小金象泰國菜館 (已結業)

已經幫襯左超過6年, 因屋企人係夜鬼又超鍾意食泰國野, 所以已經食過N次, 次次都食9點後特價霄夜, 份量絕無縮水, 水準亦好好, 其實我哋住新界, 每次都要專程去, 但試過好多地方無論平過定貴過都唔夠呢度好食, 所以始終都要幫襯返呢度. 我哋每次都叫以下相同嘅餸, 因集合各人的至愛, 水準一直都好好, 好好味......冬蔭公 - 超好味, 酸辣味道剛剛好, 濃度亦剛好.酸辣鳳爪 - 酸辣味道剛剛好, 好開胃.青咖哩雞 - 爹地至愛, 好香, 撈飯一流.紅咖哩魚頭 - 媽咪至愛, 香濃美味.炸蝦餅 - 足料, 香脆可口.燒豬頸肉 - 燒得剛好, 好香又唔會變豬肉乾.馬拉棧通菜 - 好味.

九龍城以外少有之出色泰國餐廳小金象d野食比較港式,唔會太辣,又幾好味加上有好多張大圓檯所以多人ge時候都會幾常黎呢度個串燒好好食ga...d汁一流,再叫多個蒜蓉飽點汁食真係一流ar拼盤都唔錯~不過貴左少少炒粉麵o固d個feel就比較港式,但都好味ge價錢都係$70-$100~幾抵ar仲可以行去松記食糖水~~very good le~但呢間野的lunch雖然平但唔好食整得好hea

炒菜-得咸味,菜唔甜咖喱軟殼蟹脆包-幾好味,但係的咖喱都係黃珍珍香的豬頸肉-賣相妤,不過太肥同唔香

請容許我這樣說!那天可能是陰錯陽差，去了這一間差無可差的餐廳!差不多下午三時都未食lunch，就點了兩個lunch set。海南雞飯︰雞不好吃都算了，是凍的，更凍到結了一層凝固了的油在皮與肉之間。這還不過份，更甚是飯都是凍的，好像在冰箱拿出來一樣!唉……冬陰公米線︰就是這個吸引我入來!可惜全不是那回事!一上桌看到湯的顏色就知不對勁了，只有辣味，完全沒有椰汁味，不是酸辣，只是死辣!失望至極!兩杯餐飲也不見得好得去哪裡……服務更是差了!可能遇著落場時間，沒人理我們!更對我們視若無睹。餐具十分dirty。從未試過在一間餐廳遇上這麼多惡劣的事情!眼見其他網友都是給笑臉，就知我倆當天遇上霉運了!沒有下次!

尋日同朋友食過, 叫左好多野, 有:柚子沙律- 樣子唔得, but好食酸辣鳳爪- 好辣, but都几好食咖哩蟹- 肉唔鮮,but汁ok, 冇薄餅可以叫咸魚芥蘭- 一般泰式拼盤- 4款,每款4件,百幾蚊,唔得兼貴蝦剌身- 一般冬陰公湯- 麻麻火燄海鮮窩- 少,海鮮雪藏椒絲通菜- 一般總體感覺, 唔會再去,有其他好好好選擇!

胡椒豬骨煲好大鍋,夠四人食有餘.$58薄餅,好味,有虾肉.$22虾剌身,$38/8隻.兩個人食唔晒,又易搵位.

今日我生日又唔想只係係街食聽呀妹講呢間都唔錯就去左試下一坐低，佢地既服待都唔錯價錢亦都ｏｋ我地叫左　半隻香茅雞：呢個好食，好入味，不過就唔多香葉肉碎飯：好食，ｓｐｉｃｙ，唔錯椰汁雞湯：唔係好好，不過食得出好足料菜：好好食（ｄ通菜煮得好好）爐魚：好屎，又唔熱又唔好食（ｄ配料）

