尚點 小籠包.上海麵館 (置富第一城) (已結業)

朋友介紹呢度啲上海菜幾多選擇又好味，今晚就來試一試啦，一入去見地方乾淨，配搭一些畫作在牆身做裝飾，採用木質以及暖色作主調，每枱之間有足夠空間，我們坐的卡位櫈身高度足夠摭擋鄰桌視線，完全做到高私穩，談心說事的好場所。坐下後店員熱心一邊為我們斟茶，一邊介紹店裡的招牌菜式，我們從中選了好幾樣特色點心，有酸辣湯、生煎包、小籠包、春卷、五香牛展、涼拌茄子、燻魚等。酸辣湯的湯料有荀、豬紅、冬菇、蛋絲、蔥粒和紅椒粒等，酸酸辣辣既味道先來刺激一下味蕾，然後熱辣辣既生煎包外面煎得香脆，裡面是充滿豬肉味的肉餡，食落讓人有飽足感。上海春卷裡面有冬菇、紹菜、紅蘿蔔絲，也是炸得脆脆的。小籠包外形飽滿，上枱時是充滿蒸氣熱辣辣的，吃時先將醋從小籠包頂部既窿倒入去，混合有豐滿湯汁的肉餡裡，然後一口咬落去時，湯汁、肉汁、醋同時傾瀉而出，鮮味十足。前菜可以單點或者有三款一碟的選擇，為咗試多幾款口味，我們叫左自選三款，有煙煙韌韌既五香牛展、鹵水和香料味道濃郁，還有香脆可口又入味既燻魚，涼拌茄子配上酸酸甜甜的醬汁也好好味。

今天再來尚點用膳，有點令人失望了，上次很好吃的擔擔麵，變成了鹹麻醬麵，感覺就是把吃腸粉的麻醬加入鹽水煮沸，再加麵，既膩又鹹，還有酸梅湯，其實我比較想喝用酸梅粉調的酸梅湯，這看起來像是涼茶舖賣的那種，幸好能換成豆漿，不然都不知道怎麼把它喝下去。雞絲粉皮還不錯，是雞絲粉皮該有的味道，不過不失。而那個酥炸餛飩，它是邊沿皮脆，中間皮軟，和我想像的不同，不知道是炸起來後放久了，還是本來就這樣？但還湊合。但擔擔麵真的令人太失望了。

放工之後想食上海菜，之前食過南x館普普通通，得返間尚點，之前未食過，膽粗粗去左試，又有d驚喜喎😜食物: 擔擔麵。味道麵質都可以，不過點解點解點解無"排骨擔擔麵" "排骨擔擔麵" "排骨擔擔麵"... 小籠包。一籠4粒，皮薄 夠汁，今次只係叫左一籠，下次要叫多籠先夠🤣🤤津白年糕。本身鐘意食年糕，對呢碟有d要求，味道同質地都好重要😎 急不及待飲啖湯先，味道適中，津白都夠入味，年糕質地正正就係我要的煙煙韌韌 正！但年糕可以再入味d服務：有位金毛職員見到我地縮下縮下，就主動同我地講風口位，呢個時間未坐滿，要唔要轉位，人不可以貌相，佢望落有d惡，但又好鬼死細心🥰職員上菜時都有提醒小心熱，可能見到我個猴擒樣🤣但到開始繁忙，想搵個職員要多對筷子有d難，舉左幾次手先得總結：整體食物 服務都不錯，價錢都合理下次想食上海菜會再去P. S. 掛住食唔記得影相😩下次要相機食先📸

以前呢間尚點真係好好，服務好，野食亦十分有質素，雖則唔算平，但物有所值。 最近幾個月開始，見佢地外場員工幾乎完全轉哂，宜家呢班由個領班開始到d 妹妹，全程一直打打鬥鬥，嘻嘻哈哈，笑聲幾乎大聲過場裡面既客人。D出品明顯差哂，網炸鍋貼由原來既乾身，脆皮內裡有肉汁，到宜家成碟都係有油，小籠包由原來皮薄而夾不穿，到宜家成籠4隻小籠包隻隻都痴住張紙，一夾就穿。今晚晚市叫咗個上海粗炒，鹹到不得了，食咗兩啖已經收咗皮。整個印象由物有所值，服務有禮，到宜家覺得超級嘥錢，成班外場員工自己打打鬥鬥，嘻嘻哈哈，全離譜係個領班帶頭玩，毫無專業。

