小食快綫

营业中

休息中

我清楚2次講了魚蛋燒賣只要豉油即其他乜油也不用加，個阿姐仲話:靚女答下我洗5洗死呀你! 我話我已講只要豉油囉，答左你啦。阿姐仲串串貢話:我哋有辣有吾辣架麻。講嘢態度差到一個點。公司要加強培訓下D店員。問個客洗吾洗死，離哂大譜但另一姐姐態度好好，買左甘耐也冇問題。做到燥也不可以揾D客發脾氣架麻，檢討下啦

朝早經過買碗 碗仔翅做早餐 ， 個阿姐筆左堆魚肉放係碗… 拿拿林筆左d 翅上去….. 我心諗唔通d 魚肉岩岩煮起嘅 ？！ （平時魚肉會先過一過水， 先再加翅） 跟住隔離個阿姐細細聲講 ： 你未洗水呀 ！ 但果個阿姐一於好少理 ， 一野吸好個蓋… $19 蚊丫 …. 我果下又死蠢怕事唔出聲俾左錢就走 ！ 由地鐵站驚到番公司 …. 心諗 ， 冇事嘅 魚片粥都係咁啦 ！ 一打開 ….. 一舊冇散過 ！ 真係唔知食好定唔食好 ….. 最後淨食左d 翅就算…. 希望唔會肚痾啦 😮‍💨

今晚去咗睇地鐵站上面嘅snack express買魚肉燒賣， $10有八粒都算唔錯，加咗辣油，同燒賣最夾。燒賣質感唔算最頂尖，但熱辣辣有少少咬口都唔錯，最啱就係少少餓嘅時候買來食下。

十幾蚊既特色小食，我最鐘意幫襯snack express，容易買到！味道上佢係不過不失個款。魚肉生菜，我無加任何調味料，本身生菜都會出水同埋甜，湯底味精湯，但都ok la，因為生菜香味都令我無視左。魚肉雖然粉多，但有少少魚味同埋彈牙，而且都唔少魚肉。魚肉翅，唔加胡椒醋就食到各種食材既原味同埋清甜，但加胡椒粉同醋，就更開胃同層次豐富。佢當然唔係最好食，但咁既價錢，咁既味道，過下口癮又未嘗不可！

香港街頭小食店時至今日已經買少見少尤其係一啲新發展嘅城區商場林立令佢哋冇乜生存空間繼而發展出一啲連鎖嘅小食店今日就同大家分享下我嘅早餐Snack Express 相信好多人都會喺地鐵站見過今日我就買咗三款香港地道小食做早餐包括魚蛋燒賣同蒸腸粉我哋逐樣逐樣嚟講先講左魚蛋先魚蛋嘅基本咬口都係有嘅但係唔知係唔係因為烹調時間嘅問題令魚蛋冇入到辣味 加上本身嘅魚味唔突出 造成好似食緊一舊嘅粉團咁而燒賣都有同魚蛋同樣嘅毛病 魚肉燒賣毫無魚味而三樣之中較為合格嘅就係蒸腸粉 外觀結構都尚算唔錯 已連鎖店嘅模式來講算係不過不失~~~~~~~~~~~~~~~~~~~~~~~~~~~~~~好食嘅街頭小食真係越來越少 不過snack Express嘅小食都可以作為平時過吓口癮嘅選擇

呢間snack express我個人認為係幾好食，有時早餐唔知食乜好，都會鐘意係呢度買個腸粉食下！$10有4條！食完都夠飽架！有甜醬、麻醬、辣醬、芝麻、䜴油！唔夠可以叫職員加多啲，啲職員都好有禮貌架！環境都算乾淨！呢間嘅碗仔翅都好好味架！夠多料！有時都會買黎做下午茶！加埋醋同胡椒，就香噴噴！當然仲有生菜魚肉、魚蛋、燒賣，都係唔錯嘅選擇！只可惜呢間snack express無雞蛋仔同格仔餅賣！如果有就更吸引！

買番公司今既選擇晤多！味道晤可以太大影響到人 小妹我如果食包既話通常會揀方包 另一個選擇就係食燒賣腸粉之類 😂😂😂貪佢一件件夠方便食完可以易清潔今日叫左外賣腸粉番去食 因為仲要等車關係 買完大概十五分鐘左右先真係食既 所以啲醬有少少變得傑身左😅😅呢到腸粉十蚊有四條 其實幾扺食 份量都有成碗甘多架腸粉都好嫩滑 我個人比較鐘意加埋辣椒油食佢地辣椒油係自制既 夠晒辣甜醬除左變傑左之外 其實都仲係幾好食既當然即刻食會更好啦

早餐都未食 又哪有力氣開工做野呢每天上班早餐 不外乎是三文治只係食凍ge便利店三文治 或即點即造 港式三文治snack express我平時最鍾意買陳皮魚旦食但呢期買多左 他們的三文治做早餐而我通常叫 雙併三明治腿蛋治+豆漿 都係$22豆漿雖然寫低糖但我飲落同平時d. 正常甜豆漿一樣感覺唔到有低糖而個三文治都好足料火腿都有煎埋一份d火腿鹹香都出晒來la而且個煎蛋熟得啱啱好 仲有dd蛋汁麵包都係軟綿綿但係煎野落多左dd油 個麵包索晒

而家好多香港人無乜時間坐低吃，所以外賣店就開到成行成市，好似寶琳地鐵站上面就有一間叫snack express,好多小吃選擇，我細個就鍾情生菜魚肉，有辣味湯配上魚肉更加正，用生菜伴底更加爽