影片
电话号码
38535508
营业时间
今日营业
11:00 - 22:00
星期一至日
11:00 - 22:00
以上资料只供参考，请与餐厅确认详情
💖 小胖台灣麵 (元朗)✨元朗元朗教育路1號元朗千色匯地下25-26 & 61號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️小胖終於嚟到元朗開店啦👀，今日行過千色先發現🖖🏻，用埋個Apps優惠更加多🫶🏻，最signature嘅牛肉麵係用咗台灣嚴選高品質嘅牛腱肉同牛筋製作而成，好大碗好抵食所以我同我老公叫咗兩款唔同口味試吓😏-半筋半肉紅燒牛肉麵🍲 $78+珍珠奶茶 $13 甘梅脆地瓜 $14套餐嚟講真係幾抵食㗎，碗麵好大兜，配料亦都唔吝嗇，勁多牛筋筯腩😍炆得好入味之餘仲要好腍😋。最鍾意就係佢旁邊個兜調料醬‼️有黃牛油🧈，睇佢咁橙紅色以為係辣嘅，點知原來唔辣㗎 ！黃牛油原來係係台灣傳統牛肉麵店常見嘅調味料👀，加埋落湯底到一齊食嘅話就會令到成個牛肉麵嘅牛肉香味更加濃😋見佢可以用套餐價錢叫埋小食我梗係唔會放過佢哋嘅甘梅粉地瓜粒啦🤩，我好鍾意甘梅粉，因為酸酸甜甜，味道好特別😳-招牌三寶牛肉麵🐮 $82+珍珠烏龍奶茶 $14我覺得如果食得辣嘅朋友可以揀配搭麻辣湯，應該會更加香🙈，呢碗麵同樣都係超大碗，配料方面就多咗牛肚💁🏻♀️。小胖台灣麵新推出左會員app‼️勁多優惠等緊大家🫶🏻
继续阅读
大西北人又有新開台灣野食 元朗千色同屯門安定都有分店 環境光猛闊落幾好坐 湯麵拌麵份量足料大碗 日日食真係唔止小胖咁簡單🥹✨️招牌三寶牛肉麵 $82台灣牛腱肉 牛筋 牛肚各有三四件 肉質素唔錯 炆得幾軟熟入味😋 唯獨牛筋炆得唔夠平均可以再腍d~牛肉湯清澈唔油膩 仲食到清甜蘿蔔 食得辣既話仲可以揀麻辣湯 識食一定落埋枱面既自家製傳統黃牛油 令成碗牛肉湯香味更上一層樓😛✨️皮蛋醬滷肉雞扒香蔥乾拌麵 $58喺台灣食過地道皮蛋滷肉拌麵 幾有趣der 難得喺度都有呢個combination當然要試下🙂↕️ 半肥瘦滷肉混入皮蛋醬 加埋青瓜絲拌麵幾惹味 呢個皮蛋醬相對就小兒科 初次嘗試應該都接受到 對我黎講皮蛋可以更加流心同濃郁重口d😈雞扒炸得香脆juicy 份量夠曬飽肚特飲叫左鴨屎香手打檸檬茶 酸中帶甜 茶味香濃 珍珠烏龍奶茶亦都係解暑一流仲加左個小食麻辣牛肚 麻辣味道惹味適中 越食越麻😇新down個會員app有好多優惠 另外學生仲有全日優惠🤤
继续阅读
行行下街，發現新開了一間主打傳統台灣牛肉麵的餐廳，就同朋友去試吓，感覺真不錯。台灣香酥骨（$16）炸得甘香酥脆，非常可口，會令人想起台灣夜市的味道，作為附加小食，非常吸引。招牌三寶牛肉麵 $82 (爆推🌟🌟🌟🌟🌟)賣相十分吸引，招牌三寶包含了來自台灣的牛腱肉、牛筋和牛肚，全部高質得嚟仲大大嚿。一啖入口，牛腱肉非常軟腍，牛筋有咬口，牛肚非常入味，味道真不錯。湯底非常濃郁，落埋佢哋自家製嘅黃牛油🤩，令到牛肉麵嘅香味提升到更高的層次。