山城小麵 (T.O.P This is Our Place)

营业中

休息中

第一次光顧呢間餐廳, 之前都聽過其他人分享呢間餐廳唔錯, 今日就用左openrice外賣自取功能, 叫左一個 麻辣雞絲拌麵套餐, 隨餐可選一個小食 和甜品/飲品, 選了手拍青瓜 &紅糖冰粉, 五十幾蚊就有咁多嘢食都幾抵, 而且涼麵份量都非常多, 飯量正常的我食左一半涼麵已經夠曬飽 , 味道方便, 辣味揀左中辣 , 無譚仔嘅中辣咁辣, 而上面有花生同辣椒碎, 除左辣之外帶點咸香, 爆香過嘅辣椒增添一份香氣,  青瓜有陳醋浸住, 酸酸辣辣 , 這種天氣吃很適合,  非常開胃, 至於 冰粉因為太飽既關係已經食唔落, 放左係雪櫃

要掌握時間, 此地庫小小美食場, 是唔錯選擇.因為想食冰粉, 所以選擇了呢間.選了山城牛肉麵餐(中辣) 幼麵, 幼麵好食, 牛肉就普普通通.加$10選了麻辣手撕雞, 但普普通通, 冇驚喜.紅糖冰粉: 好味, 有些山楂餅點綴.會再來吃, 因為幼麵和紅糖冰粉想再食.

附近返工，同事推介話呢間都唔錯，所以去試一試。😎😎下午茶時段唔算多人另外，佢係喺Food Court 裏面嘅自己搵位就可以喇。佢有下午茶餐，不過唔啱食所以我揀咗一人餐試吓。我叫咗一碗紅燒肥腸米線，小辣另外小食揀咗蒜泥白肉加檸檬茶總共$69味道方面：個湯一般般，好淡味，肥腸都一般般，好瘦削反而蒜泥白肉，令我比較滿意分量足夠，雖然見到好似好多辣椒，但唔會好辣個汁酸酸地，好好味總括嚟講：4個字可以形容，就係不過不失🥸

呢間真係不得了😋濃濃嘅花生醬加上好好味嘅肉碎，仲有花生碎嘅足料湯底，（Bb辣人士）今次揀唔辣！估唔到唔辣都好食🤤🤤姐姐仲推薦我揀幼麵，湯底味道更加出😋呢間平民美食真心無敵推薦蒜泥白肉嘅辣椒油真係好出色👍又麻又香～仲可以自選辣度！豬肉少許騷味，可接受！-渝港擔擔麵餐$69(自選小食)-蒜泥白肉(附送飲品)-豆漿 +$2📍山城小麵 旺角彌敦道700號T.O.P. This is Our Place地庫3號舖

酸辣粉 刀削麵 手拍青瓜 抄手都好好味全部調味都好正 我唔食得辣 微辣啱啱好份量都好夠而家一個星期最少食一次外賣堂食一樣甘正冰粉甜品不過不失覺得香港人日常除左譚仔都可以試下呢間

T.O.P. 底層Food Court的食物選擇不算多, 但至少風類各有不同, 而且不是其他Food Court經常見到的”常客”, 除了碩果僅存的大力水手炸雞外, 這家山城小麵的辣香也吸引到我去試試. 山城也就是重慶的雅稱, 除了麻辣火鍋外, 她也有不少小食如麵食, 午餐的麵食份量不少, 還有小食提供, 作為Working Lunch相當飽肚.點的是擔擔麵湯底的刀削麵, 常常覺得厚寬麵掛湯能力更強, 這裏的麵口感厚實, 剛中帶柔, 煮得不錯, 湯底不如四川風的甜帶花生香, 　辣勁較強, 底味偏鹹, 肉末炒得夠香而出味, 略嫌沒有脂粒, 整體吃起來較硬靱. 蒜泥白肉的蒜泥量澎湃, 生蒜味就是很Love or Hate, 對我而言是前者, 也因如此, 腩肉肉質不夠腍就顯得不太重要.Shan Shing noodles is the noodles stall focused on Chongqing style noodles. The Dan Dan noodles are different from Sichuan one that are more spicy and salty

忙完出去搵下午茶食，行咗一陣決定落嚟TOP Food Court 睇吓。之前食過台灣嘢，覺得還可以，係油炸比較多，所以今次揀咗麵檔試吓。一開始係比佢餐牌個牛肉麵吸引，行去睇，見到下午茶包嘢飲又好似幾抵，於是就放棄咗牛肉麵揀咗「正宗酸辣粉」，要小辣。（講明先：係佢個名叫正宗，唔係我覺得佢正宗，我怕大家睇完標題會誤會🤣）哥哥服務幾好，同我講個粉好快，叫我拎咗餐具先，拎完等咗唔使半分鐘就有麵拎啦。拎住餐盤隔住口罩都聞到陣醋味。因為怕太辣，唔敢一下就撈勻啲辣椒，只係撈咗少少。一食，偏酸、無辣味，以為無撈勻辣椒，於是起勢撈勻佢，結果撈完只係無咁酸，都係無辣味，只有好輕嘅麻。可能我未去過重慶，未食過正宗，不過下次應該會叫大辣試下🥲定係哥哥見我個樣似唔食得辣，輕手咗呢？🤔不過有衣食嘅我都係食哂，唔好問我點解唔好食都食哂😂

