居食屋「和民」 (置富都會)

营业中

休息中

好耐冇去和民，就係因為Leon Lai開演唱會，因為地點方便所以去咗紅磡食和民，之前已經驚冇位所以打咗電話去訂位，點知去到佢話冇我訂枱紀錄，好彩我係早到咗啫，否則點算。坐位已經覺得麻麻，唔算舒服。快快脆脆叫咗幾樣野食完就走。分別叫咗鰻魚牛肉盒子飯，雞翼串，和民自慢鐵板餃子及日本產原條魷魚燒。鰻魚牛肉盒子飯分量充足，味道正常，以$99來講及格啦，雞翼串完全冇味，和民鐵板餃子的皮比較厚，反而日本產完條魷魚燒有驚喜，嫩滑燒得香。

2021年4月3日中午12點30分到，我哋黎食午餐。成間餐廳得兩枱客咁制，所以我地好快入到去。咁岩公假，冇午市優惠，唔知係咪咁少左人幫襯啦。但都無阻我地幫襯佢。叫完餐，朋友啲餐都一個個黎曬，等到佢地就黎食完，三十幾分後，先黎我個餐，我個肚都餓到打曬鼓。一見到我個日式炒麵終於到，真係想大快朵頤，點知.....個麵表面到有大大張紙！！！唔係我食食下，喺底到搵到，係一眼就喺個表面發現到。究竟係想點，廚房果個上菜盲左？個侍應麵盲埋？成間餐廳冇咩人，炒個麵咁耐，仲可以咁俹簁！見到張紙，已經舉手叫個侍應同佢講我要投訴，佢第一反應係幾好笑嘅，佢講左句：「唔好啦～」佢又幾可愛啵🤣🤣，但訴我都堅持要投囉。佢本身想同我換過一個就算，點可以算？！我餓到就癲，竟然畀「紙」我食。佢話幫我叫店長，順便收走我個炒麵，唔知佢係咪想毀屍滅跡，佢攞走前我就同佢講我影曬相架啦。個店長到左，都係講句唔好意思，話廚房落肉嘅時候唔小心連埋張紙落去炒。其實講咩都得，可能真相係擦完廚房張紙唔小心落左去都得。然後個店長，都想換左個餐當冇事，問題係我完全唔想再喺到食任何野。我未投訴都落紙，我投訴完係咪畀痰我食？ 佢根本冇處理到客人嘅不滿

同男朋友係紅磡行來行去都唔知食乜，見到和民餐牌好似有d新野食，又唔太貴，就試下。反正都好耐冇食過和民了。係餐同散叫取捨左一陣，最後都係選擇散叫。清酒煮蜆，正常口味，唔太大驚喜，又冇覺得唔好食。燒靖魚，食和食就想叫條燒魚，魚燒得好香口，又唔會好腥。燒雞翼，這個有點驚喜，又唔太咸又香脆，但又唔係燶，控制得幾好。沙律炸雞脾，剪開去炸。顯得仲巨型。上面既他他醬配雞好好食。但後尾唔夠醬就覺得好咸好漏，但呢個送酒都係一流。炸薯條，口痕想食。燒粟米，見佢黑黑燶燶咁，但又幾食。似係燒到熟既感覺，唔似有d地方會蒸熟再燒咁。泡菜石鍋飯，晚餐又想點個主食，普通。叫左咁多香口野食，我們都要飲返杯。可能都會黃埔都多日本人住，現場都有幾枱日本客食。都有點覺得係日本咁。哈哈。

Every day this restaurant offers different lunch menus, really tasty Japanese food and they service is top of the line. My favourite days to come is by Friday because they have a very tasty Karage (Japanese fried chicken). Less than 5min to get the food on your table and they’re responsible taking care of the COVID-19 safety rules and high hygiene. Definitely a place to come back over and over again (specially every Fridays like I do hehe)

