小魚兒 (金馬大廈)

营业中

休息中

呢間尖沙咀嘅小魚兒一直係我嘅烤魚心頭好🫶🏻除咗因為佢地地點夠中心夠方便最重要係佢條魚係夠厚肉夠麻辣呢樣嘢係我食咁多次依然保持到水準嘅今次食活火山泡椒剁椒豆花江團魚魚嘅質地夠滑夠油而且冇乜細骨會食到條魚嘅味唔會完全俾麻辣味蓋過口味可以揀辣度麻度～唔想食太麻都冇問題本身條烤魚嘅價錢係HKD348佢嘅配菜附有少量薯粉雲耳芽菜洋蔥青瓜加埋四件超滑嫩我超鍾意嘅豆腐👍🏻另外揀咗啲我鍾意嘅配料嚟掛湯佢嘅寬粉係浸耐咗都好煙韌嘅薯粉因為本身湯底夠濃所以都適合食寬厚薯鮮腐竹同萵荀都係我比較鍾意嘅配料浸耐咗都可以又唔會太吸油同變太辣每隔一排就會諗起呢間麻得咁過癮嘅烤魚！

今天晚上，我和朋友在尖沙咀的一家名叫「小魚兒」的餐廳享用晚餐。這裡的環境輕鬆舒適，非常適合聚餐。我們點了幾道招牌菜，期待能有美味的體驗。首先上桌的是酥炸生蠔，外層金黃酥脆，裡面鮮嫩多汁，搭配特製的醬汁，每一口都令人驚喜。接著是清炒莴苣，色澤鮮豔，清脆可口，帶著淡淡的蒜香，讓人感受到新鮮的味道。我們還點了蒜香牛油燒扇貝，扇貝的鮮味與牛油的香氣完美結合，令人垂涎欲滴。鹽燒牛肉串則是另一道亮點，牛肉烤至外焦內嫩，撒上少許鹽巴，簡單卻能凸顯肉質的鮮美。最後，我們喝了檸檬可樂，清爽的口感為這頓晚餐畫上了完美的句號。整體而言，「小魚兒」的晚餐讓我們非常滿意，菜品新鮮、味道出色，是值得推薦的好地方。希望下次有機會再來品嚐其他美味！

尖沙咀🔥烤魚專門店😋鮮嫩又惹味老壇酸菜豆花 江團魚 $348 BB辣 小麻老壇酸菜酸香味濃🤤新鮮江團魚份量十足 嫩滑少骨🐟加上配料豐富 有洋蔥 木耳 寬粉 蔥花 蒜 莞茜 豆芽豆花滑嫩 青瓜爽脆 味道超夾😋酸辣鮮甜小小麻 欲罷不能食唔停口👍🏻匙仁(牛局舺骨証嫩肉) $168肉質細嫩帶少少脂肪 牛味濃😋👍🏻纖維感重比食肥牛 健康得多😆💖用烤魚酸菜湯底打邊爐 更顯牛鮮😋「小魚兒」📍尖沙咀金馬倫道16號金馬大廈1樓

小魚兒 📍尖沙咀金馬倫道16號金馬大廈1樓天氣開始凍，有啲想食烤魚同埋邊爐，所以就試吓呢一間小魚兒！⭐️ 鮮花椒BB豆花凌波魚 $378佢有唔同嘅魚可以揀，因為寧波魚嘅肉質嫩滑同多油香，所以就果斷揀咗佢～有舊款湯底可以揀，但係因為本身唔算好食得辣，所以就揀咗小辣小麻，不過其實煮煮下會越嚟越辣，同埋啲香味會越煮越出🤣入邊除咗魚之外，仲有寬粉、芽菜、豆腐、洋蔥、芫荽等等嘅配料，所以都食到好飽！有其他特別鍾意食嘅配料都可以額外嗌，然後好似打邊爐咁樣煮嚟食✨⭐️香檳葡萄乳酸爆珠梳打 $38⭐️青檸梳打 $36因為越食越辣嘅關係，一定要嗌杯有汽嘅嘢飲解一解辣🤣 正！#尖沙咀美食 #烤魚 #小魚兒 #邊爐

🌸凌波魚🐟黃金蒜香魚（不辣）我地揀左凌波魚，大大條上枱，烤魚嘅表皮微焦，上面鋪滿香蒜，濃郁嘅蒜香味！配菜仲好豐富，有嫩滑嘅豆腐、木耳、勝瓜片、芫荽等等……唔辣嘅湯底帶出魚嘅鮮味，好清新！凌波魚肉質鮮嫩，唔算太多骨，一啲腥味都無！我幾鍾意食，呢個份量絕對夠哂兩個人食用🌸龍鳳檸樂🌸七喜餐廳舒適寬敞，呢間餐廳嘅烤魚可以自由選擇口味、辣度同埋烤魚嘅種類，然後再揀選湯底，選擇都幾多！店員仲提提我地，如果於社交平台訂枱，仲會有更高嘅折扣優惠，會抵好多！下次再同朋友黎食先！