抱歉，這家是可一不可再的食店。剛好要找午餐的地方，在第一城真的好易中伏。兩個人午餐，叫d基本上海菜必食的。點知都中招#招牌小籠包 說特價，限量幾多份，拎岀來4隻全部一滴湯都無，說特別用松茸餚的湯做餡料，只吃到鹹魚肉餅味。簡直做壞招牌！#涼菜拼盤 尚算可以。#紅油抄手 當作吃上海菜肉雲呑罷了！#黃魚湯麵 有湯、有魚、有麵。。大家應該明白。#紅糖糍粑 奇怪的口感，好軟。。黏牙。。。無野好講，重點食咗HK$300~~好伏

今日去第一城食下午茶，朋友選了尚点，夠哂方便，由地鐵站行入第一城，一入商塲上一層就見到。叫下午茶餐有8折。3選1開胃菜，幾个主菜揀，加一杯飲品，睇落唔錯。我們叫了2个餐，小食麻辣大豆芽和糖醋青瓜，大豆芽味道一般，只有辣味，唔夠麻。至於糖醋青瓜就非常失望，只有非常甜，完全冇酸味，青瓜亦唔爽口😥主菜揀津白肉絲湯年糕，淡淡的湯底，肉絲少少，真是很一般的湯年糕😅，至於菜肉餛飩麵，比較好些，有4粒餛飩，粒粒飽滿，麵條還好啦。我們用優惠價叫多兩個小食，分別係春卷和鍋貼，雖然春卷唔算炸得脆口，但總算唔油膩 ，12蚊兩條算唔錯啦，鍋貼一樣，包得飽滿，都食得過。我叫多個招牌小籠包，係侍應大力推薦，話又抵食又好食。 佢哋嘅小籠買点皮薄餡靚多汁，一籠4個，咬開有湯汁有肉味，但皮不算薄，特價40蚊，不過不失啦。三人食，每人平均唔使$60，環境闊落，整潔，清靜，坐低飲個下午茶傾下偈，不過不失，但係都有好多其他選擇。

因為男朋友喺附近學完車，我又想食上海野，就過左黎食。先講一講環境先，入到去，俾我想像中細，不過算係乾淨整齊。見到個餐牌嘅選擇都好多，但因為我同男朋友都想食麵，所以我地叫左開揚葱油拌麵-我本身好鐘意食呢個麵，平時出面開嘅好香，但呢度一上菜嘅時候，無咩色水，我都知一定唔夠味，好在啲麵質唔淋，都叫做食得落雞絲麻醬拌麵-呢個男朋友食嘅，佢話無特別，對男士黎講，個麵嘅份量會偏細口水雞-份量又係好少。除左辣味，我食唔到有其他味紅油抄手-一般，好在有炸蒜搭夠酸梅湯-認真講，好難飲😖服務：全場有足夠嘅伙記，但識用電腦入單嘅好似得一個咁，可能其他仲係新人。我地叫左5樣野，落漏左兩樣，比例都算高。不過女職員都送返一杯酸梅湯俾我地以表謙意。雖然真係好難飲。收碟好快，我一放低筷子，就即刻有人黎收起。總括：唔係話難食，但返兜嘅機會好微，除非無其他選擇

今天打算一家三口去食飯，book咗張 6 30 嘅臺，遲咗十幾分鐘就畀咗人。佢果度d職員態度極差，求其畀個張新飛我就算，但係其實我唔係冇留電話畀佢，如果我遲到佢可以打電話。之後食物等好耐仲要一般。其實咁都算喇。最大問題係, 佢勁想趕客走。仲要問我哋 “等咩啊？” ，“你想用錢畀定係咩啊？” “點解仲唔走既。我哋每人有畀5蚊同10% service charge 茶錢超級有問題。連個經理都係係咁係度hea住做。我唔知道我係去受氣定係去食飯！ 各位你地如果去既話千祈唔好係d特別旺嘅時候去, 唔係好似我咁，比人趕走就唔抵啦！

依家連鎖式嘅上海食店，其實之前都嚟過，我覺得都還可以，但係今日嚟到覺得真係極度差以後都唔會再黎! 同屋企人一齊食，我哋一行三人，等位大概等咗十五分鐘左右，唔算好耐。有座位嘅時候，店員竟然安排搭枱其實當時正有其他吉枱可以安排比我哋，但佢偏偏就要安排搭枱，十分奇怪好老實食呢啲餐廳，我從來未試過搭枱。 即係去南小館、翡翠拉麵小籠包咁，你幾時會見到搭枱呢?如果係搭枱，我不如食快餐店。你亦都唔好收我加一服務費 而且安排入座時，從來冇問過我哋介唔介意搭枱! 最重要係，入到店內亦唔見有其他枱係搭枱，真係莫名其妙我哋三個人搭枱搭另一個一人食客。搞到好似趕住嗰個食客走咁，但好明顯嗰個一位客人剛剛先開始食。 坐低店員仲同我哋講好快安排有問題都算，食物呢到超級難食!網燒鍋貼，唔止煎得唔香，咬落去個皮仲未熟，又厚又硬，勁難食雞扒擔擔麵麵正常，但係湯比較稀。 炸雞扒勁油，麻麻地。番茄鹹肉燴麵，味道正常，但係啲配料好似屋企食淨嗰啲配料咁，配翠玉瓜真係十分奇怪小籠包係比較正常嘅一味， 皮厚度適中而且熱辣辣，呢個唔錯。當一人食客埋單時，店員收取我哋其中一個嘅食具，連佢都覺得我哋唔係搭枱佢都十分奇怪，仲問我哋呢原來你哋

