小越廚

营业中

休息中

朋友仔收8點，好彩比我地搵到呢間小越廚，啲套餐仲抵食夾大份，有泰式又有越式，想食咩都得！好，坐低睇下有咩好食先。泰式生蝦刺身，晶凝通透，夠新鮮，食落爽口帶少少黏。叫套餐可以選A一款B兩款，啱晒超級肚餓既我地。青咖喱雞扒配蒜蓉包，青咖哩濃稠又惹味，茄子炸過好香口，索埋咖喱汁好好食。蒜蓉包超多蒜蓉好香脆。生牛肉湯檬粉，生牛肉好嫩，個湯底有牛味，唔錯！醉貓香茅豬扒炒河，炒河都幾有鑊氣，愉快豬扒大大件好抵食！飲品叫咗泰式檸茶、泰式奶茶

之前成日經過呢間越式餐廳，不過一直都未試過，成日都見到好多人喺門口等緊，今日喺門口睇吓Menu，原來真係好抵食，一於嚟試吓啦。我哋叫咗個三人餐，可以揀一個主食，三個飯，仲有三杯飲品，真係非常抵食呀。主食方面，我哋揀咗泰式火山排骨，一上枱真係同泰國夜市食嘅一樣，排骨好多，搭成一座山咁，非常適合打卡。然後佢嘅湯底酸酸辣辣咁，但係唔會太辣，啱晒唔係太食得辣嘅朋友。我就揀咗無骨豬手飯，又係好有泰式風味，豬手份量好多，而且全部都冇骨，食落唔會太肥，肥瘦適中，而且佢嘅汁好適合送飯。朋友就揀咗呢個青咖喱雞扒飯，估唔到佢嘅青咖喱雞扒同飯係分開，所以我都試咗佢一舊雞扒，雞扒皮比較脆，肉質嫩滑，亦都係唔係太辣，大人小朋友都食得。另外，呢個無骨鳳爪都好抵讚，酸酸辣辣之餘，份量都好多，食落好開胃，好適合夏天食啊。我嘅呢杯泰式奶茶好有泰式風味，但係冇泰國嗰啲咁甜，飲落好解暑。呢間餐廳除咗價錢好平之外，味道同份量都好出色，唔怪得知都咁多人排隊啦。

荃灣一間隱藏版嘅泰越式小廚，真係唔可以錯過！小越廚位於享和街。二人套餐 $208呢個套餐真係超值！包括主菜、主食同飲品，每樣都好吸引！主菜揀了泰式火山排骨排骨肉質嫩滑，外脆內軟，淋上特製泰式醬汁，味道香辣夠味，食起嚟令人一口接一口！主食可揀兩份，揀了泰式豬手飯，飯粒鬆軟，豬手肉質軟腍，配上獨特的醬汁，簡直係完美搭配，令人食過返尋味。仲有生牛肉湯檬粉，湯底清甜，牛肉新鮮，檬粉滑口，整體口感非常之好，熱熱食正好！飲品有兩杯鹹檸檬梳打和青檸梳打飲品清新，解膩又好飲，特別適合炎熱的天氣！追加小食泰式鮮蝦餅 $48外脆內嫩，蝦肉鮮甜，沾上酸甜醬汁更添風味，吃一口就停唔到！泰式青木瓜酸辣鳳爪沙律 $38清新又有層次，酸辣味十足，啤啤味道好開胃，係必試小食之一！

荃灣隱世小店，仲有2人餐同3人餐，整體食物高質得黎都好抵食👍🏻！青咖哩雞扒 配蒜蓉包青咖喱味道濃郁，雞扒份量好多，肉質厚身，食落啖啖肉，仲有茄子同豆角，索滿咖喱好惹味，蒜蓉包蒜蓉香濃，焗得都夠脆身主食就叫左2款湯檬粉火車頭湯檬粉&越式扎肉湯檬粉，湯頭都清香，扎肉都好食越式春卷春卷外皮好酥脆，一層層脆香，入面餡料都好飽滿另外加左泰式蠔仔煎蛋蠔仔份量好多，好大方😆，蠔味鮮香，粒粒都好juicy，煎蛋係比較厚身軟腍果種，幾好食😋包2杯飲品，叫左鹹檸檬零系可樂&青檸七喜

