少店主

营业中

休息中

網上看到有些評價豬扒芝士蕃茄焗飯芝士太多，蕃茄也太酸，今天一試，完全不同意😂芝士份量完全滿足我這個芝士控的要求，個人不嗜酸，這酸度對我來說恰到好處，剛好中和掉芝士的膩感，配合得天衣無縫。豬扒沒有蘇打粉味道卻軟硬適中，有一點點咬口，很不錯，底揀咗意粉，鍾意佢冇另外炒底嘅設計，原本嘅醬汁已經好足夠，好食！再看看價錢，實在不能再挑剔了！卡邦尼意粉配溫泉蛋也是水準之上，意粉略為al dente，比茶餐廳水準好太多了，雖然擺明是港式做法，但勝在味道平衡，溫泉蛋熟度剛剛好總體來說，很滿意的一餐，吃得出小店的誠意，一點不馬虎！👍🏻

朋友呀，塞住腳步慢慢嚟聽我一講！嗰日遊到長洲，日頭頂又曬又餓，走入咗間唔大唔細嘅西餐味道點。究竟有咩好介紹？跟住我慢慢講你知。🍽️首先個「忌廉汁蜆肉蟹肉飯」，啖啖蟹肉夾帶蜆肉嘅鮮味，吸晒忌廉汁，咸香中帶微微嘅檸檬清香，軟綿綿嘅意大利飯收汁得剛剛好，真係絕配！一啖入口，忍唔住話聲「正！」跟住試吓「西柚橙沙律」，又脆又爽，一份沙律咁大碟，分量真係得，食落去喺酸酸哋嘅醋汁中嗅到一股清新，真係食開開心心！甜品方面，「招牌意式芝士蛋糕」亦都好值得讚一讚，質地綿滑，唔會太甜膩，即刻讓味蕾起舞，食完仲留有個醇厚嘅芝士香，完美！整體來講，依家間餐廳嘅食物好過癮，又唔會太貴，仲有得個滿足感。長洲行一趟，記得嚟呢度試吓！🍝🍹🍰

嚟到長洲度假，朝早搵地方食早餐的確有好多選擇。朋友介紹一間平靚正嘅小店「少店主」，晨早流流已經坐滿人，仲keep住有人排隊😯！🥗我揀咗 #紅菜頭醃三文魚 配 #煙豬脾火腿沙律。三文魚嘅口感好似壽司嗰種，但除咗顏色之外都唔覺得佢同紅菜頭有關係😹 啲豬脾火腿食落幾香；而沙律啲菜就幾新鮮，用咗黑椒同橄欖油調味，feel到佢落橄欖油都幾重手，但又唔覺膩，如果撈埋隻溫泉蛋都幾好味🤤 份量算大，再加埋有塊法包，都食得飽😋🥔朋友們都叫咗唔同嘅早餐，其中有煙肉芝士薯餅，味道唔錯唔會太鹹。亦有朋友叫咗沙嗲牛肉麵，目測個湯底比尋日嘅陳通記濃，味道亦唔錯😸如果下次有機會再嚟，會想試吓佢個牛角包 🥐☺️

行過呢間餐廳，心諗系時候試吓佢哋嘅手藝。先點左個羅宋湯，啖啖清甜雜菜，湯底鮮味十足，不過仲感覺到啲分裂，好似鹽味有啲蓋過咗天然嘅甜，但都算係過得去啦😌。轉個頭試咗個焗肉醬意粉，真係咋口味道！香草香四溢，肉醬同芝士咁滑，攪埋一起食，夾硬係咁香咁滑，正到飛起！最正系個Parmesan Cheese，咁平嘅價錢食到我真系滿足。然後個卡邦尼溫泉蛋意粉，呢個就叫一個靚！溫泉蛋咁滑，濃郁嘅醬汁撈埋，味道恰到好處，唔會太膩。豬扒芝士蕃茄焗飯，芝士爆棚，蕃茄醬酸甜適中，豬扒腍得黎仲有嚼勁，飯粒粒分明，食落仲系舒服。總括黎講，呢間餐廳佢哋啲食物質素唔錯，份量正，口味都夠哂地道，讓我呢個美食博主都要豎起大拇指👍🏻！下次仲會再黎㗎！

