小窩雞海南雞

营业中

休息中

- 去骨海南雞飯 $60- 爆脆豬頸肉飯 $60見晚餐價錢唔算貴就揀咗試吓呢間海南雞飯竟然咁啱係雞髀位置 海南雞份量適中 唔係滑但都唔係嚡 雞肉都可以接受 飯可以揀油飯或者白飯 首選當然會係油飯🤭油飯正正常常 三款醬汁我首選都係辣醬😂爆脆豬頸肉食落又未去到好爆脆 不過整體都唔差 肉質唔會柴 再配埋辣醬一齊食都唔錯兩個飯都有送埋住家老火湯 飲落清清地 應該就冇落味精 呢個價錢冇乜投訴如果想要凍飲或者熱飲就要另外加錢💰$120

點了一份去骨海南雞米線，價錢是 $60，再加 $16 轉為雞髀。整體來說，份量不算多，但味道尚可接受。藥膳湯底的味道偏淡，雖然不至於沒味道送來的醬料只有薑蓉，這讓我感到有些驚訝，因為平常吃海南雞時，標配的三色醬料（薑蓉、辣醬、豉油）是很常見的搭配，也是提升味道的重要元素。當我詢問店員能否提供豉油和辣醬時，店員解釋說：「三色醬料只適用於海南雞飯，這是我們的規矩。」聽到這樣的回答，我感到有些失望，因為豉油和辣醬是海南雞的靈魂之一，尤其是搭配米線時，能讓整體味道更豐富。然而，再次向另一位店員懇求能否破例給我一些豉油和辣醬，但對方也堅持說真的不能提供。最終，我只能用單一的薑蓉搭配整碗米線。雖然整體味道還算不錯，但少了豉油和辣醬的點綴，總覺得不夠完整。這碗海南雞米線的風味更接近白切雞，少了海南雞應有的獨特風味，讓人感覺有些失望。總結來說，這次的用餐經歷雖然沒有太糟糕，但也不算理想。湯底的味道可以再濃郁一些，配料選擇也應該更靈活一點，尤其是醬料部分。海南雞的靈魂在於醬料和雞肉的完美結合，而不是單獨依靠湯底或雞肉本身。希望店家能在這方面作出改進，讓顧客有更好的用餐體驗。

此店在坑口開了一陣, 今晚就來試一試 食物 : 去骨海南雞米線鮮蕃茄濃湯底 $60 - 海南雞份量唔多, 肉質都滑, 味道唔算好淡豬扒, 米線質地較爽口, 蕃茄湯底唔算好濃, 整體味道正常 去骨海南雞鮮魚片米線藥膳養生雞湯底 $65 - 其實同之前果碗差不多, 加咗5元只加了三片魚片, 魚片OK滑, 藥膳湯底不是太濃味, 飲完有少少口乾, 雞肉幾滑 環境 : 餐廳是快餐格局, 少少迫都OK 服務 : 店員有禮貌 費用 : $125

我哋六個人行完山來到坑口搵嘢食，waiter態度友好，幫我哋拼咗一張六人檯，全程非常耐心友善，上菜好快，我哋點咗六個下午茶餐，包括海南雞飯、肉骨茶、雞扒米線等等，味道不錯，份量十足，讚👍！

今日放工返來唔想煮飯食，去咗厚德商場睇下有咩食，見到有間開左幾個月嫁小窩雞專門店餐廳，諗住試下，叫咗個番茄湯切雞河粉，啲切雞幾好食，價錢又唔貴，將軍澳區商場來講有咁架價錢同質素唔錯，有下次。。。。。。

今天行完花市,晚飯時間,就去試下這間開了幾個月的海南雞飯店,叫了去骨海南雞鮮魚片米線和海鮮喇沙米線及越式蝦餅拼盤兩人份,都算ok每人一件,炸嘢不要吃太多,所以份量是ok可以,價錢60多元也是可以接受,海南雞夠嫩滑,喇沙不算太辣,給不吃太辣的人是可以接受,職員服務也不錯,比兩蚊就可以有一杯熱飲,五蚊就有一杯凍飲,無收加一。還有下午茶至六點,下回去吃.

一半以上嘅侍應明顯地遊緊魂間舖頭唔算大 起碼有三個侍應送餐唔知枱號上一秒食完收左餐盤 下一秒又送個餐黎都話左唔係我地檯 如果我係佢送錯嘢 唔要求要有禮貌 合埋把口送返啱就算 條友仲要勁多嗲 話我哋張單冇面向上所以佢睇唔到枱號 咩logic佢送錯餐仲要係個客嘅問題囉 歡迎各位想受氣光臨佢地嘅堂食服務親身體驗嘢食方面其實真係好食啲雞好滑唔會太肥 而且仲有例湯飲個口水雞唔會太辣 但係好夠味可惜嗰度嘅侍應實在令人勞氣唔想嘥錢買難受 以後都唔會再去

{海南雞+肉骨茶 - $124}呢幾年呢個舖位轉咗好多手，但係好似每一間都唔好味，近期裝修完之後出現咗呢一間小窩雞，上OpenRice睇返之前嘅分店評語都麻麻哋，所以佢開咗一排都冇興趣試，今日諗唔到食咩終於可以試下！♦️海南雞飯佢呢度嘅海南雞飯係切到一條條幼幼果種做法，都係三種醬汁再加油飯同埋例湯！賣相唔算好靚，但係食落啲雞都幾滑，油飯睇到佢落咗心機去製作，除咗有黃油嘅香味之外，仲有斑斕葉嘅味道！例湯亦煮得唔錯！成件事唔算係超好味，不過都係合格以上！♦️肉骨茶飯呢度嘅肉骨茶比起出面食嗰啲少咗一陣藥材嘅味道，啲肉肉有一陣胡椒味，再加肉骨茶嘅香味，其實味道唔錯，不過佢用嘅肉肉有部份煮得好柴，雖然味道OK，但係口感就麻麻地。整體嚟講味道OK，60幾蚊一個人有得食飯，又有嘢飲，可以有下次，不過唔會成日食！美味程度：😋😋😋環境指數：🎇🎇🎇番食機會：🦍🦍🦍📍 #小窩雞海南雞 (將軍澳)將軍澳坑口常寧路2號TKO Gateway東翼1樓E167-E168號舖