小越廚真係好抵食，二人餐$208咋，份量勁大味道又好，唯一問題就係出餐有啲慢，見住師傅密密手做無停過😂哈哈，加油呀！⭐泰式蠔仔煎蛋A項揀左蠔仔蛋，蛋嫩滑蠔仔肥美，再點埋個酸辣醬正喎。⭐青咖哩雞扒飯B項其一揀左青咖哩飯，咖哩好有椰奶香，雞扒大大塊，仲有一大碟飯，跟本食唔晒。⭐冬蔭功豬扒湯河其二就揀左冬蔭功湯河，湯頭酸酸辣辣好開胃，豬扒有香茅香又煎得香脆，正！⭐泰式燒豬頸肉事前唔知份量咁大仲加左碟豬頸肉，啖啖肉好食，再點下個秘製醬汁更有層次😋⭐芒果芋香絲網春卷仲點左份芒果春卷做甜品，炸得香脆唔油膩，入面有甜甜糯糯的芋頭蓉，好食😋⭐咸檸檬可樂 & ⭐青檸梳打跟餐飲品唔使額外加錢，咸檸青檸都正，夠冰凍爽呀！食唔哂打包走，見有幾枱都食唔哂，哈哈，二人餐係for兩個相當大食嘅人㗎😆

荃灣廣場附近真係好多美食。喺享和街呢間小越廚開咗好耐，小店形式經營，融入咗泰國同越南地道嘅菜式。裝修好嘅東南亞風情， 星期五晚爆滿，今日一於去試試！午餐價錢好親民，只需40-50蚊。 而晚餐份量好大，可以喺香港食到咁正宗嘅東南亞菜，真係好難得！😍1）🐓泰式海南雞飯 - 雞肉肉嫩多汁，啖啖肉。 雞皮爽彈，配上秘製嘅泰式醬汁，酸酸甜甜，好開胃。 加上薑黃雞油飯嘅淡淡香味，好正！1）🐷泰式火山排骨 - 好大份，排骨炆煮嘅時間啱啱好，唔會好淋或好硬，肉質飽滿 。排骨吸收咗靈魂酸辣醬汁，夾雜住肉同骨膠原一梳梳咁食，簡直係享受😋2）🦐曼谷街頭大蝦炆粉絲煲 - 上枱時香氣十足，好有鑊氣。蝦大大隻，蝦肉爽彈，粉絲索曬蝦嘅精華同咸鮮嘅醬汁，非常惹味！🤩

近期國際新聞嘅焦點，都離不開國與國嘅緊張局勢，我哋當然希望世界和平啦，但依家喺我眼前就有一場激烈嘅爭霸戰！嚟到荃灣嘅小越廚，餐廳除咗越南菜之外，仲有泰國菜選擇，食住泰式生蝦仲可以嘆碗越南Pho，滿足晒兩個慾望之餘，味道方面仲要有驚喜喎！泰式蠔仔煎蛋蠔仔份量多又大粒，而煎蛋邊略為焦脆，香味十足，值得推薦。泰式生蝦刺身生蝦非常厚肉，而且彈牙爽口，加上酸辣的泰式青汁，非常醒胃。泰式燒豬頸肉輕輕烤過嘅豬頸肉迫出豐富嘅油脂，外層微脆嘅口感，而肉質唔會乾實，再沾上小越廚附上嘅泰式辣醬同百搭嘅青醬，酸辣滋味同時兼備。生牛肉湯河湯底用上牛骨熬製，每一啖湯都係精華，牛香味濃郁。半生熟嘅牛肉肉質鮮嫩，加上吸湯力特強嘅河粉，簡直係絕配！越式三寶撈檬越式三寶分別係越南炸春卷、扎肉、香茅豬扒。越南炸春卷炸到外皮卜卜脆，而且用料十足，口感豐富；香茅豬扒非常入味juicy，加上撈檬嘅微酸醬汁，非常開胃。

