屋台屋 (已結業)

今天lunch同事提議往屋台屋食日本嘢，其實此店我也光顧了很多次，說實話，味道質素只屬一般，是典型的地區食肆。剛剛坐下，侍應已放下熱茶凍飲及蒸蛋一杯(免費的)。主菜點了一個日式牛柳粒煱飯，飯底麻麻地，但勝在有大量牛柳粒，雖然overcook咗少少，味道還算過得去。隨飯附送的麵豉湯質素也屬一般。

我以前經常黎呢間或者太古城果間食, 都好鐘意食.不過咩都會變既.........對上一次去太古城果間食到一肚氣,真係好失望, 應該唔會再去.反而太吉樓呢間鋪就好得多(包括食物 & service & 環境)昨晚又熱又餓,走左入去醫肚,食左:燒鯖魚----燒得好'鞋', 唔得.三文魚茶漬飯----普通湯飯.............冷拉面----好味, 保持水準, 夏天最岩食.自家製餃子----好難食,d味好怪 入面唔知有咩'涵', 一pat野....................提子汁----好味, 好過太古果邊勁溝水總括黎講, 我會再黎既, 因為食開有感情, 而環境又舒服, 飲酒真係一流. 最多唔再叫今次d野食..............今次比ok.

今晚和女朋友去食，因她住在附近卻未曾食過！點了燒飯團、炒雜菜、蒲燒鰻魚、牛肉陶版燒！炒雜菜：一般水準：OK!牛肉陶版燒：有牛肉味：醃得不是太濃味！蒲燒鰻魚：比一般定食的份量差不多，但價錢卻是七十八元！燒飯團：外脆內香，有口感，比某雜誌的食評還要好！

幫襯左好多年，間野亦都裝修過唔少次，因為女朋友在附近住，如果唔係都唔會見到呢間野。次次都係幫襯晚市，價錢 OK，味道有一定水準，唔會呢次好味 D，下次就差好多。不過唯一不滿的是食物的份量越來越少，當中我常吃的三文魚生飯、燒雞軟骨、燒魚頭最為明顯。等於變相加價。最喜歡他們的三文魚生飯及日式燒雞軟骨，因為不是太多地方可以吃到真真正正的日式燒雞軟骨，同日本街邊賣的有得 fight！夠地道。落單要自己小心 D，因為佢地 10 次有 9.9 次都係唔會覆單俾你聽，如果有錯，佢地就會取出 order 單俾係睇，「我地冇錯」，所以冇得換。但試過佢地有錯，最後都換，不過見到個老闆娘黑面囉。

We ordered mini curry pork rice, one with Salmon Roe on rice, the other with udon.The quality sucks!! The pork are heavily deep fried, part of the slices was just flour. What made us full was just udon and rice because the pork is reaaaaaaaaaaaaaaaaaaalllyyy small. The attitude of the waitress needs improvement. And when we did the calculation (split of the bill) after we stepped out of the restaurant, we found that the change was $2 short. The lunch was $128 and we paid $200. But the chan

因為未食早餐既關係，今次我食左好大碗麵呀。每個人都係叫左一個套餐，朋友係食手打烏冬+魚生飯，而我就係食煎鵝肝+蕃茄雜菜湯麵。可能係街坊生意啦，真係大件夾抵食。聽講以前係真係有好多日本食客架，不過而家反而係香港人黎食多，所以好多野食都港式化。前菜係車厘茄，ok啦，無咩特別但都新鮮。朋友既手打鳥冬做得唔錯，夠彈牙。我個牛鵝肝煎左好耐呀，所以出黎煎到兩面都有少少膿，好甘香。個三文魚生飯既份量少少地，朋友都可以全部食晒架，我始終係三文魚子既忠實粉絲所以吸引唔到我啦。因為天氣都少少熱，所以好想食好多蕃茄，呢碗湯麵大到呢，湯汁充滿左蕃茄味，引唔住都要飲左幾啖，碗湯勝左菜多。

Many friends recommended this place so we came here on a Sunday lunch with the family, party of 5 people. Unfortunately most of their tables are only designed for 2 or 4 people, so I had to sit along the corridor which was slightly inconvenient when other customers had to walk by.We ordered the set lunches which consisted of a big bowl of ramen and another small dish such as 6 pieces of sashimi or chirashi don or 2x salmon uni handroll etc. We ordered 4 set lunches for 5 people which turned ou

友人係呢度的長期食客, 於是我也順道一試.點了:1. 三文魚剌身: 厚厚地, 幾新鮮, 都唔錯.2. 燒牛肋骨: 呢個真係燒得幾香, 生熟拿揑得剛剛好. 有少少血, 但唔會血淋淋.3. 雜菜天婦羅: 呢度的都唔錯, 有蕃薯, 幾甜. 4. 極上拉麵: 本來唔知係乜, 但友人推介. 就試試. 原來係厚切叉燒醬油拉麵. 湯底好似有少少冬菇味, 幾香, 但鹹了味. 叉燒真係唔錯, 雖然係肥咗d, 但較鬆化. 唔會死實實.

