小魚兒 (金馬大廈)

营业中

休息中

呢間小魚兒嚟過幾次，但之前都係食lunch set/ 雞煲，今次就試吓佢嘅招牌烤魚~ 個人覺得海鱸魚都唔錯，啖啖肉，鮮嫩肥美👍🏻湯底我哋揀咗鳳梨香辣豆花，第一次將鳳梨加落去一齊煮，令湯底帶有鳳梨嘅甜酸感覺，冇平時咁油膩~我哋嗌咗BB辣，整體都唔會話好辣，剛剛好，感覺幾舒服👍🏻我哋另外嗌咗焦糖燒菠蘿，同樣係甜酸甜酸嘅感覺，但外層加上燒焦糖，令佢似一個前菜或者甜品，好味！飲品方面，竹蔗茅根同金橘檸檬百香果茶都非常清新，味道唔錯！

幾年前喺將軍澳店食過烤魚，覺得好正，一直想返嚟試個雞煲。咁啱天氣急凍，即刻book枱。店面幾大、乾淨，店員attentive。 ✦ 極品鮑魚雞煲嗌咗半份，都已經好大盤，包半隻雞同四隻鮑魚。雞煲醬汁濃郁、好惹味，辣度麻度都可以揀，我哋揀咗bb辣小麻，都辣辣哋、麻得幾過癮。鮑魚索晒啲汁，但都食得出鮮味，口感唔錯。雞肉嫩滑、有雞味，唔同部位都有，煲得越耐越入味。 ✦ 麻辣涼拌魚皮冷盤。質地嫩滑、口感爽彈。醬汁唔會太濃太搶，幾啱當飯前開胃菜。 ✦ 冰火魷魚都係冷盤。香辣、惹味、開胃。魷魚口感爽嫩，冇浸泡太耐。 總括嚟講，食物質素唔錯、價錢合理。

好味道鮑魚雞煲今天晚上，我到位於尖沙咀的一間名叫小魚兒的餐廳吃晚餐。走進餐廳，濃厚的海鮮香味撲鼻而來，讓我不禁期待今晚的美食之旅。我點了極品鮑魚雞煲半隻，裡面包裹著鮮嫩的雞肉和四隻鮑魚，正是我最愛的搭配。而且這是麻辣味道的，看起來就讓人垂涎欲滴。整煲在慢火的眼前煮，餚煮得恰到好處，鮑魚活潑而彈牙，雞肉也吸收了濃郁的麻辣味，讓每一口都充滿了驚喜，又夠熱又好味道最重要。此外，我還點了清炒莴荀，色澤鮮亮，保持了莴荀的脆嫩口感，與雞煲形成了絕妙的搭配，不用食白飯，朋友教我直接用莴荀當飯底，特別正，又健康! 最後，一支竹蔗茅根水解解渴，清甜的味道剛好中和了整餐的辛辣。總體來說，小魚兒的晚餐讓我十分滿意，無論是鮑魚雞煲的獨特風味，還是清炒莴荀的健康搭配，都是一次美好的用餐體驗。我會再次光顧這家餐廳！

最近好想食濃味嘢😝，所以趁假期約咗朋友一齊食烤魚！今次揀咗尖沙咀一間幾多人推薦嘅烤魚雞煲店，地點方便，食物仲好高質！✨老壇酸菜烤魚✨酸菜魚湯底用好多材料熬製而成，包括：酸菜、芫荽、青瓜、香蔥、辣椒😍。湯底隨着時間越滾越濃，魚肉索晒啲湯汁，越食越惹味！今次揀咗江團魚，肉質鮮嫩仲啖啖肉😋，重點係唔黏骨，容易食！最驚喜係連魚皮都好惹味，因為煎過嘅關係，魚皮彈牙又香！魚嘅份量好足夠，我哋仲另加咗一碟萵筍，兩個人都食到好飽！下次再encore，可以試吓佢個雞煲！

今天晚上， 我們去到尖沙咀金馬大廈1樓 小魚兒晚餐。在寒冷的冬季，沒有什麼比一鍋熱騰騰的極品鮑魚雞煲更能讓人感到溫暖了。這道菜以半隻雞和四隻鮑魚為主角，鮮美的海味與嫩滑的雞肉相結合，讓每一口都充滿了濃郁的滋味。雞肉經過慢火燉煮，吸收了鮑魚的鮮甜，湯底更是醇厚，令人回味無窮。搭配鮑魚雞煲的，還有一道色彩繽紛的田園蔬菜拼盤。新鮮的時令蔬菜，像是脆嫩的生菜，這些健康的選擇，不僅增添了餐桌的美感，更為整體的口感增添了一絲清新。蔬菜的爽口與鮑魚雞煲的濃郁，形成了完美的對比，讓人感覺到健康與美味的共存。米線的選擇更是恰到好處。米線柔滑細膩，能夠完美吸附了鮑魚和雞肉湯汁，鮮香帶入每一口食物中。煮好的米線，簡直讓人垂涎欲滴。最後，來一杯咸檸七梳打，清新的檸檬味道與微微的鹹味，能有效解膩，讓整個用餐體驗更加完美。這杯飲品不僅能清口，還能帶來一絲爽快，讓人感到焕然一新。

