尚樓餐廳 (已結業)

午餐試新嘢，選左呢間尚樓餐廳。顧名思義，堂食要上一樓。地方不大，坐位較狹窄。菜單簡單，款式不算多，基本上就是碟頭飯。選了海南雞飯同叉燒滑蛋蝦仁飯。雞勁肥，黃皮肥厚，似龍崗雞或三黃雞，黃色脂肪一舊舊咁不太開胃，去皮後入口感覺似白烚雞肉，淡而無味，最弊係豉油醬汁都一樣淡口。滑蛋同叉燒同樣味道寡淡，也許是標榜無味精的關係。感覺就似強調飲食要健康，煮餸唔落味嘅阿媽的住家出品。唯有不斷催眠自己呢餐食得好健康。

今次第4次過嚟食飯，又有新菜式叫咗個海陸雙拼炒蛋飯(叉燒，海老，蔥油，滑蛋飯），好好味😋(註:我唔係專業食評，諗唔到咁多形容詞😅)另外叫咗吉列豬扒蛋包飯，豬扒炸得好鬆脆支持你哋💪🏽支持本地少店用心經營

昨日外賣自取，食物味道唔錯，但係蒜蓉炒時菜就非常之伏，$40只得幾條，打電話去反應：職員竟然表示套餐只需$25份量一樣，我表示想食多啲先會叫$40嘅蒜蓉炒時菜但係竟然$40嘅蒜蓉炒時菜同$25嘅份量一樣，職員話係。十分之伏！

一個人想食個快飯中環呢啲甲級寫字樓地段想搵平靚正嘅嘢食真係少啲🧐經過呢間茶餐廳下層外賣 上層堂食門面雖然唔大 但感覺乾淨企理見到價錢都唔算太貴一於試吓新嘢🤓呢個餐廳主要做午市以港式飯餐為主都算幾多選擇大多數飯都係$70有找💰係中環區嚟講都算係咁蜜汁叉燒滑蛋飯個賣相好吸引！個滑蛋炒得好夠滑嫩得嚟又不失蛋香不過就覺得油咗啲🤔食完碗底都有啲油叉燒嘅份量都唔少以瘦叉燒為主神奇在佢嘅瘦叉又唔會令你覺得好柴食落好軟腍 唔會感到好膩！💯仲加咗啲蔥一齊炒蛋重點係個秘製豉油汁‼️甜甜地唔會死鹹🤤撈飯一流！今次叫咗少飯但飯量都算幾多！我諗正常飯應該好夠食🤰🏻

其實中環都有好多抵食嘅小店👍🏻最岩就係自己一個人去食個快飯🍚之後再去散個步🚶‍♀️一個鐘就岩岩好😉餐廳環境都幾細下層做外賣，上層就堂食，唔會預大家坐係到慢慢吹水😂秘製蔥油雞扒煎蛋飯🐤🍳($60)見到圖片都幾靚仔所以就叫咗嚟試吓😛由於係即叫即整關係所以都等咗一陣，上枱時候雞扒超級熱辣辣係啱啱煎好嘅，同埋雞扒🐤係好大塊而且河口食落都好多肉汁😆唔會話煎到乾爭爭咁👍🏻個碗好靚😂但係我覺得飯嘅份量可以再多啲🍚因為我食晒啲飯嗰雞扒都未食完😂推薦？🟡🟡🟡🟡⚪️中環快靚正之選，唯一唔好就係疫情之下都係需要同人搭枱🥲跟住我見到有面向牆壁嘅單人座😌我就轉左位了

蜜汁叉燒滑蛋飯想喺中環搵貌似普通但好味嘅快餐，其實都幾難搵咁啱見到呢間餐廳就叫咗個蜜汁叉燒滑蛋飯試試，啲滑蛋真係好滑，店員好貼心，因為我晏咗過去拎，佢放喺保溫袋度，等我黎到再拎出嚟，讚

📍 尚樓餐廳 中環威靈頓街97號地下I號舖.🤤海陸雙併滑蛋飯(叉燒併海老王子)💰$68(w/ drinks).之前已經食過佢啲外賣覺得不過不失蛋幾滑成日都唔記得佢叫咩名 同啲同事提起 都會叫佢 賣蛋包飯個間但其實佢啲外賣蛋包飯只係將隻炒滑蛋pat喺啲飯上面 唔係日式嗰種真係包住啲飯.本來我係想食四季常餐 但晏咗放飯去到實等到2047但又想食叉蛋 就決定轉戰尚樓#喺整理食物相嘅過程#發現咗自己原來係蛋控.堂食個樣靚仔好多唔係淨係打卡嗰樣靚啲 你想食佢嘅慾望係會大啲#我講緊食物蛋依然滑 我覺得呢間算整得好食叉燒普通正常 唔算好香 偏瘦蝦爽口 typical冰鮮蝦仁口感個汁甜甜地 係嗰啲用黎送飯你會食得晒成碗飯嘅汁.覺得堂食抵過外賣 雖然外賣平少少 但擺盤都值錢呀 外賣就真係好頹一個叉蛋飯咁囉

雖然中環好多餐廳食肆不過要平靚正得嚟環境企理嘅選擇唔多今日經過發現依間新開餐廳位於樓上一樓坐得幾舒服而價錢合理試咗蜜汁叉燒滑蛋飯滑蛋炒得好靚叉燒跟秘製豉油都好好味已bookmark會再嚟幫襯

去開上環做完野，想食個快飯，就黎尚樓上下。由於是下午3點，上到去得我一個人進餐，可以慢慢坐，叫左個雞扒煎蛋飯，多汁雞扒煎得香脆，不過冷氣比較凍，可能因為無人所以會凍d。下午茶選擇不多，所以決定食番碟頭飯，都十分抵食！

