尚香 (已結業)

TVB介紹完呢間大大湯包 當然要立即黎食睇有何特別此店只有外賣 堂食便要企在門外食但小籠包又熱 食時又不方便 建議都係外賣去附近公園坐底食有家庭裝可以回家慢慢品嚐蟹黃湯包需時15分鐘 比罰站時間都久 湯包一到手 拎竹籤吉開 用飲筒飲 小心非常熱 要注意必須飲灑才吃皮 否則....倒到成手都係皮有些小厚 湯很鮮甜 入邊有蟹膏 不好的是蟹肉同豬肉是散的分開的另外有些蟹殼 不適宜老人同小孩食 糯米燒賣燒賣皮用小籠包皮整是特別 但皮厚 糯米較濕不是想像中的好吃

一聽到有巨型湯包 肥仔已經話要試 咁啱尋日係旺角 就專登走去廣華街試下去到見到冇人排隊 個個哥哥仔話要等15 分鐘 見到佢話係即叫即蒸 等耐小小都可以接受行左附近幾間舖再返黎 已經見有人潮聚集等食 但係我地後要嘅number 都有得攞 問返收銀個女仔 佢啋都唔啋下我地 目無表情 淨係掛住玩電話 同隔離舖個舖名一樣樣 (如果你唔知隔離舖叫咩名 最尾開估) 結果個個哥哥仔先話睇漏單 結果等足25分鐘先拎個湯包 食呢啲湯包野會落薑絲吊下味 外面個盒冇晒 問返個哥哥仔叫佢refill 答案竟然係"用晒就冇架啦" 心諗咁夜晚黎嘅食客咪唔使用??!湯包啲湯尚算濃郁 但唔算好多湯 而且啲皮都幾厚 料都算幾少$45 食一隻湯包 呢個其實係比較出名嘅酒樓收緊嘅價錢 但起碼我唔使立食 起碼唔使睇人面色 起碼唔使要乜冇乜如果你係尚香老闆睇到呢篇食評 我諗你要諗下點樣可以motivate 到你嘅員工啦PS.隔離舖叫"好x串" (x 字op

見呢個野賣曬廣告仲以為有返甘上下，原來都只不過系虛有其表，食到一肚火!首先，態度差到一個點，女收銀愛理不理甘既樣，坐系到乜都唔做，由啲客慢慢等; 男果個就一臉不屑甘夾包，仲發啲客脾氣。等餐死先有得食，可惜，$45蚊換黎一個細細個而又無乜餡既所謂蟹黃湯包，包裡面有一小舊肉，而且無咩味，然而肉湯偏淡，無咩鮮味，唔加醋食真系好淡口，甘就盛惠$45蚊，認真(神奇)的包子，(神奇)的服務態度，唔明點解會有人讚好。

好耐都冇行旺角喇，今日去兆萬買完野之後，就行下附近睇下有咩食～竟然比我見到有湯包食！！之前上海食過就好中意，希望返上海再食，點知依家香港都有luuuu!雖然有好多人排隊，不過都想試下，所以就一於排一陣，好彩都算排得快！好快到我！間鋪唔算好大，只有兩個人，鋪內有大大個蒸爐～我同朋友一人叫左一個蟹黃湯包～大大個湯包用紙盒裝住，所以唔洗拍拎上手會燙親。旁邊可以隨便自行拎竹籤同飲管，亦有醋提供比大家加。食法好簡單，就係用飲管戳穿湯包塊皮！不過唔知係咪我揀錯位置，d 湯好快瀉出來 >< 湯汁很多，我即刻用飲管吸，豬肉味唔算好出，不過湯味比較濃～飲到咁上下，就用竹籤整穿塊皮，食入面d 肉，內裡有唔少一粒粒蟹黃，質素 ok，不過價錢$45 有點貴！