咁啱响尖沙咀做完嘢~一個想食雞煲, 一個又想打邊爐, 所以我哋就嚟咗~ 一次過食曬 2樣嘢嘞~雞煲 (半隻) $168我哋仲另外加咗: 油麥菜 $38蓮藕 $36寬粉 $36同兩碟滑牛肉 $88/ 碟上枱後, 侍應小姐溫馨提示: 滾起兩三分鐘 就食得架喇~ 滾起後, 輕輕兜均~再煮一煮 熱一熱, 我哋就起筷了~煎香過嘅雞件, 熟得啱啱好~鹹香惹味, 自自然然一件接一件咁食~雞件嘅份量好夠, 兩個人都過足癮了~食完雞煲之後, 加湯煮滾, 就可以開始打邊爐了~

😋第一次食烤魚，魚🐟有三款揀，我地揀咗最抵食嘅海鱸魚。條魚比我地想像嘅大條，多肉無咩骨，食落肉質細嫩，厚實，非常嫩滑，應該係煎過再放入烤盤。湯底我地揀咗唔辣嘅「黃金特濃蒜香豆花」，超多炸香過嘅蒜子，仲有蒜蓉同蔥花，味道香濃。其他配料有洋蔥圈，芫茜、滑豆腐、青瓜片、芽菜。底部還有吸收湯味精華嘅寬粉，煙韌又夠味。🍆烤茄子：茄子燒得剛熟，可以一絲絲拉出來食，勁多蒜蓉，夾埋一齊食，味道超正。🍻$99 任飲啤酒90分鐘，可揀Stella 同Sapporo，抵飲👍🏻 倒插啤酒特飲：Hoegarrden Roses x passion fruit 💓 大愛，飲極都仲有咁。

星期日趁住放假出左去尖沙咀行下！見涼涼地咁就緊係要去食返啲暖笠笠嘅嘢食啦😬行行下就見到呢間食烤魚嘅「小魚兒」，同太太決定要再訪先得😋海鱸魚 $308一上枱就見到好大條嘅海鱸魚🐟又多肉又嫩滑！而且調嘅味道岩岩好👍唔會太咸！配料亦相當之豐富😬有豆腐、有寬粉、有洋蔥等……炸響鈴 $48炸得脆卜卜👍再點一點落啲烤魚嘅醬汁度，味道又唔錯喎😋都幾入味👍黑牛柏葉 $98好新鮮嘅黑柏葉，好爽口！而且份量都算多👍

估吾到係尖沙咀可以食到$50以下既lunch!今次試左麻辣肥牛米線 $43，似係原味湯底再倒D麻辣汁，所以湯底偏淡！但肥牛份量都多，仲要係$43！呢個價錢呢個質素，我係接受既！加凍飲都係加$3但佢個麻辣汁幾好味，下次再試口水雞飯！

海鱸魚 (黃金蒜香魚) ($308)萵荀 ($48)白蘿蔔片 ($36)寬粉 ($36)今日去左尖沙咀食烤魚😆😆餐廳總共有海鱸魚，江團魚同凌波魚有得揀，我同朋友揀左海鱸魚，而個湯就想試下唔辣嘅蒜香湯底🧄一上枱嘅時候我就已經聞到有陣好濃蒜香味，真係口水都流哂🤤睇一睇成條魚都鋪滿左蒜頭，唔怪之得咁濃味啦😍😍而試左海鱸魚之後，就發現肉質真係比較實淨，同時都好有彈性好有咬口，係好似海魚嘅口感👍🏻同時，我都叫左一份萵荀、白蘿蔔片同寬粉😋😋上枱嘅時候見到份量都好多，好抵食呀😍白蘿蔔非常清甜冇渣，真係值得一試評分：9/10尖沙咀金馬倫道16號金馬大廈1樓

海鱸魚$308，海鱸魚嘅肉質比較厚實，唔多骨。條魚切開兩邊上枱，見到份量都幾多😶‍🌫️。🐟烤魚口味：上次食左鮮九葉花椒🫑BB豆花味都吾錯，今日想食酸菜魚口味，就揀咗老壇酸菜豆花味，揀咗BB辣配中麻。上枱見到個賣相真係幾吸引，勁大條魚加上個黃色嘅湯汁，湯汁個味道好開胃，麻度方面啱啱開始食完全食唔到麻辣味，要煲耐啲先慢慢出嚟。烤魚入面有🥒青瓜、🧅洋蔥同薯粉🍜、芽菜等等。薯粉索曬汁之後真係煙靭得來又好好味🤤。🍢串燒方面即點即燒，所以都要啲時間等。燒茄子🍆火候啱啱好，上面勁多蒜蓉椒鹽魷魚鬚，炸到金黃酥脆，魷魚🦑口感彈牙

