68挪威三文魚忌廉意粉 $60⠀Ps 話說女朋友就鐘意卷好啲意粉放入口呀叔就表示要食到雪雪聲成隻污嘴狗咁先好食㗎嘛

一直有幫襯小灶子，支持小店，因為老闆和之前的侍應妹妹也很親切有禮，所以感覺舒服，其實店內的價錢不算便宜亦不算好食，只當一個聚腳點。不過發現原來侍應的態度也差了，冷面，不熱誠，多謝光臨也無句，去cafe吃東西也是享受份休閒和心情，所以不會再光臨了。

出荃灣見工前.係openrice見到依間小cafe..就決定見完工後去依度食晚餐地點係荃昌中心.穿過幾個商場再行入小巷先搵到..因為6點幾去到.所以未有客.入到去店員簡單介紹之後.叫左個比利時窩夫all day breakfast 同士多啤梨Latte個breakfast 好大碟好足料..食完超飽.當晚餐真係ok士多啤梨latte好甜.但不錯👍🏻

睇facebook知道小灶子更新了2人晚市套餐，好似幾吸引，咪來試下今日餐湯係周打魚湯，足料，鮮味，讚。小食拼盤非常豐富，有一碗凱撒沙律，仲有吉到蝦，雞翼，春卷同脆薯角。佢的雞翼外脆內多汁，好味過肯德德。主菜我點了北海道帶子墨汁意粉，同千島夏威夷薄餅。帶子好大隻，非常鮮甜。墨汁意粉好creamy，仲有香濃的海鮮味。薄餅應該係師傅手造，口感吾錯，味道清新。整體感覺良好，店員亦有禮貌。小店位置偏僻，幾難搵。但感覺到好有heart，值得支持。係一間性價比高的小店，一定會再來。

除夕夜，正當大家熱烈地送舊迎新，在餐廳大吃特吃昂貴的大餐，而我只需小小的一角小店吃頓簡單的晚餐，我就已經很滿足。一碟意粉，一份甜品，一杯飲品，分享彼此間的喜悅。北海道帶子墨汁意粉簡潔的擺盤，帶子與墨汁意粉強烈的對比，彈牙的意粉完全地吸附墨汁的鮮美，帶子表層微微焦香，內裡肉質鮮嫩無比。紅噹噹的法蘭西忌廉芝士草莓卷看似充滿節日的歡樂的喜悅，也讓我們愉快起來。草莓卷的外皮蛋味濃厚，配合幼滑細緻的忌廉，鮮甜的士多啤梨，無敵的滋味盡在嘴裡。就算連香蕉奶昔也要給我們驚喜，以oreo餅碎撒在香蕉奶昔的表面，猶如小盆栽般可愛，香蕉奶昔那濃郁的香蕉鮮甜，絲絲的果肉，真的令我們愛不釋口。

First time coming Tsuen wan for food hunting and honestly I was quite impressed.This coffee shop was located at the hustle and bustle city town but the mall wasn’t that crowded. I tried the waffles set and it kinda felt like something in between soft cookie and cake. The texture was not that ‘waffle-like’, but it’s still pretty nice.The omelette was runny and succulent which I loved very much. Pretty good as a whole.

之前成日都見到人哋介紹呢間café，又話係文青必去，咁我就想去睇吓到底有咩好食啦今次就真係幾失望。叫咗杯iced latte，都還好，好一般，但絕對唔係以咖啡做招徠，因為咖啡欠缺應有嘅豆香味。叫咗個American style pancake all day breakfast, 材料都幾豐富嘅，有煙肉、兩條腸、奄列、沙律，同兩塊pancake。個蛋食第一啖都唔錯，但之後愈食愈乾。個pancake好乾，無味，連蛋香都無，最慘係連個syrup都好唔match，似係用左西多糖膠。其他配料都真係好普通，所以都真係唔會再encore。

星期六下午約了好友飯聚，而2個小姪女剛考完試便帶埋她們倆出去鬆一鬆，好友上網找到這間小灶子，位於荃灣荃昌中心果邊，店子細細，都有d難揾，全店只有12個位，地方都幾迫下，但坐落都ok, 而且上菜算快，點了食物5-10分便來，我們4人點了流心蛋卡邦尼意粉($55 味道 ok, 流心蛋真係流心,還跟2片蒜蓉多士), 吉列雞漢堡 ($55 味道不錯，還跟一杯沙律菜), 意式茄蓉大蝦意粉 ($65 d蝦好彈好爽,都係跟2片蒜蓉多士), 煙肉芝士焗脆薯角 ($42 d醬汁太多，整到d薯角好林), 地中海鹽燒雞翼 ($45 味道怪怪的，形容唔到咩味); 叫左野食，野飲可跟餐叫，檸檬幻影跟餐$22, 原本是藍色的，但加了檸檬汁落去便變了紫色，真係好幻影, 棉花糖朱古力跟餐$18, 朱古力奶上面加了粒粒棉花糖，小朋友至喜歡，熱Mocha 跟餐$16, 熱Latte跟餐$14.整體食物水準ok, 店子細細有這質素真係不錯，只係鹽燒雞翼味道怪怪的，下次有機會試下柚子蜂蜜，睇下會唔會都怪怪地味先

荃豐中心入面有好多小店～隱藏好多美食店，唔似葵廣咁主要食小食，哩到好多Cafe/西餐廳/日本野/上海野。今次試哩間小灶子，有好多雜誌介紹。丫！逢星期二休息架！士多啤梨城堡窩夫賣相吸引，但窩夫不脆、無乜味士多啤梨Latte - 咖啡味濃、淡淡士多啤梨香、柔滑蠔湯 - 雖然見不到蠔肉，但有濃烈的蠔味，應是打碎了蠔，好特別啊，其他地方少飲到～All day breakfast F. 荷蘭班尼迪蛋不夠多蛋黃醬，味道一般，不值這個價錢🤔

不嬲都鍾意去cafe，今日難得同朋友放假咁梗係當然就唔會放過去荃灣cafe嘅機會啦。呢間不嬲都好想去試，成日都驚冇位，所以今次就諗住膽粗粗去啦，好彩啱啱走咗兩個人就可以即時坐落去。三文魚意粉味道醬汁好味，而且意粉都會有口感，不過三文魚就偏小，朋友叫咗個士多啤梨，飲落去有輕微士多啤梨味，但係咖啡味唔算重，啱我朋友唔可以太飲多咖啡嘅程度 。alldaybreakfast coffee……份量吾少而價錢都可以接受，整體味道吾錯，菜沙律夠新鮮，腸有2款好味，不可不講 #牛角包 意外十分好食，脆又香。但失望蛋太熟有點老。咖啡 味道偏淡左少少但都可以試飲下，岩鹽就自己加落去覺得有點怪怪就放棄，但好在吾太甜。位置吾多，十個位左右，位置都比較難找，但以cafe 黎講都多選擇而質素吾差，而待應都好有禮貌講解。