平時好少黎旺角既我，今日終於為咗我最鍾意食既小籠包慕名而來啦！黎到廣華街，真係大開眼界。呢到365日都好多嘢食，有最出名既肥姐小食店，媽咪雞蛋仔，仲有啲台灣珍珠奶茶呀，彩虹雪糕呀，麻辣牛雜呀等等，唔怪得之啲人咁鍾意黎呢到掃街啦！ 今次黎到尚香，座落於廣華街既街頭，人流比較少。店名寫著 “舌尖上的中國”，似乎幾有睇頭。 店舖細細咁，但就提供四款指定點心。難得黎到不得不試佢地 signature 既巨型湯包。 蟹皇湯包用個筲箕器皿裝住，手掌size，好大個，好可愛。我好欣賞佢超多湯喔！我用飲管飲咗一啖，ummm… 覺得有少少腥，所以建議加啲醋食。個外皮幾薄，用竹籤戳穿會見到蛋黃色既蟹黃，一絲絲既蟹肉，但比例上就細啲。 哇！好熱呀！影完未呀？兩款小籠包都用紙兜裝住，所以佢話好熱… 嘿嘿。 蟹黃小籠包頭頂上面有橙色既蟹膏，好容易分辨到佢地同鮮肉小籠包既分別。兩款小籠包個摺口位好厚，但我鍾意，哈哈！ 每隻小籠包都有湯，嫩嫩的，味道上就差不多，但心裡上總覺得前者好食啲。 佢仲有糯米燒賣架。但我地唔食糯米，所以就無試到嚕

如果行行吓街覺得肚餓會叫啲咩小食？有時就食下西餐薯條漢堡包，但係最近有一間新開嘅小籠包店舖好似幾吸引，所以就同朋友一路飲珍珠奶茶一路食小籠包。每人食一個蟹黃湯包$45，大大隻裏面湯汁都好多，淨係吸住湯汁都需要唔少時間，鮮味滿載實在吸引。不過飲嘅時候都要小心啲，因為一開始出嚟嘅時候好燙！裏面仲有少少蟹肉可以食，呢個價錢間中食下都得嘅。 之後仲叫埋蟹粉小籠包同埋鮮肉小籠包，兩者都幾唔錯，裏面啲湯汁爆曬出嚟好好味。個外皮都可以話係皮薄餡靚，裏面肉有肥有瘦，蟹黃小籠包就有埋蟹黃，不過味道唔夠出。所以其實兩款味道相差不太遠。鮮肉小籠包 蟹粉小籠包 尚香地址 旺角廣華街1號仁安大廈地下G1B號舖

那年在上海，豫園裡有條很長很長的人龍，我們卻毫不猶疑地走到隊尾，加入排隊大軍，為的是個巨型湯包。湯包來到香港，貴了幾倍，為了再次回味，就花一點錢吧。小店只有兩個人，內有大大個蒸爐，店員友善又有禮，即使獲告知要等20分鐘，等水滾去蒸湯包，也樂意等。蟹黃湯包湯包出爐，逐個號碼叫。終於等到。大大個湯包用紙盒裝著，拿上手不會燙。自行取竹籤和飲管，喜歡的話可以加點醋。用飲管戳穿湯包的皮，可能是我太暴力的關係，也可能是選錯位置，湯迅即瀉出來。證明其多汁，興奮度彌補浪費了少少的可惜。湯汁很多，大口大口地吸，不過沒有想像中般濃，豬肉味亦不算出。用竹籤把皮弄穿，看看內裡，探個究竟。有不少一粒粒蟹黃，勉強夠鮮，餡卻少得可憐，跟小籠包餡差不多大小。皮不厚但太腍，似在口裡溶化的口感有點古怪。質素普通，份量亦麻麻。扁扁的湯包，三兩口便吃光，跟上海的大大隻，多湯多餡完全兩回事。鮮肉小籠包另外買了每款兩份小籠包外賣，回家讓大家試試。貪吃的我，先即場趁熱偷吃一隻。小籠包下面有湯，卻似乎是額外加的，不是穿了。明明是新鮮出爐，咬下去爆出的汁卻只算暖，不會燙傷，不怕在街頭吃得狼狽，卻沒有了小籠包熱呼呼的特色。皮不算厚，但偏