天氣終於開始轉涼，即刻揀呢間又有烤魚又有雞煲嘅嚟食下😙雞煲周圍都有得食，酸菜魚都食得多，但咁大條嘅原隻烤魚我都真係第一次食🤔初頭見$378條烤魚咁貴，點知原來咁肥美😳佢個晚得江團魚同凌波魚，我地就揀左凌波魚，因為我朋友話會少啲骨🤣我唔食得辣所以口味就揀左黃金蒜香魚，嚟到真係啖啖肉唔係講笑🤤入面有幾條薯粉，唔夠食我地有又加左兜，第二轉更入味👍🏻我地仲加左蒜蓉燒生蠔同椒鹽金菇，啲生蠔好大隻，金菇又超香口👏🏻

店舖裝修雅致，座位舒適，坐得舒服，佢嘅碗筷都印有小魚兒圖案， 十分用心！烤魚—黃金蒜香江團魚店員送上烤魚時，我同老公都好驚喜，好大條魚，另外，都有好多配菜，有豆腐、大量芫荽、蒜蓉粒、洋蔥、寬薯粉、芽菜，好足料👍條魚有好多魚肉，魚肉嫩滑，配埋佢嘅蒜香味湯汁，超正😋佢個湯汁唔油膩，健康又好味，個分量都多，夠2個大人食，啖啖魚肉，我哋食得好滿足👍黃金組合（金針菇、土豆、蓮藕、海帶）一開始唔知條魚咁大條，叫咗呢個黃金組合，全部都好新鮮，金針菇又爽又滑，蓮藕好爽脆，薯仔煮淋咗都好好味，海帶都唔錯，呢d天氣最岩食烤魚👍

今天晚上，我和妹妹来到了尖沙咀一家名为“小鱼儿”的餐厅享用晚餐。店内装潢温馨，氛围轻松，让人一进门就感到舒适。我们点了这里的招牌菜——极品鲍魚雞煲，这道菜以其鲜美的鲍鱼和嫩滑的鸡肉而闻名，搭配上秘制的酱汁，味道浓郁而不腻。此外，我们还点了白饭和椒鹽豆腐，椒鹽豆腐外酥里嫩，椒盐的香味让人回味无穷。最后，我们以一杯咸檸七作为饮品，咸檸七的清新与咸甜恰到好处，为这顿晚餐画上了完美的句号。整个用餐体验令人满意，我们对“小鱼儿”的美味佳肴赞不绝口，期待下次再来品尝其他美食。

唔好睇個名叫小魚兒就以為只係一間食魚嘅專門店，佢哋除咗有水煮魚鍋同酸菜魚鍋之外，仲有鴨血鍋都一樣惹味十足，下次約多啲人一定要試埋水煮魚！▪️ 毛血旺鍋：超過100分嘅辣鍋，仲一次滿足幾個願望，入面嘅火鍋料包含水魷魚，鴨血，同埋牛柏葉，而且仲有粗寬粉，再加上其他小食就已經吃到飽飽，最緊要係非常好食，鴨血亦非常新鮮！美味指數:🌟🌟🌟🌟🌟▪️ 新鮮元貝：原隻新鮮元貝放落辣鍋之後彈牙爽口，肉質實淨，肯定非常新鮮

✅️霓虹風的裝修風格✅️必試烤魚、串燒✅️超適合冬天聚會烤魚：📌江團魚 - 鮮花椒BB豆花幾乎必叫的烤魚。魚肉厚實肥美，油脂感豐富，和醬汁味道很搭。烤魚配料豐富，包括豆腐、雲耳、芽菜、青瓜、薯粉以及各種香料等。更可以追加多達30幾款配菜，根據個人喜好自由配搭。燒烤：📌燒茄子表面鋪滿金黃色的蒜蓉，再加上香蔥點綴，跟烤茄子絕配。📌燒牛舌心串牛舌大塊厚實，頗有咬口。燒得恰到好處，肉質軟嫩適中。❣️值得一提的是，經網上平台預約還有額外優惠呢～