近日天氣凍左好多呀！🥶 好想食番個暖笠笠既麻辣雞煲🥰，收工後即出尖沙咀，二次回訪主打川菜菜式的《小魚兒》，今次我地揀左個「蟲草花膠雞煲」🍲，小麻，BB辣，叫左一隻雞的份量，所以唔打邊爐了。雞煲的香味就已經令人垂涎三尺，醬汁濃郁，🐔雞肉鮮嫩，花膠份量都唔小，每一口都係滿滿嘅膠原蛋白，真係令人食指大動。我們還點了一道小食「金銀蒜燒黃花魚春」🐟，第一次食呢種整法，覺得真係唔錯。金銀蒜嘅香味同黃花魚春嘅鮮味完美融合，即使凍咗都唔會有腥味，味道一流👍🏻👍🏻👍🏻

小魚兒係之前食過，覺得好食再去食嘅餐廳🤪佢最出名食烤魚、酸菜魚或者係雞煲，我當然唔會錯過✌️今次叫咗4樣嘢食😆雞煲（半隻） BB辣BB麻：之前喺第二度食過雞煲完全唔好食🥹但係呢間好夠味😍同埋d雞都仲係滑架，好惹味😋依家嘅天氣食超級正😛有興趣嘅，可以加餸打邊爐（ $168 ）黃金魚皮：好好食🤤魚皮好脆，都幾大碟，同埋無吝嗇到鹹蛋黃，每一舊都充滿鹹蛋黃香😋食過返尋味（ $88 ）冰火魷魚：本身好鍾意食水魷，呢個超正👍少少辣，汁勁香，好爽口😍（ $88 ）清炒萵筍：食咗d辣嘢同炸嘢，食返個清炒萵筍真係好正，炒得超清甜香脆😙（ $88 ）總括嚟講，嘢食全部都好好食😎Menu入面仲有好多嘢食想嗌，但唔會食得晒😝我係星期六下晝嚟，都幾多人食，記得book枱🥳

明明說好的2025想減肥，但路過聞餐廳見到有烤魚吃的時候，胃和隻腳就開始不安份，不自覺地進去吃食午餐。他們其實有很多午市套餐性價比都很高，但我們就是想食烤魚，所以最後還是叫了烤魚。叫了一份江團魚，搭配老壇酸菜豆花口味。🐟江團魚（$348）老譚酸菜湯底裏面有：辣椒、香蔥、豆花、青瓜、大量芫荽、酸菜、蒜蓉和紫洋蔥等等。湯底味道先清後濃，食到後期會越滾越濃。清的時候魚鮮味突出，濃的時候就更顯惹味，都不錯。烤魚滾煮之前有經香煎過，外皮彈牙不容易散，魚肉非常紮實，但同時保留嫩滑嘅質感。豆花則非常滑溜，同濃味嘅烤魚好夾。另外佢哋嘅芫荽份量都真係幾誇張，差唔多一大扎，（平時單點都要$38），係芫荽控嘅福音。🥬每款烤魚都可以自選配菜，個人心水之選是萵筍片、淮山菜。萵筍片嫩口無渣，而且切的薄，容易入味。淮山片清甜粉糯，可以平衡濃膩感😋，如果中意澱粉，可以加上彈牙寬粉，很吸汁，也不錯～～～小魚兒 (金馬大廈) (尖沙咀)尖沙咀金馬倫道16號金馬大廈1樓

今日涷涷地，想食雞煲，朋友帶我黎呢間，睇吓餐牌都幾多款式，價錢唔算貴，就入去試吓。麻辣雞煲（半隻）我地簡咗小麻小辣，份量都唔算少，一開蓋已經勁香麻辣味，食落d雞非常嫩滑，d醬汁好濃好惹味，d麻辣味勁正，食到停唔到口。辣子雞雖然成碟都係辣椒，但唔算辣，雞肉炸到好乾身，入晒味，唔錯。椒鹽金菇炸得非常香脆，勁大碟，好香椒鹽味，食落唔會太油，點埋喼汁仲惹味。燒茄子上面鋪滿勁多蒜，茄子都好厚身，好多肉，燒茄子加蒜，勁正。燒牛油粟米第一次見咁燒，每件粟米上面都有勁多蒜，仲加埋牛油香味，好好味。龍鳳檸樂食雞煲唔少得飲有汽飲品，龍鳳檸樂夠酸夠爽。