踩入「少店主」，就似返到居家既廚房咁溫暖。選左碗乾邪惡嘅卡邦尼溫泉蛋意粉嚟呷，第一啖搞掂晒「香、滑、滿足」三重奏！啲溫泉蛋嘅絲滑令人激賞，與埋粉紅色揍嘅煙肉拼晒一塊，郁手一撈，每條意粉都裹住金黃色嘅蛋汁同交織煙肉嘅咸香，真係好有層次感。講真，個麵條嘅彈牙度啱晒口，啲芝士更加係勁融合晒麵條同蛋液嘅味道，每一啖都係話咁滑，核突突❗️豪饞得嚟又唔會膩口，食到最後一粒意粉都咁有醒胃嘅感覺，真係一流！👍😋🍝想食d平民價錢但係又高質素嘅意粉，「少店主」值得一試！

網上看到有些評價豬扒芝士蕃茄焗飯芝士太多，蕃茄也太酸，今天一試，完全不同意！😂芝士份量完全滿足我這個芝士控的要求，夠多！個人不嗜酸，這酸度對我來說恰到好處，正好中和掉芝士的膩感，配合得天衣無縫。豬扒沒有蘇打粉味道卻軟硬適中，有一點點咬口,處理得很不錯；飯底是白飯，粒粒分明，好吃!再看看價錢，$57，凍飲、熱飲加$3，實在沒有空間挑剔了！卡邦尼意粉配溫泉蛋也是水準之上，意粉略為al dente，比茶餐廳水準好太多，雖然擺明是港 式做法，但勝在味道平衡，溫泉蛋熟度剛剛好，很不錯！要價$54。總體來說，很滿意的一餐，吃得出小店的誠意，一點不馬虎，服務也周到👍🏻

呢間餐廳對於旅客來講十分隱蔽，係一個不顯眼的內巷角落。入到去既時候受到老闆娘既熱情款待。睇到個menu大部分飯都係五十至六十蚊。咁我就揀左個感覺難d伏既芝士蕃茄焗豬扒飯。上到來既時候覺得賣相非常好，超多芝士同蕃茄。當我食落口果陣就覺得非常重口味。芝士泛濫到好似食緊芝士撈飯咁。口口飯都係芝士其實感覺唔好受。而蕃茄都幾酸下，所以成個飯又酸又鹹。我自己就唔係好接受到咁重口味既焗豬扒飯。但若果你係非常鐘意芝士既話係值得一試呢個飯。我見我朋友食既意粉都係非常多芝士。咁試唔試就見仁見智。

男朋友經過成日都話想帶我入去食早餐🥣因為喺長洲食西餐嘅嘢真係比較少今日終於忍唔住同屋企人去食咗咁我哋就夜晚去食嘅個飯我都已經唔知係咩呀我屋企人食咗兩啖之後就話唔想食😱呢個嘅味道唔識形容，有啲怪怪地🥹之後就叫咗個牛扒，我哋係叫七成熟點知嚟到紅卜卜咁🥹乜呢個真係七成熟咩😅咁我屋企人就話呢個似五成熟多d咁我自己本身都係食開五成熟嘅味道又幾好喎👍🏻好嫩，好滑，好有口感🤩值得推介👍🏻👍🏻👍🏻👍🏻

今日一家去Island-hopping⛴第一站就去左長洲行左一陣之後，就走左入大街小巷覓食朋友推介呢間餐廳 話都好食 所以就試下一行四人叫左lunch menu嘅嘢食先黎左個豬軟骨飯👍🏼醬汁惹味，豬軟骨肉嫩配白飯食就再好不過啦（亦可以配意粉）第二個黎嘅 亦都係我推介嘅就係鴨胸沙律‼️呢個沙律份量絕對無孤寒大大份菜超滿足👍🏼沙律嘅配搭非常清新 青蘋果同芒果新鮮再加上酸甜沙律汁 掂👍🏼👏🏼最後就係適合芝士控嘅卡邦尼意粉👇🏼芝士 全部都係芝士意粉煮得有咬口 而且汁控制得好蛋漿無因為溫度太熱而變炒蛋質地👍🏼Creamy兼滑溜 正啊👏🏼整體黎講 絕對係好推介下次如果有朋友入黎都可以再試其他以咁樣價錢換取好食午餐 簡直美而廉啦👏🏼‼️

趁著放假，去咗長洲行一趟。長洲美食好好味。午餐：少店主，點左 B,C,F,GB.卡邦尼意粉溫泉蛋👍👍👍最唔同的地方，就係意粉上全部都係芝士，好幼好輕😍😍😍，賣相好吸引，有別於食開的味道。個南瓜🎃湯好大碗，又夠「杰」身，質地好厚。👍C忌廉蕃茄汁蟹肉長通粉這個都好好味，但較普通一點，可以自己handle 得到。F 豬軟骨意粉豬軟骨入味、汁水配得很好！依個個人嚟講要配飯😜G 蜆肉意大利飯做到意大利飯硬身質地，又夠入味。不過如果好趕時間或者鍾意依淋飯，就要諗一諗。因為要汁融入米飯🍚入面，所以要等少少時間。飲品：大杯👏👏👏