舌尖上的美食，慕名而來，當然要點佢地既招牌菜「蟹黃湯包」！即叫即蒸，要等一陣都幾大隻，啲湯飛曬出黎。其實佢幾貼心，比支特製佢飲管竹籤我食。但係食既時候真係冇從入手，用飲管飲湯果時辣親咀，之後啲湯流到我成手都係！皮厚個我面皮，唔好食！裏面啲蟹肉有蟹殼，有蟹黃，不過份量唔多！湯係幾好味食得好輪盡，味道ok，試下好了，冇下次！

哇, 神奇的包子呀 !!! 今次竟然係我老公好想試下神奇的包子有幾神奇, 所以我就帶佢黎試下神奇的包子既威力啦!小小的鋪仔, 出面都係圍住食客, 好多人排隊啊難得黎到, 當然叫多幾樣野試下啦~ 叫左一客小龍包同埋2個湯包 先先黎左小龍包, 門口有ginger & vinegar 比客人自己調味, 好細心小龍包, 皮薄, 多汁, 肉汁香濃 ! 好食 !!! 至於湯包....好大個, 入面又多蟹肉, 等左15分鐘先有, 因為係蟹皇湯, 所以有小小腥, 建意加多小小醋同薑絲 ! 但...街頭小食黎講, 算係好好quality ! 以後突然想食小龍包, 終於有多個選擇啦

人多車多嘅旺角，夏天真係唔駛旨意我A姐過嚟呀！不過，嚟到冬天，就算都係咁迫人，但至少唔會熱到人想發脾氣先啦！之但係呢，約食飯就總有人遲到，好似我A姐咁又靚又守時，早到又肚餓點算好？不如去走到登打士街同廣華街一帶食少少小食啦！魚蛋？燒賣？牛什？臭豆腐？通通NO WAY！呢間打正『舌尖上的中國』旗號嘅尚香，好似好架勢咁！等我哋都排吓隊試試先！呢度選擇唔多，除咗唔會令你花多眼亂，店長仲可以做好每樣食物嘅品質：蟹皇湯包、蟹黃小籠包、鮮肉小籠包同糯米燒賣。蟹皇湯包($45 - 1個)好似我哋呢啲咁高貴大方又有儀態嘅女仔，望住成隻手咁大嘅蟹皇湯包...放心！企喺條街食都唔會狼狽㗎！首先你要用特製嘅竹簽啜咗入面嘅湯先，呢個湯好濃好濃嘅蟹味呀，勁鮮甜，加上喺呢個凍冰冰嘅環境下食呢個超多湯汁嘅蟹皇湯包，真係好溫暖呀！而湯包入面真材實料架，真係有蟹肉蟹羔同蟹粉㗎！記住，我A姐話嘅，盡量唔好落醋，或落少啲醋會更正呀！蟹黃小籠包($45 - 5個)真係皮薄餡靚呀！小小嘅包子但都無偷工減料，好鮮甜嘅蟹肉味，湯汁都係好香濃，一啖一隻至正呀 (不過小心熱喎) ！鮮肉小籠包($35 - 5個)雖然無咗蟹肉嗰種鮮甜，但

之前去咗南京一段時間，有啲掛住經常食嘅江蘇特色小籠包，香港有一間新開嘅原來都係內地品牌，一定有傳統風味！地址就偏僻少少，係登打士街廣華街嗰邊嘅大街，真係估唔到一間小籠包外賣店竟然可以上到餐廳排名榜⋯主打幾款小籠包，當日本身都想試吓糯米燒賣點知賣晒，好可惜。蟹黃湯包＄45@1等左一陣就有得食，裏面啲湯汁好有鮮味，又有蟹香。估唔到裏面啲湯汁可以咁多，用飲管飲都要飲一陣先飲完，比想像中好味得多。而且裏面仲有啲蟹肉，蟹黃當然唔少得，好有口感而且鮮味十足。蟹黃小籠包＄45@5個 鮮肉小籠包＄35@5個 我就覺得兩者分別不大，上面嘅蟹黃其實味道唔算濃郁，比較清淡。蟹黃小籠包裏面嘅肉好似包含咗少少蟹黃，所以味道就雜小小，同樣係唔錯嘅選擇。反而鮮肉小籠包好似更加清新，裏面就係普通嘅肉，小小肥好有彈性。

