屋喔 (已結業)

嗯嗯 今個星期返4日zaaa!!加油😵以前食過一次屋喔 果時個糖心蛋好似幾好食 但點解今次熟哂既😩一d都唔糖心😩鹽酥雞（我既👻）/酥炸排骨（朋友既👻）份量都唔少🧐不過麻麻地好食啊

標榜台灣野, 一碗牛肉麵已經看得出有無用心煮, d麵煮到好林, 個湯又唔得。我講得好清楚話要小d 麵, 完全無理客人嘅要求。碗牛肉麵$74 + 10% 一啲都唔值。希望能改善食物質素和對員工嘅培訓!

之前聽同事食過佢地既魯肉飯 味道唔錯 依日禁岩做完野5點左右想食d野 落樓下經過見到就入去試一試依間台式餐廳野食款式多 下午茶價錢唔太貴 裝修坐位都舒服坐低就叫左個豬頸肉米粉 同加左杯熱珍珠奶茶送到黎果陣覺得好似好細碗 心諗會唔會唔夠食？ 但其實食落份量都多 絕對夠飽 米粉湯底味濃 豬頸肉好淋身 份量都好多 仲有配菜紅蘿白薯仔🥔唔會靜係得肉食熱珍珠奶茶 甜味剛好 不過珍珠唔夠彈 但整體飲落係ok的☺️除左台灣地道既野食 仲有西式既意粉同飯 下次可以試一試

申利:我不是寫字樓番工 今日中午同同事一心想試試新野 就入左餐廳仲未開聲講野 職員就好大聲咁叫我地上樓上(但當時地下有大量坐位) 咁我地按指示上樓坐念住上到樓上求其坐低就叫野食但其職員一度要求換坐位(要求去到最角落地方坐低) 當時已經無咩心情食野 咁都唔緊要 坐低左就叫野食喇 到左上菜時 先上飲品 其職員將飲品放下時發出多次較大音量 而且放下就打算走(因為叫的都係特飲 唔知邊樣打邊樣) 當時馬上向店長問個究竟 我想問 係因為我們衣著不是正裝就有這樣服務態度嗎? 還是其職員個人問題?

前兩日真係好忙，忙到四點先食第一餐。為咗節省時間，通常都會喺公司樓下餐廳搵食。其實呢間台灣野都食過好幾次，但係因為午餐時間實在太多人，所以通常都會係下午茶時段先去食。每一次我去到都會必嗌呢個牛肉米粉加紅棗生薑雪梨茶。原因係呢款牛肉湯湯底好濃，但完又唔會口乾。雖然係下午茶但肉嘅份量都好多，牛肉炆得好林，仲有牛筋，正呀同埋我鍾意佢會比較多蔬菜，有菜之餘仲有蘿蔔啱晒健康中環上班一族個生薑紅棗雪梨茶都好正，有薑味之餘但唔會好辣，飲落去暖胃又舒服但唯一唔好嘅就係就算午餐外賣，都不能夠轉米粉，但我記得之前係可以轉嘅，依家就一定要等到下午茶時段先可以帶米粉食啦

平時食晏經過呢度, 永遠都係大排長龍, 難得今日黎個  Early Lunch, 梗係去踫下運氣, 睇下有冇位啦 ! 呢間餐廳午餐時段提供 🔟 幾款嘅 Set Lunch, 大部份都係台式午餐, 平均六七十蚊一個 Set (另收加一), 1 點前離座仲有折添 前菜 (木耳絲)一坐低就每人派一小碟, 冇咩味道 所以我決定留番一陣放落去碗湯麵度食｡古早味牛肉湯麵 碗麵嘅份量對女士黎講都算大份, 牛肉同配料都係大大件, 配料有白蘿蔔、紅蘿蔔、雪菜｡ 湯底味道唔算好出色, 可以再濃味好少少｡ 麵唔會好淋身, 有 D 咬口｡熱桂圓紅茶由於佢用左個冇柄嘅玻璃杯, 所以杯茶唔會好熱｡

第一次係中環同honey 慶祝情人節💕裝修方面，中環同旺角朗晴坊完全唔一樣嘅感覺～有情調嘅感覺！如果要感受情調感覺，一定係中環分店。而且餐廳有提供廁所，好方便人有三急嘅客人，很乾淨！食物方面，我地叫左dinner set~~推介「烤黑毛豬拼薯角」！+$5仲有埋意粉。（記得落時問侍應加錢得唔得加意粉，親切嘅女侍應會問廚房煮唔煮到）肉質口感好正，好有肉味～食肉獸嘅我食到唔停口！另外，梗係要講有旬野，Apps 名係「Storellet」，Download 後，做免費會員後，落單時出示，有八折！😊tips:當晚honey 用左幾分鐘就做左會員，八折仲可以即時使用!!

