屋喔 (已結業)

一直以為呢條街只係得茶餐廳同打冷，但原來而家有間酒吧餐廳，見有時間即刻去睇下先！坐低就即刻睇下餐牌先，周圍環境偏暗，好有氣氛，但相對影相就難度高點。首先到既係蜜糖芥末黑椒雞鎚，雞鎚表面非常香脆，但肉質又保持嫩滑，少少黑椒帶來的辛味，配上帶微微芥末味既沙律醬，令食欲大增！然後到屋喔糖心蛋，糖心蛋一向係我至愛，蛋味濃郁而且細嫩既蛋白，加上流心蛋黃，一啖放入口中享受，的確唔錯！主菜黑松露野菌柯仔燜飯到啦，表面黑松露已經非常足料，香濃黑松露味不斷散發，飯既硬度適中，裏頭有洋蔥粒同小蠔粒，令口感層次更豐富之外，蠔粒帶來既鮮味同整個燜飯非常合拍！最後飲品點左冰藍蝶花青檸特調，第一啖入口感覺到甜味充足，而青檸既微微酸味正好帶來一個中和，而這種甜酸口味既外圍，就被藍碟花香味包裹住一樣，非常有特色！

位於上環地鐵站附近，外表睇同一間酒吧好相似，但仔細一d睇個餐牌，就會發現除左酒同西式食物之外，仲有台式食物，非常特別台灣招牌牛肉麵牛肉麵最重要就係個湯底，要淆得夠牛肉味先至得，呢個湯底牛肉味濃，而且牛肉又香又林，份量又多，麵條好有咬口，又彈牙，加埋芫茜香蔥，非常香，仲有台式雪菜，味道一流，而且配料白蘿蔔都炆得好林好入味，冇得頂！台式奶茶好鍾意呢一杯台式奶茶，茶味好香，奶味唔算重，不過就好滑，又唔會好甜，好正，熱飮仲好飲，更加香滑芒果竽圓三重奏有芒果雪糕，芒果布丁，芒果冰，再加上竽圓，鍾意食芒果既朋友係絕對不能錯過，芒果味好香，竽圓好QQ，好有咬口，但布丁同冰就入口即溶，形成強烈既對比，呢個甜品⋯非常特別！餐廳外貌係一間酒吧，但係食物係非常之地道既台灣菜，不俗

又係朋友帶我黎食好耐無食過台灣野所以佢就同我黎呢間位於中環的屋喔Lunch Menu都幾多選擇，飯同麵都有而且，麵仲可以叫拌麵！跟餐仲可以加十幾蚊要杯冰沙！lunch方面，我叫了鹽酥雞排肉燥飯！又真係幾好味喎！肉燥一d都唔咸！而且雞又熱又鬆軟！加上飯的份量都幾多，成個lunch好飽！我都好鍾意佢個溏心蛋！好正啊之後我自己加錢要左杯野莓優格沙冰好fresh，一d都唔假個味仲食到少少果肉杯野好夠凍 亦好多yogurt味而且大大杯，我好推介大家飲呢杯之後就食呢個uji maccha mont cake呢個我同朋友share想試吓ge佢上面係uji maccha 下面係cream and cake食落一d都唔流，maccha味勁出！真心覺得幾好多謝朋友推介呢間咁好的比我食！發現cwb都有間分店～下次會帶男朋友去試試dinner

