影片
营业时间
今日营业
11:30 - 22:00
星期一至日
11:30 - 22:00
以上资料只供参考，请与餐厅确认详情
相关文章
今次係尋找特色小店系列，呢間位於旺角西洋菜南街的小店，以招牌墨魚馬蹄餃最出名，好多人都慕名而去。餐廳環境乾淨利落，空間不算大，但座位尚算可以，不會太逼，牆上巨型壁畫的卡通圖案畫得相當趣致。他們的晚市套餐選擇都幾多，跟餐既可加飲品又可追加小食。千層醬豬耳 $18豬耳入口好爽彈，脆卜卜，加上酸酸辣辣的調味醬料及青瓜絲、洋蔥絲、胡蘿蔔絲等，好開胃。墨魚馬蹄餃擔擔麵 $65餃子有5隻，每隻都好大粒好飽滿，餃子皮是用上了墨魚汁搓麵粉而製成，黑色的餃皮好薄，但內餡豐富，味道鮮香的墨魚滑，跟軟嫩豬肉及爽脆馬蹄結合，口感十足，果然是鎮店招牌，堅好食。至於擔擔麵的麵條煮得剛好，彈牙又唔會太硬，湯底的花生醬味再濃一點就更好食。砂鍋雲吞雞配白飯 $88砂鍋雖小但內裡份量好足，新鮮滾熱辣上檯，先飲啖清甜靚湯，雲吞都好大隻，皮薄餡靚，雞件偏瘦但肉質很滑很嫩，再加上新鮮蔬菜及雲耳，整碗食完都好飽。豆沙餡餅 $12即叫即煎的豆沙餡餅，外皮芝麻好多，而且煎得好香脆，內裡軟糯綿密，一口咬下豆沙餡料香甜可口。(跟餐+$10)蜂蜜百香果蜜、龍眼冬瓜茶百香果果籽好多，微酸清爽，真係好清腸消脂；龍眼蜜的甜味非常柔和，好飲。
继续阅读
舒服小店，山東小城 。小店位於旺角西洋菜南街，係旺角地鐵站出黎行2分鐘左右就到，好方便店外有手寫菜單，除左堂食，仲可以外賣生水餃返屋企剛剛星期日下午兩點到，好彩過咗午飯時間，剛剛唔使等位小店內牆身壁畫好得意坐位簡簡單單，配合小店特色1) 黑糖黑醋排骨擔擔麵($58)，麵質入口彈牙，排骨份量足夠，味道甜甜酸酸10分惹味2) 墨魚荢薺餃(7隻跟靚湯)($45)墨魚餃皮好煙靭，餡料十分足夠，靚湯底係紫菜湯，入口不肥膩，同餃子一齊十分絕配3) 京蔥羊肉餡餅($34) 上枱熱辣辣，超級多汁好juicy，食入口時小心焫親4) 醉雞卷($45)每件配大大粒杞子，入口非常清新，酒味香濃5) 自家製豆漿($10)、自家製山楂茶($10)，少少甜味道啱啱好。整體嚟講，埋單平均每人$100，可以喺食到飽一飽，而且食物有一定水準，超級抵食，值職繼續支持小店。
继续阅读
我好鍾意食餃子，但唔鍾意食好厚既皮，所以有時經過一啲餃子鋪都會吸引到我入去！呢間主打係正宗北方手作水餃，所以就入去試下啦！ 鋪頭唔算大，但都唔會太迫，因為好多食餃子鋪頭唔知點解成日都會好迫！我見佢有下午茶餐，見佢好抵食呀，不過我係放工時間，所以食佢既晚餐啦，佢都有多選擇，一個主食，一個小食再加野飲！我點咗10隻雙併餃，揀咗麻辣菜蒲同埋菠菜餃。黎到既時候，10隻餃子見到已經漲卜卜，見到入面既餡料，即係話啲皮唔算太厚，咬落去時，好多餡料好滿足；麻辣菜蒲少少辣啱啱好；而菠菜餃清淡嘅口感，但餡料足夠，所以真係食得非常滿足。我平時食餃子，啲餃子皮係成日食唔晒架，但呢度，我食晒10隻餃子，都係最後一粒因為太飽所以先冇食到果少少餃子皮，所以佢真係做到皮薄餡靚！