嘗清魚蛋王

营业中

休息中

本身鍾意食粉麵, 但同區富X粉麵衛生麻麻加上態度惡劣, 唯有搵另一間食, 上OPENRICE搵到呢間小店, 因為剛剛大病初癒, 近呢個星期只想食comfort food魚蛋粉, 所以去了好幾次都係叫同一樣款式,整體都好滿意, 手打魚蛋, 自製辣椒油, 都令我胃口大開, 而且樓面態度良好, 此間粉麵當已入了我外賣名單!下次會再試其他款式!

行過見到新推出既咖哩油麵配雞或豬扒，就叫左個雞既試下。口感惹味值得一試。咖哩湯底配雞排都唔錯。下次試埋豬扒，之前食過四寶同三寶河，我諗之後可以配油麵再嘗試。 幾喜歡佢哋可以選擇咩湯底，食完又唔太咸😋有時連湯都飲曬🤣牛骨湯唔錯，唔洗加錢，可以試下。

每款配搭也要嘗試 用心經營店鋪👍😋最近由觀塘搬來九龍灣返工中午也是無什麼選擇所以只會到商場食個快餐。但同事說有一間粉面檔在樓下幾好食咁我就膽粗粗中午去嘗試。中午嘅時候店舖人流真係多😳叫外賣同入面係滿座。但等外賣都唔算等得耐😆我叫左鮮蝦雲吞米粉 同雞扒牛腩米線 我和同事食完喺連湯都飲埋 真心第一次食粉面係食到底 仲要食完唔口渴咁就肯定無味精🥰😋 之後幾日我也選擇到這間嘗清麵店🤣 😋價錢又唔貴 值得一讚👍 ☆仲有佢地辣椒油喺自己整食得辣既人試下 真心係好辣又好味🥵

外賣既性價比最高因為價錢會平過堂食 但食物質素就一啲都無變佢既雲吞真係好足料 有好多蝦 好鮮味仲每一粒都大大粒咁同有幾條菜心送外賣左兩次 水準都無變絕對係別有特色既麵鋪

見到公司附近有間小店係食魚蛋粉嘅就即管試下 魚蛋河好好食湯冇味精 良心小店~食完會掛住嘅魚蛋河 問過老闆 湯底係咪冇味精佢話係堅持真材實料淆湯 值得一讚👍🏻👍🏻 第日都會繼續幫襯 🤎

今日又黎到嘗清食野 ，因為唔食唔知點解會囉囉攣🤣 。平時食開佢地雲吞牛肚河牛腩麵，今日見到有個新野，蕃茄牛腩牛肚雙拼米線。我依個fans梗係要第一時間試下先啦🤪，試食完真係要比個讚 👍 食到連湯都冇埋。佢地原本個湯底已經好味今次仲要加埋蕃茄真係一試難忘❤️，之後同師傅講原來今次都係好彩先有，因為今日一推出就勁多人都試食依個蕃茄湯底 連早餐都賣哂。加上我鍾意他們個做法，湯唔會留第二日，即叫即做 👍👍夠晒新鮮。

有日同同事食lunch行過諗唔到食咩，之後見到呢間所以入去試下。鋪頭環境乾淨企理，夠哂衛生，職員態度都好友善，有禮貌，食物就蝦多士足料，夠脆，好食，會有回頭啊！

無意之中發現到一間麪食🍜小店，碌碌啲食評一致向好👍🏻，二話不說即刻坐低等食😋.座位唔多但叫外賣🥡嘅就源源不斷，主打「魚蛋王」反而無叫實屬失策，皆因食評推薦都係牛腩🐮+秘製不口渴湯底，結果絕無令人失望😏———————————————————————————🥢古法牛雜米🍜💬賣相確實超級掂，精彩在於每款都好有水準，草肚、牛膀、牛肺、牛沙瓜，新鮮嘅牛雜全部都恰到好處，紋理清晰可見，唔會炆到好腍，好有咬口，「古法」有別於柱侯同沙嗲汁煲到好濃烈嘅味道，仍然會帶點清新嘅感覺，仲奉送飲品，實在相當難得😋