跟朋友慶祝生日，友人提議前來小金象﹗我們一行5人叫了:1. 泰式酸辣鳳爪-->大碟，很惹味，如嫌不夠辣，可叫他們額外加辣汁2. 泰式拼盤-->好吃3. 咖哩蟹-->咖哩汁很香，蟹是用新鮮蟹4. 馬拉盞通菜-->好吃5. 明爐魚爐-->有coupon，送的6. 豬軟骨煲(忘記full name) -->食慣酸辣，突然來個只酸不辣，一時間不慣，但不錯7. 冬陰功湯--> 酸辣度適中8. 蒜蓉飽x 2 -->用來伴咖哩蟹，十分美味雖然叫了這麼多菜，但價錢很便宜，只是四百多玩﹗原來長灣都有這麼attractive的泰國菜﹗

幫襯左好幾年,今日先黎比食評~直接d啦...我覺得真係幾好食!每次黎,主打一定會叫咖啡炒蟹!我本身都鐘意食蟹,但佢個汁先至係最吸引我!真係有衝動就算食晒隻蟹都想打包d汁嫁!甜甜地,好開胃!雖然個外表望落去勁橙色好似好勁辣椒油咁,但事實上係唔辣既!!總之就好食啦!另外當晚見倒有個鮮蝦刺身特價,叫左黎試,都唔錯!炸蝦餅當然唔少得,脆脆既外皮包住蝦肉,再點落去碟甜酸醬度,一流!食完最後,有糖水送,係紅豆沙黎,沙沙地好滿足!服務都要一讚!果位唔知係經理定老闆既男職員,總之外表似狄龍果位啦,服務態度感覺倒佢係熱誠既~要一讚!包大人招呼幾周到!其他職員都ok.環境唔錯,食得都好舒服,感覺好乾淨~平日去食唔洗等位,但入坐率都有八成!星期六日去一定要等位.響長沙灣呢d唔算旺既區,真係唔錯!

想食泰國，深水冇咩選擇，就試小金象。兩個人叫︰小食拼盤(細) - 炸蝦餅、魚餅、香葉包雞& 春卷各兩件，樣樣都ok酸辣鳳爪- 比想像中辣，好多辣椒芹菜，好味~馬拉盞通菜- ok，冇乜特別沙嗲串燒- 豬牛雞只可揀一樣，如果可以每樣兩串會好，個汁好明顯唔係沙嗲係咖喱，味道都ok，不過好多油環境幾好，兩個人坐四人長，舒服，服務ok，食物都算唔錯，有機會會再去...埋單$206

母親節同媽咪一齊去食飯，點知因為無訂位，所以要等成大半個鐘，不過都係值得﹗四個人叫左幾未餸，尤其推介活蝦刺身，好爽口;至於招牌「咖哩炒蟹」，雖然成百五，都好值，甜而不膩，除此之外，軟殼蟹連媽咪怕吃炸野的人都多吃幾件，不錯﹗四人埋單四百多﹐都算ok!

其實次次都會嗌蝦餅呀果ｄ，都幾悶。但係次次都一定會叫的$18蝦刺身，就唔知點解食極都唔厭！實在太好味！今日食左個海鮮煲仔飯，d飯好有咬口～好好味！豬頸肉、串燒果ｄ唔駛奇望有咩特色，不過都算幾好味～

我去左小金象食過兩次晚飯,兩次都好回味,特別係咖哩牛筋腩....d sauce 好濃郁,好滑好香......而家諗起都想食,order埋蒜蓉飽點d sauce黎食,好正架!而d牛筋腩又夠入味同"淋"!!!必食!

其實我知道長沙灣有好多好野食好耐，不過因為遠同冇時間，一直得個聽字。今次朋友帶我來這間小金象試菜，正中下懷。我們叫了兩個套餐，青咖喱鴕鳥肉及海鮮焗飯。兩款菜都很快便送到。青咖喱少少辡，但很好味，比起快餐店果o的營光咖喱好得多了。而且鴕鳥肉都很臨，好像牛肉。撈飯一流。至於焗飯方面，好向薯仔味。整體來說也不錯，當然唔夠青咖喱好食，始終泰國人不太擅長整焗飯。套餐配了一杯凍飯，我們都選了青檸薏米冰。清清地幾好味，埋單只須76元，又唔收加一。抵到震。

呢道d泰菜認真麻麻上次叫左燒牛肉沙律d汁太鹹d 冬蔭功湯又唔多夠味冷氣太勁吹到d菜都涷晒叫我點吃呢??撞正有人唔見銀包d伙記態度太差