我不嬲都無辣不歡 放工喺尖沙咀金馬倫道做完facial之後 又喺尖沙咀發掘新餐廳 🍷 <炭火風味烤魚> <雞煲>嘅🌶湘川菜餐廳 《小魚兒》🐟未試過 🐟餐牌有多款 烤魚原條上好吸引 而家冬天想食啲暖笠笠嘅嘢 呢度啱啱出咗冬天嘅新菜式🫕🫕羊腩煲 羊肉好多 啖啖肉 配菜亦都好豐富有竹筍 冬菇 馬蹄 腐皮 等等 加上生菜🥬一齊食 店長好細心畀咗 腐乳醬同圍裙我哋 著白色衫都唔怕污糟 另外點咗呢度都係招牌嘅🫕雞煲 做法正宗 醬料香濃 雞肉沒有雪藏味 辣味啱啱好 加上香菜 蒜頭🧄 好惹味🫖熱韓國柚子蜜 冬天飲暖笠笠 柚子蜜真係好窩心 加上可愛嘅小魚圖案🐟餐具 食得好開心🎀呢度氣氛都幾好 唔算逼 兩個人都坐得好舒服 食完一齊漫步尖沙咀 作為一天工作後完美嘅總結🎆

今次嚟到尖沙咀《小魚兒》，係間樓上店，店面面積都幾大，坐位濶落。✨️《極品鮑魚雞煲》每煲有成4隻鮑魚，可以约多d朋友嚟一齊分享。雞肉嫩滑，醬汁惹味。辣度係可以選擇嘅，分大辣、中辣、少辣 ，甚至係吾辣都可以。雞煲下面有個爐燒著，保持熱度，唔怕變凍，啱哂冬天食用。既然有個咁正嘅爐，我仲加左碟牛肉煮埋，吾好嘥。✨️《安格斯肥牛》可選大、小份量，呢個係屬小份量。牛肉肥瘦相間，肉質爽嫩，牛味香濃。✨️《白飯》飯量很多，飯香明顯📍尖沙咀 金馬倫道16号金馬大厦

一直都想去試下烤魚，但香港唔知邊到好同抵食，最近聼fd介紹話【小魚兒】好食就去左尖沙咀分店試下。烤海鱸魚：鮮花椒BB豆花（小辣小麻），有好多款味道選擇、烤魚梗係要食辣啦！呢款係最經典既辣味烤魚、第一次食朋友推薦話必試。本身烤魚除左魚之外都仲有其他配菜、包括豆花、翠玉瓜、芽菜、木耳、寬粉。海鱸魚肉經過調味後加火烤，肉質嫩滑、啖啖肉、而且完全無腥味。豆花口感細膩，搭配魚肉，形成完美對比。 黃金組合：包括金菇、土豆、蓮藕、海帶。每次叫麻辣鷄煲/火鍋都必點，所以今次烤魚都叫左，最推薦金菇同蓮藕，吸收曬D湯汁精華都非常好食。竹蔗茅根：清熱解辣、好清爽。

天氣轉涼，自然會想食啲暖笠笠嘅食物，今日第一樣諗到嘅就係雞煲！位於尖沙咀既「小魚兒」，主打烤魚同雞煲，之前同朋友喺呢度食過幾次烤魚都印象不錯，趁天氣凍咗，一於試埋呢到既雞煲！重慶雞煲 半隻 ($168)剛剛好二人份量，雞肉嫩滑，醬汁香濃。加埋火鍋自選配料：滑牛肉（$88）、寬粉（ $36）、娃娃菜（$38）等，用雞煲醬汁做調味，非常惹味💕脆焦糖燒菠蘿 ($48)菠蘿清新香甜，加上外層焦糖脆脆，口感非常特別🤍估唔到小魚兒除咗烤魚出色之外，原來雞煲都咁值得一試！以後同朋友係到食飯又多一個選擇了！😘📍 小魚兒 (金馬大廈) (尖沙咀)尖沙咀金馬倫道16號金馬大廈1樓@little.fish.hk #重慶雞煲 #川菜 #火鍋 #雞煲 #hotpot #spicy #chicken #hongkongfood #hongkongfoodie #hongkongfoodies #hongkongfoodblogger #hkfood #hkfoodie #hkfoodies #hkfoodblogger #hkfoodstagram #foodie #foodies

天氣開始涼，又係打邊爐既時候，除左平時食嘅火鍋，今次我嘅選擇係：烤魚呢到烤魚都有成七款，因為食唔到太辣，所以我哋選擇咗爆漿鳳梨香辣豆花烤魚，BB辣，小麻。另外，叫左木耳同埋兩杯野飲。烤魚黎到，個賣相已經好吸引。我哋選江團魚，冇乜骨，啖啖肉。入面嘅配菜有菠蘿，紫洋蔥，豆腐花，薯粉，萵筍，芫荽，芽菜。雖然上檯已經係熟嘅，但建議食住小食等煲耐少少，等入邊嘅配菜更入味。菠蘿就咁食好甜，食到最尾會越食越辣，再食菠蘿可以中和辣味雲耳唔辣，麻油味，加咗少少醋，好開胃，同埋呢款前菜份量好多先賣$48，好抵食嗌咗兩杯嘢飲，我個杯係西柚乳酸爆珠梳打，唔太甜少冰。食辣嘢嗰陣飲返杯凍嘅超爽。