我地今次揀左$198既二人餐，大份又抵食🥰呢個餐A揀1款，B揀兩款，有兩杯飲品，唔夠食可以係C餐加$38追加各小食。多人啲可以揀三人餐，$248就有4樣野食會仲抵食！我地A揀左泰式蠔仔煎蛋，一上枱已經覺得勁大份，份量多，真係好足料！啲蠔仔仲要係肥美飽滿，食落鮮嫩🤤蠔餅鬆脆！B揀左豬手飯同火車頭河粉，個鹵水豬手入哂味，香味濃郁，肉質腍口，充滿蛋白質的一餐且不肥。火車頭河粉湯底好濃郁，有點似肉骨茶既味道，幾特別。河粉口感夠滑，牛肉嫩滑，厚薄啱啱好，肉質嫩腍，入面仲有扎肉，扎肉好特別，有豬軟骨粒粒，好有口感，兩款都好好食啊😋C追加左小食生蝦加$38咋，平時外面一碟生蝦都要90幾蚊！呢個好fresh，所以真係呢到好抵！好fresh，配埋個海鮮蘸醬，酸酸微微好過癮🤤飲品我揀左咸檸檬梳打，解暑又下火👍🏻

荃灣想食越南料理🇻🇳，一定要試試這家正宗越南小店——小越廚🇻🇳😋一定食過返尋味🥰光顧小店多次，今次又有新搞作，今次加左泰式元素，來個越泰crossover🇻🇳🇹🇭晚餐的二人套餐特別抵食，小食➕2 份主食➕飲品2 杯只需$198，另外仲可以優惠價追加小食，而且小食主食都好多選擇，一定有自己喜歡的口味😋今晚小食：泰式蠔🦪仔煎蛋🍳同泰式生蝦🦐刺身主食：生牛肉湯粉➕泰式冬陰功豬扒湯河粉蠔仔🦪煎蛋大大份，蠔仔肉超多，生蝦亦係我最愛，肉質彈牙好食😋主食也是典型越式泰式湯粉口味加少少fusion style, 味道👅正宗👍而且有特色，一定要試試😍另外➕多份咖央多士$48超鍾意厚厚的牛油🧈夾心，當甜品甘食，就算驚肥都忍吾到口🤤大熱天時，飲品就點返杯凍泰式奶茶同龍眼冰涼快下，也是不錯的選擇喔😋🤭

見到很多好評，仲以為終於可以係香港搵到正宗越南菜。但係，失望而歸。服務員超級黑面。掃QR 碼點餐，系統不友善，好亂。隔籬台也提醒我地double check order. 唔會再特登過黎幫襯。saw many reviews saying that the food is authentic so came a long way with a friend to try. The wait staff pulled a super long face throughout. the ordering system is user unfriendly and confusing. It's our first time here today, but after we put in the order, there were 2 orders - one for ystdy and one for today. I had to go to the counter to clarify our orders. I just got back from Vietnam and so I

今日又過嚟荃灣廣場附近嘅享和街覓食，揀咗呢間食越式菜嘅小店。餐廳冇收加一服務費，而且食物份量都幾多。⭐️泰式香葉肉碎生菜包肉碎份量好多，口感鮮嫩配上爽脆的生菜🥬，愈食愈開胃。⭐️泰式青木瓜扎肉沙律勁大盤，入面系滿滿的青木瓜同扎肉😍😍😍，青木瓜勁爽脆。⭐️順化炭燒豬肉串有點似食緊台灣腸的味道👅，燒到外脆內軟。⭐️火車頭湯檬粉湯底夠晒濃郁，牛肉份量都幾多。午市優惠價追加小食：⭐️泰式蒜茸法包（3片） 滿滿的蒜容，勁正🤩🤩飲品：⭐️凍泰式檸茶 ⭐️青檸梳打✏️沒有加一服務費