過去幾個月， 幾乎日日都work from home， 開會都用zoom。 完全冇機會返個公司， 呢個禮拜開始公司要我一個禮拜至少返三日。 見返班同事好開心， 可以一齊 happy hour and 食吓晏。最近同事經常去 威靈頓街 尚樓。呢間餐廳我之前都食過， 亦都寫過。佢哋嘅午餐的確係唔錯又抵食， 服務又好。 咁耐冇去， 今次發現佢哋又有新搞作！小菜午餐小菜午餐佢哋基本上成日都唔同！今日嘅小菜係咖哩雞。一份小菜午餐基本上包 ：一個主食， 一份菜， 白飯， 嘢飲！佢哋嘅主食咖哩雞， 香滑 惹味， 少少辣， 食得出黃薑粉嘅香味！ 值得一 赞就係 雞肉嫩滑， 完全唔鞋口！ 一食就覺得新鮮煮出嚟，唔係煮埋一大煲慢慢分。佢嘅菜 放得好有心思， 杞子好香甜！呢間餐廳, 中午嘅時間 好多人幫襯, 個個同事都嗌正，果然係實至名歸。

Lunch time 想搵平靚正快飯食，所以就試下呢間。門面唔大，但原來樓上有得坐。都ok 多枱，似茶餐廳隔局。有趣係窗邊一排望窗自閉位🤣 個冷氣劇凍，怕凍嘅記住帶多件褸。俾佢啲滑蛋類飯吸引，所以同同事叫咗蜜汁叉燒滑蛋飯，同海陸雙拼炒蛋飯。個飯都幾大碗，蛋好滑叉燒味道不錯！啲秘製豉油好好味（知道叫廚房落多啲🤣）。價錢實惠，唔錯👍🏻

尋日係農曆新年假期前最後一天上班日， 梗係唔會work from home. 返下公司，晏晝出去食下飯. 我哋平日好鍾意幫襯呢一間餐廳(尚樓)買外賣. 佢哋嘅手撕雞同埋海南雞 一定要早啲落單否則好快賣曬。平時我哋都係一早叫定 然後落嚟攞外賣嘅，貪佢味道好，服務周到。今日特登來堂食因為好似有新嘢。尚樓小菜餐佢哋嘅小菜餐日日唔同今日係1)沙薑雞或者係2)惹味醬爆雞球佢哋個小菜餐係跟(一味主餸 )（一份杞子浸時蔬）同埋熱飲 ＆白飯or 雞汁飯我叫咗2）惹味醬爆雞球一上碟我同事都嘩一聲。碟菜擺到成隻花咁，好靚仔又唔會煮個龍。醬爆雞球嘅煮食簡直係冇得頂， 雞嫩滑好味， 個醬汁簡直係無敵。 碟雞上面仲有紅椒黃椒。 食落好新鮮嘅感覺。老實講喺中環 六十幾蚊 有咁高質嘅嘢食簡直係無敵。值得一讚係佢哋嘅服務員好有禮貌， 又誠懇。上次突然落大雨, 我刚刚嚟攞外賣. 服務員仲借把遮畀我。 當然第日我有還遮比尚樓啦。

中環食lunch貴，係個個都知嘅事實。但係呢一間舖頭，價錢一啲都唔貴，而且價錢同質素可以接受。雖然價錢係平，但係佢一啲都唔馬虎，食物嘅質素令人有意外驚喜。我今次去食嘅係椒鹽排骨飯，一碟椒鹽排骨飯嘅靈魂係在於佢嘅椒鹽係咪夠入味，呢一碟椒鹽排骨飯嘅椒鹽味， 10分重，對於我呢一個鍾意食蒜味，或者濃味嘅人，可謂天造之合。而且佢嘅豬扒，好鬆軟，一啲梳打粉或者鬆肉粉嘅味都無，相信真係靠師傅自己人手將豬肉打淋，而且呢間舖頭嘅餐牌，每日都會更新，所以日日嚟食都唔會覺得悶。

阿哥都推介🙋- 蜜汁叉燒雙拼海老王子滑蛋飯 $ 65滑蛋好滑 蝦仁爽口 叉燒好淋 豉油同蔥油都好香 撈飯一流 價錢仲包熱飲 叫左杯熱菜蜜 冬天飲暖番哂 呢個價錢嘅午餐係中環食真係值得再幫襯Overall 推介指數：4/5唔洗等位又抵食 間餐廳仲要係新開 大家如果係中環番工都可以去試下

平時番工同同事食飯 佢地好鍾意去呢間食🤣🤣咁我都跟大隊 食第三次了不過個人覺得一般般 因為幾重口味 太咸了🤣 但份量係好大是真的 食到飽飽🤣 呢間餐廳員工個個都好好 有次我哋想試手撕雞海南雞不過賣晒 但之後食到一半有番 free俾左我哋試😻😋😋秘製蔥油豬扒煎蛋飯 （$60）整體不錯 不過蔥油有啲太油膩 太多油 招牌手撕雞飯 （$60）青瓜配搭幾好 幾fresh 香香麻油味但都係手撕雞太鹹了 不過份量真係超多超多 如果調味少d 會好d椒鹽豬扒飯 （$65）呢個應該係暫時食過最好食的 😃😃 味道適中 香口照燒雞扒飯包飯 （$68）賣相好 不過大家都覺得個汁太多了有點太甜太濃味 有少少唔知點樣形容嘅茶香味 不過個人不太喜歡😿