尚品小廚

营业中

休息中

今次踩到這間餐廳，一試就中左彩😍！招牌炸子雞嚟講，脆皮香味撲鼻，咬落去肉嫩汁多，根本唔使沾醬就已經夠晒味，高手啊！椒鹽雞中翼又脆又香，真係滿足到哂愛呷嘢口嘅我。四川麻辣肉鬆四季豆就正喎👌🏼，辣得嚟唔黐口，又唔過敏，啖啖開胃。至於尚品小炒皇，咁豐富搭配，食落去真係爽口得黎有滋味。蠔仔煎蛋角同魚香茹子煲，如果你係莞西迷，可能會覺得啱口味。我啲朋友食住都讚口不絕。豆腐我就有啲嘆息😔，較期待中嗰種脆脆哋口感無跟到上貨，不過味道本身都算可以。西芹腰果雞丁就多咗D雞塊，腰果少少軟喎，不過西芹炒得惹味，都算過得去。食完感覺，呢間店就似街坊廚房，簡單無華但又暖籠籠的味道，美味得嚟舒心！🥢

螺絲五香肉丁通粉超好味蛋蛋芝士火腿好正好特別同好低42蚊有找我叫左凍檸樂同配左個多士好滿足既一天…本身配埋個奶油豬但我比較鍾意食多士多d特別推介大家可以去試吓物超所值

今日去完見客，早左放工🤣竟然趕得切下午茶時間食個靚飯當晚餐，返去早啲瞓都幾好🤪🛎 $44 星洲炒米覺得咖喱粉落得重手左😳咸左啲不過幾足料叉燒絲同埋蝦仁都比得好多下午茶來講，唔算細碟👍🏻芽菜爽口～唔錯啦🌐 環境/服務小型茶餐廳，座位唔算好多不過下午茶時段都幾多人上菜幾快手🙈係正常茶餐廳嘅服務～

成班朋友開餐到會，想飽肚的話呢間應該真係幾好選擇，首先講緊份量夠多，飯都俾足，真正的飯堂！招牌炸子雞其實佢本身都好入味，唔駛點醬料都好OK，份量都好夠多，必叫之選椒鹽雞中翼因為鍾意食香口野，基本上好唔好食，一試就知~ 呢間係脆口，我地係外賣送到上黎一樣係！少油炸得好脆口，呢個質素可以encore~四川麻辣肉鬆四季豆呢個我都係會再encore系列，先講佢炒得好入味，微辣，送飯係一流的，亦都唔會話好咸，食完停唔到口個隻！尚品小炒皇呢個同我平時食的有D唔同，佢係有蝦有豆有菜譜魷魚~味道送飯都OK的~蠔仔煎蛋角/魚香茹子煲由於係莞西的關係，我食左一口就停左手，不過鍾意食莞西的朋友表示唔錯~同一CONCEPT講魚香茹子煲，都係一樣，朋友們都話送飯一流~椒鹽豆腐呢個爭D，送到上黎之後無想像中咁脆口，有點兒失望~西芹腰果雞丁雞份量都多，不過腰果就唔夠脆口，可能外賣關係送到上黎係林左少少，西芹都入味~

炎熱的一天，下午茶時間，經過一間餐廳，叫做尚品小廚，決定食呢間。入到去睇吓個餐牌，好多嘢食，包羅萬有，最後決定食粟米肉粒飯。然之後再睇吓個餐牌，好多嘢飲，包羅萬有，最後決定飲凍檸茶走甜。粟米肉粒飯，佢裏面有粟米同埋肉粒同埋汁同埋返，啲粟米幾好食，肉粒又幾好食，啲汁又幾好食，啲飯都幾好食，整體來講幾好食。凍檸茶走甜，佢裏面有檸檬同埋茶，啲檸檬幾好味，啲茶都幾好味，整體來講幾好飲。價錢一啲都唔貴只係$42。

