小確茶 (已結業)

「小確茶」是和鄰舖的另一家茶飲店同期開業的，當時筆者已光顧了一杯來嚐鮮，可惜味道有待改善。轉眼之間，這家小店開業也有一段日子，今天心血來潮決定再來一試。對比起剛開業的模樣，「小確茶」在這期間好像有再次裝潢，和改了餐牌內容。價錢方面來說，「小確茶」絕對是較同場的競爭對手優勝，中杯份量廿元有找。云云選擇中點了芋香奶茶，可惜再次中伏。芋香奶茶的粉紫顏色，的確挺少女夢幻，喝下口前先拍張照片可以換來不少讚呢。但淺嚐後不禁皺起了眉頭，奶茶完全沒有茶味，更遑論回甘度了。奶味是有的，但更重的是芋頭香精味。筆者甚至覺得手上拿著的，只是一杯化學元素實驗品。筆者點餐前曾以為這杯芋香奶茶會像「天X茗X」又或「喜X」般的那杯雷同，會有芋頭肉藏在飲料內。但顯然是一場誤會了⋯⋯「小確茶」的一杯芋香奶茶是沒有芋泥餡的，亦沒有鮮芋頭的香味。那股芋香，感覺似是香精成份居多，而且還跟市面上買到某牌的香芋雪糕雪米糍溶掉後的味道如出一徹（沒錯！是溶掉後。）。也許筆者從一開始就是自作多情，內心想喝的那杯大概是〈香芋奶茶〉吧。這一杯不過是〈芋香奶茶〉，名字上早已告知沒有香芋的存在，只有芋頭香味，縱然是香精，至少也是有。

同樣係葵涌廣場，用同一款飲品對比喜茶嘅飲品 究竟邊一間芝士系列嘅芝芝莓莓最好飲呢？小確茶响葵涌廣場算係新店，平日人流唔算多，一般都唔駛排隊等。其實之前都有留意到佢，但一直冇幫襯嘅最大原因係顏色！佢哋大部份嘅茶啲顏色都好艷麗，講真我就麻麻地喇！今次同樣點咗草莓芝芝比較吓！同喜茶唔同嘅係，佢係果汁/水果茶底唔係沙冰。入口少甜而且非常解渴，唔會好似沙冰咁，大力啜幾啖立即上腦頭疼！話就話果汁底，其實係水果加糖水打出嚟嘅，草莓味唔太濃但勝在啖啖都有果肉，而且仲有好多添芝士奶蓋同喜茶一樣係鹹甜口味，芝士味香濃。將芝士奶蓋同草莓果茶混合後，口感順滑豐富，而且粒粒果肉，係一杯清爽口味嘅飲品服務方面，員工姐姐親切有禮，等飲品嘅同時會同客人閒聊幾句，芝士奶蓋濃啲淡啲都會問，係少數在葵涌廣場有服務嘅奶茶店！（讚）

小確茶啲嘢飲好靚咁，本身想試賣相極之討好嘅浮雲沙冰系列，但係怕夜晚飲會太凍🙈老闆娘推薦飲水果芝芝系列😚確實冇介紹錯！.我叫左草莓芝芝🍓(少甜、半糖)佢比我感覺就係好足料，唔知用咗幾多粒士多啤梨打成，勁多果肉，亦都唔係打到碎晒，可以飲到啖啖果肉，有咬口。🤤🤤而且仲係飲到最尾都仲有唔少士多啤梨係底，真係認真唔慳皮！👍🏻👍🏻😝好享受啜d果肉，唔知係用咩牌子嘅士多啤梨，勁香甜可口！🍓🍓❤️.而佢嘅芝士係比較甜，奶味都較濃郁，食唔出芝士的鹹味，🙈但係都幾啱大眾嘅口味，飲到最後有d膩，但我都係飲到一啖都冇剩！.鍾意飲甜野嘅要叫呢杯啊！(記住叫半糖)