上星期 walk in 到和民買外賣有9折，今晚選用了OpenRice外賣自取網上落單，香脆炸雞3件有半價，折後$17.5，好抵食，香噴噴嘅炸雞外脆內軟很美味另外選了照燒蒜蓉雞扒便當亦有8折，折後$39.2，烤到微焦香嘅雞扒醃得好入味，不會過鹹，配上新鮮的蔬菜增加了食用纖維呢份滑蛋豬柳飯便當8折後$44，味道同賣相都不錯跟餐加$5可選擇1杯飲品

今天晚飯和朋友到紅磡的和民吃，但由於疫情的關係，和民更換了菜牌，只提供幾個套餐，其他的選擇則不能提供了。我們選了喜壽鍋和天婦羅套餐。牛肉喜壽鍋的食材新鮮，牛肉煮了不久就已經熟了，咬下去有香濃的牛肉味。冬菇豆腐等材料吸收了喜壽鍋的汁，味道也不錯，只是略為鹹了點。這個餐可以配烏冬，烏冬也彈牙，是很好吃的。天婦羅套餐上來的賣相10分吸引，蝦10分大，咬下去外脆內鮮。魚塊也好吃，魚肉嫩，加上炸野菜就更好吃了。

體貼，有互動！一定要帶多啲人嚟幫襯。有耐性，食物質素有驚喜。價錢合理，種類又多，餐廳寬敞又乾淨，疫情下大家記住去幫襯多啲堂食，環保好多，支持香港餐飲業，支持和民！

下午菜食咩好？原本想叫平日的Menu，但沒有供應，就造就了新推出之鰻魚宴🐟🤣整體來說，鰻魚的質素不算很好，靠味道搭救。豆腐中都有加蛋，豆腐可再更入味。玉子燒，沒想到拎的時候，蛋和鰻魚分開了！蛋不是平時玉子燒一層層的，而且表皮像月亮洞的不平滑🌕Pizza反而有驚喜，焗得香脆，還有牛油果🥑鰻魚矜貴得很，只有四小塊🥀壽司的質素尚算不錯，外面加上脆脆，非常可口。另外還叫了章魚燒，章魚燒是最好吃的，而且材料十足，裏面包了多粒章魚🐙正！由於是下午茶時間，人客不算多。環境寧靜，好好享受短短的下午茶時間吧。

放工好攰就近近地去和民dinner🤓 order 左豚肉拉麵 ($74) 🍜d麵痴埋一舊 d湯太少喇🤯 好彩d麵都彈牙 但冇得飲返d湯真係爭咁d 但睇落個樣一餅野咁都唔開胃😓😓肉就得一舊 同餐牌一樣～貴十蚊好似有3舊肉！但係都唔滑 仲要有少少痴牙😓 對唔住個價錢青檸梳打大枝特飲 ($28)🍋不得了 仲以為真係好大枝 飲一啖已經冇左三分之一 飲多幾啖就到底 原來成個杯有超過一半都係冰 但係出去食野係咁🤷‍♀有心理準備😓 以後都唔會再叫🤷🏼‍♀️

置富食飯其實都冇咩選擇，咁岩行過和民，就入去食個午餐。環境乾淨，服務都ok。餐牌嘅食物選擇好多，睇落好吸引，定食又幾抵。叫左個滑蛋豬柳鍋定食，都係一般定食有埋嘅湯、沙律。滑蛋唔算係好滑，少硬身。豬係有炸過，幾脆，而且吸曬啲汁，應該係洋蔥汁，好入味。豬肉食落都新鮮，唔會有冰鮮味👍🏻但係，真的十分咸，一定要送飯食。最後飯食曬，淨返兩塊豬都食唔落了，真係太咸。薑蜜不錯，但如果唔中意薑嘅人，或者小朋友，可能會覺得辣喉嚨唔舒服。

