影片
早前看到食友IVY CWK的小阮子食評照片相當吸引,趁著回學校拿證書之便,走到這家跟小丸子發音一樣的小阮子買蛋撻吃。週末下午廟街一眾煲仔飯、豬骨粥、牛雜店不是仍未開門就是剛在準備,只有這家門面簡單的小餅店在營業,所以比平時夜晚整條街也熱熱鬧鬧時容易發現她的存在;店前餅櫃裡除一盤蛋撻外,還有椰撻、糯米糍、蘋果批等餅食,當然大大隻字寫著125層沒豬油酥皮蛋撻為首選。每隻$3.5的蛋撻雖不是剛出爐,以熱爐保溫著仍能保持熱度,拿上手也是暖暖的; 沒有仔細的數是否真的有125層,層次分明如花邊的酥皮的確好看,看似很厚實其實是入口酥脆,一點也不會覺得其過厚,沒有豬油應有牛油的酥皮油份剛好,令酥皮有油潤感卻不太膩,就算墊底紙也不會多油得變成透明,水準不錯的酥皮; 蛋芯幼滑得有點水漾,蛋香不算濃郁甜度適中的真不錯,以這配方來做燉蛋也會很好吃的。兩個水準不俗的條件加起來的沒豬油蛋撻不致驚為天人不吃不可,但絕對沒令人失望了。今次沒食友般幸運剛好遇上蛋撻出爐,拍不到蛋面漲卜卜的畫面,不過老闆娘見我拿機拍照也特意將蛋撻重新排列得更整齊,看似不經意實際好體貼客人的動作! 只可惜相機在這一刻剛好沒電,想多拍一點也沒辦法! 唉~~~~浪費了老闆娘一番心意!!! 閒聊間老闆娘還記得有位小姐早前在店裡拍了很多照片,相信該位小姐應是IVY 了, 當老闆娘知道我是看食評來光顧時表現得很開心哩。
继续阅读
今日，專登走去油麻地廟街食嘢，路經一間門面裝修簡陋嘅小店，名叫＜小阮子＞，個名真得意！ 我見到黃色底紅色字嘅 sharp 醒 banner ：挑戰傳統125 層酥皮蛋撻，不含豬油，全港首創！ 咁巴閉！路過都要買個嚟試吓！我同老闆娘講要一個酥皮蛋撻，不過，我想影張相先！ 佢話剛剛有新鮮出爐酥皮蛋撻，入嚟影啦！佢真係好人又健談！有個阿叔剛剛食完蛋撻走！我好奇一問：可以堂食架？老闆娘話最緊要我唔嫌窄就得嘞！講真！出面真係好曬呀！ 我唔客氣坐低慢慢食！酥皮蛋撻 $3.5我真幸運！路過咁啱有新鮮出爐酥皮蛋撻！ 熱辣辣！酥皮有125 層？酥皮好鬆化！一咬酥皮碎四散！蛋漿嫩滑豐盈，甜味恰到好處！略帶蛋香！況且，蛋撻係＂賣飛佛＂之一！所以，我覺得好食！
继续阅读
最近看了黃毅力先生的專欄《力筆從心》，文中介紹了廟街小阮子的蛋撻及店主背後的故事，好奇心下，響百老匯電影中心睇戲後，專程去買個試試。小阮子位於興記煲仔飯對面，門面簡單，毫不起眼，唯一宣傳是招牌下的大字報，以無豬油的 125 層酥皮蛋撻「挑戰傳統」。蛋撻 size 比較細小，賣三蚊一個，賣相就認真麻麻，蛋心跟餅皮分離，露出了一條空隙。輕咬一下，酥皮吃不出有層次感，但由於無落豬油，入口輕盈，不油不膩，是討好的地方。蛋心甜度恰當，但實在做得太薄身，吃得不太滿足，雖說健康，但整體只可說是勉強合格。跟食友 Yan~ 有同一個疑問，究竟 125 層的酥皮是如何計算出來的呢？《力筆從心》黃毅力http://blogky.1talk.net/-f12/-t826.htm
继续阅读
今日3點左右响油麻地，就順便去小阮子試吓佢啲蛋撻．我買嗰陣個蛋撻暖暖地，唔算真係新鮮出爐．anyway, 我都覺得真係好好食．酥皮同蛋份量配合得啱啱好，食完都唔會覺得好滯！水準真係高過好多出名舖頭．仲係＄3一個！抵食！
继续阅读
最近看過都市日報黃毅力先生介紹這間店舖的蛋撻, 我這個八十後人類當然去試吓. 果然, 食落個蛋撻皮好酥脆, 的蛋醬唔似加人造色素, 白白哋. 兼且好嫩滑. 我當然都食過兩間名店 --- 泰昌&檀島既蛋撻, 但佢哋啲撻好多時都焗得過脆. 而這間小阮子啲撻隻隻都好"靚仔". 我一次過食咗兩個, 都無成口油的感覺, 個胃都無膩住.我覺得我們這種新人類一定要識食兼係食得健康. 小阮子的蛋撻同糕點都價錢好抵喎, 一律$3 (雖然唔多款式)!最後推介, 兩款桂花卷&芝麻卷都好正!!!
继续阅读