因為食完個心囉囉攣，忍唔住要俾個好評 ，想推薦俾大家食依間粉麵店 ，不過我係第一次寫食評😅 ，唔太識寫唔好介意 ，但係我真係憑感覺而寫。依間嘗清既孜然雞扒河認真好味 不能不讚 😍 平時食開佢哋魚蛋河，魚蛋好味超彈牙加上佢哋骨湯配上，真係次次連湯飲清😋認真的 ，唔係講笑 ，未試過不防試一試個味道 ☺ 加上我會在一小時前叫定外買 ，因為佢地河粉到二至三點就買曬🤣😅真心認為D河粉好食 但第一次叫孜然雞扒河 無諗過咁香脆好味😋👍 我見到佢地有新加孜然豬扒，下次一定會試埋佢😍。

好近Megabox，好方便，餐廳環境好乾淨。我叫左個雲吞牛丸米線，雲吞超好食，皮薄餡靚，非常之足療，而家喺香港好難食到呀，牛丸肉味濃，一咬落去好juicyyyyy🤩Very convenience to my workplace, look forward to visit them again!!! Thank you so much for the service and nice food，用心經營的餐廳☺️

今日諗住入去買外賣，真係估唔到碗清湯牛腩米竟然可以咁好味！好有heart！其實之前食過佢啲魚蛋河呢已經覺得啲魚蛋好彈牙好好味㗎喇！今次真係好有驚喜呀啲清湯牛腩！一定會再嚟幫襯💕

同朋友行街經過，就入黎試下，揀咗個脆嫩雞扒湯米，河粉口感不錯，有韌性，最緊要個燙底好清，中意清淡口味嘅可以試下，辣椒油簡直係嗜辣之人嘅福音，真係好辣，好想偷辣椒油，仲有雲吞裡面嘅餡都幾足，蝦幾新鮮又大隻，牛筋丸真係好彈，仲會噴汁，不過值得一試嘅係有蝦嘅西多士，外表鬆脆，裡面好軟，食到中間就可以食到蝦，不過建議一出爐就食，我哋擺咗一陣先食，有小小凍咗，不過都不影響口感，回味無窮，第一次見到咁特別嘅。下次再試。

接近午飯時間開始周圍都係人，諗住買外賣返公司，經過呢間啱啱開，唔算多人就坐低咗試吓，估唔到有驚喜！叫咗個魚蛋撈麵，但係碗麵嚟到嘅時候發現多左一份牛腩放咗上面，佢同我講送給我試食，看看味道會否喜歡。魚蛋Q彈，麵底亦份量足，韌度適中，至於牛腩肥瘦適中,亦吸滿湯汁,入口夠軟淋，有驚喜！傾開計先知現在係試業階段，年底先正式開業，希望保持呢種水準同態度，一定生意興隆！ 第一次寫食評，因為老闆的態度非常有善，年青有為！佢仲推介雲吞，但係真係食唔落下次先試

係依邊附近反工 見到新開店差不多一個月 一直都只係經過無試 今日見有位就坐低試下 之後叫左其中一樣推薦的鮮蝦雲吞河員工跟我說湯底是用骨慢火熬的，可以先試湯再放辣椒油。我試了湯然後再食，當我食第一口的時候看到有3隻蝦，又彈又新鮮，加上河粉很滑又不會很碎 真係唔錯 最後連湯都飲曬 。下次可以試埋佢其他推介，認真好食同新鲜。同埋仲有佢杯檸檬茶好好味。下次試其他野先😋 另外我見佢有咖啡飲 我見到其他客人飲個陣勁香 下次試下飲先😜

星期六去九展活動經過億京中心，聞到陣牛雜味然後見到原來有間新開既粉麵鋪就諗住入去試下，點知未到牛雜粉麵時間，所以就叫左個蔥蛋拼鹹牛三文治(28蚊)。個餐上到黎個蛋厚到（我諗有成寸厚），飽到我lunch都唔洗食，蔥香加埋鹹牛既味道就啱啱好，唔會好鹹，仲有少少蛋液流出黎。熱奶茶就中規中矩無咩特別，但見到佢地餐牌早餐加5蚊仲可以升級拼配豆既即磨咖啡，覺得都幾神奇粉麵店仲有即磨咖啡飲😂不過下次可以黎試下佢地D咖啡先