小老板 (太安樓)

营业中

休息中

太安樓這個地方我第一次去，上網查看一下究竟有什麼東西好吃，見好多人都話這間上海點心小店不錯，所以便買來試試!小店不是在太安樓入面，而是在向街的位置，近麥當勞，不過也不會太難搵到!餐牌上有多款上海點心可以揀選，價錢亦很便宜，而且能夠在玻璃窗中看到他們怎樣烹煮!生煎鍋貼，鍋貼外層煎到脆口，內裡是菜肉餡，味道鮮甜！生煎包，生煎包上面有蔥粒和芝麻，底部煎到脆口，內裡的肉鮮甜，不錯！小籠包，小籠包外層的皮不算太厚，內裡湯汁都幾多，而且鮮甜！酸辣湯，酸辣湯都好足料，酸辣味道剛剛好，內裡有木耳、肉絲、豬紅等材料，非常惹味！

位於西灣河太安樓的上海點心專門店，這是第一間分店；原店在炮台山天橋底下，很舊式的一家外賣小店，每天都排著人龍。店面積細少，裡面卻有5位員工，忙著包餃子、煎生煎包、鍋貼、蒸煮水餃等，即時製作，所以需時等候。食物的種類只有數樣，例如上海生煎包、小籠包、蔥油餅、煎餃等，價錢廉價的上海美食。菜肉雲吞 雲吞細細粒，一共有6粒，一口一粒。雲吞皮薄且滑溜，裡面肉香，肉汁多。菜肉蒸餃 有5隻蒸餃，餃皮跟雲吞皮相比，前者厚多了，不過餡料不算太飽滿。不過咬一口，豬肉跟菜的比例平均。擔擔麵麵條可以挑選辣度，湯底濃稠，麵條都吸盡了湯汁，帶香濃的花生味；麵條煙韌不易斷。

屋企人話好耐冇食過上海嘢，於是我特地去咗太安樓買外賣返去畀佢哋食。😊選擇咗小老板外賣店，見到都幾多街坊幫襯。✔️叫咗四款食物， 因為即叫即做，都要等一陣。等外賣期間，睇到貼喺門口嘅報道，原來老闆好後生創意，所以舖頭名叫小老板。外賣包得幾好，返到去冇漏，仲熱辣辣。💕屋企人食完都好滿意，不斷讚。小籠包皮薄餡靚，湯汁夠多。鍋貼煎得脆卜卜，餡料夠juicy。紅油抄手夠惹味，醬汁酸酸辣辣，越食越想食。 鮮肉水餃就啱小朋友食，水餃皮薄，餡料鮮甜美味。

西灣河呢一間超近地鐵站嘅上海外賣店 有好多正宗嘅上海外賣小食 例如佢哋嘅小籠包 水餃 擔擔面等等 仲有啲生煎包蔥油餅等等 應有盡有仲要價錢好親民 就算我嗌左咁多嘢食都唔使$100嗰日我就叫咗佢哋嘅小籠包 個皮都幾簿身 入面啲湯汁仲要爆曬出嚟 超級Juicy 而佢哋嘅蒸餃 味道都同小籠包差唔多 食完之後又唔會好頸渴 而佢哋嘅擔擔麵花生味好重 份量好多 麵條好彈牙 最重要係有得揀辣或者唔辣 就算唔食辣嘅你都一定有得揀！而且啲店員都好快手 唔駛等好耐

又來一個人的浪漫，今晚自己一個人食晚餐。坐得餐廳多，有時都鍾意轉下口味，今日難得出去西灣河，就支持下小店。久違了的上海點心，細細個好鍾意食。呢啲全人手製作，即叫即做的小店已經買少見少了。今晚就嚟番餐上海小食外賣放題作晚餐吧。上海點心小食嘅好處，就係可以樣樣都細細份，但又可以様様都食到。今晚就點了一份窩貼、蒸菜餃、小籠包、生煎包、蔥油餅，再加上一個超香花生的擔擔麵。窩貼、餃子、小籠包都肉香多汁，尤其餃子皮與別不同，豐有口感，平民價錢但高質。目測老闆及員工埋首密密在店內包著不同餃子，就連煎pan都忙過不停。尤其蒸類即叫即蒸，所以都需要耐心等待。