我同同事平時放lunch都會黎食，佢熱d肉燥飯真係夠哂料。今次係第一次食佢地晚餐果個時間同朋友2個人就叫左一個飯一個粉野菌奶油蟹肉意大利 闊條麵，佢個汁真係好重cream味 食落好creamy, 本身我好中意食闊條麵但好怕煮得好林太熟就變左冇口感，但呢個係唔會有呢個情況😍佢個汁好野味 同埋佢d 蟹肉蟹子都好足， 撈埋一齊就啖啖蟹鮮味😙😝另一個係黑松露 野菌蚵仔燉飯黑松露味好出😝同埋 佢係用意大利飯 所以口感同平時果d飯唔同，咬口煙韌d同埋係一粒粒飯咁😍勁好食！另外都叫左一個小食同2杯野飲呢個鹽酥起司花枝餅 裏面芝士味好重有一粒粒嘅芝士同埋芝士溶， 出邊層炸皮唔係平時嗰啲炸粉，應該係用咗麵包糠做， 食落好鬆脆！推薦大家都叫黎食野飲就叫左 香芋奶茶同珍珠奶茶冇出邊飲咁甜，個香芋奶茶係岩岩好 香芋同奶茶一半冇話邊個味會多啲佢另外都有花茶飲，見其他枱都好多人叫黎飲😍

中、上環上班族，中午搵食真係頗艱難，好多食肆都非常多人，包括呢間台式餐廳「屋喔」！12:50去到等5位，外面已經有成20人等緊。餐廳有2層，等左15分鐘有位又唔算太過分😊都好似2個月無光顧，餐牌內套餐多左選擇，不過我都係點左一向都有嘅鹽酥雞肉燥飯😋（$64），另加$6轉飲荔枝乳酸。突然多左個以前無嘅小食，茄汁菠蘿腸仔！茄汁唔夠酸，但送嘅都ok啦🤣同事話：競爭好大咩？送埋小食嘅😅呢度嘅鹽酥雞肉燥飯，好穩陣，味道好好，肉燥唔係肉碎，係真係用肥豬肉切絲加雪菜粒，雖然肥啲但拌熱騰騰大碗飯好好味，又唔會過鹹👍鹽酥雞份量都幾多，唔算juicy但起碼唔太過乾柴柴🤣仲有半隻好好味嘅溏心蛋😋食完都真係好飽（今日食唔哂啲飯）😱不過餐廳要收加一服務費，午餐每人約$80都算係幾高消費😅

這天溫度驟跌至七度，低溫加上下雨天又濕又凍，決定找間可以坐得比較久及暖和的餐廳慢慢進食。看見餐廳門面感覺頗舒服，於是選擇在此享用午餐。Set Lunch有飯麵可選，包一杯飲品，價錢由$64至$88不等，另收加一服務費。二人分別點了鹽酥雞肉燥飯及古早味牛肉湯麵，另外加$10點了滷水雞翼。沙律及滷水雞翼很快便上桌了，沙律味道中規中矩；雞翼滷得尚算有味，但肉質非常鞋口。不久後侍應也端上鹽酥雞肉燥飯。肉燥飯份量偏少，鹽酥雞份量卻頗足料，但只熟微熱，顯然煮後已放了一段時間，味道也相當普通。等了約二十五分鐘後，牛肉麵依然不見蹤影，跟我們相約時間入座的人也紛紛催單，侍應竟然回應未能上菜的原因是「水未滾」。😦 大家聽後都打個突，到底是什麼水才會快半小時還未煲滾呢⋯⋯牛肉麵的湯底又如何處理呢⋯⋯這原因還真夠新鮮，當然侍應的誠實也值得誇獎⋯⋯再多過數分鐘後牛肉麵終於出現了！先嚐一口湯，味道偏鹹，喝不到牛肉味。再試一下麵條 — 這是我吃過最難吃的麵條。就像一團壓偏了還未煮熟的麵粉一樣，每咬一口麵條就會黏在牙齒上，口感非常不討好，毫無質感可言。牛肉有三件，筋多肉少，味道很一般，即使等了一段時間後飢寒交迫的我也

台灣菜。每次出門吃飯，都是跟著朋友混，他們說吃啥就吃啥咯，誰讓我不挑食，啥都愛吃呢。不過這家沒有想象中的好吃。為了省錢，點的combo，叫啥飯不記得了，不好不壞，口味一般。奶茶喝起來像是粉沖的。生平最不喜歡粉沖飲品了。甜品是很奇怪的提拉米蘇。