屋企人食過藍田果間覺得唔錯，黎到第一城見有就試下。但質素真係麻麻，食物偏油，個口水雞根本就係醉雞加D 辣椒油上去，一D都唔香唔麻。個炒飯個樣好似唔錯但食落油淋淋，同藍田果間差好遠。

離港前師兄請食飯，就附近係第一城食，見未食過就入咗黎。第一個上嘅係上海擔擔麵，撈兩撈，竟然見到頭髮，好嘔心，即刻叫店面換咗佢，但已經影響咗食飯心情。與其叫擔擔麵，不如叫花生醬撈麵，好齋，味道一般。認真，未食過咁難食的上海菜，所謂炸鱔糊，不如叫炸魚皮好過，幾乎未肉食，一就係但炸到乾到d肉晒水。而且顔色焦黑，見到都毫無食慾。成餐飯得個炸黃魚入到口，不功不過，but無心情影了已經。好地地一餐飯，食到如此尷尬，多得呢間鋪頭，都算勁。

tea time (2個人) 諗住入去食下野又唔係勁肚餓搵野食，明明裡面大把位，條4 眼龜係都要張人地塞入4人枱同人痴埋，第一張我指住隔嚟有BB 車頂住 話好逼喎有冇第二張， 跟住條友帶去拎一張仲pk, 個客有袋放咗係梳化則邊 就算坐落去人地都覺得唔舒服啦。 眼見一張枱係收銀機后面獨立 2 人枱 我即刻坐低冇理條友。 算啦開始點野食， 咁侍應放咗兩杯茶(係普通茶膽茶) 唔係酒樓果d什麼香片壽媚。 哈 ,點知張單打咗$4 一位茶錢。 有冇搞錯咁嘅爛鬼茶收$4 一位叫咗一換酸辣麵 同 魯肉菜飯。 個菜飯竟然仲遲個碗麵嚟(20 分鐘) 個菜飯只不過筆一碗菜飯 再係面放d預先整好嘅肉碎係面。樓面有成 7 個 人都好似做到爆晒咁 比人感覺極之唔舒服 😑哩間野真係不 L知所謂， 食物就算再有幾掂都係廢，第一個印象已經叫人以后唔洗再嚟兼且話晒比朋友聽千祈唔好去。 佢老闆真係要多謝 d伙記😆

之前在尚點食過担担面覺得好好食，難得放假就同屋企人再去食過一行四人試左唔少前菜同點心，再加每人一碗麵，食到捧捧肚豆漿唔甜ok雙松小籠包= 黑 松 露 + 松茸 : 黑白兩款味道,皮夠軟夠薄, 保留到入面嘅肉汁, 好甘香嘅黑松露, 兩個人每人兩粒都好夠, 因為味道比較濃會有(漏)嘅感覺!麻醬伴面 : 要襯熱食, 凍左會一舊舊好爛夾, 食擔擔面好似會抵dd細食的話建議麵可以share，食多幾個小食!埋單每人$100，依個價錢食到gum 好的水準我覺得超值! 以後想食上海菜一定會再黎

由在外邊等位時分座位嗰位男經理服務態度已經十分惡劣，時間仲有大半個鐘頭已經催促快啲埋單。入來比錢食飯，又要受男經理口面，入面四眼阿姐無禮貌催促。幫襯真無田無下次。

中午行過搵地方食午餐，，見呢間唔使排隊可以直接入去，一於試下午市套餐睇吓好唔好食先。個套餐都幾多嘢食，有一個前菜，有一個主菜，同埋嘢飲。一行兩人叫咗兩個套餐，前菜分別要咗涼拌粉皮同埋蒜香四季豆，蒜香四季豆係好香嘅好惹味，涼拌粉皮就淡左少少。主菜叫咗一個嫩雞煨面，同埋一個三鮮湯年糕，個麵幾好味，叫做鮮甜，但係菜多個雞。至於個湯年糕，有好濃郁嘅金華火腿味道，個湯底好好味，但係啲年糕都唔係好多。加咗$12叫咗一個鍋貼，正正常常冇咩特別。飲品叫咗杯凍酸梅湯，味道有少少怪，唔識形容。