如果你是嗜辣的朋友，見他們亦有麻辣湯可供選擇，屆時可考慮一下。皮蛋醬滷肉香蔥乾拌麵（豬扒）$58見到搭配皮蛋同醬滷肉，感覺非常特別。一上枱，拌麵很大碗，非常足料。豬扒煎得金黃，皮蛋醬滷肉很入味，麵條大條兼彈牙，伴完之後十分香濃惹味🤩🤩鴨屎香手打檸檬茶 近期大熱，就試下。濃茶，茶底不錯，帶點清香。味道酸酸甜甜，感覺很清新。白桃珍珠烏龍茶一向鍾意飲烏龍茶，估唔到同白桃結合，比想像中夾。桃味突出，比傳統珍珠奶茶味道更清爽一點，不錯💖。想睇更多介紹，馬上Follow我啦😁。#big_big_foodie #big_big_foodie食勻元朗
继续阅读
呢間經過千色成日見到好爆滿出開元朗同姑姐試下叫左兩個麵既套餐：麻辣三寶牛肉麵轉王子寬麵聽聞王子麵係台灣好出名加$3試下半筋半肉紅燒牛肉麵加$3轉新竹米粉兩碗份量超大～牛肚、牛腱肉、牛筋各兩大件心諗可能食唔晒因為仲加左個鹽蘇雞😂半筋半肉仲勁各3大件～同食指差不多長又厚最驚喜係炆得好腍，牛筋好黏口，滿滿骨膠原半筋半肉湯底偏甜，蘿蔔都甜無渣，加左黃牛油＆辣椒油～即刻昇華左，突出牛味，湯底飲完唔口渴。麻辣唔算好辣，比較惹味，牛肚爽口，唔錯。新竹米粉好滑，食極都有，呢個價錢超值王子寬麵食落甜甜地，幾吸麻辣湯汁，好夾。小食：鹽蘇雞～即刻有飛左去台灣夜市既感覺，好懷念，香脆可口，咬開仲有肉汁唔錯。飲品：同樣加左$14要凍古坑冰咖啡我地兩個都超鍾意飲咖啡，咖啡味都幾香，但唔係苦果隻，少少回甘，少糖先可以飲到原味。自助落單後好快就上枱，店員都好有禮貌，怪不得咁爆場，衝住半筋半肉我會再嚟～
继续阅读
聽講千色匯開咗新台灣嘢叫小胖台灣麵，是晚就同朋友嚟試下佢先😋八點左右嚟到，雖然唔使等位，但店內都坐滿人，氣氛唔錯喎。快快脆脆掃code落單先，麵食選擇幾多，唔想食麵嘅話都有幾款便當，食台灣嘢當然要有台式嘢飲添啦。⭐招牌三寶牛肉麵朋友叫咗個招牌三寶牛肉麵，賣相唔錯喎，好足料滿滿一大碗，三寶就係牛肉、牛筋、牛肚，仲有紅蘿蔔、白蘿蔔、青菜等配菜，色香味俱全。牛肉軟淋入味，蘿蔔好清甜，湯頭帶有濃濃嘅蕃茄味，仲有少少辣味，鹹甜酸辣好好飲，麵條又有咬口，吸滿湯汁勁好食🤤朋友話正到冇得彈，連湯都飲曬。⭐雞排皮蛋醬滷肉香蔥乾拌麵自己就叫咗乾拌麵，麻醬、川辣同皮蛋醬都想試，見皮蛋醬比較少見就先是皮蛋醬啦。雞扒好大塊，新鮮炸起勁香脆，入面嘅雞肉多汁又嫩滑，好食喎😋皮蛋醬顧名思義有皮蛋啦，先有伴碟嘅原塊皮蛋，仲有切碎咗混埋喺滷肉醬入面嘅皮蛋，鹹香鮮味，用嚟拌麵真係好正🤤而且仲有一大堆青瓜絲，個清新感正好去膩，食曬成碟好滿足🤤⭐夜市鹽酥雞食台灣嘢當然要叫埋台式小食啦，但呢度冇我最鍾意嘅台式香腸，咁就叫咗次選鹽酥雞，同樣係即叫即炸，酥脆香口，真係有鹽酥效果👍⭐柑桔檸檬 & 珍珠烏龍奶茶最後就係台式飲品，朋友話佢今日想飲熱嘅，叫咗個柑桔檸檬，自己就要咗珍奶，見佢餐牌有珍珠奶茶同珍珠烏龍奶茶，咁就要個後者先，因為自己比較鍾意烏龍茶，奶茶好香滑，不過珍珠就稍為淋咗啲，可能因為太夜喇。食咗咁多嘢都係200蚊左右，都幾抵食喎👍
继续阅读