影片
电话号码
94240934
附加资料
提供預約到會服務
营业时间
今日营业
12:00 - 02:00
星期一至六
12:00 - 02:00
星期日
14:00 - 20:00
以上资料只供参考，请与餐厅确认详情
夜麻麻先黎食晚餐，打開app見到有間「小豬媽」，平時我叫開新鋪頭既外賣，都會慣性開open rice 睇下啲食評先，一開open rice,竟然寫佢收左工，但係app有得叫喎，就打個電話問清楚先，原來「小豬媽」係收凌晨2點架，希望open rice 快啲改番個營業時間，唔係會好多人都錯過左依間小店🥹一共叫左7樣野：-小豬媽炸醬麵原諒我撈到佢亂哂🤣一黎到個麵好靚架，仲好多料，但係太肚餓食緊先記得影相，搞到啲料係哂個底度，叫外賣麵最怕係啲麵會焗到淋哂，但係佢依隻麵仲保持到彈牙，肉碎好冧好入味，個面有啲蒜茸，撈埋一齊仲勁香口！！-小豬媽手工煎餃我叫左椰菜粟米豬肉餃，睇相可以睇到佢好足料，但係睇唔到佢咬開個一下既爆汁！我一打開見佢啲餃係炸既，仲心諗一定會炸到乾哂🥲點知有驚喜！勁多汁，個餡仲好入味，佢一份有十隻，我食左6隻已經飽飽地🤣🤣佢仲有跟左個餃子汁，一樣咁出色！個餃子點左佢即刻開胃左，佢個汁係辣椒油同醋整既，但係提鮮得黎又唔會過咸過辣！個味調得岩岩好！一定要試-拍青瓜，涼拌蓮藕，無骨鳳爪全部我都要左小辣拍青瓜我鐘意佢會清左個青瓜囊，因為唔清既話就會係咁出水而拎到碟青瓜冇哂味，佢清左就可以保持到青瓜既清爽！蓮藕都好好食，但係就係普通涼拌蓮藕，係好食既，不過冇咩特別點可以講🤣無骨鳳爪，佢個簡介係寫酸酸甜甜小小辣辣完全冇錯，佢個酸甜係食左會開胃既酸，好正，一份都唔小，唯一美中不足就係可能白蘿蔔未當造，食落有啲苦-腐竹雞蛋糖水最欣賞係佢小甜仲要好足料！宜家好小食到腐竹雞蛋係有白果🥹腐竹，薏米，白果，雞蛋有齊哂真係好開心，又好好味-茶葉蛋睇個顏色好深色，可惜唔入味🥹唯一一樣唔推薦既野食🤣可惜我一個月先番娘家一次🥹🥹唔係我應該會成日叫，夏天係食麵，涼拌，餃子，糖水既日子，依間「小豬媽」正正滿足哂我既要求🤣🤣
继续阅读
今日去青衣搵朋友仔食飯，早咗去到佢重未收工，所以就周圍行吓，等等下見有啲肚餓，無意中比我發現到呢間小豬媽小食店，所以就買啲嘢食吓。雖然舖頭細細，但係都有幾多食物賣，有餃子、湯水、擔擔麵、炸醬麵、涼拌小吃、碗仔翅、糖水、鱼蛋、燒賣、茶葉蛋，另外重有小店自家製嘅川貝冰糖檸檬膏，因為唔想食咁飽，所以只係叫咗魚蛋同燒賣。魚蛋、燒賣 ($10/8粒) : 魚蛋同燒賣可能係翻熱嘅緣故，所以口感韌咗啲，不過唔緊要，有機會試埋其他小食，可能有驚喜。
继续阅读