記得幾年前喺旺角食過呢間，一路印象都麻麻地。今次行遠少少，差唔多到上環，又俾次機會佢。Set lunch $64起，要加一，好似好多野揀，其實只係一樣嘅野配飯配麵分開寫😅前菜有幾粒車厘茄，酸酸地幾開胃鹽酥雞肉燥飯，個雞即刻炸起，熱辣辣好唔錯，味道都係一般炸雞，肉燥好香，整體ok。酥炸排骨拌麵，個排骨比起個雞更加酥香，但拌麵就略嫌乾左啲。飲品要左桂圓冰茶同柳丁綠茶，個桂圓冰茶味道怪怪唔係好啱我口味，柳丁綠茶就直頭係橙汁咁，唔覺得係茶。再次到訪嘅感覺好好多，啲野食都唔差，價格好相宜，下次可以收工嚟食飯多啲野揀🤗

同事介紹有中環有間食台灣野不錯，去到兩點鐘，咦無咩人既，擔心會唔會係伏嘅同時，同事話平時都要等幾個字先有位，頓時放心，我諗應該因爲過咗lunch peak hour。酥炸排骨湯麵($67)個麵唔錯，不過不失，個人覺得湯底可以再濃味啲，相反個排骨就麻麻，凍凍地，好明顯係整定。我叫咗隨餐贈送嘅柳丁冰綠茶，一睇仲以為黎錯，成杯橙汁咁，不過味道都真係有啲似橙汁，但有微微茶香。鹽酥雞肉燥飯($64)同事叫既，佢話啲餸無凍，仲有糖心蛋，好似幾好。下次我會想試下個飯，全因爲呢隻蛋。最後走時見到門口有免費時飲提供俾等候中嘅客人，幾貼心。

星期三晚，路經中環Look 下openrice揀左位列中環十三位既屋喔點左兩份餐，三杯雞同安格斯肉眼連沙律餐湯野飲前菜野飲同甜品凱薩沙律個醬唔係凱薩沙律醬娃娃菜個味道怪怪地滷水雞翼係正常滷水雞翼西湯係當中最好味既野飲都係一般般芒果乳酪有陣藥水味又冇乜乳酪味蘋果蜂蜜綠茶好味得多經過前菜既打擊主菜算係加返D分三杯雞同煎肉眼扒都唔會難食得去邊太挑剔既評價就唔講太多喇⋯食完主菜差D唔記得仲有甜品想像總比現實美好帶住口罩既女仔總比見到樣多D幻想空間朱古力奶凍既想像係朱古力味既奶凍實際上係奶凍上加層幾mm厚既朱古力醬毫不吝嗇糖尿級既甜但又缺朱古力既濃香早知就應該叫個原味既Cheese cake係香橙味比起糖尿朱古力奶凍算係好得多但都係稍嫌太甜結果甜品帶來災難級既打擊⋯⋯（懶呀，唔好味就唔鬼影相喇）最奇怪既係間舖一邊播韓文歌另一邊係mute左聲既電視播緊跑馬西餐廳既格局，茶餐廳既享受左邊枱就有兩位叔叔邊嘆紅酒，邊擰過黎望住我頭上既電視如果佢地激情D嗌埋「上呀！上呀！」個氣氛就會更加好了係⋯都係我唔好，唔應該揀跑馬日去食茶餐廳⋯其實唔係好想第一編寫既就比劣評但實在唔明點解咁多笑笑都係營銷策略，搵食姐⋯

有日，同事話帶我去一處幾好食嘅台式餐廳，於是就行遠啲去到呢一間叫「屋喔」嘅餐廳。 午餐時段真係多人到我大叫「屋喔」啊！不過，有一點人間有愛嘅係，店門前有免費嘅荔枝水比等候中嘅食客飲。當時除咗飲完覺得甜之外，果然心裡面都涼快咗啊。等左陣，終於入坐睇睇餐牌，二話不說揀咗最保守嘅「鹽酥雞湯扁麵」加「桂圓冰紅茶」。可能多人嘅關係，食物都等候咗一段長嘅時間，而飲品先上，個人覺得味道有點微妙，淡淡嘅紅茶配酸酸微甜嘅果肉味（有點不明？門外荔枝水更好飲的感覺）食物到咗後有啲失望，雖然等咗好耐，但炸雞唔算好熱，而且感覺比較老，好似放咗好耐翻炸嘅口感；扁麵嘅湯底色夠，但味道略為清淡，無乜突出嘅感覺，所以配起麵再加上雞肉，感覺比較一般。總結，幾鐘意佢地店外會體貼地為門口等候嘅食客準備飲品，呢種做法都好似開始流行。但沒辦法，整體食物味道一般，同等餐時間較長，所以令人對想再去嘅想法有點卻步。