評分：👍🏻👍🏻👍🏻👍🏻/5另外，朋友仲點咗一碗酸辣湯羊肉餃麵，酸辣湯夠酸又帶有啲辣，而羊肉餃亦都好有特色，羊肉有少少膻味，好好味，而麵條夠彈牙。評分：👍🏻👍🏻👍🏻👍🏻/5小食方面，試咗佢哋嘅豆沙餅同雞絲粉皮。豆沙餅唔係上海鋪既豆沙鍋餅，而係煙煙UN UN 既豆沙餅，不過唔會太甜，當做甜品啱晒。不過我唔記得咗影😂😂而雞絲粉皮份量夠多，佢既粉皮係類似寛粉果啲，又係煙煙UN UN，好味道；同埋佢既月雞絲唔知係咪用雞脾肉呢？因為好軟滑。淋上花生醬汁，好味。評分：👍🏻👍🏻👍🏻/5果日我放工時間食，我臨走都見到佢地座滿晒，證明我今次揀得冇錯啫！呢間水餃店唔錯，餃子大粒又好食，價錢亦都合理，店員話係每日新鮮即包既，我下次一定會再嚟試淨羊肉餃子，真係覺得好好味！整體味道指數：😋😋😋😋/5性價比：💰💰💰💰/5環境：❤️❤️❤️❤️/5服務：✅✅✅✅/5
继续阅读
山東小城既墨魚餃相信大家都有所耳聞，但原來佢既擔擔麵都同樣出色。酸辣湯墨魚荸薺餃 - $65酸辣湯墨魚荸薺餃是一道精緻的開胃佳餚。湯底酸辣適中，湯色清亮，香氣撲鼻，讓人胃口大開。墨魚餃內餡飽滿，墨魚的鮮嫩與荸薺的清脆形成了絕妙的口感對比。每一口都是味覺的享受，酸辣的湯底完美襯托出餃子的鮮味，讓人難以忘懷。黑糖醋豬軟骨擔擔麵 - $58這道黑糖醋豬軟骨擔擔麵，將傳統與創新完美結合。豬軟骨經過慢燉，入口即化，黑糖醋的甜酸平衡得宜，為整道菜增添了獨特的風味。擔擔麵筋道爽滑，與醬汁融合，讓每一口都充滿了層次感。這道菜不僅滿足了味蕾，更是一場文化的碰撞。麻辣海蜇 - $40麻辣海蜇是一道令人驚艷的小菜。海蜇質地爽脆，麻辣醬汁濃郁，卻不掩蓋海蜇本身的鮮甜。這道菜在麻與辣之間找到了完美的平衡，既刺激味蕾，又不失清爽，是佐餐的絕佳選擇。涼拌木耳 - $32涼拌木耳是一道清新爽口的涼菜。木耳經過精心挑選，質地脆嫩，與爽口的醬汁相互融合。這道菜不僅在口感上讓人耳目一新，更是健康的選擇。它的清香與脆爽讓人食慾大增，是餐桌上的常青之選。自家製豆漿 - $10自家製豆漿，香濃醇厚，豆香四溢。這款豆漿保持了大豆的天然風味，沒有過多的糖分添加，入口溫潤。自家製山楂茶 - $10自家製山楂茶，酸甜適中。山楂的果香與茶的清香完美結合，飲後令人神清氣爽。
继续阅读
我同男友都好鍾意食水餃有次同佢講起旺角太子果頭有間上海鋪水餃幾好味就帶左男友嚟試因為晚餐唔算太餓，我地叫左少少野食🍽煎墨魚荢薺餃隻餃味道正常，我覺得同普通豬肉餃冇咩分別唔太特別🍽醉雞卷醉雞係凍食既，酒味係正常，唔會話勁濃但個雞肉冇咩脂肪，口感有dd 鞋口🍽京葱羊肉餡餅呢個勁好味! menu有寫要等20mins不過鋪頭食飯又冇時限，我地又唔趕時間既就吹住水咁等下😂份餡餅嚟到好吸引，佢地幫你切左一半咁上碟睇到件餡餅入面裝滿汁勁正😍入面d羊肉，調味好好食，冇"so"味塊餅皮外層食落仲有dd 脆口個餅熱辣辣咁食，外脆內juicy，真係好好味👍🏻
继续阅读