約左個friend飲野，見時間還早就係中環附近搵左呢間食住d野。呢間餐廳係巷仔內唔係好明顯，但入左就發現其實個interior幾得意又cozy。主食既部分我地叫左原隻波士頓龍蝦蟹子闊條蛋麵同烤黑毛豬排。個龍蝦雖然有少少overcooked，但海鮮味足，配埋個蟹子食落去好香好濃郁，以168蚊來講個份量算係好抵食。至於個烤黑毛豬排就真係正，豬排肉軟多汁、油脂量恰到好處，有d地方既豬排好多筋好容易就咬到好無癮，呢度既黑毛豬排肉靚火正，食落爽口，配埋杯店家推介既冰藍蝶花清檸特調，好過癮。呢杯清檸特調真係好有酸酸地果隻台灣味又唔會太甜，蝶花係台灣流行左一排，本身係無味既，不過隻色令到杯野飲睇落好靚好夢幻。呢到都有唔少鹽酥乜乜果類既台灣小食，我地驚熱氣而叫左個芒果芋圓三重奏。個三重奏既意思就係有埋芒果沙冰、芒果雪糕、芒果布甸，三種唔同口感既特濃芒果味入口即化，咬埋啖芋圓真係好香又唔膩。見到好多人其實叫左d台灣小食配埋酒成班friend傾計咁都幾舒服，下次有機會多d人試下咁樣都唔錯。

同台灣朋友係中環附近飲野，經過機利文新街見到O'casa呢間新式Bar and restaurant，Menu上有唔少台灣同Western 菜，決定一試！餐廳唔算大，但環境都幾好，裝飾得唔錯。首先野飲方面，老闆推介左呢杯冰藍蝶花青檸特調，酸酸地感覺都清新同開胃，值得一試另外叫左水果茶，十分貼心有蠟燭仔暖住，唔怕凍！小食有台式三杯雞，連台灣朋友都讚唔錯重點推介：烤黑毛豬排！非常非常好食，大大塊豬排，烤得相當入味另外仲叫左原隻波士頓龍蝦蟹子闊條麵最後甜品有芒果芋圓三重奏整體水準都幾好，推介係中上環附近可以一試！

星期五下班後跟朋友聚會，到了上環的O'casa去吃東西。餐廳的角落放了一瓶瓶寫有日期的酒，老闆說是日期酒，是餐廳的特色之一，另外的大特色就算是他們的食物了。我們點了一客台灣家常風味餐-主食要了鳳梨鹽水雞，一盤有四大塊雞是雞腿的位置肉質很嫩肉很多加上有很多的切成粒狀的蘋果和鳳梨酸酸甜甜的感覺很清新讓我們胃口大開很快的就把魚湯時蔬和雞翼小食吃完了。我們再點了幾個小吃。牛肉雜錦沙律給我一個大大的驚喜，牛肉弄得香香的，加上新鮮的沙律菜及醬料，把沙律的味道提升了不少。鹽酥起司花枝餅的花枝很多，料很足夠，把餅咬開有滿滿的起司，不太膩，又不咸，很好吃。老闆說現在生餃子做推廣，$28有5粒，所以我們就再點了一客生餃子，原來這餃子是生煎的，並不像其他地方那樣把它蒸熟了才煎。而且餃子是日本直送，餃皮很薄，餃肉很多，很多汁，真想一試再試。餐飲我們就點了冰藍蝶花青檸特調和山楂洛神蘋果茶。青檸特調酸酸甜甜的，很開胃，很不錯，加上藍蝶花這名字，就像是錦上添花!甜品就要了芒果芋圓三重奏，它有芒果沙冰，芒果雪糕，芒果乾，還有芋圓(不知道是否香芋味呢?)芒果雪糕很香，很濃滑，加上沙冰和芒果乾跟芋圓，一次過享愛不同的感覺

約左朋友食lunch，一個返上環，一個返中環，唯有搵間係中間既餐廳食飯，不過選擇唔多，屋喔叫似樣d，又叫做係平d既中環價。朋友早到坐低，send左menu叫我一路行一路揀，等我一到就有得食，揀左個鹽酥雞拌麵，但改飲珍珠奶茶要加好多錢，唔抵，都係飲番跟餐既薑母茶。中環既餐廳真係慢一秒都死，光速就黎左2個餐，個拌麵係粗麵，有d味菜拌下個麵⋯⋯但一睇就覺得切菜果位好趕時間，駛唔駛切到甘粗先？是但，主角係麵同鹽酥雞⋯⋯點解個麵甘爛？仲要係粗麵一pat pat，好難食呀鹽酥雞都還可以⋯相對果pat麵，唔係厚粉炸雞，只係無乜味。至於杯薑母茶，無論顏色同味道，好似開稀左幾倍甘，好似杯有淡淡甜味既水。其實用$70食餐晏，中環價啦，不過呢個價錢，我寧願行番上Soho食～