真係抵你甘多人排隊同外賣訂單😆因為真係又大份又抵食！仲要好食添😋︎❤︎二人餐🍳泰式蠔仔煎蛋煎蛋以嫩蛋形式呈現，口感滑溜但又有焦香😌蠔仔粒粒都漲卜卜仲帶海水味🙈🚂越式火車頭河粉湯底呈好靚嘅琥珀色🤎入口鮮美舒服，牛肉熟度剛剛好，粉嫩柔軟🐮配料仲有牛丸同扎肉添～大大碗好豐富🥖越式法包越式法包外酥內軟，配料有豬頸肉、扎肉同幾款新鮮蔬菜🥬仲有最緊要個棵芫茜啊😆所有食材一啖擺曬入口好鬼滿足，出色😍 🐽泰式燒豬頸肉加配咗個$38豬頸肉勁抵食🤩豬頸肉外層燒得夠乾身又灑左啲好惹味嘅香料，入面保持到柔潤嘅感覺，豬肉豐富油脂同炭香味雙重攻擊，平時唔多鍾意食豬頸肉嘅我都清曬碟😳🍹龍眼冰冰涼龍眼冰大大粒龍眼肉✨仲要…唔太甜啊😆︎❤︎泰式生蝦刺身夏熱天時食下生蝦刺身最啱🤣新鮮彈牙🦐點埋個酸酸辣辣嘅汁醬開胃曬

店名：小越廚地點：荃灣享和街49號都城大廈地下D號舖今日又去開荃灣拍拖，行行下肚餓，無計一定要搵野食，記得之前有朋友介紹過一間抵食又大碟嘅越南小店-小越廚，一黎到附近一於試試佢叫了一個雙人套餐（一個A+2個B) $2081.泰式蠔仔煎蛋(A)蠔仔超多又大隻，真係似煎蛋，唔似係打冷食咁用大量油去炸蛋，質地較為濕潤，唔會煎到好乾身，使用雞蛋，非鴨蛋，平時會提供魚露，但店家提供辣椒醬，食落微甜微辣好味，好食推薦👍2.泰式豬手飯(B)豬手量多大碟，但醬汁師傅重手左少少🫣，但豬手ok，皮滑肉厚3.越式扎肉湯檬粉(B)湯檬粉好食，湯底正，類近傳統越式湯底，清清地但味道足，入口正，配上越式扎肉同檬粉，雖然簡單，但我食得好滿足🤤4.泰式生蝦刺身 $38追加了一個小菜，泰式生蝦刺身，數量有8售，配上辣椒，洋蔥，芫茜，加埋個酸辣汁好食5.熱香茅班蘭水二者都可以幫助消化，去火，最啱剛剛食完熱氣嘅我地，味道微甜，好飲👏6.煎蛋（2隻）$12總價$258

餐廳主打越南美食，食物夠地道正宗，價錢親民貼地，不收加一服務費！亦有供應超值二人餐，包括小菜、主食和飲品。青咖喱雞扒配蒜蓉包 $78雞扒大大塊，經烤過後表皮香脆，香濃的咖喱和椰汁完全滲透在雞肉中，再配上法包，滋味無窮。曼谷街頭虎蝦燜粉絲煲 $88虎蝦大大隻，肉質鮮嫩，粉絲油潤爽彈，吸飽了虎蝦的鮮味和金不換獨特的香味。泰式香葉肉碎生菜包 $88豬肉碎經過調味後，肉質鮮嫩豐腴，與生菜的爽脆口感形成對比，清新的口感，風味獨特。泰式蠔仔煎蛋 $98新鮮的蠔仔份量十足，煎蛋金黃香脆，不會成口粉團，口感有層次。

今日去咗荃灣食越南嘢，平時經過都好想試，佢既雙人套餐又好抵我地叫左個雙人套餐，A簡左個泰式蠔仔煎蛋，B簡左泰式豬手飯同生牛肉河，C加錢要左個泰式鳳爪青木瓜沙律😆加左泰式奶茶，最後仲加左生菜包真係要大讚佢個份量！諗住2人餐唔會太多野食，但原來碟碟都好大份，連加$38既沙律都大大份，生牛肉亦好大件好多🥰豬手飯好食😊生牛肉河既牛肉夾極都仲有🥰如果比埋芽菜辣椒青檸會更好，另外青木瓜沙律酸酸辣辣好開胃🤤搞到係咁食😆蠔仔煎蛋蠔仔既份量都好多🥰好抵食另外生菜包味道都調得岩岩好😊配埋泰奶都好正今日性價比同份量都非常高🥰