影片
电话号码
36860215
营业时间
今日营业
07:15 - 21:45
星期一至日
07:15 - 21:45
以上资料只供参考，请与餐厅确认详情
一直都係附近街坊有幫襯開，之前都覺得唔錯。唔知最近係咪轉咗師傅，食咗兩次體驗都係非常非常差。我見到有其他評論話唔錯，同樣地都有好多話好差，佢哋就係咁唔穩定！我今日特登再去試，諗住俾多次機會佢。真係差到我要直接當面同現場嘅職員反映同投訴。佢哋自己都承認，師傅係好唔穩定，同埋一時好一時唔好。 當堂呆咗蒜泥白肉❌肉質切得好厚身、冇味道、偏嚡。蒜泥孫儷都做得相對比較差，蒜味不足之餘亦稱不上是泥。酸菜魚米線❌ 超級差！無敵差！首先佢同店內展示嘅相片完全唔一樣，已經係第一層嘅失望。 一上枱嘅時候碗入面最多係得五片魚塊，大約每片係木耳大細左右。 湯底完全冇味，唔鹹唔酸唔甜唔辣就係冇味道好似水一樣。只有顏色。。亦都冇乜酸菜喺入面。。。我真係人生未食過咁差嘅米線。即場同員工反映，佢哋就拎同一個米線再番煮。亦都冇注意火候拎返俾我哋嘅時候，米線全部淋到用嘴唇壓一壓就會爛晒。湯底亦都冇再變過味道。純粹喺個碗上面加多兩三塊魚。仲要承惠$68。招牌小窩米線❌配雞扒、陳皮魚蛋真係冇必要食。雞扒超薄身，唔知以為係初生雞。米線質地一樣都係差，本身呢一間小鍋米線出名係佢哋湯入面嘅酸菜，我本以為同元朗嗰間係一樣，點知而家變到完全唔好食，我可以嚴重啲講，根本就冇味道冇口感，湯底本身要有嘅鮮菌亦都冇乜，芽菜亦都冇乜，以前就咁一個招牌小窩米線加配任何嘢食都有好多好多配料，而家完全縮水到你唔敢相信。點解可以做到咁差，其實冇心做，不如直接執咗佢。唔好浪費食物啦🤮店員禮貌不予置評，都係做開嘅嗰兩個，唔知佢哋其中一個會唔會係老闆定點樣，但係反映咗覺得佢哋好似冇乜感覺，唯有喺平台上面同大家分享。夠得一個得一個唔好嘥錢了。
继续阅读
食過元朗嗰間幾次，覺得幾好食，今次喺天水圍特登嚟試一次，點知好失望，碗米線聞落好香但其實除咗麻同辣之外係咩味都無，唯獨甜酸菜係最有味，同埋米線太腍，一夾就斷哂，唯一欣賞嘅係啲配料樣樣有啲，菇同菜份量都唔少，而且南乳雞件真係好惹味，$45包飲品又唔算貴，啲姐姐都好好招呼
继续阅读
招牌小窩米線（配牛展）：跟餐豆漿—-$45牛展好硬，難咬，湯底無叫辣味，所以味道偏淡。過橋米線 ：跟餐豆漿—-$45湯底一樣無叫辣味，所以味道都係偏淡。跟餐加配：蒜泥白肉+ $13蒜泥香口，白肉肥瘦均勻，唔錯嘅。
继续阅读
之前喺元朗食過呢間小窩米線，覺得呢到嘅米線幾有特色，對呢到嘅米線印象幾好，今次就嚟到位於天水圍天一商城呢間分店晚餐～招牌小窩米線 + 蒜香雞扒💰HK$45 +跟餐加凍奶茶$2朋友唔食得辣，所以揀咗清湯！呢度嘅清湯係主打雞肉豬骨湯，但飲落味道好淡，成個米線都冇味！蒜香雞扒就正常水準～ 自選米線 + 手撕雞 + 小酸辣💰HK$40明明叫咗酸辣，但係湯底顏色睇落似清湯，味道飲落去都係清湯，成個湯底最有酸辣味嘅應該就係得酸辣甜酸菜！自選米線係有埋啲酸辣炸醬嘅，結果係得果一兩粒！手撕雞肉質亦非常柴，好失望～蒜香雞中翼💰HK$28份量算多，有6隻！雞中翼外層好酥脆，充滿啖啖嘅蒜香味！係成餐飯最有味道嘅野食～
继续阅读
自選米線（自選餸:南乳雞件）酸辣少辣 $40.00配料：芽菜、腐皮、菜、酸辣肉碎、秘制甜酸菜湯底夠味，唔會好咸，唔夠麻辣/辛辣嘅話可以自己再加，唔錯唔錯！！！米線唔算話好爽，但起碼唔會太腍或太漿。南乳雞件炸得好香脆，南乳味濃，腌得夠入味！凍奶茶小甜 +$2.00好夠凍，茶味比較出，所以澀澀地，奶味唔係幾夠。好少有餐廳會同時提供即棄筷子同普通筷子，所以幾特別，可能會有人覺得唔環保，但另一個角度睇，會衞生啲！
继续阅读