我是屋台屋長期食客好几年,間唔中就去食一次.我都覺得以前未轉MENU時好D,近來去發現LUNCH MENU一個SET又面又飯,唔知做MUD.但係拉面依然好食,而且壽司仍是新鮮,但壽司飯好似冇用日本米!以前去多數食LUNCH,食晚餐MENU和質素也不太好,但又不太貴,OK啦!以前店內有日本電視錄影的綜合節目看,現在也沒有了!整體上質素打了個小折扣!總括來說,想食拉面,這店是不錯的選擇.

幫襯左佢好多年,三文魚壽司飯用料比以前少左,仲要冇以前咁好食,拉麵就仲係幾好...同事食既北寄貝沙律+湯飯就麻麻地...不過佢係呢區算ok la!呢個價錢,食lunch都可以接受,因為唔係太多選擇!

兩年多前光顧過幾次，昨晚重臨舊地。落柯打時，言語間感到歐巴桑服務員似乎很不滿我只點一碗拉面。拉面味道還可以，但店舖收加一之餘，又要我自己行出去收銀比錢，但其他消費數百元的顧客卻不是如此對待。最後，服務員更找少十蚊(我當時沒點算清楚也有責任)。我發誓永遠不再光顧這間完全不懂尊重客人及日本待客之道的屋台屋了！

不是朋友介紹都不會找到這裡用膳其實在同一條街上有好幾間食肆但被它們的任選套餐吸引任選套餐有很多選擇與女友商議後決定要$198四款菜的二人餐海膽三文魚刺身手卷(手卷是我的至愛難得這套餐有幾種選擇我當然吃最貴的一款整體都無令我失望)三文魚刺身(女友必食不過不失)牛肉火鍋(要另加十蚊無想像中好)蒜香牛油炒魷魚鬚(好香口是四道菜中最美味的)由於所選的四道菜都不是很飽肚最後另加$108精選8件雜錦壽司但八件不相同的壽司要作出取捨我要帶子女友就沒有女友吃三文魚我就要選擇其他了整體服務及食物質素都可以接受

三文魚刺身壽司飯一直係我既至愛,大大粒既三文魚,未食已經覺得開心! 燒雞軟骨好好味(唔乾身),牛油炒魷魚都好香口...拉麵都幾好食,湯底好濃,不過略嫌冇咩餸(得個麵加少少配菜)...套餐4項食物加飲品約兩百幾,都值得一試...可惜既係雪糕由自家製(以前要加錢)變成雪米磁(冇得揀),勁失望!好耐冇去食,今次去有少少失望(奶茶味同芝麻味雪糕呀!!!)

記得某一段時間,也愛到這間屋台屋的日本料理午膳的.好幾個友人住在附近,相約容易.價錢相宜,而且太古份屬日本人另一個社區,水準應差不了.只係經年過後,已淪為港式日本料理,壽司唔係過散,就係實死.材料,魷魚硬過膠,海膽並不新鮮,其他定食內的三文魚,蟹柳,不吃也罷.反而個牡丹蝦加帶子的壽司飯,材料比較新鮮,勉何挽回一點聲譽.醬油湯底的叉燒拉麵,都係咁.麵身太淋,醬油湯底味道略淡,唯幸叉燒也鬆化.但相比近在咫尺的函館,又的確差一截.話須此地算係日本人社區,相比之下,始終點都係自己人多,口味折服港式,無可厚非,但也無可奈何.同時亦無可挽回.真係好難比到理由再來,同友人講,下次去華蘭路吃車仔麵好過.

本人很喜歡吃日本料理, 剛於10月15日光顧。十分失望，叫了一個set-2人，再加一條燒絲立魚($130 - 但問過行家成本約20元至30元)。拉麵味道還可，燒物就完全不合格。本人不會再去。此價錢，大把選擇。