火龍芝芝（$25）⁣我諗呢一個係香港其中一間最平嘅芝士奶蓋水果茶啦。🤩 而且佢係我覺得三杯入面最好飲嗰杯。🙈 首先講講句個芝士奶蓋，係甜嘅。🤡 令到成件事好awk。😂 但係都打出嚟嘅質感係啱啱好，可以一啖有晒茶同奶蓋，所以如果當佢係普通牛奶奶蓋嘅話都尚算合格嘅。😅 至於個茶底呢就係咩茶味都冇嘅，反而好大陣係罐頭水果入面嗰啲糖水味， 所以似飲溝稀咗嘅糖水。😵 同埋火龍果嗰個果味都係入唔到去，不過佢又真係有火龍果肉，可以啖啖有果肉，所以我覺得一個嘅價錢可以買到有真正果肉整嘅嘢飲我覺得係對得住個價錢嘅。💁🏻‍♂⁣ ⁣⁣烏龍奶茶（$16）⁣佢哩個茶底我一飲就認得出，係淘寶嗰啲專for台飲店嘅茶葉舖頭入面炭焙烏龍嗰隻味。🤡 所以個烏龍味道同出面其他舖頭飲落，我覺得幾唔同，同埋好難形容。🤦🏻‍♂ 我就覺得好難飲，但係友人就話ok好飲。🤔 但係個奶味我就覺得啱啱好，唔會搶走過茶味，又有種濃厚嘅感覺。👍🏻⁣⁣⁣珍珠奶茶（$16）⁣哩個真係地獄級，係史上最難飲嘅奶茶，甚至我懷疑入面有冇奶茶成分，得個樣係似珍珠奶茶。😕 紅茶味欠奉，反而我覺得似飲苦茶（利申：已叫全糖），飲一啖即刻想倒。🤢 個珍珠又係敗筆，

1️⃣芒果芝芝HKD$25真心勁推介 我覺得好飲過喜茶飲呢種飲品個目標係食一下芝士 再飲一飲 芒果汁芝士奶蓋既芝士味唔會好重因為如果太重但芝士溶咗落去下面 就會勁膩會令到芒果唔好飲但係呢間第一 唔會話好甜第二芒果味重第三芝士奶蓋比例好岩就咁飲可以飲到芝士溶左落去變milkshake 既感覺成件事就係唔會好趕咁要飲哂或者耐左就唔好飲.2️⃣水果茶因為我就唔太中意水果茶既不過佢茶味都算好叫左無糖 個味都唔會好苦就係一飲就去就知佢係水果茶

#髒茶 (少糖少冰) $32見依間開左一排冇咩人講就試下啦店員好nice 會同下啲客傾計落單嗰陣會問要唔要少甜少冰又會幫客督飲筒 好似茶湯會咁我買完大概2分鐘後就攞得 都幾快咁講下杯野飲啦 奶味就比較淡 黑糖味都幾重珍珠份量都ok 不過某啲珍珠就好似未煮好 有少少硬同埋有啲珍珠大粒咗少少 所以飲到嗰粒嗰陣要啜大力啲😂😂😂評分:5.5/10

香芋用香精，奶用奶精，淡而無味，已經少甜，少冰，得個甜字味道假沒芋頭香味，有點似飲奶水，本以為有星星在餐牌上係招牌，點知中伏，仲買左大杯，總之買細杯試下先，真的沒有下次

同阿菇行葵涌廣場見到有一間售買台式飲料的店鋪，我見到其中一樣飲品，顏色十分漂亮，藍藍紫紫的，原本想飲奶蓋，立刻轉軚揀這個飲品，再望個名估味道，火龍藍柑氣泡飲$34，我同阿菇估應該係火龍果加柑的特飲吧！真身顏色好靚，打卡一流，但沒有我想像的火龍果味，也沒有柑味，整體不太甜，亦不算難飲，也沒有藥水味，不過相信飲左好多色素，但如果只需要解渴又想打卡係不錯的選擇。＊原來在網上搜尋，這間台式飲品是來自中國呢。

開心星期五！返工返到抖唔到氣？飲返杯珍珠奶茶先啦！Food Panda 有優惠！由即日至9月30日有免費送貨優惠天助我也不過就遲左十幾分鐘送到，又送漏左一杯！珍珠奶茶 走甜走冰 $19茶👍🏻珍珠一般。其他同事試左草莓芝芝，芒果芝芝，火龍果芝芝

本身見到呢間野喺OpenRice嘅評價幾好，所以嗰日去開葵芳就諗住試下。一去到見到個價錢牌，下咁貴嘅？M$32 L$35 出面出名好飲嘅都未去到呢個價，咁我就諗住試下係咪真係一分錢一分貨啦。我嗰日飲等咗2-3分鐘就有得攞，一到我手見到佢已經冇乜黑糖紋，啲黑糖嘅顏色好奇怪。一飲落口。嘩？你玩我？你叫黑糖珍珠”鮮奶”，但以我差唔多日日飲奶，我好肯定係用奶粉沖，我返到屋企即刻倒咗杯奶飲，飲完再飲啖佢杯黑糖珍珠”鮮奶”，真係糖水咁，黑糖味又唔香，啲奶又奶粉味嚟。講埋佢啲珍珠，唔係有咬口，而係未煮熟，真係好失望，以後唔會再飲