💛想當年小學、中學、大學年年暑假都會入長洲宿營。手卷、糯米糍、大魚蛋、沙嗲牛通呢啲名物都試過晒。嗱嗱嗱 我警告你唔好再食啲藍嘅大魚蛋。食咗都唔開胃。長洲嘅良心小店呢。想去IG-able嘅Cafe打卡可以去「在水一坊」或者「島中坊研」。想食米線可以去「火車頭」。想食炸嘢美式嘢可以去「熾工房」。想食意粉西餐呢就可以試試呢一間。睇睇個餐牌先，價格好親民。忌廉蕃茄汁蟹肉長通粉😀 份量多，蟹肉有鮮味。蕃茄汁甜酸度適中。😬意粉有少少淋，醬汁粉量多一啲會更好。卡邦尼意粉配溫泉蛋😀芝士份量多到嚇親人，芝士味濃。😬煙肉粉量比較少，少咗啲鹹香味，整體嘅味道未係好 balance，但芝士控應該會好鍾意。總結：如果你同我一樣，去長洲食到悶悶哋，都可以試吓呢一間小店。價錢夠抵食，份量多，味道就比較似家庭式/日式西餐。佢哋嘅晚餐睇落都幾吸引，都可以試試㗎！

Simply love their breakfast menu. Fair portion. Their smoked salmon, soft boiled egg and salad make a good combination on taste and texture. Their set with potato gratin, garlic bread, salad, and melted cheese on tomato supply you with enough energy for the morning. Nice, smooth coffee as well.

工作需要成日都要周圍去 所以都俾到好多機會我周圍去試新食物❣️❣️今日黎到長洲 平時我會選擇食海鮮 因為性價比真係好高 但係今日獨食 食晤到甘多所以選擇左呢一間西餐廳 少東主試下先😆呢到牛餐選擇都幾多 意粉沙律飯都有價錢大概$50包熱飲 係正常餐廳價錢今日叫左B餐 Carbonara配溫泉蛋黎到既時候嚇左一跳 芝士多到好似座山甘🤣🤣🤣🤣 撈埋一齊食都晤算好滯 我都食得晒流心蛋處理得晤錯 蛋黃保持到岩岩熟既狀態意粉煮得偏硬 我自己覺得煮多三十秒會好啲下次來長洲都會想再黎😆

其實少店主真係我嘅午餐長期飯堂，向合理價格下少店主可以提供到比出面好食嘅西餐，其實相當喜出望外！今日我同朋友食左蝦芒果沙律同埋豬扒芝士蕃茄焗飯。凍檸茶不嬲唔係現家餐廳嘅強項，無咩茶味咁，就好似正宗西餐廳果隻凍檸茶咁囉。😂焗豬扒飯一碗上，同其他pasta 同risotto 一樣，現家餐廳俾芝士係唔會手軟嘅。有一堆Parmesan （如果無食錯） 向上面。廚士岩岩焗完即刻刨上去，芝味十足！不過塊豬扒有啲薄，係美中不足。蝦芒果沙律好好味！蝦肉彈牙，醬汁唔係好辣，但好香。芒果，洋蔥同菜嘅比例剛剛好！如果下次來長洲唔想再食海鮮，記得要黎試試！

眾所周知本局長近日於長洲公幹，但悠長工作，過後仍是工作，故此午飯時間要食好D，休息過後再度努力工作。是次與常秘到訪一西餐廳，只見餐廳由兩位外形相似之兄弟主理，兩人於開放式廚房背對背煮食時猶如倒影，常秘更一度疑惑：「後面係個人定鏡黎？」令人忍俊不禁。本局長柯打一忌廉汁蜆肉蟹肉飯，常秘身體保恙，只好來一客西柚橙沙律。忌廉汁為檸檬忌廉汁，香遠益清，非九流茶記杰撻撻食兩啖覺得漏之白汁可比。梘肉及蟹肉亦新鮮，為本局長誠意推介之選。常秘對沙律亦多有讚美之辭，無奈因工成疾，只好分一半予本局長品嚐。蔬菜水果鮮甜，分量充足，配上微酸既醋汁，為開胃醒神之選。總括而言，此餐廳午餐美味可口，價錢公道，為本局長推介之選。