星期一，我和同事去到這間台式餐廳食中午，中午時段很肚餓，但中西區一至五的lunch time 許多餐廳都排長龍，這間都唔例外，等了好耐才有位。幾經辛苦終於等到位，於是坐定之後便即睇餐牌叫食物，看到中午餐價錢不便宜，不過考慮到地區的原因，中午餐的價錢都差唔多，於是就點了其中一個餐，我點的是鹽酥雞排麵，餐飲則是凍柳丁綠茶。雖然等了良久，但鹽酥雞排麵味道很好，絕對值得推介。食麵第一時間試一啖湯，原因是麵湯都是襯托出的麵，湯如果是用新解食材熬製而成則麵會份外美味，這湯很濃郁，配上蔥花和梅菜，令湯底清新而不膩，鹽酥雞酥脆可口，肉質細嫩，味道調較得恰到好處，因為炸得很乾身，所以沒有油膩感，至於麵同平日食到的有點不同，是台式粗麵，麵條很香，有點像西式的闊條麵，但較闊條麵更煙韌香滑，整體而言，鹽酥雞排麵味道很好，雖然份量不多，但都夠飽，餐飲的柳丁綠茶味道則一般，橙汁味很重而沒有綠茶味。

呵呵，又到左賴生同屈小姐既紀念日啦，賴生梗係要去見下屈小姐啦由於大家都要番工，於是賴生就約左屈小姐食個Lunch啦！賴生先出發去《屋喔》搵位，《屋喔》又係其中一間屈小姐想試好耐既地方黎嫁，難得紀念日，梗係要帶佢黎啦！ 賴生一早化行妝(?!)去左拎位啦！好彩一早拎左位者，賴生一入完，轉個頭外面突然多左成20人！係等屈小姐黎既時間，賴生Send定個menu比佢揀，屈小姐就揀左佢最鍾意既蚵仔+黑松露，賴生就根據隔離枱既野食賣相，決定左叫牛肉拌麵啦！屈小姐之選：黑松露野菌蚵仔燉飯 （3星）- 首先，不得不讚下個汁，好香好濃黑松露味，不過遮左蚵仔既鮮味，蚵仔味得番少少- 可惜既係：飯⋯唔係用意大利飯，溝埋個汁就太淋啦而且食到尾好似有D沙定殻⋯同埋飯量好似少左D (大食既屈小姐食完得6-7成飽)總體係：味道可以，口感需要改善！(註：黑松露野菌蚵仔燉飯無Lunch Set架~ 係main menu散叫既~ 其實只係少杯野飲送姐)賴先生之選：古早台灣牛肉拌麵 （4星）- 有3大舊牛肉，味菜，肉燥，荽茜同台灣麵- 牛肉好正哦！好入味！有筋位既勁好食- 肉燥拌麵都唔錯！好香菇味，微甜但唔會冇肉味！麵係粗身

Had the salt chicken & pineapple dinner set. It came with a soup, which was way over salted and basically inedible. The "snack" it came with had a weird slimy/and paste-y consistency, also gross. Main dish was ok, but wasn't aware it was going to be a cold dish. Ordered the double chocolate drink(also part of the set), but it was pretty much sugar water with a hint of chocolate.The whole meal was majorly underwhelming.