在一次又一次的不愉快經歷以後，小的對醫生都存在著心理障礙。這個年頭，醫者父母心再不屬實，醫者其實都好黑心。他們只希望你病，卻不要你死。最好是半死不活，讓醫生長劏長有⋯⋯無論是家庭醫生、門診專科，都是一丘之駱。雖然咱們不應以一竹篙打一船人，但就統計學而論，小的遇上一個醫生、兩個醫生、三個醫生，在全部的比例計算，他們都是蛇鼠一窩。自己就幾乎未有遇過一個真正的好醫生。骨子裡，小的對醫生產生了一種發自內心的厭惡，不明白在濟世為懷的表象以外，人類的自私貪婪竟可晉達如廝醜惡的地步。即使是牙醫，那些專門店裡的醫生亦都只記掛著賺錢，牙齒本來可救，卻主張拔掉再種牙。皆因前者功夫多，後者則刮得多。於是普通的洗牙檢查或許可勉強光顧住家區域的店子，若是真的有問題，老伴還是會回到他從小看大的牙科醫生。於是倆小口子山長水遠地跑到葵涌石蔭邨，出血地進行了牙科服務。錢囊所剩無幾，正好在石蔭這街坊平民區找家地道小店祭祭五臟廟。行過菜市場附近一帶的餐廳，在這老區食店都很貼地，終於咱們在一家叫「尚品小廚」的茶記停下來。「尚品小廚」是家地道的茶餐廳，食堂內置滿圓桌與圓凳子，這樣的設計能容納最多的人流，而圓桌之上有一塊玻璃，點

店舖大装修後再次光顧，42蚊1個午市套餐連飲品及例湯，價錢十分親民，性價比相當高，焗類及抄類保持原有水準，美中不足之處係店面小，座位之間的距離十分小，希望店方改善

每次去到門口 ，都見到太多人 唔敢入去， 今日竟然大把位 一入到去，選擇困難症發作， 個服務員問咗兩次落單 最後 揀咗個燒汁鰻魚炒飯 加凍檸茶 抵食下午茶42蚊， 等咗十幾分鐘 炒好出嚟賣相好正， 每粒飯都有包住蛋漿用個匙羹仔 每筆一啖都有鰻魚及瓜粒 份量唔少，好多醬汁好味，雖然炒得好均勻 ，但係一啲都唔乾， 份量應該有兩大碗飯， 如果唔好食一定食唔曬 但係最尾清曬個碟，非常滿足

起石蔭夜晚比較人多的分別有尚品同新金豐。而好耐冇食過炒野嘅我選擇咗尚品。一來抵食，二來好品。宵夜時段冇咩人，霸咗卡位黎坐，平時人多要搭枱就好逼。晚巿係老闆自己下廚所以好食好多。 而過咗九點半又有宵夜時段$41碟頭飯，有湯有野飲。於是我叫左星洲炒米。料方面就例牌果啲：有蛋，大蝦，叉燒，火腿，芽菜，蔥，同米粉。但係冇韮黃。炒功不容置疑，好乾身，夠味唔太咸同均勻。蝦值得一提，因為鮮蝦唔鮮炒出黎會有阿摩尼亞味，但係冇呢回事，爽口。今次呢碟好辣，好耐冇食過咁辣嘅星米。以價錢黎講係滿分嘅！

今晚食飯，吾知食咩好，求其落女朋友屋企樓下食啲野算，無咩特別期望。😂😂點知去到間叫尚品既茶餐廳，竟然要排隊，但女朋友話好想食，好好味，所以都照等位。等左15-20分鍾，有位了，可以入去涼冷氣啦😂😂佢地個餐牌寫得好靚，貼左出黎，好清楚。女朋友話日日都吾同，跟住諗左一陣，決定叫D餐。我地選左沙姜雞同節瓜粉絲蝦米煲，跟餐重有兩杯野飲。上菜啦，個沙姜雞好靚喎，雞肉鮮嫩，沙姜醬又好味，估吾到佢咁好味，驚喜驚喜，吾怪得咁多人食。個粉絲煲都好好味，好足料，餸飯一流。我食左兩碗飯😂😂如果大家都想食到咁好味既港式小菜，可以去試下，平靚正👍🏻👍🏻👍🏻

午飯時間，間間食肆都好多人，呢日本身諗住食另一間茶餐廳嘅，點知多人到等咗15分鐘前面都仲有4,5張枱，就決定離場再睇下附近有咩食，點知見到尚品，呢間茶餐廳我地從來冇食過，睇過門外餐牌幾啱食，價錢又抵！仲要店員話等一張枱就得，我地即管試下。點餐前望下隔離左右食緊咩先，見碗清湯蘿蔔牛腩41蚊咁大碗，我都即刻決定叫。⭐️清湯蘿蔔牛腩飯 HKD$41清湯清甜，白蘿蔔煮得夠腍，無渣，最估唔到係牛腩份量都唔少，肉質鬆化，入味。⭐️乾炒黑椒牛柳絲意粉 HKD$41意粉上色均勻，炒得乾身有鑊氣，黑椒味濃，牛柳絲腍身，同事覺得略嫌偏咸，但我覺得味道啱啱好。⭐️例湯午餐仲有例湯送。⭐️凍奶茶 味道一般，太多奶，茶味不足。📝就算午市時段忙到七彩，店員姐姐依然輕鬆，同客人有講有笑，手腳亦都好快。不過餐具唔太乾淨，食前記得先自行清潔一下。