今日係自從和民裝修冇咗學生餐後，第一次去食。窮JJ 都係食返d平價餐，有兩個$49 餐，分別係燒雞扒定食，同埋栗米牛肉石頭鍋飯。爭扎咗陣，都係食石頭鍋飯，食係香口嘅飯焦。同聽下炸炸聲，聽覺享受。石頭鍋飯故名思意當然用石頭鍋載住，神奇嘅位係佢出面仲有個四四方方嘅鍋黎保持溫度。所以望落去好似好巨大，但其實個飯好細，牛肉少，栗米仲少。睇相好似好多牛，但其實一收縮得返好少。相信男仔食一定食唔飽。牛肉薄片四五片，獨零零咁，好彩都有牛味，亦唔會食到成口脂。整體味道方面愈食愈咸，要食返餐配嘅沙津，同飲品。

其實我對和民一向無咩好感，覺得佢扮曬高級，但啲野又鬼咁難食。今次俾朋友叫左約係和民食野，點左一個拉面。首先，肉係難食既。佢既肉一黎唔多得一塊。二黎又鬼咁鞋，好乾好難食。其次，湯係難食既。佢啲湯望落好似好濃，好rich咁。但實際上勁咸，死咸死咸。真心難食，呢個價錢，我可以有好多選擇，真心唔需要食佢囉。

四人飯局叫左一個Set 570HKD再加一 (4人普通dinner set)還有一個壽喜燒同炒雜菜，唔記得影，本人覺得性價比高，重要包四杯野飲。前菜： Pizza,牛油果算多，本人就好喜歡啦，家人就覺得一陣風無左。其實前菜係差啦。呢個家人唔知佢係咪真三文魚，又係得我吃，最後吃唔晒得放壽喜煲煮熟先甘吃。呢個石頭飯黑椒牛肉全生要推去個底到的，所以影出來效果好差。黑椒味不夠，好普通，我覺得很一般。個前菜沙律家人最愛全清，因為夠凍同脆脆的。自選前菜炸日式南瓜，個味都應該係外國野，不是大陸野。家人又全清。個豬扒飯好好味，不過四個人分一人一個角唔係幾夠，不過個餐重有一個石頭飯。壽喜燒主要吃蔬菜，牛肉又係一人二片甘，如果唔夠飽可以追加烏東還有一款鐵板雜菜，正常炒棷菜，羅白絲那堆。性價比高,連鎖質素穩定平時這連鎖經常要排，可能呢個商場比較人流少，18:45都唔洗排，重要有一邊約有6-8張4-6人台剩下來。P.S.那個店好多實習/trainee 所以手腳會慢D,但整體service ok

今次晚餐黎到和民，叫咗好多野食，因為佢餐牌都有幾款，每個餐牌又真係有好多選擇。首先個青酒煮蜆好香清酒味，啲蜆又夠大隻夠肥，好鮮味同無沙👍🏼另外叫咗個招牌和民pizza  .皮薄得黎又好有口味，個邊係脆口。上面嘅醬好香口好味仲有個牛肉壽喜燒。佢有分大同細。我地今次叫嘅係係大。啲牛肉都唔錯，有肉味。個底有蘿蔔、豆腐、菜、菇、同昆布，都幾足料。另外必叫的係燒鯖魚。條魚好新鮮夠肥，又醃得好入味好正👍🏼👍🏼整體黎講多人黎食係正，因為可以試多啲佢餐牌上嘅美食🤤下次會再返黎食！不過就要預咗啲侍應服務態度一般啦

今晚和Honey到理工賽馬會綜藝館看節目，就在附近找吃的。和民是最穩陣之選。我們點了壽喜燒牛肉(一人份)：雖說是一人份，但是，牛肉份量也不少。我們追加了拉麵，拉麵份量也不少。拉麵有咬口，好味。吸收了牛肉的湯汁，更好味了。另外，我叫了大阪燒：大阪燒外層不算厚，裏面好多椰菜，很清新！和民當然是穩陣之選。但不同的店舖，會有不同的服務態度。今晚的服務態度，每個員工都好好，值得一讚！