31號晚以為好多人，食730都冇咩人。book左台坐有卡位坐一入到見到環境同氣氛幾好，但原來得個睇字，食物質素普通。叫左兩個set有沙津菜、湯、main dish、甜唔、野飲個意大利湯係幾好飲都幾特別，湯入面仲有d小粒，我都唔知係咩，但食落感覺都幾得意。個奶油蟹肉闊條麵味道較淡，食落去冇咩味。個賣相本身唔係咁😂係食左幾啖先記我影相。黑毛豬排個味道好古怪，食落去味好似中式d炆雞個d調味個種味道，怪怪的，舊肉望落雖然唔大，但都幾厚下。只想講薯條好食過舊肉😂野飲叫左玫瑰花茶，諗住清清地，點知都幾甜下另一杯叫左雙重朱古力，呢個仲更甜，飲一啖記唔想飲。甜品個甜度仲得人驚，我地叫左士多啤利同芒果奶凍，點個佢係奶凍上再加果jam，食第一啖甜的離譜，之後我不晒d jam出黎食先食到，其實冇d jam個奶凍都可以。食過一次就驚，甜到糖尿啦😟

最近，經過中環機利文新街，見到 <屋喔> 增設外賣部！店外有好幾個食客排隊！平日找天幫襯吧！幸好！當日星期五幫襯不用排隊， 外賣有四款選擇！包括：飯類及台式炒米粉！台式香腸炒米粉 $40幼身而乾身的炒米粉尚算夠味，份量都足夠！ 配料方面，只有兩小件香腸，一點甘筍絲、椰菜絲、洋蔥絲、魷魚及蜆肉…等，整體都幾齋吓！蘋果雪梨烏龍茶這是一杯凍飲，加了不少大冰塊！入口涼浸浸，先嚐到酸甜，茶味從後而來！不過不失！食完剛剛夠飽，由第一次幫襯至今，不論堂食抑或外賣質素都係咁麻麻地！

鹽穌雞排皮脆肉質嫩滑，肉燥味香濃，肥瘦豬肉比例適中，溏心雞蛋很有誠意，跟餐有一杯凍飲。早餐時段人流少得多，若有機會亦值得一試。大大份西式早餐配飲料也只是40多元，抵食！

午市時段黎食個lunch，食物送上黎時係暖既，唔太熱。排骨唔會炸得太油，味道唔錯。有少少拌菜食起上黎更開胃。但蛋就有點失色，味道好淡，好似無調味過咁。餐飲揀左柳丁綠茶，酸酸甜甜幾好飲。我比較鐘意以前午餐杯蘋果茶，但轉左新menu後就無左呢個選擇了

一期一會的聚會，打算到中環IFC辻利潮聖，所以先在中環吃個正餐，選了O’Casa 屋喔。有預先訂枱，被安排坐到洗手間旁的卡位，或許是旁邊太多燈，整餐飯也覺得超熱，縱然已經跟服務員說調低冷氣溫度，可惜還是沒有好轉。反而隔離枱就覺太大風，實在不是一個好的用餐環境。餐廳環境偏黑，有背景音樂，然而卻有電視播著『愛回家八時入席』，雖然吸引了我看，但卻有點茶餐廳格格不入的感覺。我們點了O’Casa屋喔晚市套餐，2款台灣家常風堂味，內有魚湯時蔬一客+是日小食+主食+白飯一客；2款洋風滋味、排餐，內有義式雜菜沙律一客+是日餐湯+主食，套餐均送是日甜品及$32以下飲品一杯。雜菜沙律賣相普普通通，而餐湯是南瓜湯，有點稀，淡淡的。鳳梨鹽水雞 $138，鹽水雞完全無味，鳳梨和蘋果就是沒有烹調過，凍凍的，這個算是失敗之作。魚湯時蔬的確有魚味，而是日小食是雞翼。糖芯蛋肉燥飯 $78，糖芯蛋好吃亦有糖芯效果，肉燥飯也不錯，份量多，這個價錢算是合理。黑松露野菌蚵仔燉飯 $128，味道濃郁，吃完很飽肚。西班牙黑毛豬排 $148，豬排是熱辣辣的，肉很嫰，難得的好吃。可惜配菜薯條凍了，亦有點淋，影響了整體感覺。另外我們散叫