12蚊係四隻一口鍋貼，不是鍋貼，肉好小硬同多油，而且態度差，明明我比左錢佢無俾單我無號碼俾我，但到叫我攞野號碼，又話我唔應，第一次買點知要號碼！不會再試！拜拜啦

十二蚊有四隻鍋貼或生煎包，聽落好似唔貴，但其實好細隻！！！細隻唔緊要，最緊要好食，對得住價錢，不過sorry，一d都唔好食，做唔到傳統鍋貼或生煎包一咬落去爆汁既效果！！！仲有，d員工質素參差，俾漏食物客人，要客人返到屋企特登落返去換過！！！以後唔會再幫襯！

太安樓外小店，$12/4隻生煎包細細隻啱啱好唔會太大個食到好飽。做早餐perfect!去到時間都早，所以落單後好快就有得食~買嘅時候熱辣辣，底煎得香脆，一咬開有勁多肉汁(⁎⁍̴̛ᴗ⁍̴̛⁎)店外可以見到佢地即場煎緊啲生煎包（＾ν＾）包都唔會太油膩/淋，面頭仲有啲芝麻~調味都唔會太鹹，食完都冇口渴!性價比真係好高！下次會再試埋其他麵食~menu上仲有好多上海小食價錢都好相宜(´･ω･`)路過西灣河可以一試～最緊要即叫即食！

聽講早前太安樓開左間又平又正的生煎包店成日大排長龍🤔，行經附近當然要買外賣返屋企試啦💁🏻‍♀️👉 生煎包($12/4隻)生煎包啱啱好一啖的大細👍🏻，但應該屬於「清水生煎」即肉汁🤏🏻較少而半發酵的皮略厚🙈雖食到鮮嫩的肉餡但唔會爆汁💦有d失望😢👉 生煎鍋貼($12/4隻)鍋貼🥟皮薄餡靚，帶有少少🤏🏻肉汁，但偏油🙎🏻‍♀️P.S:▪️平均$3/個好抵，但同平時的生煎唔爆汁💦😮‍💨▪️店鋪專做外賣🥡無堂食

筲箕灣呢間舖頭新開左一段時間 見到每次都好多人排隊 今日就特登走咗去食下 呢間野應該係因為夠平 而且啲嘢質素都唔差 先會有咁多人幫襯佢最主打係$12 四個生煎包 或者$12 四隻鍋貼 10幾蚊來講真係幾抵食 而且咁多人都唔使等5分鐘就已經有得拎！ 我仲嗌多咗個蔥油餅 同埋小籠包試吓 生煎包就等下次先！佢嘅小籠包粒粒都好大 而且入邊仲有湯 但唔會係爆出黎嗰種 味道都OK $24來講真係幾抵食鍋貼比自己想像中細 但係口感都好好 個底煎得好香好脆 蔥油餅都好大塊 食落又唔會好油 蔥油味幾香

太安樓生煎包好似好出名，見到鋪頭好細，但好多師傅密密做，絕對係新鮮即做，價錢都勁親民！$12有四個生煎包或生煎鍋貼，擔擔麵都係$16碗，真係食飽$20都唔使，留意番鋪頭只做外賣！今次試吓佢個招牌生煎包！🍴生煎包 4個 $12新鮮熱辣辣，$12有四粒生煎包，係啊用粒，唔係用個，嚟形容佢有幾細粒😂個色底煎到勁脆，金黃色，咬開個皮幾厚，似係中式饅頭皮，有啲濕漉漉咁，啲肉勁少，亦冇肉汁，咸咸哋，食麵粉多過食肉😂推薦指數: 3/10個分我係比個價錢，唔好食生煎包！$12有4小粒，價錢平我都冇咩要求可言，但真係皮厚肉少又細粒，寧願佢比兩個我，貴啲，整大少少肉多少少好過，唔食好過食，真係食咗好似冇食咁！係真係平同填肚，唔會下次了！真係想試嘅朋友，可以試其他😂生煎包真係堅信號好食好多😂