尚品小廚已經不知不覺成為左我同屋企人既飯堂係屋企冇飯開既時間90%都會黎呢度食因為呢度既小菜真係又平又好食, 不過而家都越食越貴啦每晚呢度都會有小菜孖寶, 間中會有d平時餐牌上冇既野但其他基本上都會有齊,  孖寶既價錢比散叫平少少我同媽咪最後揀左C餐, 瑤柱肉鬆蒸水蛋併黃金翡翠大蝦球係相機未食之前媽咪已經忍唔住落左手, 最後比我叫停左比我影左相先個人覺得呢度既蒸水蛋好好食, 用料十足平時人地果D瑤柱蒸水蛋得個面有少少瑤柱絲, 呢度絕對唔係你係個面係完全見唔到有瑤柱絲, 因為佢係哂裡面有相為証呀, 而且成個蒸水蛋都有好多瑤柱絲D蛋蒸得岩岩好, 唔會太老, 又唔會太稀呢味黃金翡翠大蝦球第一見次咋, 咸蛋黃既愛好者一定唔可以錯過呀蝦球大概有7-8粒, 另外配左翠肉瓜, 炸粉好薄, 食落去脆卜卜, 蛋黃味好香, 我覺得翠肉瓜好味過個蝦添呀兩個小菜連埋例湯都只係$138, 可以加錢配飲品咁高水準既茶記真係唔係度度有呀!慳錢攻略: 下午茶或者宵夜套餐都會有D小菜會出現既菜式, 只係份量有少少唔同, 但我食過蒸水蛋份量係一模一樣架, 好抵食!!

呢區嘅茶餐廳好多，但好食既真係冇乜幾間，呢間尚品小廚係呢一區唔算歷史悠久，但呢一間已經不知不覺成為左我冇飯開既時候既飯堂今日黎食下午茶，太多選擇有選擇困難症見到隔離食蝦仁炒蛋飯好吸引，搞到我都叫埋一份呢個蝦仁炒蛋好好味，首先，蝦大大隻，食落去有蝦味，而且最少有6-7隻蝦，$38咋，夜晚食貴好多，但份量都係差唔多架咋！跟住就係個蛋，佢係炒滑蛋，有少少半生熟，食落去好滑，調味都調好好跟住就要講下飲品，呢度既好立克同阿華田好好味，係因為佢唔會好似某d茶記落勁少粉，杯野啖到水咁要你加糖調味，呢杯野絕對唔需要加糖，所以$38係物超所值

早排係石陰果頭做野,晏就係街市果邊搵野食醫肚,經過呢間尚品小廚門口已經排晒隊。等左10分鐘左右,叫左個XO醬干抄豬扒河,份量好大,豬扒都有好多塊,XO醬好入味,抄得夠乾身非常好味。加飲品都係41蚊。下次會再黎試其他。

每次在葵涌打磚坪街見完客，都會去幫襯那間隱世餐廳小廚吃晚飯。點解說是隱世，因為石蔭石梨，大都是屋邨，或是舊式唐樓，生活指數比荃灣葵方都偏低，好食的餐廳更寥寥可數。尚品小廚位置在石蔭路附近，斜對面是裕滿人家。推介餐牌 - 今晚孖寶，價錢非常經濟實惠，花款也很多。今天好想吃它的招牌菜，七味黃金豆腐，所以不叫套餐了，也另外點了薑蔥霸王雞。七味黃金豆腐，好吃在它是新鮮炸起，外脆內嫩，豆腐好滑，滑到好像吃緊豆腐花甘滑。配了七味粉，好惹味，簡直系絕配。好有大排檔的鑊氣風味。薑蔥霸王雞肉質嫩滑，最重要是已經熟透，雞肉沒有帶點血水，師傅烹調得非常準確。豉油好鮮味，並且雞肉上芫茜蔥花非常好吃，不吃你會起走寶的。其實尚品小廚還有好多好吃的小菜，例如椒鹽九肚魚，紅燒炸子雞，水煮牛肉，都超水準之作。加上服務員，招待得非常細心體貼，令你吃得非常愉快舒服。