影片
电话号码
56158554 (WhatsApp)
营业时间
今日营业
09:00 - 22:00
星期一至五
11:00 - 22:00
星期六至日
09:00 - 22:00
公众假期
09:00 - 22:00
以上资料只供参考，请与餐厅确认详情
今个复活节去湿地公园行下，竟然畀我发现间超正嘅宝藏餐厅！一入去就畀佢日式木系设计风格吸引住，暖笠笠嘅木质装潢，搭配简约又有格调嘅陈设，充满文青feel，打卡一流！试咗佢哋嘅招牌烟三文鱼牛油果蟹肉他他，$98一份，份量唔算细。烟三文鱼咸香浓郁，牛油果软滑creamy，蟹肉爽口鲜甜，几种食材夹埋一齐食，口感层次好丰富，酸酸甜甜嘅酱汁更加提升成个味道，超开胃！仲试咗晚市双人套餐，真系好抵！纽西兰牛肉眼扒8oz煎到表面金黄，切开粉嫩多汁，肉质软嫩，咬落去肉香四溢，配埋炸得外脆内软嘅薯角同埋新鲜田园沙律，好满足。明太子酱蟹籽意粉明太子酱咸香带少少辣味，铺满粒粒蟹籽，每啖意粉都挂满酱汁，口感弹牙，超惹味！蒜香白酒煮蚬嘅蚬肉鲜甜肥美，白酒香气渗入蚬肉，蒜香味浓牛魔王牛角包酥到掉渣，手打牛肉馅扎实多汁，酱料提味超惹味！冷泡云中香糯有淡淡嘅米香同茶香，清清爽爽好解腻百香果梳打充满果香，酸酸甜甜好开胃呢间餐厅食物质素高，性价比又好，环境舒适，下次一定会再嚟！
继续阅读
可以比狗狗一同进餐既地方愈黎愈多, 黎到天水围放狗见到间有个好靓outdoor 既餐厅, 又系我地偏爱既西餐, 仲要唔洗加一超抵食!!!1/ 烟三文鱼牛油果蟹肉他他🐟🥑 $98好fresh好大个, 烟三文鱼味道够浓, 牛油果又够香滑, 顶头仲有的蟹肉好夹又开胃👍🏾2/ 纽西兰牛肉眼扒配炸薯角及田园沙律🥩 $168我地叫左5成熟岩岩好, 牛味比较浓, 炸薯角份量都唔少又够肥大, 好饱肚!3/ 黑松露带子意粉🍝 $128意粉软硬度岩岩好带有强烈黑松露味, 带子外皮微微煎过所以外脆内嫩4/ 开心果朱古力☕️ $22.5(跟餐)口感好浓郁！！上顶系做到好似奶盖既开心果cream, 下层系浓厚既朱古力, 两者超夹好想叫多杯😌5/ 芝士奶盖桂花茶🧀 $18(跟餐)桂花茶味同样好出, 芝士奶盖又够顺滑, 清清地得黎又带返的咸香味👍🏾6/ 西牛 $80原来系牛角包配上忌廉雪糕加蜂蜜牛油😍😍😍 系大大爱加大大推！ 牛角包压平左配埋雪糕簁良, 咸甜交融😋😋
继续阅读
已经系第二次帮衬佢。记得上一次系下午茶时间过嚟。今次就啱啱跑完步，想揾个地方食个快brunch，行嚟行去都系觉得呢间嘅感觉比较舒适同埋坐得阔落，所以就入咗去啦。上次试咗佢嘅窝夫都觉得唔错，今次就正正经经食返个午餐。个手打牛肉汉堡咬落都juicy. 唯一缺点就系块肉细汉咗少少。如果大份啲就好👍杯咖啡味道ok. 比想像中pro. 价钱虽然唔平，但有set lunch 令到价钱抵啲。如果送餐速度可以快啲，成件事就更加Perfect。
继续阅读
.#foodie #hk #hkfoodie#HTB美食推介【🥐天水围牛角汉堡｜休闲写意宠物友善cafe】🐨牛魔王 $88推荐度：⭐️⭐️⭐️⭐⭐餐厅用左牛角包代替汉堡包，牛角包松脆、牛油味香，已经令到成个包升华咗！！入面就有手打牛肉、蛋、蘑菇、芝士、蕃茄层次感满满～而且可以根据个人兴趣加减💕啱晒小编呢啲拣饮择食嘅人...... 走左蕃茄，加左薯饼（$10）同烟肉（$8)，绝对系邪恶版牛魔王😎🙂↕️芝士比例啱啱好，食完成个都唔会好腻！！薯饼煎到香脆、烟肉油香、手打牛肉牛味十足而且保持唔干、多汁，再加埋湿润嘅蘑菇，层层味道丰富！！好食又满足～.🐨期间限定-开心果朱古力 $45 跟餐$22.5推荐度：⭐️⭐️⭐️⭐️⭐️本身谂住试佢好出名嘅雪山朱古力，但系见到期间限定嘅开心果，果然系追赶到开心果嘅潮流！！朱古力底浓厚香滑，甜而不腻，开心果粒粒有助增添口感，而且有厚厚嘅开心果酱，令到饮完朱古力之后又开心果味余韵，几特别几夹，建议开心果迷一定要试吓😛——☼——☼——☼——☼——☼——小茶角📍地址：天水围湿地公园路1号Wetland Seasons Bay地下16号舖🐨推荐度：😋😋😋😋😋/5 🪸环境：👾👾👾👾👾🗣️服务：👍🏻👍🏻👍🏻👍🏻📸食物打卡度：💡💡💡💡💡🛠️分类：#HTB天水围 #HTB面包.#天水围美食 #天水围 #牛角包 #开心果 #朱古力 #汉堡 #打卡 #美食推介
继续阅读
位于天水围湿地公园附近嘅「小茶角」，餐厅嘅装修好有格调，简约时尚又带啲温馨嘅感觉，座位都几宽敞，唔会坐得好迫，午餐时段有set lunch，包餐汤或沙律，仲可以半价配饮品。餐汤／沙律：是日餐汤系杂菜汤，几足料，沙律亦都相当清新。主菜：烟三文鱼牛油果沙律： 值得欣赏嘅系沙律可以走酱，非常适合怕肥嘅女仕们。呢个沙律卖相超靓，烟三文鱼份量算多，仲砌到成朵花咁，牛油果亦够Creamy，配埋沙律菜一齐食，口感丰富到不得了。纽西兰牛肉眼扒配炸薯角及田园沙律： 牛肉眼扒五成熟，煎得刚刚好，切开呈粉红色，牛味香浓，肉质嫩滑之余肉汁仲相当丰富，配埋巨大版嘅炸薯角同埋新鲜嘅田园沙律，简直系完美嘅组合。我地另外加咗个小食。小食大拼盘：呢个拼盘真系超抵食，有吉列虾、洋葱圈、薯角、广岛蚝同埋单骨鸡翼，样样都炸得香脆，而且仲有茄汁同埋蜜糖芥茉酱俾你点，真系好满足！饮品可以半价加配，我地叫咗杯泡沫咖啡同埋招牌皇家珍珠鲜奶茶。咖啡够香浓，珍珠奶茶就茶味香甜，珍珠又烟韧弹牙，真系好夹！呢度嘅食物质素同环境都好好，价钱都算合理。如果大家去开湿地公园，想揾间餐厅chill吓，或者同朋友聚吓餐饭，可以去试下！
继续阅读