今日同屋企人出旺角掃街 ，其中一樣就係傳聞中嘅蟹黃湯包，四十五蚊個，一D 都唔平，不過諗住點都試一次冇所謂啦， 去到話要等十五分鐘， 滿心期待，湯包蒸好， 又唔係好大個，只係畀普通小籠包大一倍多D ，熱辣辣 ，用飲管去啜一啖，伏，腥嘅， 咬開個皮仲伏， 裏面有幾粒蟹膏 ，有一粒唔知係咪蟹肉嘅白色肉，同埋一粒深色嘅肉， 細粒過粒骰 ，我都食唔出係乜， 好難食又腥又鞋 ， 個包幾乎係空嘅(除咗D湯)， 四十幾蚊我去買碗燉湯飲好過， 結果， 我係食唔曬 掉咗嘅！ 我建議佢設計一款巨型小籠包裏面係豬肉，會好好多！

同Mr C響旺角掃街，見到呢間小店，好特別，大大嗰蟹黃湯包，即刻叫咗一個黎試下！錢都未收好，湯包已經ready。響佢個櫃檯嗰位有已經剪短咗既飲筒，我哋就開動啦！一吉落去，啲汁開始湧出黎。唔小心漏落件衫到。佢連紙巾都冇。唔緊要。嗰湯又真係幾好味！又飲到好足料，有蟹黃又有蟹肉！真係唔錯！但係。。。飲完咁又應該點食呢？我哋攞咗兩支竹籤，撩起啲皮，撥入嘅嘴，但係，又漏汁，非常唔'eater friendly'。我諗，如果有張檯，或著有叉匙羹之類，我會enjoy 食呢個多啲。因為佢真係好味，皮薄餡足料。係差咗冇諗到人哋應該點樣去食啫。

兩個月前特地去找它，因為蟹黃湯包。蟹黃湯包，大只的蟹黃湯包，可能是我並不擅長找吃的，沒有在香港找到同款，只能每年去到內地，去到江蘇，去到靖江，才能吃到它。它來自靖江，來自我老婆的家鄉。這次過年去到靖江，街上真的看到了一家新的蟹黃湯包店，叫尚香。說回兩個月前特地去找它這事，兩個月前的幾天前，老婆突然告訴我有這麼一家店，油麻地旺角附近，路難找，我好奇她怎麼知道的，因為她更不擅長找吃的，事隔太久已經忘記她怎麼回答的我，不過我還是記得我怎麼找到這家店，怎麼下單拿了號，怎麼等了20多分鐘拿到我的兩個湯包，又怎麼因為想拍照，結果沒拿穩湯包而導致剛到手的它們瞬間脫離我的雙手，被地心引力帶走，橫屍路口。瞬間的心情是極其⋯⋯但是，好事壞事都有但是，這次是好事。店門口的老闆看到了我，可能也看到了我的心情，去店裡拿了僅存的幾個湯包裡的一個，遞給了我，免費！當時比較晚，湯包基本也只剩下最後幾個了，那一刻我真的是無比感動。現在寫起這個事，可能沒當時那麼大的感觸。既然是食評，還是回歸正題。裝修不錯，有些特色，舌尖味道下的一個小門面，顯示屏式的菜單，從外面等餐處可以一直望透店裏面的深邃，蒸包子的人兒忙的飛起。盛放包

蟹黃湯包 ($45)咁大個湯包感覺幾high😝一開始用飲管督入去飲左湯先💧個湯好夠熱🔥不過味道一般😶似係平時食雲呑麵個d湯咁💁🏻飲完湯就試食下個湯包啦，個皮又厚又硬👎🏻裡面d餡料好少，冇乜蟹黃，味道麻麻😕成個湯包好fail🤦🏻‍♀️不可一不可再🙅🏻