呢排日日都食好西係時候清下腸胃今晚屋企煲粥👍🏻但煲粥又驚太寡所以去左買小籠包🤣—————————————————————食粥配上海野都唔會太奇怪呀叫左幾個小點心送粥去到見到都幾多人叫外賣標榜即叫即做所有野都熱辣辣店入面都見到佢地好忙碌咁搓皮煎餃中島叫左蒸餃小籠包生煎包同酸辣湯小籠包皮薄外面都睇到好多湯汁夾起唔易散爛不過可能中島擺耐左先食下次要即買即食先得😋生煎包打開就聞到好香嘅麵粉味中島好鐘意呢陣味😂咬開滲出陣陣肉香外皮又煎得香脆就算攤涼左都無變成油浸包👍🏻酸辣湯係因為老媽喜歡先叫中島好少食酸辣湯今次咪試下裡面有豬紅 豆腐 豬皮同木耳絲第一啖就食到個辣味再慢慢帶番啲酸出黎木耳令到個湯多左啲爽脆嘅口感如果鐘意食酸可以再加多醋提酸以上海點心來講呢間都幾抵食唔怪得成日都見到排長龍啦—————————————————————✸ 生煎包 $12/4✸ 菜肉蒸餃 $24/5✸ 小籠包 $24/5✸ 酸辣湯 $18

之前睇廣告，同朋友介紹，好奇心驅使就去試吓，睇吓係咪好似泰國做紫菜嗰個小老闆一樣做到自己嘅產品一樣咁出色，食過佢既煎餃，生煎包，小籠包，燒賣魚蛋。煎餃偏淋唔脆，冇咩咬口，小籠包易穿，本身自己都食得重味，但都覺得偏鹹，燒賣魚蛋直頭差過7–11嗰啲，唯一覺得唔錯嘅就係生煎包，脆，夠熱，味道適中。不過佢哋都開得比較遲，可能早餐時段就食唔到，煎餃，生煎包，小籠包，我覺得三個味都好似一樣，所以如果未食過嘅就去食生煎包就OK，其餘可以唔使試，唯一價錢比較親民，一試無妨再試投降。

今日難得黎到西灣河，當然要去太安樓搵食經過太安樓見到遠處大排長龍好奇既我去到一望係一間賣鍋貼，上海點心既小店咁我當然要試下！全部都全人手製作，相當有誠意！有鍋貼，小籠包，紅油炒手透過玻璃可以見到廚房實況食得放心生煎鍋貼煎既火喉剛好，外脆內軟咬開有肉汁爆出黎肉味好濃郁一定係用新鮮豬肉先會有呢種效果好滿足呀小籠包每隻都裝滿湯汁食之前要小心！紅油抄手唔算好辣，但辣得好惹味食左一舊就停唔到我成碗一個人食哂

今日好早起咗身，見天氣唔錯，提議去西灣河海濱公園跑步。回程時，路過太安樓，見到主打上海點心嘅「小老板」，原來喺呢度開咗間分店。之前幫襯過品牌位於北角嘅總店，店裡的食物價廉物美，而且全部都即搓即製，當中的生煎包、鍋貼同蔥油餅，更加係人氣三甲，絕對是必食之選。碰巧遇上，當然要幫襯下，一於外賣些包點和麵食回家做午餐。買咗生煎鍋貼 ($12)、生煎包 ($12)、水餃麵 ($26) 同 雲吞擔擔麵 ($30)，只可惜蔥油餅要每日三點先開始發售，否則一定不會錯過。鍋貼同生煎包每份有 4 隻，鍋貼外形頗輕巧，底部煎得硬身脆口，入面嘅餡料好豐富，既鮮美又有肉汁，兩啖一隻，超美味！                               至於生煎包，底部同樣煎得乾脆金黃，但又不致於焦燶，食落十分香口。包身做得濕潤有致，入面嘅肉餡鬆化得嚟又唔會太碎散，調味自然。另外水餃麵同雲吞擔擔麵，味道亦唔錯。水餃外形好飽滿，咬開見到入面嘅肉餡雖然唔多，不過每一口都超 Juicy，配爽滑嘅麵條一齊食，別具風味。雲吞大大粒，皮又滑又薄，入面嘅菜同肉比例啱啱好，食落好清爽，味道鮮甜，配帶點花生香嘅擔擔麵一起吃，份外惹