係app 叫左兩碗外賣自取 一碗牛肉麵幼麵 一碗麻辣雞c涼拌兩碗都好好食 爸爸不嬲食好少野 食親都有淨今次難得開口讚仲食哂專登尼打個好評以後去旺角多個食嘢選擇 又唔多人 整得又快

而家要搵食都幾困難，去foodcourt不錯的選擇，去左旺角Top地庫食下午茶山城小麵03麻醬雞絲涼麵大大碗，佢並不是雞絲而是雞件份量都多，多青瓜絲，麻醬加埋醋撈勻全碗麵🍜好好食$38 連罐裝汽水/紙包飲品🥤🧃抵食糧尾搵食最岩

#旺角 #TOP #foodcourt 第二彈 #山城小麵 充滿大陸味，好味😋#蒜泥白肉 ，好多蒜，嗰啲辣椒油唔算辣，食嗰啲渣，勁有大陸辣椒油嘅咸香搶口❤味道: 8/10味精: 7/10價錢: 7/10環境: 7/10服務: 7/10#vinainmongkok #vinafood #sichuancuisine #sichuanfood #slicedporkwithgarlicsauce #foodporn #foodie #hkfoodie #f4follow #f4f #likesforlike #l4l #l4likes

作為在川渝地區呆了一段時間的人，這家“瘋狂小面”的味道十分正宗。據說老闆是重慶人，果然能把重慶的味道複現在了香港。青椒皮蛋爽彈黏牙，麻辣雞絲的辣油極正，擔擔麵和麻醬拌麵的醬底醇厚，麵條勁道有彈性，絕對值得一試。唯一需要注意一點就是口味可能偏辣，辣度較香港平均高出一節，點餐時需要適當調整。紅糖冰粉清涼爽口，亦可適當緩解辣度。此外本店員工服務態度很棒，晚餐高峰期都能在點餐後十五分鐘做好，為其美味加分。

本時行TOP麵唔知下面有個food court見有川菜試試佢～單人套餐$69包麵+小食+飲品，好大份麵好抵，兩個人食都得蒜泥白肉 🌟🌟顏色靚，味道夠蒜夠味，唔會太辣，有花生碎，好香，份量好多，起碼有7-8片，但肉片太厚又un，白肉唔夠薄係吸唔到味，浪費左D汁麻醬雞絲撈麵 🌟🌟🌟🌟份量又要一讚，好多雞絲、青瓜絲，麻醬我本身驚太少，叫呀姐再落，太貪心我後悔🥺太多麻醬痴住個口，好難咬，食左幾啖要放棄啦～呀姐態度好好，話落埋辣醬更加好味，的確

朋友話佢公司附近有間唔錯嘅酸辣粉，仲話餐廳嘅辣椒油係自製，味道唔錯之餘，辣度又唔會太辣啱晒鐘意食辣野，但又食唔到太辣嘅我。同朋友叫咗個二人餐，我哋叫咗渝港擔擔麵、正宗酸辣粉、蒜泥白肉、口水雞翼。食呢知渝港擔擔麵前，首先要撈一撈匀個湯先開始食，因為係麵下面有濃郁嘅醬汁，撈埋麵上面嘅肉碎同辣油，香辣濃郁嘅擔擔麵。而呢個我哋叫咗小辣嘅正宗酸辣粉，個湯夠酸，辣度又啱啱好，薯粉又吸味，正。蒜泥白肉啲白肉肥瘦均勻，配埋蒜泥同紅油醬汁，好夠惹味。而口水雞翼，雞翼切開一半，方便食用。

下雨天的日子，午餐想吃點酸酸辣辣來刺激一下神經，想起旺角T.O.P. food court的山城小麵，午市跟同事點了正宗酸辣粉套餐和愉港擔擔麵套餐，各配小食一客，食物份量超足，配上小食，吃得捧著肚皮。正宗酸辣粉選了紅薯粉，煙煙韌韌，配料有花生、脆豆、肉燥、生菜等，酸辣惹味，口感一流。淋上酸辣醬的手拍青瓜，爽口清新的青瓜綜合酸辣味道，辣得滋味。愉港擔擔麵可以自選辣到，亦可以走辣，湯底的芝麻醬算濃郁，配上豬肉碎、花生碎和蔥花，味道不俗。小食的麻辣手撕雞，一絲絲的雞肉拌勻秘製麻辣醬汁，一口吃下次後，口腔仍留著麻辣甘香。

去過重慶超鍾意食小麵🤤見到呢間“山城小麵”覺得幾親切😃睇評價都唔錯就決定試下～嗌咗招牌既燃情刀削麵，唔敢貿然挑戰辣度就揀最安全既微辣🤣又加咗一份麻辣手撕雞😋返到屋企因為長車程刀削麵果然已經變一大舊😂不過拌下拌下又可以完全分開根根分明，基本唔影響口感👍微辣的確唔算辣不過麵、炸醬、生菜加配料撈勻都好香口好好食，唔會覺得太鹹或太重口，但稍稍覺得油咗啲🤏麻辣手撕雞好足量😍我好努力食都淨三分一😂呢個辣度就一定超過微辣啦～雞絲嫩口唔鞋，有少量青瓜絲係入邊，撈勻食麻同辣平衡得幾好，亦唔會覺得油，食唔停口呀🤤麻辣手撕雞 7.5/9燃情刀削麵 7.0/9OVERALL 7.5/9啱啱好屋企仲有一舊阿信屋既台灣刀削麵，我用淨返啲手撕雞加上海青夜晚又食咗一餐🤣🤣