由此店開業以來，已經幫襯過唔少次，次次都是飲黑糖珍珠鮮奶~ 其他野飲我冇試過，不知道味道如何… 不過之前有朋友試過佢地嘅珍珠奶茶，佢話覺得味道偏淡同冇乜奶茶味，口感麻麻地但我買親都是買黑糖珍珠鮮奶，好好味奶味濃，黑糖珍珠微微滲出淡淡甜香，珍珠口感剛剛好又夠煙韌 試過叫「正常冰量」、「少冰」、「微冰」同「走冰」，個人認為「走冰」個杯最好飲，因為有冰嘅話，啲冰一溶左之後就會不夠甜，可能因為個人比較喜歡飲甜少少嘅野。暫時喺葵涌廣場入面試左3間店嘅黑糖珍珠鮮奶，呢間小確茶係我飲過呢幾間店入面，最好味個間~ 而且每次去幫襯，店員都態度良好友善，非常有禮貌，值得一讚♡

一連兩間新開的台式飲品店一於兩間各試一杯近期這個大熱的黑糖珍珠鮮奶也是我心頭好但要好飲都唔易就試試這個吧～大約等左五分鐘左右 飲品很快就到手外觀就一般啦 黑糖掛得唔夠靚一看底層的黑糖沉澱色不算多 還以為會無乜黑糖味 但出奇地飲落好夠味 好濃 值得讚👍🏻奶味都夠 但未算好濃珍珠夠完整一粒粒 夠煙韌 但可惜中間珍珠既中心位煮得還未夠透 有點實～呢個必須改善。但整體來說都是合格的 不過唔係首選！下次再有機會試下其他的飲品

近期台式飲品再度炒熱, 無論水果茶, 芝士奶蓋, 到靠過江龍來港而大熱的黑糖珍珠奶都非常受歡迎, 由於已沒有年少多好的本錢去排隊流汗的關係, 難得葵廣有杯可以比你叫少糖又唔駛排長龍的黑奶,當然要試試水準。叫了這個少糖的版本, 等候了5分鐘已可以冰凍地品嚐, 剛剛好的黑糖份量配上滑口牛奶還有微甜彈牙的珍珠, 入口意外地比奶茶好飲, 借機會要讚一讚收銀的哥哥仔, 用心的推介比選擇困難症的客人, 服務態度👍利申一下, 如果要打卡影到那種黑糖滿佈整杯牛奶的紋層, 建議落單不要選少甜, 正常甜度應能夠成為一杯看上去髒髒的髒髒茶。

話時話葵廣賣台式野飲既都真係有十間八間，係唔係間間都好飲呢，我就唔知啦，不過呢間算係新開而且有黑糖珍珠賣，又係地下咁方便所以就揀左佢黎試。叫左個髒髒茶，三十二蚊，度度都係咁上下價錢，其實真係發死佢。講返正題，其實呢個係黑糖珍珠加奶，即是無茶既。原本個樣係好似其他好出名既黑糖珍珠咁，有老虎紋係杯身，不過等左陣就已經沉曬底啦。味道既話呢，其實好香奶味，而且黑糖珍珠好好食，夠曬甜我中意，所以杯野半糖已經夠啦。雖然唔特別impressive，不過一試無妨。

今日行開葵涌廣場，路經小確茶，俾佢好香既黑糖味吸引咗，埋去睇發現佢有依個近期好hit既黑糖珍珠鮮奶，佢哋個名叫髒髒茶店員好有禮貌，介紹我哋咩好飲😂不過我已經心有所屬😂😂😂😂另外，店員會主動問我哋洗唔洗少甜少冰👍🏻(perfect!!!雖然我本身個人好鍾意食甜嘢，但又唔鍾意太甜😅😅) 但我又好煩，驚少甜會冇咗個黑糖味，店員都好有耐性(加分！👍🏻👍🏻👍🏻)解釋珍珠本身已經用黑糖煮過，所以唔驚🙈一飲，味道唔錯，我覺得好飲過天x之前出果杯黑糖珍珠鮮奶🤨🤨🤨甜度啱啱好，黑糖同牛奶配合得唔錯，係珍珠韌度就一般，硬咗少少，如果改善咗依個問題就very perfect🙈😍